دوار العبيدلي صار مأساة

[bohilal191]

أسعد الله صباحكم بكل خير اول شي نشكر اشغال على المشاريع اللي قاعدين يخلصونها بسرعة وجهد جبار بس حان الوقت للعمل على دوار العبيدلي لأن الوضع الحالي مأساة والاشارات مب قادرة تسهل حركة المرور وصار ضغط عليه من كل المسارات وشكرا

[@north_star@]

فعلا هالدوار مأساة من جميع الاتجاهات ويبيله نفق للي جايين من المطار وجسر للي جايين من الصناعة باتجاه الدوحة

[بومحمد المطاوعه]

اشتر طياره خخخخخ

الله يعينك يالغالي

كل مكان زحمه ياخوي شنسوي بعد الله المستعان

[ya3coub]

هانت هانت نطرو

انا ساكن عنده و متسندر من المطبات لازم اطلع عليه او على اشارات الكهربا عن الزحمه.


من يتبطل التقاطع الجدديد الي باتجاه محطات بوهامور بتتسهل الحركه لأنه اكثر من شارع مسكر

اليوم الهايواي زحمه لا تطاق نفس الشي الكرنيش و سلوى و عده شوارع.

اصلن جايه الدور و بيصير تقاطع و اشاره كبيره و الجسر المؤقت اهني الخوف بينشال او لا ؟!!!!

اتوقع في توسيع و بيتحول اشارات و هالشي بيسبب زحمه غيز طبيعيه بهالطريقه راح ينتهي طريق الصناعيه السريع, و اتوقع ما يبتدون فيه إلا بعد فتح الإشارات الي تحت الجشر الي بين الدائري السابع و محطه بترول المعموره و في شارع جديد اصلن بيكون اذا ما خاب ظني بيكون في اشارتين "تقاطعين" تحت هالجسر واحد معروف الي اهو بين محطتين الوقود و الثاني الي عند اكادميه الجزيره.

لما اتكون في انسيابيه هناك بتخف الزحمه بشكل ملحوظ بإذن الله تعالى.

دوار الرياضه عفيسه بس انطرو لين ما يخلص رسميا و يفتتح بإذن الله. في عده تقاطعات مهمه و كلها خلال هال4 شهور القادمه طريق لوسيل على راس السنه يفتتح بالكامل المفروض يعني حتى زحمة الكرنيش ممكن تخف بعد ما اشارات القوس تفتتح و الجسور تكتمل بالكامل.

اليوم الي صاير نفس كل يوم تكدس سيارات و بدايه مدارس شوي شوي تخف الزحمة لأن في ناس بيطلعون 6 ونص و ناس قبل علشان يوصلون عيالهم الحين شوي شوي كل ما شخص نقع فالزحمه اليوم الي بعده يطلع بدري اكثر و هالطبع مادري ليش كل سنه اسوي نفس الشي لما اوصل اختي المدرسه و ألاحظ اني اصير اطلع بدري و في عده سيارات المحهم معاي انهم جدمو موعد طلعتهم تفاديا للزحمه.

المشاريع الي المفروض تخلص على نهايه هالسنة او بداية السنة الجايه.

طريق الوكره الموازي لين مسيعيد.
مع 5 تقاطعات بعده مستويات انفاق و جسور و بيخفف من زحمة 22 فبريار للمنطقه الجنوبيه للي ما يبي يستخدم المداري.

http://www.ashghal.gov.qa/en/Projects/PublishingImages/2017/Roads/Expressway/PRJ-INFR-EXW-01-Project-N20/Infographs/Benefits%20of%20southern%20part%20of%20Doha%20Expr ess%20Highway-A.JPG

و ايضا تقاطع المطار الي حاليا مسكر كمدخل للوكره في عفيسه عوده هناك حاليا مو حاسين بالزحمه نفس هالوقت السنة الي طافت بسبب تعدد المخارج و ايضا في ناس صارو يستخدمون المداري و في الي يستخدمون الهاي واي الجنوبي من الدوار جنوب الوكره لين سلوى مرورا بالصناعيه.


