جاتني رساله وابي نصيحتكم ،،

[حمد 2002]

السلام عليكم ورحمه الله وبركاته

هالسالفه فوق 4 سنين او اكثر تقريبا .. كان عندي رقم تلفون من اوريدوا الي هي كيوتل سابقا وماسددته والرقم انسحب ونسيت السالفه ومن يومها مب مسموح لي اطلع رقم من عندهم بس اطلع باسم احد من الاهل ولا الربع ولا الدريول ههه عادي المهم ،، من كمن يوم جاتني رساله انه لازم اسدد المبلغ لعدم اتخاذ اجراءات قانونيه ضدي مع العلم بان المبلغ اقل من 700 ريال . بس انا مناحس مابي اسدده ، واتصلت على الرقم الموجود بالرساله وقالولي الافضل اتسدده لانه بطاقتك عليها بلاك ليست تقريبا ..

المهم تنصحوني اسدده ولا اتم مناحس واطنش وماسدد ،، لاني محتار ومتردد ..


تحياتي ..

[naklan]

انصحك تتم مناحس لين يسحبونك الشرطة وباكفلك
انا او ولدالعرب ولا تدفع اهم شي انك تفوز عليهم وما تسدد
لهم فلس احمر وتنام وانت مرتاح ما حد لعب عليك

[لبيبة]

وعليكم السلام ورحمة الله وبركاته،

انصحك تسدد، لا تخلي حق لحد في ذمتك بعدين الله يسألك عنه.

تنام مظلوم ولا تنام ظالم.

[الســـهم]

السلام عليكم ورحمة الله وبركاته ..

بسبب هالمبلغ البسيط راح تنطلب للمحكمة، وعدم حضورك للجلسات راح يعرضك لمنع السفر ..

وفوق هذا جهلك بالقوانين راح يجبرك تعين محامي بمبلغ وقدره، واذا طلع الحكم لهم راح تدفع تعويض عن قيمة المحاماه وتعويض عن المماطلة ..

نصيحة اخو، مر عليهم وادفعها وعساها دفعة بلا عنك وعن أهلك ..

[بوحارب]

كم رقمك انا بسددها عنك يالقحي

للعلم عادي يحطون عليك منع سفر بسبب هالمبلغ

[Charisma]

تفاهم مع اوريدو يلغون المبلغ اذا تشوف ان الحق معاك ، وان ارفضوا وماقتنعت تواصل مع حماية المستهلك، واذا مانفعوك وللحين مناحس .. اقعد فالبيت ولاتسافر.:yes:

[وحيد-الشوق]

كم رقمك انا بسددها عنك يالقحي

للعلم عادي يحطون عليك منع سفر بسبب هالمبلغ

ههههههههههههههههههههههههههه الله يقطع ابليسك ضحكتني يابوحارب

[MAZEN37]

يا سلام
اعتراف انك تاكل حقوق الناس
كيف ترقدون بالليل
واكيد بتضحي السنه
تناقض عجيب

[CH Engineer]

لا منع سفر ولا شي لاتدفع خلهم يولون يعتبرونها خساير تشغيل
انا حولوا لي رقم هلا لفاتوره وتسكر وتم يحسبون ايجار شهري عالرقم "نظام قديم" لمدة سنة
رحت لهم اشوف شالسالفه قالي الموظف انه مغلط،،،،، وبما اني كنت ابي أبيعه دفعت المبلغ الي المفروض ما ادفعه

وقعني الموظف على اوراق عشان يصحح غلطته و وافقت وبعت الرقم
بعد كم شهر رحت احول رقمي فاتوره ارفضوا لان علي فاتوره على رقم مب باسمي ،، نفسه الي بعته ههههه

بعد كم سنه شيكت يقولون ماعليك فاتوره!! ومادفعتها
اهم شي حولت فودافون وحولته فاتوره لان اوريدو حراميه ماتغيروا

[غرايبية]

