استفسار عن شركة مناقصات

[بوجاسم_قطر]

السلام عليكم
حبيت استفسر عن شركة مناقصات اذا حد تعامل معاهم وشلون كانت تجربته معاهم.
شركة مناقصات شغلهم هم ك Project Managmnet

تودي لهم الخرايط ويسون لك مناقصه ويجيبون لك كذا سعر. طبعا هم ياخذون فائدتهم من المقاول
بس تقدر تتاكد من السعر الي جابوه لك انك تعرضه مقاول وتشوف سعر مناقصات هل هو منطقي او مبالغ فيه.
الحلو في موضوع مناقصات انه يعطونك ضمان بشيك باسمك بعد الانتهاء من المشروع بمدة 400 يوم.
انا اشوف مناقصات زينه حق الي مثلي عليمي في ذي المجال وعمره مابنى.

[معماري قطري]

عليكم السلام ورحمة الله وبركاته

لو شغلهم مهني متكامل ويحددون معاك العقد بوضوح ويدققون الخرائط وتناسقها مع بعض وعندهم معلومات موثوقة عن الشركات اللي تشتغل لهم أكيد بيكونون اضافة نوعية للسوق

بالنسبة للشيك أكيد فيه عليه اشتراطات ولا تقدر تسحبه وحتى لو حاولت تسحبه كثير يعملونها ويكون الحساب ما فيه كفاية .. الأفضل تحط في عقدك بند قيمة الضمان اللي لازم تحتفظ بها لفترة الصيانة .. هذي القيمة لنفترض عقدك مع المقاول بحدود 3 مليون ممكن تحددها بنسبة 5% باجمالي 150 ألف ريال وتاخذها كنسبة من كل دفعة

ولو يديرون المشروع بنظام حساب الكميات والكميات المنجزة بتكون دفعة كل مرحلة غير .. مثال الأساسات ممكن تكون 12% تطلع لك دفعتها 360 ألف كمثال وصحيح مبالغ فيه أو ممكن تكون 4% وتطلع 120 ألف واقعية أكثر .. هذي ال 120 ألف تخصم منها 6000 ريال نسبة ال 5% اللي لدفعة الضمان ومع كل دفعة مستحقة تخصم 5% وفي نهاية البنيان تكون جمعت 150 ألف ريال .. وممكن تخلي الدفعة للضمان 10% بس 5% مبلغ معقول ولا أظن شيء بيخرب يكلف هالمبلغ خصوصاً بوجود اشراف مختص

شوف موضوع العقود شارح فيه الدفعة المقدمة + دفعة الضمان وكيف ينخصمون من كل دفعة مستحقة

[بوجاسم_قطر]

ياهلا فيك اخوي معماري قطر، وتسلم على التعليق
كلامك سليم بخصوص مبلغ الضمان لازم يكون في العقد، وان شاءالله راح اشوف موضوع العقود..
اما بخصوص مناقصات، ألي ذكروه لي ايضا انه لاسمح الله في حالة الخلاف والغلط من المقاول، مناقصات تبدل لك المقاول وهم يتحاكمون نيابة عنك مع المقاول القديم.. يعني خلاص مالك شغل فيه
ايضا مناقصات يصممون البيت، والخريطة ايضا راح تطلع عليك بلاش طالما راح تبني عن طريقهم بالتالي هم يطلعون ربحهم من المقاول الي راح تقع عليه المناقصة
بس انا فضلت اني اروح مكتب استشاري لاني ابي الي يصمم الخريطه هو نفسه يشرف عليها.
بشكل عام اشوفها مفيده خصوصا حق الي يبني اول مرة.

[معماري قطري]

إخوي بو جاسم إحنا عندنا عقدة أول مرة والمفروض هذا واجب جهات الدولة المختصة إنها تحدد قوانين بناء صارمة .. وتحدد تعديلات كثيرة على قوانين البناء والتخطيط العمراني حتى يسهل كل شيء

