فلم اكشن في الشحن الجوي

[brwnzya]

السلام عليكم ورحمه الله*
اللحين عندي سؤال للجمارك الشحن الجوي بالذات ، الناس تتطور و تروح جدام و لا ترجع على اجراءات الدول البدائيه و الاجراءات البيروقراطيه و الخطوات الي مالها معنى بدل لا يكون 1+1=2 لازم اكشن و لفه لها اول مالها اخر.
الموضوع هذا تكرر معاي اكثر من مره وكل مره يطولون القصه وهي قصيره.
الله يسلمكم انا شاحنه اغراض بالنقل الجوي من برا و وصلت الاغراض و جاني مسج الاستلام واتصلت وتاكدت وقالوا الاغراض وصلت وتاخذ قريب 3ساعات تفتيش تعالي بعد 3ساعات تكون جاهزه للاستلام وجيت بعد 4ساعات و صلت المواقف طلعوا لي بص حضرتك من كل صوب تبين مخلص جمركي قلت لهم لا على اساس ان الاغراض وصلت و جاني مسج و اتصلت وتاكدت ان الاغراض خلصت قلت بجي وبعطيهم رقم الشحنه و ارويهم المسج وبعطوني رقم وانتظر دوري وبعدها اخذ اغراضي مثل اdhl و لا ارامكس و لا البريد العامه الا لااااا استلام الاغراض فلم اكشن و خيال علمي.
وصلت عن البوابه خذ بطاقتي الشخصيه و الاستماره و الليسن و عطاني بطاقه ادخل فيها قلت اوكي دخلت الا اشوف باص وصخ وقديم مكسر و كله عمال و ريحه تجيب المرض لقيت عايله امريكيه زوج وزوجته و عيالهم قلت يالله بروح مثلي مثلهم وركبنا الباص الاثري بو ريحه وصلنا مكان ثاني فيه شبابيك للقطريه و لا فيه اماكن انتظار حريم و لا في تهويه و حالته حاله كنه مخزن مهجور وقالوا لي الاغراض وصلت بس لازم مخلص و رجعي شباك الجمارك واخذت اورقه من شباك الجمارك و فجاء ه بقدره قادر طلع بص حضرتك الى كان في المواقف وقال لازم مخلص و تنتظرين اقل شئ ساعتين عشان تستلمين الاغراض. نعععم ليش الفلم هذا كله ليش مو مثل dhl وارامكس و البريد الشخص يجي و يشوفون الرساله والبطاقه و ينتظر دوره وياخذ اغراضه ويمشي ليش كل هي ليش رحله الشقى والتعذيب وليش تجبرون الناس يحطون بطل للفلم الي هو المخلص انا جايه بنفسي خلاص ليش ما استلم اغراضي و امشي وليش اطرشون المسج اذا الاغراض مو جاهزه للتسليم بصراحه خرابيط و فوضى وطريقتهم بدائيه و يبون يشغلون شركات التخليص الجمركي على حساب الناس لا المخلص يقول لك عطني بطاقتك حقت البنك و بطاقتك الشخصيه و عطني حسابي وكل شئ بدون فواتير .

[ALJokar]

الاجراءت هذي قديمه ولاتغييرت من سنه 1999 او اقدم يمكن الى الان نفس المشاكل وتزيد
والبريد العام اذا راحت شحنتك صوبهم سلم عليها الا ما ندر من الشحنات الي انت موفق فيها وتحصلها

اتمنى ان القوانين تتغير ويكون كل شي الكتروني ومنظم والدفع بالبطاقه اونلاين

[nooora]

الله يعينج.
عندي سؤال الحين مثلا الي يبي يرسل هديه من امريكا او اروربا اي بريد افضل وسعره معقول اذا هديه مثلا التكتروني مثل اي باد او لابتوب شي من هالقبيل او هاتف؟
واذا كانت كميه اثنين او ثلاثه يسمحون ولا ممنوع

[معماري قطري]

شغل خربطة صراحة ولازم يكونون أفضل

أذكر آخر تعامل لي معاهم سنة 1993 كنت شاحن كمبيوتر بعد ما خلصت دراستي من أمريكا بايعني اياه سعودي هناك .. ولحسن حظي سويت تأمين بمبلغ تافه وطلع الكرتون مضروب وسجلوا لي إنه مضروب وكانت اجراءاتهم سريعة .. لكن وصلني الكمبيوتر أحشاءه كلها متقطعة بسبب الهارددسك وكان ثقيل وكبير مال أول ما ثبته اللي باعني الكمبيوتر وفرط أثناء الشيل والحط وخرب المذربورد وباقي القطع

