التقاعد الطبي

[شيخ القبيلة]

السلام عليكم
اخواني واخواتي الكرام
عندي استفسار انا انعرضت على اللجنة الطبية لتحديد مدى الصلاحية للعمل وكان فيه تقرير طبي مرفق مع كتاب جهة العمل وموضح في التقرير كل شي عن حالتي
وبعد كم يوم لما كلمت اللجنة قالو لي اللجنة تقول لازم نعرضك على التأهيل في رميلة لمعرفة المشاكل اللي عندك وبعدها بتقرر اللجنة!!!!!!!!
السؤال : هل يعتبر التقرير ماله قيمه اللي جاهم من الدكتور الاستشاري اللي اتابع عنده !!؟؟؟؟؟ وهو فيه كل شي عن حالتي
لانهم قالو لي لازم جذي عشان اللجنة تقدر تقرر !!!!!!
يعني المرمطه ليش وجايهم تقرير مفصل عن حالتي ومن دكتور استشاري معروف في حمد
وهذا اللي صار ومب عارف ايش اسوي معاهم

[ضوى]

لازم ولا بد ينعرض على التأهيل مع وجود تقرير الاستشاري

[شيخ القبيلة]

لازم ولا بد ينعرض على التأهيل مع وجود تقرير الاستشاري

اختي ايش الفرق ؟؟ وليش الا اذا ماعندهم ثقة من الاستشاري !!!! والله مابي اسيئ الظن باللجنة لان في ناس يقولون ان بعضهم يمشون حسب المزاج ولا حول ولاقوة الا بالله وحسبي الله هو نعم الوكيل

[شيخ القبيلة]

لو جايهم امر من فوق محد تكلم بس على الناس اللي ماعندهم واسطة يتفلسفون

[aloosh]

راجع الخاص

[شيخ القبيلة]

ياجماعة انا اللي اعرفه ان التاهيل هذا حق اللي كلش تعبانين شلل او ماشابه
وهم يقومون بتاهيل المرضى
فانا ايش علاقتي بهم وانا عندي تقرير من استشاري عظام

[القلب المؤمن]

مشكلتك ماعندك واسطة

[شيخ القبيلة]

هاللجنة والله كانها محكمة

[ناسداك]

كل واحد يخاف من المسالة القانونية فيرمي هذا العبء لغيره الله يساعدك

[شيخ القبيلة]

كل واحد يخاف من المسالة القانونية فيرمي هذا العبء لغيره الله يساعدك

انا اشعر والله اعلم ان اللجنة تناحس بعض الاستشاريين المعروفين في مستشفى حمد ومايمشون تقاريرهم والله اعلم

[hamoor4ever]

مايبي له كلام ماعندك واسطه ، عندنا بالدوام اللي عندهم واسطه والله مايداومون مع ان صحتهم مثل البمب مثل مايقولون

[شيخ القبيلة]

مايبي له كلام ماعندك واسطه ، عندنا بالدوام اللي عندهم واسطه والله مايداومون مع ان صحتهم مثل البمب مثل مايقولون

يعني شلون واسطة !! في اللجنة الطبية ؟؟
لان هم لجان ودكاترة وايد فشلون تكون الواسطة
من فوق ؟؟
وهل الدكتور اللي في اللجنة يقدر يقرر بروحه بدون مشاورة الاخرين اللي معاه
انا للحين مو فاهم شلون واسطة في اللجنة الطبية
الله المستعان

[شيخ القبيلة]

لا وازيدكم بعد
لما حولوني لمركز التاهيل قالو لي يمكن ياخذ فترة طويلة موضوعك لان اكثر من قسم لازم يفحصونك
وكل قسم ياخذ لهه من اسبوعين ثلاثة الى شهر !!!!!!!!!!
وعقب بنكتب التقرير
ويمكن مايكون لصالحي
والحل يعني حسبي الله هو نعم الوكيل يارب انت العالم بحالي

[ناسداك]

لا وازيدكم بعد
لما حولوني لمركز التاهيل قالو لي يمكن ياخذ فترة طويلة موضوعك لان اكثر من قسم لازم يفحصونك
وكل قسم ياخذ لهه من اسبوعين ثلاثة الى شهر !!!!!!!!!!
وعقب بنكتب التقرير
ويمكن مايكون لصالحي
والحل يعني حسبي الله هو نعم الوكيل يارب انت العالم بحالي

هو يقصد في اللي اللجنة الطبية الشخص او الدكتور يقدر يساعدك كلها شخطه و خلاص و عليكم السلام

[شيخ القبيلة]

نسيت اقول انهم اول شي ارسلوا مسج بطلب معلومات وبعدين قالو لي لا هاي مسج بالغلط !!!!!! قلت شلون جذي
وعقب طرشوا مسج ثاني انهم حولوني مركز التاهيل
فانا مب عارف يمكن هاي غلط قالو لا مب غلط .

[شيخ القبيلة]

هو يقصد في اللي اللجنة الطبية الشخص او الدكتور يقدر يساعدك كلها شخطه و خلاص و عليكم السلام

كلامك صحيح ..... بس من وين اجيب الواسطة

[بوخالد911]

الله يسهل عليك.

[شيخ القبيلة]

الله يسهل عليك.

آمين مع الشكر

[شيخ القبيلة]

لازم ولا بد ينعرض على التأهيل مع وجود تقرير الاستشاري

هالمركز والله قالو بياخذ له شهور يمكن والله مب عارف شسوي حسبي الله هو نعم الوكيل

[شيخ القبيلة]

لين اليوم وانا اعاني من هاللجنة
هل هناك حد يقدر يساعد ؟؟؟
لاحول ولاقوة الا بالله

[بنـ الدحيل ـت]

السلام عليكم ورحمة الله وبركاته

مرحبا بالجميع

شفاك الله اخي الكريم

التقاعد الطبي

هل الراتب بيكون مثل ما هو ..؟؟

[3mlatqtr]

لازم يطلع تقرير من الاستشاري بعدين تدخل على اللجنه و اللجنه تفحص عليك مره ثانيه للتاكيد ليش كل هالاجرائات ماعرف لاكن هاي الي يصير

و ما تشوف شر عزيزي