طريق الريان للأسف مطول لأنه توه بدو فيه لين نص 2019 بس شفنا اريدي المرحله الأولى افتتحو النفق و بعض الأشارات باقي المرحله الثانيه الي بيبتدون في اكمالها حاليا.

موقع اشغال فيه الكثير من المعلومات للي حاب يشوف شنو بيسوون و وين اوصلو سوائا طرق سريعه او محليه

http://www.ashghal.gov.qa/ar/Projects/Pages/ProjectsListing.aspx?aff=%D8%A7%D9%84%D8%B7%D8%B1% D9%82&affid=1

[بوخالد911]

لازم يتحول الى تقاطع كبيييير

[GENIUS]

الدور جاي له قريب ويكون تقاطع من جسور من عدة مستويات ويكون نقطة اتصال للطريق المحوري من الجنوب للشمال وحاليا شغالين على الجسر القادم من الجنوب ويقطع الدائري السادس قرب مشروع ستاد الثمامة ثم مشروع هذا التقاطع الذي سيصل هذا الطريق المحوري مع خط 22 فبراير

[معماري قطري]

الدور جاي له قريب ويكون تقاطع من جسور من عدة مستويات ويكون نقطة اتصال للطريق المحوري من الجنوب للشمال وحاليا شغالين على الجسر القادم من الجنوب ويقطع الدائري السادس قرب مشروع ستاد الثمامة ثم مشروع هذا التقاطع الذي سيصل هذا الطريق المحوري مع خط 22 فبراير

ليش ما تتم كل هالشغلات مرة وحدة وبشركات قوية وبمنهجية ثانية وحلول جذرية؟

نشوف تقاطع ينفتح مثل الأخير دوار الرياضة أمس الشرطة تمشي المرور والإشارة مب ملحقة والزحمة واصلة لين تقاطع الشورى .. هذا التقاطع حتى افتتاحه ناقص وصحيح ما قصروا بس انا ضد أنصاف الحلول .. من دوار حولناه لإشارات والإشارات والدوار كلها حلول بدائية وما تنفع لشارع عليه ضغط كبير والمفروض الشغل يكون لفترات طويلة وحل جذري

الحل الجذري شبكة جسور ومن رايي بدون أنفاق .. وشبكة الجسور لو بيقعدون يسوونها مثل تقاطع طريق الشمال ( دوار محطة بترول الجيدة سابقاً ) اللي تموا يسوونه على دفعات وبشغل يدوي وصب في الموقع وسقالات .. هذي أكيد طريقة قديمة وتطول وتسبب إزعاج كبير وربكة للمرور ولا تقدر تخلص كل شيء مرة وحدة واقصد كل المسارات لكل الاتجاهات

الحل هو الخرسانات الجاهزة وتركيبها في الليل بآليات قوية وشغل سريع .. ولو فيه حاجة لإغلاق بيكون مؤقت وممكن تنعمل تحويلات أقل

[الدوحه1]

ليش دوار التلفزيون تحول الى إشارات وكان من المفترض وحسب مانشر في الجرايد انه بيصير جسور وانفاق؟؟؟

[PathFinder]

وأضيف دوار حــــــــــــــــــــــالـــــــــــــــــول وهو مشكلة بحد ذاته

[معماري قطري]

ليش دوار التلفزيون تحول الى إشارات وكان من المفترض وحسب مانشر في الجرايد انه بيصير جسور وانفاق؟؟؟



بعد هذي الاشارات بفترة ليست بالطويلة بيحتدون على عمل توسعات لها وبعدين بيقتنعون بالجسور والتقاطعات اللي ما فيها توقف .. التقاطعات اللي ما فيها توقف لو من مسارين كفاية بس بشرط المرور يشتغل على بعض العقليات اللي يسوق باجيرو ويحس إنه يسوق باخرة وكل شوي بريك ويدوس ريس بأطراف أصابعه ولا يتعدى ال 50 في شارع 80

