طلب مشورة بخصوص الإستثمار في السوق على الأوضاع الحالية

[bo7asan89]

السلام عليكم ورحمة الله وبركاته

ياجماعه انا ناوي استثمر في السوق وأبغي اعرف اذا الوقت مناسب حاليا ولا لا وابي اعرف تقييمكم للشركات اللي ناوي ادخل فيها وهي كالتالي :

1- وقود

2- بنك قطر الوطني

3- ملاحة

وشكرا لكم جميعا

[وسمي2016]

اجمل وقت للدخول الاسعار لاتصدق,,,,

خلك مع وقود وملاحه وابعد عن الاسهم الربويه
ايضا قطر الاول في نطاق الشراء,,,,,

ولازم ما تكون محتاج للسيوله اللي بتستثمرها خلال
ال 6 الى 12 شهر القادمه,,,,,,,,وبالتوفيق

[bo7asan89]

أشكرك اخوي الغالي ماقصرت ع النصايح والله يوفقنا جميع

ويمدحون الصناعات !؟

[وسمي2016]

أشكرك اخوي الغالي ماقصرت ع النصايح والله يوفقنا جميع

ويمدحون الصناعات !؟

العفو ولا شكر على واجب اخوي,,,,

صتاعات حللوه ايضا وبكل سهم من صتاعات تقدر تشتري
7 اسهم مسيعيد وهم نفس المجال,,,قارن بين المداخيل واحكم,,,,

المهم السوق هاليومين في حالة فتور,,,وفرصه اقتناء بعض
الاسهم الجيده بأسعار ممتازه قبل الاجازه الطويله,,,,,,,,

اذا كان المبلغ صغير "مليون ونازل" ركز على سهم واحد
اذا كنت تبي تضارب اما اذا مستثمر على المدى البعيد او المتوسط
ركز على اسهم العوائد,,,,,,,,,,وكل عام وانتم بخير وسلامه

[مضارب متعور]

انتظر السوق يعكس اتجاهه ثم ادخل
وانصحك فالاسهم الحلال عشان تحل البركة على فلوسك

[مضارب متعور]

الريان
بروة
فودافون
الدولي الاسلامي
المصرف

[الوسيط العقاري]

افضل الاسهم في الوقت الحالي

أشوفها

بروه و ودام الغذائية


موفق ..

[bo7asan89]

شكرا لكم ماقصرتوا

[محلل منطقي]

مع اني ماشجع الاسثمار ابدا فالوقت الحالي .. فهو وقت مضاربات مربحه وشرسه

ولكن اسهم العوائد هي ودام المصرف الدولي الريان بروه التحويليه الاسلاميه للتامين

وطبعا اخذ باقل الاسعار

[نمر بن عدوان]

انتظر اعلانات الربع الثالث بعد شهر وبعدها قرر.