بالصدفة سئلت عن شركة التأمين طلعت شركة لويدز وكان لهم مكتب في قطر كله هنود ولا قصروا عطوني قيمته بسرعة

بس كانت اجراءاتهم وايد سهلة وقتها

[nooora]

شغل خربطة صراحة ولازم يكونون أفضل

أذكر آخر تعامل لي معاهم سنة 1993 كنت شاحن كمبيوتر بعد ما خلصت دراستي من أمريكا بايعني اياه سعودي هناك .. ولحسن حظي سويت تأمين بمبلغ تافه وطلع الكرتون مضروب وسجلوا لي إنه مضروب وكانت اجراءاتهم سريعة .. لكن وصلني الكمبيوتر أحشاءه كلها متقطعة بسبب الهارددسك وكان ثقيل وكبير مال أول ما ثبته اللي باعني الكمبيوتر وفرط أثناء الشيل والحط وخرب المذربورد وباقي القطع

بالصدفة سئلت عن شركة التأمين طلعت شركة لويدز وكان لهم مكتب في قطر كله هنود ولا قصروا عطوني قيمته بسرعة

بس كانت اجراءاتهم وايد سهلة وقتها
يالشيخ سوالفك كلها عن تسعينيات 1990 و1991 و1993 . حرب الخليج ههههههه وقتها كنا ف المرحلة ابتدائية . وفي ميامي بعد .. واتساب .. :cry2:
زين اخوي عندك فكرة لو بغيت ارسل شي للدوحة هاتف او لابتوب عن طريق فيديكس او ارامكس ممكن اتعرض لنفسك اجراءات مثل الي صار مع اختنا. هل ف ضرائب او شي حد عنده فكره

[nooora]

حتى ف امريكا ups ما ينصحونا خارج امريكا اما محلي ممتاز

[لبيبة]

كم كانت قيمة الاغراض وكم دفعوج لين تطلع من عندهم؟

الدفع فيلم ثاني.

[مواقف النجادة]

شيء يفشل الصراحة ..
شحنت أغراض من لندن وقررت استلمها بنفسي من الشحن الجوي و كان أسوأ قرار
كانك في الصومال او جمهوريات الموز !!
لا مواقف للمراجعين
لا نظام
لا سهولة
لا ترتيب
لا موضف يتابع موضوعك او حتى يعلمك شتسوي
لا أحترام لآدمية المراجعين

بدون مبالغة .. سوق الغنم في بوهامور فيه ترتيب و تحضر اكثر من قسم الشحن الجوي في مطار حمد
و انا الوم اكبر الباكر لان المطار تحت ادارته و هو إنسان فاهم ..
اما الجمارك فلا نشره عليهم لأنهم مازالوا يعيشون في حقبة الخمسينات و الستينات و فاقد الشيء لا يعطيه ..

[الدوحه1]

وين مكان الشحن الجوي؟؟

عندي شحنه على القطريه بتوصل بعد اسبوع؟؟؟

اخترت "القطريه" لان سعرهم وايد ارخص من شركات الشحن السريع الثانيه مثل ارامكس!!!!

[MoTeC]

مع احترامي الشديد لج لكن اذا ماتعرفين الاجرائات لاتتكلمين عنها
انا كذا مره امي ترسل اغراض بإسمها من لندن للدوحه اكلم المخلص ارسله رقم الشحنه وصوره بطاقتي يخلصلي كل شي انا اللي علي اجي اسوي تصريح للسياره وادخل بسيارتي مكان استلام الاغراض واخذها واتوكل على الله
وللعلم مبلغ المخلص محدد ومسجلينه لكم الجمارك
اما بخصوص لو اجي بروحي نفس اول مره عادي اجرائات عاديه جداً تسوين تصريح وتدخلين مع العالم لأن ممنوع تدخلين بسيارتج ف الباص موجود يوصل كل مادري كم دقيقه
وتدخلين عند القطريه تاخذين دور عشان تستلمين الاوراق اللي للجمارك وبعدها المخلص يكمل باقي الاجرائات
وللعلم انا موظف بالجمارك لكن ماكلم ربعي اللي فالشحن يخلصون لي ولا شي اخذ الاجرائات مثل باقي العالم ولاتتأخر ولا شي
فاتمنى على الأقل الواحد يسأل قبل يتهجم وشكراً

