إلغاء إجازة إبريل للمدارس

[الحياة الخالدة]

السلام عليكم ورحمة الله وبركاته

هاذي الاجازة اللي حصل فيها خلاف بين معارض ومؤيد
صرح الدكتور الحمادي وزير التعليم أنه سيتم إلغاؤها هذا العام لتعويض النقص في أيام التمدرس الناجم عن تأخر بداية العام الدراسي
ولما سيطرأ على التقويم الدراسي من تعديلات جوهرية

[معماري قطري]

أفضــل

[الحياة الخالدة]

أفضــل

أتذكر أن كان في اختلاف كبير في الآراء مابين مؤيد ومعارض
ولكلٍّ وجهة نظره
بس لو كان إلغاؤها بيعدل من اجازة الطلاب بحيث يأجزون في الصيف بدري شوي أعتقد ان هالقرار صائب
لكن لو تأخروا لين العيد فأتوقع ما سوينا شي بهالقرار
بالنهاية يمكن يكونون أصحاب القرار أدرى بالوضع ولهم وجهة نظر صائبة

والله أعلم

[حمد بن سعد]

كلها سبوع احسن الغوها ماشوف لها داعي

[Rider]

ابرك وش الفايده من أسبوع يخترب فيها جدول العيال من حيث النوم

[الحياة الخالدة]

كلها سبوع احسن الغوها ماشوف لها داعي

أتفق معاك

[الحياة الخالدة]

ابرك وش الفايده من أسبوع يخترب فيها جدول العيال من حيث النوم

وأيضاً أتفق معاك
حتى لما يخلص الاسبوع يقعدون يتحلطمون ان الاجازة ما تكفي .. وليش ما خلوها اسبوعين

[partyQtr]

انا مع الغائها أسبوع شيء بسيط ونقعد نعاني بعده مثلا اليهال يتعودون عالسهر وغير جي

كسل الاجازة حتى لو فترتها بسيطه وعقب لين خلص الأسبوع اللي يتذمر واللي يتميرض واللي مايبي يروح اول يوم

واعذار ماتخلص انا اجوف انه هالاسبوع يستفيدون منه في الدراسة ويمشون المنهج احسن بوايد

[الحياة الخالدة]

انا مع الغائها أسبوع شيء بسيط ونقعد نعاني بعده مثلا اليهال يتعودون عالسهر وغير جي

كسل الاجازة حتى لو فترتها بسيطه وعقب لين خلص الأسبوع اللي يتذمر واللي يتميرض واللي مايبي يروح اول يوم

واعذار ماتخلص انا اجوف انه هالاسبوع يستفيدون منه في الدراسة ويمشون المنهج احسن بوايد

صحيح كلامج أختي
وفي ناس يسافرون في هالاسبوع ولين ردوا يحتاجون إجازة من عقب الاجازة

[المخفي]

كانت استراحة محارب للأمهات من عناء التدريس

[حمد 2002]

أيام التمدرس ؟
ليش ماقال ايام الدراسه ليش قال التمدرس ؟

شدت انتباهي هالكلمه ..


المهم انا مع الاجازه ..

ارحموا الطلبه شوي ، الحين انتوا بالموظفين لو خفضوا اجازتكم السنويه بتوافقون ؟!

الطلبه كذلك ، لهم حق الراجه والتنفيس عن النفس .

[الحياة الخالدة]

كانت استراحة محارب للأمهات من عناء التدريس

الله يعينهم .. معاناتهم ومحاتاتهم أكثر من الطلاب أنفسهم

[الحياة الخالدة]

أيام التمدرس ؟
ليش ماقال ايام الدراسه ليش قال التمدرس ؟

شدت انتباهي هالكلمه ..


المهم انا مع الاجازه ..

ارحموا الطلبه شوي ، الحين انتوا بالموظفين لو خفضوا اجازتكم السنويه بتوافقون ؟!

الطلبه كذلك ، لهم حق الراجه والتنفيس عن النفس .

