طفح الكيل مليت

[الشريف90]

طفح الكيل خلاص مليت الى متى تبقى الاسعار العقارات مرتفعه الى اني ما اقدر اشتري فله لي و لعائلتي حتى لو كانت صغيره بس مب صغيره الى درجه ان مافيها صاله و الغرف تقول انك قاعد في علبه تونه وكل فله تنسيقها اي كلام التشطيب يكتبلك في الاعلان سوبر ديلوكس ولكن تنصدم لم تشوف الفله انها العكس (تجاري بحت) و السعر مبالغ فيه حلاص مليت من كثر ما اشوف فلل عايش مع الوالد اكثر من 5 سنوات
صارت مشاكل بين زوجتي و اهلي و السبه ان ما في اي خصوصه الواحد يبي يرتاح في بيت مستقر يربي عياله من غير اي ازعاج من الاهل
و المشكله الاكبر اني من مفئه قرض بدون ارض حد يقولي شنو الحل شنو اسوي حتى الدلالين صاروا يتكبرون علينا و مايردون عليك ولا على اتصلاتك خفوا علينا يا اصحاب العقارات سهلوا علينا شوي انا ما احسد اي صحاب العقار الله يزيدكم و يبارك لكم

[mr. abdulla]

اخوي في فلل تصلح في حدود المليونين و سبعمئة الى ثلاثة مليون و مئة.. خذ قرض الدولة و زيد عليهم قرض من البنك و توكل على الله .. الفلل موجودة في الوكير و الخيسة و الخور... فلل البندري

[وسمي2016]

ما تستاهل اخوي,,,قول شقد ميزانيتك في الشراء والمساحه والموقع المطلوب

وانا تمر علي اوقات فرص ممتازه وبخليك فالبال وان شاء الله تبشر بالسعد

وان شاء الله ماتشوفون شر جميعا,,,,,,,,,,,عندك خيار الخاص او العام

ممكن الاعضاء الاخرين ايضا يساعدون في توفير الفرص والان انا
أشوف الاسعار نزلت حوالي 20% عن مثل هذا الوقت قبل سنه تقريبا

وبالتوفيق على كل حال اخوي

[لطيف الروح]

الله يساعدك ويسهل عليك

[..عاشق قطر..]

اشكرك ياصاحب الموضوع انك قلت الي بقلبي بعد ،، انا من فئة قرض بدون ارض
ولا حصلت فيلا تناسب ميزانيتي حتى من البنك الزياده مبلغ بسيط

والاراض تصرف حق ناس وناس !!! الله كريم بس

[معماري قطري]

هذي مشكلة اللي بيبني واللي بيشتري والله يعين الجميع

الغلاء يزيد والجودة تنخفض وعلى جهات الدولة واجب كبير في ترتيب العملية ووضع قوانين صارمة وقوية .. وإذا معدل الشراء والبناء واحد وهو 3 ملايين تقريباً لازم يزيد القرض لهذا المبلغ وحكومتنا ما تقصر .. يزيد بس مع ضبط الأسعار والجودة

كذلك قوانين التطوير العمراني والتخطيط هي هي ما تتغير والمفروض لكل منطقة قوانين معينة وتتعدل كلها في العموم لتخدم الجميع وللاستفادة القصوى من الأرض والخدمات

كتبت في هذا الموضوع مرات ومرات

عندنا بروة مطور عمراني وشركة مساهمة ما نشوف لها دور في تطوير مناطق معينة للبيع مخصصة للقطريين .. وإزدان وغيرهم أعتقد كم مطور وبعضهم يبنون بدرجة عالية من الجودة ونتمنى نشوف لهم مشاريع تخدم المواطن وتخدم كل فئات المجتمع

[معماري قطري]

لصاحب الموضوع نصيحتي لا يستصغر الغرف والبيوت ويدور شيء مناسب وبنيانه جيد وسعره معقول

أذكر شخص كان ابوه يملك أراضي كبيرة وكثيرة اضطر لبيعها برخيص وهو اضطر لشراء بيت صغير بقرض بنكي .. شفت بيته أول ما شراه واضطر للشراء بعد وفاة ابوه وخسارته مبالغ كبيرة وكنت اشوف البيت اللي شراه ما يسوى وغالي وايد وقتها .. وكان بيته بحدود 750000 .. وشخص ثاني بيته بحدود 400 ألف وعائلته كبيرة واستغربت من شراءه لهذا البيت التجاري واللي كنت بعد اشوفه ما يسوى .. وشخص ثالث شرى بيت بعدهم بكم سنة بعد ما ارتفعت الأسعار بمبلغ مليونين وشوي .. لكن كان بيت يسوى وواسع وحوشه واسع

الثلاث أشخاص الله بارك لهم في بيوتهم والبنيان التجاري مهما يكون لازم له اضافات وتعديلات وكل واحد أجرى بعض التعديلات بس حالياً أقل بيت يسوى 4 ملايين من عشر هذا المبلغ وأوسطهم عاش فيه صديقي مرتاح وللحين عايش فيه وبعد ما سكنه مريت عليه كم مرة وكل مرة يحلو البيت في عيني وأكيد في عين صاحبه .. بعد الزراعة والانتماء للمكان يستوي البيت مهما كان صغير قيمته كبيرة في قلب ساكنيه .. وهذي البيوت حتى الرصيف أصحابها زرعوه قدامها

كانت عندي الامكانية للشراء الاستثماري ولا شريت وكانت غلطة كبيرة .. أحد البيوت كان معروض ب 2.2 مليون عام 2002 تقريباً ووصل سرعة قبل ليكتمل تشطيبه الى 36 مليون سنة 2006 وقت الأسياد

[مضارب دوسري]

لا تيأس اخوي حط لك حلول

حتى لو يكون احد هالحلول انك تشتري في رويس فيلا
او ارض عالبنك وتبني عن طريق بنك التنميه

ارض فالشمال واسعه اخير من ارض فالدوحه صغيييره

[ملك المشاعر]

اغلب فئه قرض بدون أرض استلموا أراضي وان شاء الله تستلم

[..عاشق قطر..]