في أمريكا يستعملون نماذج بناء بعدد كبير بالآلاف .. والمواصفات مجلدات كبيرة بس يرمزون لها برموز قليلة للتسهيل في العقد لكن موجودة هذي المواصفة وكل واحد يعرفها وممكن يطلع عليها بسهولة .. تطلب الخارطة اللي تناسبك بعد دراسة هذي النماذج وحتى التعديلات عليها مذكورة .. وحسب بلديتك يعدلون عليها أو يحطون قوانين مكتوبة يتبعها المقاول والاشراف عندهم من الحكومة ولو حصل تجاوز تستوي للمقاول ورطة كبيرة .. شغلهم قانوني 100% ومتعاونه فيه كل الدوائر .. فما تحصل في سوقهم قطعة كهربائية بمواصفات أقل أو بمواصفات غير صالحة ولا تحصل حد يشتغل شغلة ما هو بمختص فيها

الخرائط تجيك جاهزة مع العقود كاملة بحدود 500 دولار وبنيانهم راقي ويتحمل عمر طويل 100 سنة وفوق وتكلفته ولا شيء مقارنة بأسعارنا

[بوجاسم_قطر]

اتفق معاك اخوي معماري قطر
بس للاسف ماعندنا ذي الشي..

[السهم السريع]

السلام عليكم ورحمة الله وبركاته
بخصوص شركة مناقصات وما تم طرحه من نقاش بين الاخوان جزاكم الله خير .بس التاريخ قديم ممكن اذا حد تعامل معاهم من قريب يفيدنا لاني ابغي ابني عن طريقهم وابغي النصيحة الله يحزاكم خير

[معماري قطري]

نصيحتي شوف استشاري مهندس فاهم ويا ليت يكون معماري لخبرته في تنسيق المخططات وباقي التخصصات الهندسية مع بعض والعقد .. الاستشارة أتوقع أي مكتب يقدر يسويها لك كدراسة لمرة واحدة بمبلغ بسيط وينصحك بأي اضافات أو تعديلات

لأن عقدك يكون مع مطور وهو يتعاقد عقود خاصة مع المصمم ومع المقاول وهو عليه الادارة .. ضروري يكون من عندك طرف محايد له خبرة في التقاعد ويقدر حتى يسوي اجتماع أو يحضر اجتماع بينك وبينهم لتخليص العقد وأي غموض فيه .. كثير مطورين غير موجودين بس ما ادري ليش ما يبنون خاص مثل البندري والمتحدة ومزايا وغيرهم كثيرين أتمنى يدخلون هالمجال وتكون له قوانين ومتابعة من الدولة وتدقيق وتوثيق للعقود

[معماري قطري]

لو انا بانحط في موقف اني بابني مستحيل اتعامل مع مطور بدون محددات واضحة

اختصار للطريق بشوف استشاري جيد وبتابع معاه في التصميم ثم المناقصة ثم الاشراف لحد انتهاء فترة الصيانة 400 يوم .. المراحل ذي شارحها بوضوح في موضوع العقود المثبت فوق .. صحيح يتطلب مجهود ووقت بس الشغل يتم على أُصول هندسية صحيحة

أحد الإخوان كان يتعامل مع مطور كبير ( الإجارة ) وكثير كانوا يتعاملون معاها وبقوا فترة طويلة مجبورين حسب عقد بيع الأراضي لجبل ثعيلب وبعض مناطق الاجارة .. الشركة كانت مب قد الشغلة هندسياً وادارياً واضطرت تخلي كل واحد يصمم بنفسه ببعض المحددات التطويرية اللي حددوها وتراخوا فيها بعد بسبب ضغوط واحتياجات الملاك .. إستوت السالفة مجبوس دياي مثل ما قال الشاعر اللي انتوا خابرين وسنين ما بدوا الملاك البنيان .. الطريق المختصر استوى وعر وطويل ومزعج والله يعين اللي شروا أراضي وللحين ما خلص بنيانهم

[QaTaR_OnE]

وعليكم السلام ورحمة الله وبركاته

بعض من تجارب الاصدقاء مانصحوا بالتعامل معاهم

واذا قررت الانسحاب بعد اكمالك تجهيز الخرائط من عندهم تدفع نسبة 2% من قيمة المشروع بالكامل حسب تقديرهم
حسب آخر موقف صار مع احد الاصدقاء دفع مبلغ حوالي 52 ألف.