[MoTeC]

وونسيت شغله ثانيه بخصوص انج تقارنين الشحن الجوي وارامكس والدي اتش ال
ترى هذول هم ياخذون الاغراض من البريد ويسوون بيان لج عشان يستلمونها ويجيبونها مقرهم
عادي جداَ وياخذون مبلغ وقدره حق هالشي

[@north_star@]

اخوي مو تك بما انك بالجمارك حبيت أسالك اذا الحين قيمة بيان الجمركية ظ¢ظ* ريال ؟ لانا كنا ندفع حق أرامكس ظ،ظ* وصارت ظ¢ظ* من كم يوم

[@north_star@]

كانت عشرة ريالات وصارت عشرين

[MoTeC]

والله ياخوي ماعرف السعر في الشحن للبيان الجمركي لكن
في الميناء كان ب اميه ريال والحين صار ب اميه وخمسين
طبعاً اسعار البيانات الجمركيه هي تُحدد من الهيئه العامه للجمارك مب من عند المخلص ولا عند المفتش

[@north_star@]

والله ياخوي ماعرف السعر في الشحن للبيان الجمركي لكن
في الميناء كان ب اميه ريال والحين صار ب اميه وخمسين
طبعاً اسعار البيانات الجمركيه هي تُحدد من الهيئه العامه للجمارك مب من عند المخلص ولا عند المفتش

جزاك الله خير على الرد والتوضيح اخوي

[مواقف النجادة]

بغض النظر عن الكلام اللي يقوله الاخ الموظف في الجمارك ..
الموضوع في الشحن الجوي بالنسبة للمراجعين العاديين في قسم الشحن الجوي في مطار حمد شىء أسوأ من جمهوريات الموز و الدول المتخلفة من حيث الفوضى و عدم النظام و سوء الادارة و التعامل

قبل ايام رحت سوق الغنم اشترى اضاحي العيد و استلموني الرعيان و البياعين و كل واحد يبيع و يشتري فيني
صدقوني ان وضعي في سوق الغنم اذا قارنته بالوضع في الشحن الجوي افضل على تخلفه و بهدلته

هذا انا ابن البلاد و اعرف السيستم و اللغة و امشي حالي اقول جذي .. فما بالك بخبير او دكتور او مستثمر اجنبي جاي البلد!!؟؟
اذكر رحت استلم شحنتي اللي جاية من لندن و المفروض انها خالصة ..
وصلت ثمان الصبح و ماخلصت الا بعد المغرب !!
و طول هالوقت رايح و راد بين المباني و الموظفين و المخلصين و الانتهازيين و هذا يبتزك و هذا يبيع فيك و يشتري و الموظفين كلهم غاسلين أيدهم و يخلونك تدعم الاطوف و تمشي بين المباني في الحر و الشمس و الباصات القذرة مافي شىء اسمه سيستم و اذا فيه فهو اما غير واضح او ما احد يلتزم فيه

ما اقول الا حسبي الله و نعم الوكيل على المسئول عن هذا التخلف و التسيب
نحن في 2017 بينما الشحن الجوي و الجمارك مازالوا يعيشون في الخمسينات و الستينات وربما العصر الحجري!!

[بوخالد911]

محد خرررب السالفة الا ( بص حضررتك )
الله يفكنا منهم

[بومحمد المطاوعه]

الشحن الجوي مب بس الجمارك ماسكه الموضوع
للعلم يعني ..

عندكم القطريه والجمارك والزراعه والصحه والمواصفات والمقاييس
القطريه لهم تدخل كبير

وبخصوص المخلص لازم المخلص يخلص البضاعه ,,
مايصير تخلص الموضوع شخصي

وبخصوص البطاقه الشخصيه عند البوابه هذي اجراء امني ومن الداخليه وشي طبيعي وماعتقد فيها عيب او شي
بالعكس هذي شي امني ومطلوب في كل الجهات ,,

ومافي امل اطلبو الليسن وملكيه السياره

الكلام عليه زياده بهارات للأسف ,,

[بومحمد المطاوعه]

