حذفت تويتر الى الابد

[aloosh]

السلام عليكم
الجميع يرا الفتن والبزران اللي شغلهم شاغل السب وشتيمه وناس محسوبه تتعرض الى العرض

ناهيك عن الطامه الكبرى تغريدات الافلام والصور الاباحيه التي كثرت بشكل رهيب واعتقد ان اداره تويتر تريد ذلك لاني لم ارى ها الشي في تغريدات الاروبيه والامريكيه بهذي الكثره في هشتاق العربي

نصيحه من لديه شوفات يتابعون تويتر يحذفه من حسابهم تويتر وضع لتدمير العرب وتفرقتهم

[سويرا]

خيرا فعلت
اسوأ برنامج استغله بعض العرب لبث الفتن والفرقه بين بعضهم البعض
ولا حول ولاقوة الا بالله

[معماري قطري]

ما اقتنعت به كلش لا هو ولا السناب ولا ( نسيت شسمه كالعادة )

الوتس أب وايد علي وأفكر اهجره بس تجي منه معلومات زينة وأشياء مضحكة

[شموخ دائم]

,

,


مرحبا

شكرا على الموضوع

وبلاشك ان كل ماذكرته صحيح واتفق معاك ان هناك امثله سيئه

المشكله ليست في



تويتر

او الانستجرام

او الواتس اب

او الفيس بوك

هذه ارضيات المشكله من ( يستخدم ) هذا البرامج

خاصه بالمنطقه العربيه ( يمكن اسواء ناس تستخدم برامج التواصل ) للأسف أحيانا الواحد يشك الناس هذي وين متربيه !!

الانفتاح على العالم الكبير فيه الفوائد الشي الكثير وفيه من الكنوز مالا يقدر بثمن

وكذلك هناك الكثير من السلبيات لابد منها

تخيل كلنا نغلق برامج التواصل الاجتماعي وبعدها مواقع النت وبعدها الايميل
لنفس السبب

اعتقد بنكون عالجنا المشكله ( بمشكله اكبر )

الانعزال عن العالم سلبياته مخيفه وكارثيه والنتيجه بتكون كارثيه على قطر نفسها

الازمه الي مرينا فيها لولا انفتاحنا على العالم ( لصدق العالم ان نحن رعاه إرهاب )

انفتاحنا على العالم عكس صوره ايجابيه بفضل من الله

الدول الغربيه كونت صوره جميله عن قطر من خلال انفتاحنا عليهم

ورفضوا الاتهامات ( لانهم يعرفونا عن قرب )

المسئله اكبر بكثير

من ( جاهل يسب )

او ( مراهق يشوف صوره خادشه )

هناك وطن يرسم صوره لنفسه من خلال عالم التواصل

موسسات الدوله

كلها على البرامج التواصل

ليس لتقديم خدمه للمتابعين فقط ولكن أيضا لعرض قطر على هذا العالم الكبير

نحن لنا افكارنا وقيمنا وعاداتنا وتقاليدنا نحن دوله صغيره بهذا العالم صحيح

ولكن شعب مثقف جدا على الخارطه

ثقافتنا هي حجمنا الحقيقي

مثل ما هناك امثله سيئه هناك امثله رائعه تشع نور لهذا البلد

حتى هنا بالمنتدى يوجد الزين والشين

واجه هذا العالم ولا تهرب منه

ومن يتهيب صعود الجبال
يعيش ابد الدهر بين الحفر

,

,

[بوخالد911]

العيب بالمستخدم.

[ضوى]

عمره تويتر ماكان سئ ، حاله من حال جميع البرامج الموجودة ، العيب في اللي يستخدمه ، حتى بالحياة العامة في ناس بتسلك طريق الشر وناس بتسلك طريق الخير والا ليش في جنة ونار

[شيزكيك]

الصراحة افكر احذفه بس ما اقدر ابغي اتابع الي يصير وعلى اللسان القذر انحطاط لا صار ولا استوى وبخصوص المقاطع الخايسه قريت انهم يتعمدون يحطون هالمقاطع اما علشان يرفعون الموضوع ويصير ترند او علشان يكرهون الناس في الموضوع المطروح ويطلعون من غير قراءة التعليقات

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

زين سويت

أتمنى ينحذف هو و اشكاله من العالم

لان مفاسدهم اكبر من مصالحهم بكثيررر !!

واتوقع الازمة الخليجية اقرب مثال !

والبنت اللي كانت تستحي اطالع ريال

الحين تتكلم و بكل جرأة بكلام يستحي الرجل يقوله !!

انكسر حاجز الحياء !!

[qatar911]

اسوأ برنامج

[Rider]

الحمد لله مالي فيه ولا اخوانه من وسائل التواصل مريح عمري

[حمد 2002]

انا عندي جماهير وايد بوسائل التواصل الاجتماعيه المختلفه ولو اقول اسمي المشهور بها الكل بيعرفه هنا ..

اما بالنسبه للحذف انا ماقدر احذف بحكم اني مشهور ولي جماهيري ومتابعيني .