وفي الأخير بيطلعون ربحهم من المقاول اللي هو بينقص في نوع المواد علشان يطلع الربح اللي بيعطيه شركة مناقصات

[معماري قطري]

من فترة جاني ولدي مغتر بعرضهم وبيسوون الشغل له ببلاش قلت له اغرب عن وجهي وابتعد عن مثل هذي العروض .. اشتغلت له على تصميم مناسب وباقي احوله مع تصميم بيتي لإستشاري لإكمال باقي التخصصات ونبدأ البنيان إن شاء الله بعد 2022 تكون اكتملت خدمات منطقتنا .. ألحين يسوون شارع رئيسي جدام أرضي وحديقة للمشي مع الصرف الصحي

[معماري قطري]

ياهلا فيك اخوي معماري قطر، وتسلم على التعليق
كلامك سليم بخصوص مبلغ الضمان لازم يكون في العقد، وان شاءالله راح اشوف موضوع العقود..
اما بخصوص مناقصات، ألي ذكروه لي ايضا انه لاسمح الله في حالة الخلاف والغلط من المقاول، مناقصات تبدل لك المقاول وهم يتحاكمون نيابة عنك مع المقاول القديم.. يعني خلاص مالك شغل فيه
ايضا مناقصات يصممون البيت، والخريطة ايضا راح تطلع عليك بلاش طالما راح تبني عن طريقهم بالتالي هم يطلعون ربحهم من المقاول الي راح تقع عليه المناقصة
بس انا فضلت اني اروح مكتب استشاري لاني ابي الي يصمم الخريطه هو نفسه يشرف عليها.
بشكل عام اشوفها مفيده خصوصا حق الي يبني اول مرة.

ياليت تقول لنا تجربتك بعد 3 سنين شصار معاك .. كثيرين يقدمون على موضوع ولا نعرف نتيجته وحيثياته حتى نستفيد

[ALJokar]

أتوقع اغلب الشركات لمقاولات الي ممكن غير معروفة او صغيرة او متوسطة نوعا ما وبعد ممكن غير معروفة
تكون مشتركة مع مناقصات لكن ترفع سعر المناقصة من 5% 20% -+ ع حسب المناقصة
بحيث الكل مستفيد شركة الي اهي مناقصات وهي ماخذة حقها الي اهي المقاولات.
هذا بعتقادي عن الشركة هذي للعلم اذا وقعت معاهم انت ملزم انك لو كنسلت لاي سبب سواء اشتغلوا لك او ما اشتغلو راح تدفع مبلغ معين لمناقصات من ضمن القوانين.

فالافضل انك تروح بنفسك وتسوي شغلك صح فيها عبالة لكن الزيادة انت اولى بها عن غيرك لانها راح يدفعونك اياها من غير ماتحس ع المبلغ وهذا الله أعلم.
وممكن انت تسأل عنها زيادة.
ممكن الحسنة الموجودة الي لاحضتها ان لو صار مشكلة مع المقاول وقف مشروعك يتحول لشركة اخرى تروح لمناقصة ثانية وتكمل هذا حسب فهمي البسيط ولها اتوقع شروط كذلك.

[السهم السريع]

جزاكم الله خير
يعني اطلع من عندهم افضل

[معماري قطري]

جزاكم الله خير
يعني اطلع من عندهم افضل

القرار لك ولو وقعت ما تقدر تطلع الا لازم تدفع لو ما وقعت أي استشاري يسوي لك خدماتهم ومناقصة كجزء من شغله .. مناقصة الاستشاري تختلف بأنه يدفع شركات المقاولات قيمة طباعة الورق أو السيديات وهي تافهة عند الكثيرين

عمري ما بنيت الا وتابعت وحللت المناقصة مع استشاري واخترت المناسب مب شرط الأقل .. بنيت وايد لي ولهلي ولأقاربي تجاري وشخصي وأفضل هذي الطريقة وشارح كل شيء في موضوع العقود ولا ودي استرسل أكثر

لا تغترون باستشاريين الشنطة ولا مقاولين الشنطة .. شوفوا دوم اللي له مقر وموظفين وكيان موجود وترخيص ساري والأهم تقييم من ناس جربوا الشغل ونشوف له مشاريع تستوي .. الاستشاري اللي يقول لك ما اسوي تقارير اسبوعية ولا اصور وارسل لك شصاير بالتلفون هذا نصاب ولا منه فايدة وكل شغله يوقع ويتابع من المكتب .. المقاول اللي ما عنده مقر وادارة ومكان تجتمع فيه وتقرر وتناقش بعد نفس الشيء ولازم كل شيء مكتوب وموقع ومختوم