مع احترامي الشديد لج لكن اذا ماتعرفين الاجرائات لاتتكلمين عنها
انا كذا مره امي ترسل اغراض بإسمها من لندن للدوحه اكلم المخلص ارسله رقم الشحنه وصوره بطاقتي يخلصلي كل شي انا اللي علي اجي اسوي تصريح للسياره وادخل بسيارتي مكان استلام الاغراض واخذها واتوكل على الله
وللعلم مبلغ المخلص محدد ومسجلينه لكم الجمارك
اما بخصوص لو اجي بروحي نفس اول مره عادي اجرائات عاديه جداً تسوين تصريح وتدخلين مع العالم لأن ممنوع تدخلين بسيارتج ف الباص موجود يوصل كل مادري كم دقيقه
وتدخلين عند القطريه تاخذين دور عشان تستلمين الاوراق اللي للجمارك وبعدها المخلص يكمل باقي الاجرائات
وللعلم انا موظف بالجمارك لكن ماكلم ربعي اللي فالشحن يخلصون لي ولا شي اخذ الاجرائات مثل باقي العالم ولاتتأخر ولا شي
فاتمنى على الأقل الواحد يسأل قبل يتهجم وشكراً

ياريال المخلص عند المواقف
تدفع له 150 ريال يخلص لك كل شي خلال ساعتين او اقل يمكن

ماله داعي اروح اذبح نفسي داخل مع العالم والزحمه
الحمدلله ان في مخلصين يخلصون وبسعر رمزي جدآ

قواك الله اخوي

[ya3coub]

بسم الله الرحمن الرحيم

انا تعمدت ما ارد لأن الأخت أول مره و اكيد صدمتها قويه, ولكن بردود في منتدانا الحبيب و منتديات اخرى ذكرت بالتفاصيل عده مواقف مع الشحن الجوي و الشحن البحري, مع ذلك و كل العيوب يتم الشحن الجوي الأفضل بالنسبه لي.


مع احترامي الشديد لج لكن اذا ماتعرفين الاجرائات لاتتكلمين عنها
انا كذا مره امي ترسل اغراض بإسمها من لندن للدوحه اكلم المخلص ارسله رقم الشحنه وصوره بطاقتي يخلصلي كل شي انا اللي علي اجي اسوي تصريح للسياره وادخل بسيارتي مكان استلام الاغراض واخذها واتوكل على الله
وللعلم مبلغ المخلص محدد ومسجلينه لكم الجمارك
اما بخصوص لو اجي بروحي نفس اول مره عادي اجرائات عاديه جداً تسوين تصريح وتدخلين مع العالم لأن ممنوع تدخلين بسيارتج ف الباص موجود يوصل كل مادري كم دقيقه
وتدخلين عند القطريه تاخذين دور عشان تستلمين الاوراق اللي للجمارك وبعدها المخلص يكمل باقي الاجرائات
وللعلم انا موظف بالجمارك لكن ماكلم ربعي اللي فالشحن يخلصون لي ولا شي اخذ الاجرائات مثل باقي العالم ولاتتأخر ولا شي
فاتمنى على الأقل الواحد يسأل قبل يتهجم وشكراً

السلام عليكم أخوي موتك أشلونك شخبارك,
انت و بو محمد المطاوعه و غيركم من موظفين الجمارك الي معانا فالمنتدى او لا كلكم عالعين و الراس و لكم الإحترام مثل ما نمدح ببعض الوزارات و نستنكر ببضع الوزارات قد تكون انت ممن يقوم بعمله على اكمل وجه و حق و لربما تعاملك ليس مع الجمهور كبعض الأقسام الأخرى فالجمارك و قد ايضا احد القطاعات الثانيه كــــ"البلديه, المواصفات و المقايس, الخ" يتعطلون و انتو تاخذون اللوم, و قد يكون موظف واحد مقصر فأداء عمله يخسف بسمعتكم كللللللللللللكم كموظيف و كإداره جمارك الأرض.

فاتمنى ما تاخذك الحميه كلنا نحب اماكن عملنا و بلادنا و اذا في شي لو انه بالقوانين و ما عجب المستهلك او المراجع و يحس بأنه قديم و ممكن يكون في تسهيلات اخذوها بصدر رحب ياما طرشت ايميلات للجمارك و رحت قدمت رساله شكوى رسميه و ايضا كان قبل في صندوق اقتراحات ما اخليه إلا كاتب الي بجبدي كله يمكن حسنو يمكن قروه يمكن ما درو عنه بس غيري وايد تكلمو عن مثل هالمواضيع و لربما تحسنو.

