الزحمه لا زالت مستمره وسوف تستمر ( أكثر و أكثر )

[أبو سعود]

صار لي فتره طويله لم أذهب لشارع الكورنيش

خصوصآ في فتره الصباح أي فتره

توجه الناس لأعمالهم


صباح اليوم جربت هذا الطريق وشفت الزحمه مستمره

وللأسف صارت أكثر و أكثر من قبل


فمثلآ أستغرقت المسافه من فندق الماريوت إلى

جسر رأس أبو عبود أكثر من نصف ساعه


وبنفس الوقت كنت أتابع برنامج حركه أقلاع

الطائرات من مطار الدوحه الدولي ولاحظت بعض

الطائرات تجاوزوا حدود دوله البحرين وبمسافه

بينما سيارتي لم تتجاوز مبنى متحف قطر الأسلامي


وتسألت بيني وبين نفسي :

أين المسؤولين طوال هذه المده عن وضع الحلول

من هذه الزحمه ؟ ؟ ؟

وتخليص الناس من هذه الزحمه والمعاناه يوميآ ! ! !



فقد عرفت الجواب بأن هؤلاء المسؤولين هم :


( غائبون )

عن وضع الحلول لها

وأنهم مشغولون في أمور ثانيه وفي

تبذير الأموال وبشكل خيالي هنا و هناك


خصوصآ في مجال الرياضه وغيرها

وكان الأولى أن تصرف على تطوير شوارعنا الداخليه



ومن خلال هذه الزحمه أستنتجت بأن :


الزحمه سوف تستمر أكثر و أكثر


ومعاناه الناس سوف تستمر أكثر و أكثر


وأنها ( لم و لن ) توضع الحلول لها


ما دام بعض المسؤولين هم بعيدون كل البعد

عن وضع الحلول لها



وعلى فكره هذا الموضوع كتبته وأنا في وسط الزحمه

من عند فندق الماريوت لغايه عند المتحف الأسلامي

والسيارات لا تتحرك الأ بصعوبه


هذا بخلاف الزحمه وصعوبه الحصول على

المواقف اللي شفتها عند منطقه الأبراج بالدفنه

مما سبب التاخير عن أنجاز المشوار

اللي ذاهب له


وسلامتكم

[Rider]

ياخوي موضوع الزحمه مب شي جديد علينا وش الحال في نظرك الكورنيش كان دوارات وصار اشارات ضوئية ولا فيه فايده ياخوي السبب الحقيقي للزحمة الكثافة السكانيه في قطر على حجمها الكل يبغي يسوق شوف كل بيت كم سيارة تطلع منه غير الشركات والتاكسي الدولة تبذل جهود كبير في توسعة الشوارع لكن مادام كل شي متركز وسط العاصمه مالك حل

[معماري قطري]

المسؤولين يا بو سعود ما يسمعون .. يفكرون في حدائق ومواقف وينسون تطوير الكورنيش جهة البحر أو جهة الداخل .. تطوير متكامل فيه طريق بدون توقف لكل الاتجاهات والموضوع سهل هندسياً .. تطوير ياخذ في الاعتبار تجديد ممشى الكورنيش الحلو والمعلم المهم وابعاده عن السيارات جهة البحر حتى يمشي الواحد في بيئة صحية

أما شغل حصية على حصية ونسوي وبعدين نعدل هذي سالفة مضيعة وقت .. والا استشاري ينقز لنا بتصميم خرافي جسر وبعدين يتحول لنفق في البحر ويطالب بمليار على التصميم فهذي كلها ليست حلول

[MAZEN37]

22 فبراير الساعه خمس ونص فول والسيارات واقفه
شي عجيب

[حمد بن سعد]

قلت من قبل اشتر راحتك وطلع بدري

[أبو سعود]

ياخوي موضوع الزحمه مب شي جديد علينا وش الحال في نظرك الكورنيش كان دوارات وصار اشارات ضوئية ولا فيه فايده ياخوي السبب الحقيقي للزحمة الكثافة السكانيه في قطر على حجمها الكل يبغي يسوق شوف كل بيت كم سيارة تطلع منه غير الشركات والتاكسي الدولة تبذل جهود كبير في توسعة الشوارع لكن مادام كل شي متركز وسط العاصمه مالك حل