[معماري قطري]

ما ابي اقطع رزق حد ولا جربت الشركة ذي بس من اللي عرفته شغل العمولات والنسب ورطة ومن اللي عرفته من البعض إنهم تعبوا مع الشركة أثناء التصميم

بعض المطورين مثل بروة عندهم نماذج تقدرون تشوفونها على الطبيعة بس عيبهم ما يبنون للخاص ويبنون لهم

[Azizuk]

موضوع النسب هذا موجود مع جميع الشركات الا الشركات اللي تملك شغل السباكة والكهرباء ويورد سيراميك و بورسلين ومواد

انا يوم جيت ابني قلت للمقاول شطب لي البيت تسليم مفتاح قال لي مانصحك لان التكلفة راح تزيد عليك راح اخذ منك عمولة 30% بس انت هذا الشركات اللي تنعامل معها واتفق معاهم افضل لك

ويوم سألت المهندس اللي كان يشرف على بيتي ليش تاخذون فايده قال مش احنا اللي راح نشرف على شغله ونتابع ونتواصل مع الشركات لازم ناخذ نسبة

اشوف نسبة 30% مبالغ فيها قال كل الشركات تاخذ نسبة

على سبيل المثال اذا التشطيب يكلف مليون المقاول ماخذ 300 الف ريال

يعني ممكن يطلع للمقاول شغل تشطيب البيت اغلى من قيمة العظم

عااااد كلامه صاج ان كل الشركات تاخذ هذي النسبة او يبي يشردني

على كلامه هو ياخذ تسليم مفتاح مجمعات سكنية وعمارات

والهدف ان المجمع السكني والعمارة مايتلعوز مع البنيان حجم مقاس الشبابيك مع الابواب واحد المواد المستخدمة لجميع الفلل نفس الشي الصبغ التشطيب بشكل عام بالنسبة له أسهل واسرع

عكس البيت الخاص هذا غير وتعال اختار وكسر وعدل والا هذا بنغيره شوي الا المالك مسافر انتظر لين يرجع عشان يروح يختار تعال كسر وعدل

كلامه صحيح ان المجمع والعمارة طقه وحده ومايتاخر في تسليم المشروع وربح اكثر

المهندس يقول في مشروع فيلا خاصه بعد ماصبو السقف البيت جات راعيت البيت وتبي تغير تركب مكيفات سنترال وطلبت ان نهد السقف بالكامل ونرفع السقف طيب يقول هد السقف وشيل المخلفات على من

مشكلة الفلل الخاصه ان المالك مايحسب قيمة التكسير والتعديل

لان لما تكسر تحتاج عامل وتحتاج شيل المخلفات وإعادة بناء وكل هذا المقاول يحطها على ظهرك

حتى المواد المستخدمة من مسمامير وقفازات وشبك حديد ومعظم المواد المستخدمة محسوبه عليك

انا يوم بناء عندي خله مواد وايد في البيت من قفازات مسامير مطارق وكيس نايلون وايد مواد خلها ورحت جمعته واشتكيت على العمال وجبت المقاول وصاحب الشركة قلت له شوف حجم الاهمال بعدين شرح لي قال هذي كلها كانت محسوبه عليك من جذي احنا نحطها على المالك ومانضيع وقتنا بعد مانخلص نجمعها

عاد انا ماعندي سالفه رجعت الاغراض عليهم قال شغل الشركات الكبار جذي في حاجة اسمها هدر مانفكر ونعور راسنا فيها


قدام بيتي جاري يبني واشوف في الوحة مكتوب مناقصات وشركة منفلوطي للمقاولات وشغلهم اشوفه ممتاز من قبل رمضان بشهر بداء العمل والحين بيصبون سقف الدور الارضي وصف الطابوق وعتبات الشبابيك والابواب معموله صب خرسانة اشوف شغلهم ممتاز

[معماري قطري]

موضوع النسب هذا موجود مع جميع الشركات الا الشركات اللي تملك شغل السباكة والكهرباء ويورد سيراميك و بورسلين ومواد

انا يوم جيت ابني قلت للمقاول شطب لي البيت تسليم مفتاح قال لي مانصحك لان التكلفة راح تزيد عليك راح اخذ منك عمولة 30% بس انت هذا الشركات اللي تنعامل معها واتفق معاهم افضل لك