هاي بخصوص التهجم, بخصوص اسعار المخلصين محدده هاي عمري ما شفتها ندري البيان 20 ريال بس كل مخلص يعطيك سعر معين و اذا تعطلت بضاعتك يطلب منك أكثر و مرات بس يخليها اذا وصلت بدون ما يبلغك و يشتغل على معامله ثانيه و يقولك تعطلت و يطالب بإكراميه.

اعتراضي انه ليش كل هالتعقيدات و ليش احتاج مخلص ليش ما اروح ادفع البيان و الطلب يصير تماتيك او اوديه لين الشباك او المكان المطلوب و اطلبه بنفسي و كان الله غفور رحيم.

ياما صارتلي مشاكل مع المخلصين و ياما البعض ايضا بيض الله وجيهم اجي كلشي جاهز.
اذا يتم توحيد سعر المخلص + الجمارك اذا ما عليها اهني الناس وايد بترتاح واحد ياخذ 250 و واحد 550 و ناس قبل ياخذون 150 و الشحن البحري في احد المرات دفعت 13 ألف علشان استلم بانه كاربون فايبر اهي بالشحن قيمتهم كانت اقل من 1000 دولار و انقصبت ذاك اليوم و معترض ولا موظف ولا مدير فالجمارك او اداره الموانئ سوى اي شي يقولك كيفهم و هاي تسعيرتهم. !!!!!!! 8000 علشان الأوراق لأن الي شحنلي الأغراض شحنللشركه الأوراق ما شحنلهم ل, و الباقي 4000 و شوي كانت حق السياره تطلعلي اياه من الداخل و المخلص من جهه الشركه و التفتيش و ترانزيت دبي و اشعه و الخ خرابيط غير مقنعه.



والله ياخوي ماعرف السعر في الشحن للبيان الجمركي لكن
في الميناء كان ب اميه ريال والحين صار ب اميه وخمسين
طبعاً اسعار البيانات الجمركيه هي تُحدد من الهيئه العامه للجمارك مب من عند المخلص ولا عند المفتش

عالعين و الراس و ياريت ايضا نفس ما مكتوب فالشباك بأنها تغيرت من 10 إلى عشرين و قبلها كانت مكتوبه بأن البيان 10 ريال يتم ايضا وضع اعلان برسوم التخليص الجمركي و توحد. و بعدها الإكراميات من الشخص نفسه.


الشحن الجوي مب بس الجمارك ماسكه الموضوع
للعلم يعني ..

عندكم القطريه والجمارك والزراعه والصحه والمواصفات والمقاييس
القطريه لهم تدخل كبير

وبخصوص المخلص لازم المخلص يخلص البضاعه ,,
مايصير تخلص الموضوع شخصي

وبخصوص البطاقه الشخصيه عند البوابه هذي اجراء امني ومن الداخليه وشي طبيعي وماعتقد فيها عيب او شي
بالعكس هذي شي امني ومطلوب في كل الجهات ,,

ومافي امل اطلبو الليسن وملكيه السياره

الكلام عليه زياده بهارات للأسف ,,

ليش أخوي بو محمد شنو الي يسويه المخلص غير عني و انا فالأغلب معاه خطوه بخطوه يكتب بيان باسم الشركه و يدخل عالسستم و يرفعه بس لا أكثر ولا اقل بكل شي اكون معاه فالعاده خصوصا اذا مستعجل.

هاي ممكن بشويه برامج من الجمارك او وزاره التجاره او برنامج "موقع" حكومي تسهيل للمواطنين و المقيمين, قد تضرب بعض مصالح شركات التخليص بس الواحد يكون واقعي و يعرف الي له و الي عليه. وظايف كثيره البشر استغنو عنها من بعد الآلات حتى حفاظا على كميه الورق الي ينطبع مع كل شحنه الواحد يتعامل اهني و برع و نفس ما يشحن يستقبل سوائا بقطر او برع. فلما انشوف شي احسن نتمنى تطبيقه عندنا الواحد ياخذ الزين من الآخرين و يطبقه اذا يتماشى مع مجتمعه و في منه فايده. و الفائض المادي ممكن تسخيره و منفعه قطاع جديد او تطوير قطاع اخر.


اخوي بو محمد انا اطلبو مني الملكيه و مرات اروح بسياره مو سيارتي الليسن و في مرتين بس اطلبو الاثنين. لازم ملكيه السيارة و الليسن, لأنه يسجل فيها معلومات السياره و باسم من و بعدها السائق.