ما أعتقد كثافه السكان هو السبب الأساسي في

زحمه الشوارع الداخليه خاصه ناحيه الكورنيش

ومنطقه الأبراج


بل السبب الأساسي هو سوء التخطيط

نعم سوء التخطيط

لأن معظم الجهات الحكوميه والمؤسسات متواجدين

في هذه المنطقه بالأضافه إلى وجود الأسواق

والمجمعات التجاريه

وأضف إليهم كثره المناطق السكنيه


وكذلك قله مواقف للسيارات مقارنه مع هذه الأبراج

وكثره عدد المراجعين والموظفين


وأضف إليهم بدل من أن تنشئ طرق سهله

كالجسور والأنفاق

نرى من بعض المسؤولين تركيزهم الشديد على

أختيار الدوارات والأشارات المروريه

لفك الأختناقات المروريه


والتي هم من تسببوا في تكدس حركه السيارات

وكلهم يقعوا مناطق متقاربه

[أبو سعود]

قلت من قبل اشتر راحتك وطلع بدري

الحمد لله أنا كنت مرتاح البال وما حسيت

بالأزعاج من هذه الزحمه


والدليل أني ما رحت صوب شارع الكورنيش

ومناطق الأبراج بالدفنه من فتره طويله

خاصه بفتره الصباح

الأ صباح اليوم لأن كان عندي مشوار مهم

في هذه المناطق

لكن للأسف ما توقعت أبدآ أن الزحمه بتستمر هكذا

وبشكل أكثر

ما دام بعض المسؤولين غائبون عن وضع الحلول

الجذريه للزحمه

[technical]

بسم الله الرحمن الرحيم ، اعتقد ضروري يتم الالتفاف إلى مسألة الزحمة و ذلك لتكلفة الزحمة العالية على الاقتصاد نتيجة التأخير عن العمل و عن توصيل البضائع .
سنة ظ¢ظ*ظ*ظ¥ تقريبا كانت الشاحنة تعمل عدة مشاوير من الصناعية في اليوم الواحد، اليوم زين تعمل مشوارين او ثلاثة
تكلفة على المزاج العام نتيجة الاهمال ، مثلا الدوار الي يربط بين الدفنه و بين كتارا ، هذا كم سنة قافلينه يمكن ست او سبع سنين ؟ ليه ؟ متى بيخلص ؟ يخلي الناس تضطر تروح صوب ابراج ازدان او صوب كتارا ، والسلام.

[م. عبدالعزيز]

كلامك صحيح ، المنطقة اللي مابين المتحف الاسلامي وجسر بوعبود زحمتها جدا كبيرة بالوقت الحالي. ولاتنسون شبكة طرق أكبر راح تشبك عليها (الدائري السابع ، والسادس) يعني مناطق اضافية يعني سيارات اضافيه جايه للكورنيش من هالجهه. فايش راح يصير بعدين !؟

اما يتم الغاء احد الاشارات عند المتحف لتسهل انسيابية المرور أم مثل ماقال مهندسنا يتم توسعة الكورنيش بالدفنان على البحر.

[وحيد-الشوق]

طريق الكورنيش من سيء الى اسوء شارع من اهم شوارع الدوحة واجهة وقلب البلد و3 مسارات هل يعقل !!!

[معماري قطري]

طريق الكورنيش من سيء الى اسوء شارع من اهم شوارع الدوحة واجهة وقلب البلد و3 مسارات هل يعقل !!!

يعقل لو ثلاث مسارات بدون اشارات وبدون دوارات والمسارب الخارجة والداخلة مرتبة صح بتكون كفاية .. المسارب تكون شبكة جسور ودخولك للمسرب ما يعيق الثلاث مسارات .. يا اخوي البعض حتى لو الحالة كذا تحصله ماخذ يمين ويمشي بطيء على أمل يوصل للمسرب ومعرقل السير ويجي ثاني ياخذ الوسط على أمل يجي جدامه ويدخل يمين وثالث ماخذ اليسار .. الكل يتسابق على أول دخلة الشارع الفرعي والسبب الوحش اللي يمشي يمين