ويوم سألت المهندس اللي كان يشرف على بيتي ليش تاخذون فايده قال مش احنا اللي راح نشرف على شغله ونتابع ونتواصل مع الشركات لازم ناخذ نسبة

اشوف نسبة 30% مبالغ فيها قال كل الشركات تاخذ نسبة

على سبيل المثال اذا التشطيب يكلف مليون المقاول ماخذ 300 الف ريال

يعني ممكن يطلع للمقاول شغل تشطيب البيت اغلى من قيمة العظم

عااااد كلامه صاج ان كل الشركات تاخذ هذي النسبة او يبي يشردني

على كلامه هو ياخذ تسليم مفتاح مجمعات سكنية وعمارات

والهدف ان المجمع السكني والعمارة مايتلعوز مع البنيان حجم مقاس الشبابيك مع الابواب واحد المواد المستخدمة لجميع الفلل نفس الشي الصبغ التشطيب بشكل عام بالنسبة له أسهل واسرع

عكس البيت الخاص هذا غير وتعال اختار وكسر وعدل والا هذا بنغيره شوي الا المالك مسافر انتظر لين يرجع عشان يروح يختار تعال كسر وعدل

كلامه صحيح ان المجمع والعمارة طقه وحده ومايتاخر في تسليم المشروع وربح اكثر

المهندس يقول في مشروع فيلا خاصه بعد ماصبو السقف البيت جات راعيت البيت وتبي تغير تركب مكيفات سنترال وطلبت ان نهد السقف بالكامل ونرفع السقف طيب يقول هد السقف وشيل المخلفات على من

مشكلة الفلل الخاصه ان المالك مايحسب قيمة التكسير والتعديل

لان لما تكسر تحتاج عامل وتحتاج شيل المخلفات وإعادة بناء وكل هذا المقاول يحطها على ظهرك

حتى المواد المستخدمة من مسمامير وقفازات وشبك حديد ومعظم المواد المستخدمة محسوبه عليك

انا يوم بناء عندي خله مواد وايد في البيت من قفازات مسامير مطارق وكيس نايلون وايد مواد خلها ورحت جمعته واشتكيت على العمال وجبت المقاول وصاحب الشركة قلت له شوف حجم الاهمال بعدين شرح لي قال هذي كلها كانت محسوبه عليك من جذي احنا نحطها على المالك ومانضيع وقتنا بعد مانخلص نجمعها

عاد انا ماعندي سالفه رجعت الاغراض عليهم قال شغل الشركات الكبار جذي في حاجة اسمها هدر مانفكر ونعور راسنا فيها


قدام بيتي جاري يبني واشوف في الوحة مكتوب مناقصات وشركة منفلوطي للمقاولات وشغلهم اشوفه ممتاز من قبل رمضان بشهر بداء العمل والحين بيصبون سقف الدور الارضي وصف الطابوق وعتبات الشبابيك والابواب معموله صب خرسانة اشوف شغلهم ممتاز

ذكرت أشياء مهمة يمر بها كل شخص بيبني .. النسبة هذي ممكن يصيدك أي مقاول فيها ويمكن أكثر لو كانت تعديل على العقد أو اضافة غير محددة أساساً ومحددة كمياتها في العقد .. أو يكون المقاول أثناء التفاوض صايد المالك صايده أوقات يطلع له أُمور ويزينها له وكأنها الحل الوحيد والأفضل .. مقاول وهو يحفر قال لي الأرض مايلة للخلف وأفضل تسوي بيسمنت .. بيني وبينه اتفاق محدد ولا احتاج بيسمنت .. غيري بيقول احسب لي كم يكلف بيقول ممكن 200000 وبتجي للتفاصيل فيها زيادة مدة وممكن تكلفة اعادة تصميم وبعد التفاصيل عادي يرفع سعره ل 400000 ويكون دخل الفكرة في راسك وسوى لك شغلة ترتب عليها تكاليف ووقت

انا وضعي غير وكان عقدي بحساب كميات وأي تعديل ممكن نحسب الكميات المضافة وعملية سهلة بس انتبهت له وقلت لا ما احتاج بيسمنت .. راح مرسل للاستشاري كتاب يطالب باضافة كميات الحفر والدفان وإنها أكثر من حساب الكميات .. بين إنه يبي فلوس فوق العقد بأي طريقة وإنه تورط في شغله بتكلفه ربح قليل ما يفيده ووقت .. الإستشاري رد بأن حساب الكميات استرشادي ومب شرط يكون دقيق 100% وهذا واضح في العقد وبأن حساب الكميات مبني على إن الحفر بس مكان القواعد مب الأرض كلها

