اجار البيت

[الخيالة]

سلام عليكم

احنا شهر سبعه جددنا عقد اجار البيت و ماقالوا في زياده او شي الحين قايلين لازم ندفع زياده الف و أربعمئة يصير هالشي؟ :cry2::sorry:

[مختلف جداََ]

لا طبعا دام العقد ساري خلاص

بعد انتهاء العقد كلام ثاني

[الخيالة]

شنو عيل لازم نسوي؟ المسؤول روسي جنسيته و القطري مانوصل له

[مختلف جداََ]

مب على كيفه
البلد بلد قانون
دام العقد ساري مب على كيفه يرفع الأجار

الغريب انه يطلب رفع الأجار و العقد ما انتهى ؟؟

في شي مب واضح

[الخيالة]

مب على كيفه
البلد بلد قانون
دام العقد ساري مب على كيفه يرفع الأجار

الغريب انه يطلب رفع الأجار و العقد ما انتهى ؟؟

في شي مب واضح
ماعرف ليش اللي اعرفه قايلين ندفع زياده 1400

[بومحمد]

الإيجارات نزلت في سوق العقار
افضل طريقة عدم التجديد والتفاوض على سعر انزل او البحث عن مسكن ثاني
الله يكون في عونكم

[ابوالعبد]

هههه فوضى كل واحد يرفع علي كيفه الاجار اقولك انا لو منك اترك له فلته ترى الفلل فاضيه مافيها مستاجرين نصيحه ياكاتب الموضوع اترك الفله هو الخسران شوف لك مكان ثاني صدقني مافي مستاأجرين الان ناس تحاىل تنقص الاجارات عشان تحصل مستأجر

[ابوالعبد]

الاجارات نازله علي فكره والبيوت مليانه وفاضيه نصيحه اخوي طنش له وهد له عقاره يشبع فيه

[الخيالة]

هههه فوضى كل واحد يرفع علي كيفه الاجار اقولك انا لو منك اترك له فلته ترى الفلل فاضيه مافيها مستاجرين نصيحه ياكاتب الموضوع اترك الفله هو الخسران شوف لك مكان ثاني صدقني مافي مستاأجرين الان ناس تحاىل تنقص الاجارات عشان تحصل مستأجر
امي و ابوي كبار و ابوي مريض صعب كل شوي نغير البيت و وبهدلهم :( تونا من فترة سنه و نص الحين اهني انا حطيت الموضوع عشان اسال له حق يزيد و هالمبلغ؟ علما ان ماعرف اذا صاحب البيت يدري او لا هالمسوول روسي

[عيسى111]

مادام جددتوا العقد لا يحق له رفع الإيجار

حتى نهاية مدة العقد وإخطاركم بالزيادة

قبل نهاية مدة العقد

[الخيالة]

مادام جددتوا العقد لا يحق له رفع الإيجار

حتى نهاية مدة العقد وإخطاركم بالزيادة

قبل نهاية مدة العقد
وين نشتكي عيل هو قايل ندفع زياده نفس ما قلت :(

[monatee]

هو قال يعني لازم تسووون ؟

خلوه يولي ودفعوا المبلغ الي مكتوب في العقد لا اكثر ولا اقل

[المزن الرياني]

طنشي.. اذا رفض يستلم الايجار وعشان تحمين نفسج من اي دعوى منه
طرشي صوره من شيك الايجار بالبريد المسجل يجي يستلمه
عشان مايقول بعدين انج تأخرتي بالدفع

مايقدر يسوي شي .. بس هذا في أسوأ الاحتمالات

[الخيالة]

هو قال يعني لازم تسووون ؟

خلوه يولي ودفعوا المبلغ الي مكتوب في العقد لا اكثر ولا اقل

مو لازم نعرف اذا القانون مايسمح بهالشي شلون هالمسوؤل يتجرا و يطلب هالشي مننا؟ يعني مفكر لان مجبورين بنرضي و بندفع ولي شنو بلضبط؟ هو نفسه بعد اللي اخر مره في الرمضان علي سالفة مكيفات البيت لعوزنا لين صلحههم و تبهدلنا بسبة المكيفات و الحر و هو كل يوم كان يقول ننطر و ننظر و الحين جاي بهالطلب الجديد

[الخيالة]

طنشي.. اذا رفض يستلم الايجار وعشان تحمين نفسج من اي دعوى منه
طرشي صوره من شيك الايجار بالبريد المسجل يجي يستلمه
عشان مايقول بعدين انج تأخرتي بالدفع

مايقدر يسوي شي .. بس هذا في أسوأ الاحتمالات
ان شاءالله
الله كريم و الله لايخلي حد في هالمواقف..