لو الكل يمشي بسرعة الشارع القانونية وأسرع شوي بالحدود المسموحة مثلاً يكون المرور صريح سرعة الشارع أقل من 50 و 50 ما تزيد ولا 1 زيادة ومن 50 - 100 يحق لك تزيد 10 للتجاوز ومن 100 - 120 يحق لك تزيد 20 للتجاوز بيكون وضعنا جيد وكل السيارات تقدر على هذي السرعات تبقى النحاسة والتياسة في اللي يبي يسوق بالماينس

[ya3coub]

بعد هذي الاشارات بفترة ليست بالطويلة بيحتدون على عمل توسعات لها وبعدين بيقتنعون بالجسور والتقاطعات اللي ما فيها توقف .. التقاطعات اللي ما فيها توقف لو من مسارين كفاية بس بشرط المرور يشتغل على بعض العقليات اللي يسوق باجيرو ويحس إنه يسوق باخرة وكل شوي بريك ويدوس ريس بأطراف أصابعه ولا يتعدى ال 50 في شارع 80

لو الكل يمشي بسرعة الشارع القانونية وأسرع شوي بالحدود المسموحة مثلاً يكون المرور صريح سرعة الشارع أقل من 50 و 50 ما تزيد ولا 1 زيادة ومن 50 - 100 يحق لك تزيد 10 للتجاوز ومن 100 - 120 يحق لك تزيد 20 للتجاوز بيكون وضعنا جيد وكل السيارات تقدر على هذي السرعات تبقى النحاسة والتياسة في اللي يبي يسوق بالماينس

اتفق معاك و استنكارنا لإعاده العمل Measure twice cut once

ليش اعطل الناس شهور و احول دوار من احسن ما يكون إلى اشاره و من ثم بعدها بسنه او سنتين احوله نفسه و ياخذ حروه ال3 سنين لين ما يستوي.!!!!!

من البدايه نقعني سنتين و انا برتاح.

و ما يصير كل المشاريع تشتغل مره وحده لأ، الدوله بتوقف محد بيقدر يتحرك

[معماري قطري]

اتفق معاك و استنكارنا لإعاده العمل Measure twice cut once

ليش اعطل الناس شهور و احول دوار من احسن ما يكون إلى اشاره و من ثم بعدها بسنه او سنتين احوله نفسه و ياخذ حروه ال3 سنين لين ما يستوي.!!!!!

من البدايه نقعني سنتين و انا برتاح.

و ما يصير كل المشاريع تشتغل مره وحده لأ، الدوله بتوقف محد بيقدر يتحرك

أكيد مهندس يعقوب برمجة المشاريع شيء ضروري بس برمجة صحيحة .. انا مثلاً مسوي تكتل مشاريع في الدوحة مثل مشيرب ومشروع سوق واقف وغيرها من البنايات والمحطات الكثيرة .. كلها تحتاج طرق على مستوى عالي ومخططة صح تخطيط لثلاثين سنة قدام .. والتنفيذ ما يعني نسكر المنطقة بالكامل .. الطرق البديلة هي الحل وتخليص الشغل بسرعة والانتقال لمرحلة ثانية مبرمجة وقريبة هو الأفضل

بعد ما نغفل الطرق الحديثة في المناطق الخارجية .. ليش نسوي طريق طوله حول 10 كيلو متر في منطقة سكنية وسرعته 80 وبين كل نص كيلو دوار وبعض هذي الدوارات صغار وبعضها كبار .. والشارع إن كثر من مسارين .. وفجأة تشوف البيوت تنبني من يمين ويسار وتشوف شاحنات وسيارات تمشي اللي بطيء جداً واللي موقف عند الدوار ينتظر الدوار يفضى وعمره مب فاضي .. ولو صار حادث مأساة .. هذي الطرقات تشوفها بوضوح في الخور وفي الوكرة وفي معيذر وفي عين خالد