ياريال المخلص عند المواقف
تدفع له 150 ريال يخلص لك كل شي خلال ساعتين او اقل يمكن

ماله داعي اروح اذبح نفسي داخل مع العالم والزحمه
الحمدلله ان في مخلصين يخلصون وبسعر رمزي جدآ

قواك الله اخوي

ياريت اذا موجود ليلحين بو 150 كانو على ايام الشحن الجوي القديم و ايضا عباله و تروح و ترجع بس يا رب انه السستم يكون اسهل للمراجعين انفسهم.

[بومحمد المطاوعه]

ليش أخوي بو محمد شنو الي يسويه المخلص غير عني و انا فالأغلب معاه خطوه بخطوه يكتب بيان باسم الشركه و يدخل عالسستم و يرفعه بس لا أكثر ولا اقل بكل شي اكون معاه فالعاده خصوصا اذا مستعجل.

هاي ممكن بشويه برامج من الجمارك او وزاره التجاره او برنامج "موقع" حكومي تسهيل للمواطنين و المقيمين, قد تضرب بعض مصالح شركات التخليص بس الواحد يكون واقعي و يعرف الي له و الي عليه. وظايف كثيره البشر استغنو عنها من بعد الآلات حتى حفاظا على كميه الورق الي ينطبع مع كل شحنه الواحد يتعامل اهني و برع و نفس ما يشحن يستقبل سوائا بقطر او برع. فلما انشوف شي احسن نتمنى تطبيقه عندنا الواحد ياخذ الزين من الآخرين و يطبقه اذا يتماشى مع مجتمعه و في منه فايده. و الفائض المادي ممكن تسخيره و منفعه قطاع جديد او تطوير قطاع اخر.


هلا وغلا

المخلص مخول يدخل داخل بتصريح من الجهات المعنيه ( الداخليه )
لكشف البضاعه ومخاطبه القطريه والتخليص كامل الأجراءات داخل الشحن

المخلص اهو الي يسوي البيان وهذي المتعارف عليه ولازم وجود بيان جمركي
ومافي اي قانون من الجمارك يلزم المخلصين بالأسعار ,,
هذي نقطه مهمه المفروض الكل يعرفها ان المخلصين شركات خاصه ..

يعني السالفه فيها مخلص ف خلها عليه ليش اتعب نفسك وتراكض وفالنهايه المخلص داش فالسالفه داش ,,

والبرنامج الجديد النافذه الواحده ( النديب )
التاجر يقدر يخلص بضاعته ويشوفها وين وصلت من طريق برنامج حكومي
وبخصوص طلب ملكيه السياره والليسن وهذي الأجراءات الجمارك مالها اي دخل

هذي تبع الداخليه وأمن المطار وحتى باصات نقل المراجعين كلها امن المطار مب جمارك قطر

[ya3coub]

هلا وغلا

المخلص مخول يدخل داخل بتصريح من الجهات المعنيه ( الداخليه )
لكشف البضاعه ومخاطبه القطريه والتخليص كامل الأجراءات داخل الشحن

المخلص اهو الي يسوي البيان وهذي المتعارف عليه ولازم وجود بيان جمركي
ومافي اي قانون من الجمارك يلزم المخلصين بالأسعار ,,
هذي نقطه مهمه المفروض الكل يعرفها ان المخلصين شركات خاصه ..

يعني السالفه فيها مخلص ف خلها عليه ليش اتعب نفسك وتراكض وفالنهايه المخلص داش فالسالفه داش ,,

والبرنامج الجديد النافذه الواحده ( النديب )
التاجر يقدر يخلص بضاعته ويشوفها وين وصلت من طريق برنامج حكومي
وبخصوص طلب ملكيه السياره والليسن وهذي الأجراءات الجمارك مالها اي دخل

هذي تبع الداخليه وأمن المطار وحتى باصات نقل المراجعين كلها امن المطار مب جمارك قطر

اشكرك للتعقيب و التوضيح نفس كلامي
ولا اعتراض عالإجرائات الأمنيه

[بومحمد المطاوعه]

اشكرك للتعقيب و التوضيح نفس كلامي
ولا اعتراض عالإجرائات الأمنيه

حبيب
الشكر لله تعالى

نقطه بسيطه وللعلم
احنا عندنا تصاريح للشحن ولو عندنا شغل فالشحن
بعد الامور من الجهه الأمنيه معقده :nea:
ونتنقع اشوي لين ندخل