عادي المقاول يقط ييمه للمالك لو بلعها وراها ما وراها من تغييرات وتفسيرات ثانية وتشكيك في الاستشاري وتفسيرات غير للعقد لو العقد ضعيف .. لذلك لازم تلتزم بتصميم واضح مقتنع به ومواصفات واضحة وتشيل بعض الأُمور الاختيارية عليك بس توضح حدود شغل المقاول الرئيسي فيها من الأساس

ليش انا اعطي المقاول بند النوافذ والأبواب والجبس؟ إذا ممكن اتفاوض مع مقاولين مختصين .. حتى الصبغ .. بس للأبواب اوضح كيف لازم يسوي الفتحة وبالمقاس المعتمد ما اجي وقت الشغل وسع لي والا ارفع الباب للسقف وبعض الحركات المجنونة اللي استوى فيها المالك فجأة مهندس ومصمم وصاحب قرار ارتجالي سريع

فيه مقاولين متفهمين ويساعدون لكن غيرهم يبون حقهم ومتسببين .. بنفس الوقت فيه ملاك غريبين الأطوار ويحسبون الشغل كله مفاصل وتغييرات بدون تكلفة يدفعونها وأكثر اللي يوصلون للمحاكم من هذي الفئة ويطلع المقاول له حق

ليش المخططات والتفاصيل الهندسية والمواصفات الخاصة هي الأهم وهي أساس العقد الهندسي؟ حتى يمشي الجميع على خطة هندسية واضحة والكل يعرف شبيحصل نظير فلوسه أو نظير شغله

تعال للشغلات الثانية اللي بتتفق عليها مع مقاول ثاني .. مثلاً العزل المائي والحراري في يدك تحدد التفاصيل وتضيفه على شغل المقاول الأساسي وتاخذ ضمان من الإثنين موقع منهم حسب ما تحب من سنين بس بالمعقول .. وفي يدك تتفق مع مقاول عزل ثاني بس تحدد شغل المقاول الأساسي في عمل السكريد المايل الناعم من البداية لو ناوي تسوي طبقتين سكريد والباقي على مقاول العزل اللي بتتفق معاه .. لازم تضيف في الاتفاق تعاون المقاول الأساسي بامداد مقاول العزل بالماء مثلاً وبالحماية للموقع والمعدات وأشوف الاشتراك في الضمان شيء مهم لأن غالبية قضايا التسريب والعزل يتفرطون منها الإثنين لو اتفقت مع مقاول عزل خارجي ونفس الشيء ينطبق على مشاكل الكهرباء والتكييف

لو باسترسل كتاب كامل ما يكفي

[معماري قطري]

بعدين بو سعود تحديد نسبة للتنسيق لو المقاول يبي يفوز بالعقد في مناقصة بينزل نسبته بمكن ل 2% حتى ما يرفع السعر ويفوز بالمناقصة غيره .. ولو المناقصة مفصلة وفيها بند مثلاً العزل أو الأبواب مفصل بوضوح وبدقة وأثناء دراسة العقد والتفاوض حبيت تلغي هذا البند وتكلفته محددة ممكن الاتفاق بشكل مسبق على التعديل

المناقصة مثل انت بتطلب مثلاً ثياب لشركة عندك فيها عدد كبير وبتطلب قماش نوع معين بتجيك عروض ومعاها حتى عينات ومواصفات مكتوبة عن القماش وممكن حتى إختبارات معمولة وموثقة .. مثل الحاصل للزجاج والفريمات وطبقات الأبواب .. الكل بيتنافس يعطيك سعر تقبل به وينزل سعره لك .. لكن لو استويت انت ضحية بسعيك بروحك للمحل الفلاني وغيره ممكن تطلع وتشوف أشياء أفضل لكن لو عارف شتبغي بتلاحظ تفاوت في السعر وبعضهم يقدر يخدعك في أُمور كثيرة منها النقل لو البضاعة كبيرة ويقول لك التسليم في المخزن وتكتشف هالشيء بعد الدفع