اغلب فئه قرض بدون أرض استلموا أراضي وان شاء الله تستلم


شلون ؟!

[nooora]

الله يعينك ويعين الجميع خليني ساكته عشان ما اخذ باند.

[بوجبر]

فعلا طفح الكيل...بس لاتلوم ملاك العقارات لأن تكاليف البناء مرتفعة

[ameeer3]

فعلا طفح الكيل...بس لاتلوم ملاك العقارات لأن تكاليف البناء مرتفعة

وكل ماله تكاليف البناء في ارتفاع متزايد ومش طبيعي ... وين السببب ما ادري !!!!!!!!!!!!!!!!

[بوجبر]

وكل ماله تكاليف البناء في ارتفاع متزايد ومش طبيعي ... وين السببب ما ادري !!!!!!!!!!!!!!!!

الأسباب

ارتفااااع الاجارات...ارتفاع تكلفة الاستيراد...ارتفاع اجرة الايدي العاملة... الخ

[ameeer3]

الأسباب

ارتفااااع الاجارات...ارتفاع تكلفة الاستيراد...ارتفاع اجرة الايدي العاملة... الخ

وليش ارتفاع الاجارات وليش ارتفاع تكلفة الاستيراد وليش ارتفاع اجرة الايدي العامله ...

مقااااااااااارنه بالدول المجاوره والدول ذات المستوى الاقتصادي العالي ما عندهم ها الارتفاعات ... اشمعنا في قطر بس (!!!!!!!!!!!!!!!!!!!!!!!!!!!!!!!!!!!)

[ameeer3]

الصراحة الوضع يحتااااج اعادة النظر فيه من الحكومه

.. اهل البلاد متضررين بشكل كبير وما ينسكت عنه ..

[بوخالد911]

أشوف ان الدلالوة العرب اللي خربوا السوق
وخاصة اللي عندهم الكذب يسري بدمهم
أعوذ بالله منهم.

[..عاشق قطر..]

وليش ارتفاع الاجارات وليش ارتفاع تكلفة الاستيراد وليش ارتفاع اجرة الايدي العامله ...

مقااااااااااارنه بالدول المجاوره والدول ذات المستوى الاقتصادي العالي ما عندهم ها الارتفاعات ... اشمعنا في قطر بس (!!!!!!!!!!!!!!!!!!!!!!!!!!!!!!!!!!!)

:thumbup1:

[بوجبر]

وليش ارتفاع الاجارات وليش ارتفاع تكلفة الاستيراد وليش ارتفاع اجرة الايدي العامله ...

مقااااااااااارنه بالدول المجاوره والدول ذات المستوى الاقتصادي العالي ما عندهم ها الارتفاعات ... اشمعنا في قطر بس (!!!!!!!!!!!!!!!!!!!!!!!!!!!!!!!!!!!)

كلامك منطقي...لكن أللي ذكرتة أنا هو الواقع

[Gentleman]

اغلب فئه قرض بدون أرض استلموا أراضي وان شاء الله تستلم

غير صحيح. أنا منتظر من سنة 2000 (17 سنة) وما في خبر إلى الآن، ومعاي وايد شباب على نفس الوضع، ولا حد فيهم حصّل أرض.

[بن يوسف الثقفي]

الصبر زين

[شموخ دائم]

,

,


مرحبا


اسهل الحلول الان ان البنوك تمول شراء المنازل والأراضي والفلل بالطريقه الامريكيه
قروض طويله الاجل وبدفعه مقدمه سهله وميسره ما تتجاوز 5% من قيمه العقار
بضمان الراتب وشريكه ( الزوجه ) او أي شريك اخر
لان المده طويله اذا توقف راتب واحد لاي سبب من الأسباب الراتب الثاني يحل مكانه

وهذه الطريقه موجوده بأكثر دول العالم

,

,

[نمر بن عدوان]

انتظر مع انتهاء مشاريع كاس العالم اتوقع خلال سنه بتحصل فلل بقيمة 1.500 مليون وممكن اقل وفي اماكن قريب الدوحه

[معماري قطري]

انتظر مع انتهاء مشاريع كاس العالم اتوقع خلال سنه بتحصل فلل بقيمة 1.500 مليون وممكن اقل وفي اماكن قريب الدوحه

انا منتظر هذي الفترة حتى ابني بإذن الله

[معماري قطري]

,

,


مرحبا


اسهل الحلول الان ان البنوك تمول شراء المنازل والأراضي والفلل بالطريقه الامريكيه
قروض طويله الاجل وبدفعه مقدمه سهله وميسره ما تتجاوز 5% من قيمه العقار
بضمان الراتب وشريكه ( الزوجه ) او أي شريك اخر
لان المده طويله اذا توقف راتب واحد لاي سبب من الأسباب الراتب الثاني يحل مكانه

وهذه الطريقه موجوده بأكثر دول العالم

,

,

rent to own

طريقة رخيصة ومقاربة للأجار بس هناك الاجراءات سهلة والقوانين واضحة والنسبة ما تتغير عندنا نحتاج تسهيلات