مصطلح التمدرس يا حمد معروف من فترة .. يعني مب شي يديد

وبخصوص رايك .. وجهة نظرك ونحترمها

[شيخ القبيلة]

مب هذي اللي يسمونها اجازةالايستر؟؟؟

[السيف5]

كانت اجازة حلوة
نوع من التغيير وراحة للطالب والاهل بالبيت
اشوفها ضرورية ياريت ترجع

[الحياة الخالدة]

مب هذي اللي يسمونها اجازةالايستر؟؟؟

إيوة أعتقد هي نفسها

[الحياة الخالدة]

كانت اجازة حلوة
نوع من التغيير وراحة للطالب والاهل بالبيت
اشوفها ضرورية ياريت ترجع

أكيد أخوي محد يعاف الإجازة .. لكن تبقى وجهة نظر
تحياتي لك

[MAZEN37]

علشان يكون رمضان اجازه وهذا القرار برأي ممتاز

[امـ حمد]

ابرك وش الفايده من أسبوع يخترب فيها جدول العيال من حيث النوم

صحيح ماله فائدة الإسبوع، يخترب نوم العيال ويبون اسبوع ليتعدل نومهم

[Q ابو تركي Q]

اللي مؤيد الغاء الأجازه هذا لا يفهم واقع الطالب ولا المدرس ولا المدرسه
لانه قاعد على مكتب بأحد الوزارات

أتعلم أن الطالب يعمل لمدة ٧ ساعات يومياً أكتب اشرح حل السؤال أقرأ امتحان فكر انجز النشاط استنتج لمدة شهرين قبل أجازة ابريل
فيصاب بأرهاق فكري
فتبدأ حالات الجنون عندهم والنشاط العدواني بسبب ارهاق الدراسه والدوام

والمدرس يقف ٤ ساعات من ٧ ساعات يومياً من أجل تعليم الطلبه

وتدبيسه ماده جديده تم أقراره هذا العام فوق مادته الاصليه

والمتطلبات الورقيه للقسم وأدارة المدرسه والوزاره


هذه الوزاره أتت لتعمل على أرهاق الطالب والمدرس

[الحاقول]

تخرجنا من الجامعات العالميه .. وماعرفنا هالتمدرس .. الاجازه حق طبيعي للطالب والمدرس والاهل

[بوخالد911]

مع الإلغاء.

علماً بأنها كانت متوافقة مع إجازة المدارس الأجنبية تحت مسمى ( إجازة الفصح)
Easter Holiday.

[وحيد-الشوق]

وعليكم السلام ورحمة الله وبركاته

انا محيرني هالتمدرس الي مطلعينا ربعنا نخبر الدراسة تعليم واختبارات من وين جات هالبياخه

[مواقف النجادة]

انا ضد إلغاء اي اجازة لأي مداوم في اي مكان و زمان

[الحياة الخالدة]

شكراً لكل من شارك وأبدى رأيه
واحترامي للجميع

[كازانوفا]

اقتراح طيب وفي محله

[يمامـة]

هو كان أسبوع فقط..

و اشوفه انه من حق الطالب هالاجازة.. ويحتاجها بالفعل

لكم بما انهم اصدروا القرار هالسنة الكلام فيه ما منه فايدة..

[أبو راكان]

الغاء الاجازة لم يضيف او يغير شي لرزنامة السنة الدراسية الحالية
حيث ان الامتحانات ستبدأ منتصف رمضان وتنتهي تاريخ 27 مضان مع العلم ان الامتحانات هالسنة راح تكون بشكل يومي , يعني مافيه مثل قبل يوم امتحان ويوم اجازة ( انا اتكلم هنيه عن المرحلة الثانوية )
وتصريح الوزارة بأن الغاء اجازة ابريل هو من اجل تعويض التأخير في بدأ العام الدراسي استغرب منه , لأن السنة الدراسية بدت هالعام نفس كل عام في الثلث الاول من شهر سبتمبر وهو ماجرت عليه العادة منذ انشئت الوزارة
واحب انوّه ان السنة القادمة بأذن الله سيكون بدء العام الدراسي بتاريخ 23 اغسطس حسب رزنامة الوزارة , يعني قبل الموعد اللي اعتدنا عليه بعشرين يوم تقريبا

اتمنى اعادة النظر في طول العام الدراسي واللي يقابله بالمثل طول في اليوم الدراسي الأمر اللي يسبب ارهاق للطلاب واولياء الامور علو وجه السواء