الي راحوا جزيره سيشل الفزعه

[ابوالعبد]

السلام عليكم يا اخوان حاب استفسر منكم انا اليوم رايح سيشل ان شاء الله بغيت اعرف وش الفلوس الي اوديها معي. عملتهم ربيه او دولار او يورو وش العمله المستخدمه بين بعض وايظا حاب اعرف وش الاماكن الحلوه اتمنى يالمشرف لاتنقل الموضوع هههه حطيته هنا لانه غالبيه ناس ماتتدخل الا القسم العام وشكرا لكم يا اخوان

[حمد 2002]

انا رحت جزيره البنانا بقطر ..

[ابوالعبد]

سررت بمرورك الشيخ حمد لكني ابي ناس جاده ترد علي سفرتي الليله بارك الله فيك

[mr. abdulla]

ود معاك يورو .. يستخدمون يورو... و اذا نازل فندق خمس نجوم اجر سيارة عن طريق الفندق.. أرخص بكثير من التاكسي.. خاصة اذا انت نازل الجزيرة الاساسية .. ماهي إيلاند ... انا اجرت نيسان juke.. و تاكد السيارة جير اوتوماتيك و جازولين مب ديزل... الجزيرة صغيرة و تقدر تلفها في يومين..

احلى شي عندهم eden island.. فيه صيدلية و سوبرماركت و بعض المحلات.. حط بالك البلاد فقيرة و تقريبا 99% من سلعهم مستوردة.. يعني غالية.. و اتوقع قانونهم open beach .. ممنوع اي فندق يحتكر الشاطئ فمن حقك تدخل اي فندق و تروح تسبح في بحرهم...

كان عندهم فندق شوي بعيد في الجبال وسط الأدغال .. فيه zip line .. يربطونك و تتنقل من مكان لمكان ..وايد حلو..

طبعا البحر ما يحتاي .. اجر طراد.. مع مساعدين و اطلع غاووص او حداق بس تاكد اللي تاجر منه شركة محترمة عن طريق فندق خمس نجوم او eden island... و ابعد عن الرخص لانه البلاد فيها نوع من الاجرام و اهدافهم السياح..

[mr. abdulla]

بعدين حط بالك السياقة خطرة عندهم و شوارعهم تخرع.. شعرة بينك و بين طرف الجبال ..

[ya3coub]

سؤال اهم مو قاطعين علاقتهم فينا مع المالديف ؟!!!!

يعني الحين خلاص الأمور طيبه ؟؟؟

[ابوالعبد]

لا مو قاطعين الي قطعوا موريشيو يعطيك العافيه اخوي. ماقصرت علي المعلومات يعني اصرف يورو مب ربيه صح

[ابوالعبد]

من ناحبه الاجرام كيف يعني اخوي سرقات او اكثر من هذا يليت تعطيني العلوم لانه اول مره اروحها

[mr. abdulla]

اخوي ود الاثنين روبية و يورو .. اعتمد على بطاقة البنك افضل لك... اجرام خفيف.. ابعد من قراهم الشعب شوي فاصل و خلك في الفنادق و أماكن السياح،، حاسب من اللي يتصيدون للسياح.. مال أجار السيارات او أجار الطراريد.. و اعتمد على مكاتب الاجار في الفنادق او في eden park

[mr. abdulla]

بعدين حاسب من بحرهم ... اذا شفت شوية مطر او موج قوي لا تدخل... بحرهم مب مثل بحرنا .. عادي الموج يكفخ الواحد و التيار يجرك من تحت.. انا رحت خارج الموسم فالجو كان ممطر شوي بس ان شاء الله امورك طيبة

[ابوالعبد]

تسلم شيخ علي معلومات