تحياتي

[shadad]

السلام عليكم
الجميع يرا الفتن والبزران اللي شغلهم شاغل السب وشتيمه وناس محسوبه تتعرض الى العرض

ناهيك عن الطامه الكبرى تغريدات الافلام والصور الاباحيه التي كثرت بشكل رهيب واعتقد ان اداره تويتر تريد ذلك لاني لم ارى ها الشي في تغريدات الاروبيه والامريكيه بهذي الكثره في هشتاق العربي

نصيحه من لديه شوفات يتابعون تويتر يحذفه من حسابهم تويتر وضع لتدمير العرب وتفرقتهم

الاغلب وراها لجان دليم. واكد لي هاي الشي اللي انت لاحظته انت وكذا مقاله تتحدث عن الاغراق بهذه التغريدات بالاضافه الى كثرة الابلاغ عن الحسابات من لجانهم. تيوس ! واحد منهم ( مدعي انه قطري ) تحرش فيني وقالي لو انت رجال تعال مطار الدوحه خخخخخ.... قلت له ليش ساكن انت تحت الطيارة والا ما تدل في قطر الا المطار يا بعر ههههه... قال لي تعال جبل دخان ( جبل ها ) ... وغير وغير وغير من هياط . ومن اسبوعين صدت ذبانه ترد علي من حسابين وهو عرف بالموضوع متاخر ومسح احد الردود ورجع يكتبها من الثاني والمسكين ما درى اني it وما تمر علي السوالف وافضحه في اليوتيوب..... شرد ومسح نفسه وردوده. لجان الذباب وانا ارشهم كل يوم بالمبيد الحشري ههههه.

لاحظ حتى ان في مقاطع يوتيوب نفس مقاطع المعارض المشهور غانم الدوسري ان مقاطعه شايل منها خاصية الاعجاب بس عشان يفتك منهم ومن تبليغاتهم.

[دينالي]

البرامج هذي جزء من العالم وصعب جدا تتجاهلها او ماتتعامل معها في الوقت اللي العالم كله يتعامل معاها
بس من وجهه نظري مانعطي الصغار تلفون جوال لالانهم غير مستعدين للتعامل مع هذا العالم وهالبرامج بس واحد بالغ عاقل ذكر او انثى مسئول عن تصرفاته
وعن نفسي عمري ماتعاملت مع التويتر ولا حبيته

[aloosh]

الحمدلله ارتحت منه
كل يوم نستغفر ونطلب الله وفي الاخير تمر عليك ها المقاطع وصدقني اي واحد في تويتر لازم تقع عينه على المقطع المخل غصب عنه لان تغريدات متسلسله وراى بعض

نطلب الله العفو والمغفره

[نفسي عزيزه]

انا اتابع مثلا اخبار فجأه طالع لي صوره اباحيه لاحول ولاقوة الا بالله الواحد مايبي يشوف شي يبي اخبار لكن في ناس تدخله تدمره حاليا مسحته واتتبع من قوقل مرات الجزيره او الخليج الجديد او حزام الحزام والله يبعد الفتن عنا

[MirusS]

تويتر برنامج مهم لمعرفه الاخبار بس حاليا سيئ جدا
صايره حرب بين المغردين العرب بخصوص الازمه .
الي يشتم والي ينافق والي يطبل
لذلك اشوفه مضر للمتابع في هالفتره

[كاتم الاسرار]

الكل حسب الاستخدام فالبرامج

[durra]

انا عندي جماهير وايد بوسائل التواصل الاجتماعيه المختلفه ولو اقول اسمي المشهور بها الكل بيعرفه هنا ..

اما بالنسبه للحذف انا ماقدر احذف بحكم اني مشهور ولي جماهيري ومتابعيني .

تحياتي

شكلك صاحب حساب "ناصر .....

[نووون]

^
نفس التخمين :nice:

....


أنا أدخل تويتر تقريبا 4 مرات في اليوم ولي تفاعل كبير فيه ..


ما شوف اعترضتني مقاطع اباحية اللي تقولون عنها ..

عموماً ..

أي تطبيق .. فيه له منافع وله مضار ....

واللي يحب يستفيد يقدر يخلق له عالم إيجابي جميل يغذي هواياته واهتماماته مهما كانت كبيرة أو سطحية.

تويتر مو بس للأخبار السلبية وإن كان حالياً هو أرض المعركة في وقت الحصار...

اللي يقدر .. يتواجد ويعبر عن رايه وموقفه في وجه الذباب الالكتروني المسيطر على الأجواء ويمثل صوت المواطن القطري الحقيقي

مو بالضرورة نسب ونشتم ونتهجم .. بالعكس احنا محتاجين لكل صوت إيجابي .. محتاجين نسمع بعضنا ونكون مترابطين ومتوحدين

في أرض الواقع حاليا ماعندنا إلا تويتر وسناب وهنيه المنتدى.

[يمامـة]

دامك مقتنع بخطوتك الله يثبتك..

التطبيقات هذه فيها الزين وفيها الشين..
لكن لما تكتشف ان الشين فيها يطغي على الزين

احييك على خطوتك هذه و الله يثبتك..