لو المسارب هذي مخططة صح والناس عندها شوية وعي مدفوع بمخالفات المرور للي يعرقل والعالم يمشون بالسرعة القانونية بتشوف الزحمة أخف لكن تجتمع كل هذي الأُمور عمر ما بينصلح الحال

[الحاقول]

الحمدالله رغم الحصار الظالم على قطر فالزحمه لا زالت مستمره في شوارعها
وهذا دليل على فشل الحصار

[معماري قطري]

البعض يوصل للمسرب ولا ياخذه من بدايته يتم يمشي بالعدال وفجأة يلف يمين عند نهاية المسرب والسيارات وراه تكون دخلت وبتمشي تكمل طريقها الا هذا طرى عليه ويلف وهو خايف ويتلفت وبطيء ويسوي عرقلة واحتمال حوادث

[بوخالد911]

ليش ما يخلون الكورنيش كله مسار واحد
بدل من رايح وجاي

[معماري قطري]

ليش ما يخلون الكورنيش كله مسار واحد
بدل من رايح وجاي

في ميامي شارع طولي قديم اللي هو ال يو اس 1 وهذا ساحلي أقدم شارع في أمريكا يوصل لين كندا في الشمال الشرقي .. ضيق وغالبيته من مسارين لكل اتجاه وتحصل عليه زحمه واشارات لو تعدهم يمكن يوصلون بالراحة مليون اشارة .. قصدي من ميامي لين بوسطن في الشمال بس اشاراته سلسة وتفتح ورا بعض بطريقة تخليك أوقات كثيرة ما توقف وتحس بمتعة ولو إن سرعته أوقات 35 ميل وأوقات 50 واتوقع بين المدن تزيد شوي

سووا شارع محاذي له وكله جسور بدون اشارات الا في المسارب والمسارب انسيابية تدخلها بسرعة الهاي وي 60 ميل في الساعة بعدين تخفف وتخفف براحتك فيه مسافة لين توصل أول اشارة ولو المسرب هذا رئيسي تحصله يحولك لإتجاهات عدة عبر شبكة جسور بعدين توصل لإشارات .. يعني المسرب يتفرع لثلاث أو أربع مسارب مثلاً .. وتندهش من هذي الشبكة شلون حتى بنوها وخططوها

فوق هذا سووا شارع ثالث استثمار خاص وتدفع فلوس عليه لأن شركة مسويته وتاخذ أتعابها بالأقساط سنين طويلة وجزء يندفع لملاك الأراضي اللي يمر فيها

الثلاث شوارع كلها تنطلق من أطراف ميامي الجنوبية وبعضها تلتقي في شارع واحد وتتجه شمال حتى لولايات ثانية وغيرها أكيد توجد شوارع رئيسية بس هذي مثال

[أبو سعود]

كل ما أشوف كثره السيارات وهم ( متعثرين )

بهذه الزحمه ولفترات طويله على حساب

الوقت والجهد لأفرادها


ولا أرى ولا أستمع لمسؤولين يتحملون مسؤوليتهم

عن تأخير الناس على مشاويرهم


دائمآ أتذكر الجمله المعروفه لعمر بن الخطاب


لو أن بغله تعثرت في العراق لسئل عنها عمر


أما عندنا على الرغم من قله الشوارع الأ أن

الآف من السيارات يتعثرون في الزحمه


السؤال :


متى نرى ونستمع للمسؤولين وهم يتحملون هذه المسؤوليه

ويسعون لتخفيف معاناه تأخير الناس عن مشاويرهم

[Riku3]

البعض يوصل للمسرب ولا ياخذه من بدايته يتم يمشي بالعدال وفجأة يلف يمين عند نهاية المسرب والسيارات وراه تكون دخلت وبتمشي تكمل طريقها الا هذا طرى عليه ويلف وهو خايف ويتلفت وبطيء ويسوي عرقلة واحتمال حوادث

ذكرتني في موقف صادني فأول كم يوم في اورلاندو .. جووجل ماب يقول اللفه بعيدة .. فتجاوزت السيارات الي في المسار الجانبي لان كنت اعتقد ان لفتي ما وصلت .. وفجأة الا يقولي جوول ماب لف يمين .. واضريت اني ادخل قدام السيارات علشان ادخل الجسر الفرعي .. عجبني شلون كل هالسيارات واقفة بالدور مسافة طوييييلة ولا واحد متجاوز في الشارع .. الا انا طبعاً هههههه وبالغلط اكيد @_@ .