السلام عليكم ورحمه الله وبركاته

هالسالفه فوق 4 سنين او اكثر تقريبا .. كان عندي رقم تلفون من اوريدوا الي هي كيوتل سابقا وماسددته والرقم انسحب ونسيت السالفه ومن يومها مب مسموح لي اطلع رقم من عندهم بس اطلع باسم احد من الاهل ولا الربع ولا الدريول ههه عادي المهم ،، من كمن يوم جاتني رساله انه لازم اسدد المبلغ لعدم اتخاذ اجراءات قانونيه ضدي مع العلم بان المبلغ اقل من 700 ريال . بس انا مناحس مابي اسدده ، واتصلت على الرقم الموجود بالرساله وقالولي الافضل اتسدده لانه بطاقتك عليها بلاك ليست تقريبا ..

المهم تنصحوني اسدده ولا اتم مناحس واطنش وماسدد ،، لاني محتار ومتردد ..


تحياتي ..
اخي انصحك ان تتصل عليهم و تفهم مع العلم انني اعرف شخص يشتغل هناك يقول منذ تولي شخص مصري يحمل الجنسية الامريكية على التسيير صاروا يسرقون سرقة مقننة
لكن لازم عليك تسأل احسن
تقبل مروري

[مضارب دوسري]

سدد وريح راسك

ما يسوى عليك عوار الراس

[aloosh]

والله مدري شلي يخليك تفتخر انك ما سددت وطلع ارقام باسم ناس ثانيه
وبعدين هذا شان يخصك اشدخل العالم فيه او تبها انك مناحس
العقل نعمه

[حمد 2002]

برد عليكم جميعا رد رد فرد فرد ..

شكرا للكل من كل أعماق قلبي ..

[Riku3]

من سنة طرشولي نفس هالرسالة باسم شركة مغلقه من اكثر من سنتين .. كان المبلغ حول 850 .. بعد اتصالات وزيارة لهم بالادلة لفرع المطار ان الرقم كان باسم شخص ثاني بتاريخ الفاتورة .. وعدوني ان ماعلي شي خلاص ..

وتفاجأت من شهرين جاني مسج بمبلغ 100 وشوي على نفس الرقم .. اتصلت لهم وتم الموظف يبرر انها استخدام لفترة قبل القطع .. مع اني ما اقتنعت لانهم دفعوني الفاتورة كامله قبل القطع .. بس ما ودي اعور راسي فدفعتها ..

وهالشهر دخلت الابلكيشن الا احصل فاتورة على خط حولته هلا الشهر الي فات بقيمة ................. ريال وستين درهم .................... شلون انا ما ادري .

[امـ حمد]

وعليكم السلام ورحمة الله وبركاته،

انصحك تسدد، لا تخلي حق لحد في ذمتك بعدين الله يسألك عنه.

تنام مظلوم ولا تنام ظالم.
كلام صحيح لاتخلي حق لحد في ذمتك بعدين يأخذ حقه منك امام الله في الآخرة يوم الحساب

[النهار]

ادفع يالقحي ترى بيحطونك في البلاك لست لو ارفعوا عليك قضيه بتروح في خرايطها
بتدفع 10 اضعاف المبلغ يمكن اكثر منع من السفر ووووو ههههههههههههههههه
ادفع وانت ساكت :waiting:

[Qt.1]

بصراحه علامة استفهام كبيره على الموضوع بكبره , تسوى عليك اطلع ارقام بأسامي ناس غيرك بسبة 700 ريال !!

[هيليوم]

دام انك عارف ان لهم فلوس عندك روح ادفع وريح راسك ، واحد اعرفه قبل فترة جاته رسالة بمبلغ مشابه وراح لهم وعرف السبب فاتورة قديمة من فوق الخمس طعش سنة دفعها وريح نفسه

[بوخالد911]

سدد
هذا يعتبر دين عليك.

[kuwari]

سدد احسن من روحتك للمحكمة واتسجل عليك قضية