[JSTC]

السلام عليكم شيخ

يرجى إفادتنا بوثيقة العقد لإبداء الرأي

أطيب تحياتي

[بوجاسم_قطر]

السلام عليكم

ماله حق يزيد دام في عقد ساري المفعول وتم التوقيع عليه من الطرفين، ويفضل انج اتوثقين عقد الاجارة ممكن تسألين عن ذي شي في وزارة العدل راح يفيدونج اكثر.
اذا انتو ماجرين في مجمع سكني حاولي تتكلمين إدارة المجمع وتخبرينهم بالموضوع.

[محارب مداري]

يقدر يرفع الايجار مع تجديد العقد سنويا بنسبه محدده بس ماعرف كم النسبه
لكن دام العقد ساري مايقدر يسوي شي



والله اعلم

[الغالي!]

الزيادة رفع الايجار 10/100 بعد انتهاء العقد واذا رفض ياخذ الايجار اذا كان نقدا يسلم عن طريق المحكمه ويشعار الشخص المعني عن طريق البريد ولا يقدر يرفع الايجار نص ريال الابعد انتهاء العقد ونصيحه الايجارات نازله هاليومين

[ولد العديد]

روحي فض المنازعات مع عقد الاجار الجديد وخلاص ادفعي الاجار هناك وماله حق دام في العقد والمالك يروح يستلم المبلغ من هناك

[الخيالة]

السلام عليكم

ماله حق يزيد دام في عقد ساري المفعول وتم التوقيع عليه من الطرفين، ويفضل انج اتوثقين عقد الاجارة ممكن تسألين عن ذي شي في وزارة العدل راح يفيدونج اكثر.
اذا انتو ماجرين في مجمع سكني حاولي تتكلمين إدارة المجمع وتخبرينهم بالموضوع.

نعم اخوي في مجمع السكني و المسؤول بنفسه قال لنا عن الزياده




جزاكم الله خير و ربي يسهل علينا

[الزعفراني]

اذا وقعتوا العقد ماله حق يطلب زياده .. وعليكم الالتزام بقيمة الايجار اللي مكتوبه في العقد ..

وعندكم لجنة الايجارات موجودة اظن في نهاية شارع ال شافي .. توصلون الدوار اللي عند مطعم ابل بيز .. ( المطعم يكون على يساركم ) .. تكملون الدوار سيده.. باتجاه معيذر اظن المبنى بيكون ع اليمين على الشارع الرئيسي .. ( مش متاكد من المكان بس أظن والله اعلم هناك )

تاخذون العقد وتوثقونه عندهم او يتسجل عندهم ..

وتدفعون الايجار لمالك العقار او اللي موقعين معاه العقد .. وفي حال رفض الاستلام

تروحون اللجنة وتبلغونهم واظن هم يستلمون منكم الايجار ويتفاهمون معاه

اللجنة ذي اظن تابعة لوزارة البلدية .. وصدر فيها مرسوم لتشكيلها .. ولحل مثل هالمشاكل

حاولي توصلين لمكان هاللجنة مادري احس وصفي للمكان مب اوكي

[الخيالة]

اذا وقعتوا العقد ماله حق يطلب زياده .. وعليكم الالتزام بقيمة الايجار اللي مكتوبه في العقد ..

وعندكم لجنة الايجارات موجودة اظن في نهاية شارع ال شافي .. توصلون الدوار اللي عند مطعم ابل بيز .. ( المطعم يكون على يساركم ) .. تكملون الدوار سيده.. باتجاه معيذر اظن المبنى بيكون ع اليمين على الشارع الرئيسي .. ( مش متاكد من المكان بس أظن والله اعلم هناك )

تاخذون العقد وتوثقونه عندهم او يتسجل عندهم ..

وتدفعون الايجار لمالك العقار او اللي موقعين معاه العقد .. وفي حال رفض الاستلام

تروحون اللجنة وتبلغونهم واظن هم يستلمون منكم الايجار ويتفاهمون معاه

اللجنة ذي اظن تابعة لوزارة البلدية .. وصدر فيها مرسوم لتشكيلها .. ولحل مثل هالمشاكل

حاولي توصلين لمكان هاللجنة مادري احس وصفي للمكان مب اوكي
جزاك الله خير اخوي

[راعي الدتسن]

ماقصروا اخواني.. مايقدر يزيد الايجار مادام وقعتوا.. وحده يزيد عشره بالمية من قيمة الايجار السابق في حالة تجديد العقد.. والدولة فيها قانون

[الخيالة]

ماقصروا اخواني.. مايقدر يزيد الايجار مادام وقعتوا.. وحده يزيد عشره بالمية من قيمة الايجار السابق في حالة تجديد العقد.. والدولة فيها قانون

جزاك الله خير اخوي بنشوف شلون

[بوخالد911]

ولا تدفعون ولا ريال زيادة.

ليين انتهى العقد من حقه يزيد بس 10%
فقطططططططط. ع¤