[الدوحه1]

الحل....



https://www.gulf-up.com/b/1505390719511.jpg (https://www.gulf-up.com/)

https://www.gulf-up.com/b/150539071962.jpg (https://www.gulf-up.com/)

https://www.gulf-up.com/b/1505390719613.jpg (https://www.gulf-up.com/)

[معماري قطري]

ذكرتني في موقف صادني فأول كم يوم في اورلاندو .. جووجل ماب يقول اللفه بعيدة .. فتجاوزت السيارات الي في المسار الجانبي لان كنت اعتقد ان لفتي ما وصلت .. وفجأة الا يقولي جوول ماب لف يمين .. واضريت اني ادخل قدام السيارات علشان ادخل الجسر الفرعي .. عجبني شلون كل هالسيارات واقفة بالدور مسافة طوييييلة ولا واحد متجاوز في الشارع .. الا انا طبعاً هههههه وبالغلط اكيد @_@ .

يعذرون اللي مضيع طريقه والزائر ويتعاونون معاه .. لكن عندهم احترام للقانون وخصوصاً الطابور .. وشرطتهم يخالفون اللي يسوق بطيء واللي يتناحس مع حد غلطان وقرر يدخل مسار معين

[معماري قطري]

الحل....



https://www.gulf-up.com/b/1505390719511.jpg (https://www.gulf-up.com/)

https://www.gulf-up.com/b/150539071962.jpg (https://www.gulf-up.com/)

https://www.gulf-up.com/b/1505390719613.jpg (https://www.gulf-up.com/)

مؤكد شبكة الجسور ضرورية لشوارع كثيرة عندنا خصوصاً مع ازدياد عدد السكان والسيارات

الإشارات نحتاجها في الفرجان وبعض التقاطعات أما الشوارع الرئيسية والشبه رئيسية جسور وبس وتخطيط بحيث يكون بدون توقف .. لازم بيجي يوم في المستقبل بتستوي زحمة حتى على هذي الطرق الحديثة وتحتاج بعدين لطرق اضافية وموازية

شبكة الجسور ما يسوونها في الوقت الحالي بنيان وصب في الموقع وقصة طويلة تاخذ 3 سنين أو 4 مثل الترقيع اللي صاير على تقاطع الشمال .. حتى العمدان تنغرس في الأرض جاهزة تنضرب بطريقة الوتد .. ومكونات الجسر فوق تتركب بشكل وصلات قطع مصبوبة مسبقاً في ورشة عليها تحكم بالحرارة والرطوبة وتنقل وتركب خلال الليل في ساعات بسيطة قطعة قطعة

شركة الريل عندنا تستخدم هذي التقنية .. بعقليات ادارية ألمانية أما أشغال باستشاري عادي شغل سقالات وصب في الموقع وحديد مصدي حتى يتماسك مثل ما يقولون مع الخرسانة والله أعلم كم بيعيش .. طبعاً أشغال بقايا شغل الإدارة القديمة والإدارة الحالية فرق كبير الله يوفقهم ونشوف هذي الانجازات سريعاً

كل هذي الخطط المفروض وراها تصاميم لفترات طويلة 50 و 100 سنة لأن التغيير بعدين صعب والمناطق الجديدة تحتاج التفاتة سريعة وحلول سهلة في الوقت الحالي وأثناء تطويرها ... أما ننتظر لين البيوت تلاصق الشوارع الضيقة ونقول كافية ونعتمد الدوارات في مناطق ذات كثافة سكانية متزايدة هذي مشكلة تخطيطية كبيرة وشفتها في جميع المناطق الحديثة بلا استثناء .. على سبيل المثال معيذر وعين خالد وحتى دخان والخور

[معماري قطري]

عندنا ما نحتاج معايير تصميمه قوية كثير مثل بعض المناطق الثلجية أو اللي فيها زلازل أو انهيارات أرضية .. أهم شيء نبعد عن الأنفاق ونسوي جسور والجسور لها جوانب خرسانية حماية وبنفس الوقت ستر للبيوت تحت