حد جرب المكيفات الجديدة الموفرة للطاقة ؟

[مواقف النجادة]

السلام عليكم
لو لاحضتوا وزارة الاقتصاد لها سنتين لاحقة وكلاء المكيفات بالعصا علشان يغيرون مواصفات مكيفاتهم
و حطوا نظام النجوم لتقييم المكيفات و اللي ما فهمته بصراحة و لكن اللي عرفته ان الموضوع يتعلق بتوفير الطاقة

سؤالي هو : حد جرب الموديلات الجديدة المطابقة لاشتراطات وزارة الاقتصاد ؟
هل في فرق في الكفاءة و التبريد؟

انا دفعت عربون حق مكيفات جنرال ايام المكيفات القديمة الأصلية و الحين شكلهم بيسلموني المكيفات بالمواصفات الجديدة ..
اذا حد جربها و ماينصح فيها ياريت يعلمني حتي أغير الماركة الى نوع اخر و استرجع العربون اذا تكرمتوا

تحياتي ..

[معماري قطري]

المتوقع إنها أفضل بس للتكييف ضروري تركب عازل حراري حتى لو ألواح سيبوريكس خارجية هذي تتثبت ببراغي وممكن تتصنفر ولا تحتاج بلاستر مباشرة معجون وصبغ .. الحفر فيها سهل لعمل ديكورات للواجهة وأكيد بتكون أفضل لو ركبت تحتها عازل فوم .. شوف شركة ناصر بن خالد مختصة بها وكذلك العلي للمشاريع وغيرهم أكيد يوردون ويركبون واحتمال ينتجون في قطر

بعدين مهم تغطية الوحدات الخارجية بمظلات عن الشمس مع تركها مهواة أو عمل غرف صغيرة لها مع وضع مراوح تهوئة كبيرة لو تحب تخليها محمية بالكامل عن أشعة الشمس .. عندي مكيفات ال جي التعيسة بعضها لها 11 سنة قبل تخترب وايد وبعضها استبدلته بفوجي وجنرال لكن انتبهت للتظليل ووايد ارتحت من مشاكل التكييف وحتى المكيفات القديمة صمدت

[مواقف النجادة]

المتوقع إنها أفضل بس للتكييف ضروري تركب عازل حراري حتى لو ألواح سيبوريكس خارجية هذي تتثبت ببراغي وممكن تتصنفر ولا تحتاج بلاستر مباشرة معجون وصبغ .. الحفر فيها سهل لعمل ديكورات للواجهة وأكيد بتكون أفضل لو ركبت تحتها عازل فوم .. شوف شركة ناصر بن خالد مختصة بها وكذلك العلي للمشاريع وغيرهم أكيد يوردون ويركبون واحتمال ينتجون في قطر

بعدين مهم تغطية الوحدات الخارجية بمظلات عن الشمس مع تركها مهواة أو عمل غرف صغيرة لها مع وضع مراوح تهوئة كبيرة لو تحب تخليها محمية بالكامل عن أشعة الشمس .. عندي مكيفات ال جي التعيسة بعضها لها 11 سنة قبل تخترب وايد وبعضها استبدلته بفوجي وجنرال لكن انتبهت للتظليل ووايد ارتحت من مشاكل التكييف وحتى المكيفات القديمة صمدت

تسلم يالشيخ
بارك الله فيك

[معماري قطري]

تسلم يالشيخ
بارك الله فيك

الله يسلمك ويبارك في حلالك وعيالك

كم مرة قبل المروحة البلاستيكية تتقطع من الشمس ولازم تستبدل ولا يغطيها الضمان الا أول سنة بعدين الكمبريسر بس

[بوخالد911]

هلا بكم

عندي مكيفات جنرال حق العمادي
النوع الجديد بو 6 نجوم

الحمدلله التبريد جيد جدا.

[مواقف النجادة]

هلا بكم

عندي مكيفات جنرال حق العمادي
النوع الجديد بو 6 نجوم

الحمدلله التبريد جيد جدا.

بشرك الله بالخير
ماقصرت يالغالي

[ابوعلي]

انا جربت مكيف جري الجديد وخذته من حوالي ثلاث شهور وممتاز بصراحة ولكن من الصعب نحكم الا بعد فترة

[مواقف النجادة]

انا جربت مكيف جري الجديد وخذته من حوالي ثلاث شهور وممتاز بصراحة ولكن من الصعب نحكم الا بعد فترة

تسلم .. مشكور عالرد الكريم

[بوحارب]

عندي المكيفات الجديدة والمكيفات القديمة الغير موفرة للطاقة
والصراحة كلهم نفس الشي في التبريد ولم احس بأي فرق

عندي جنرال وجري و اوكس وسامسونج

بالنسبة للتبريد نفسسسس الشي اما لتوفير الطاقة مادري عنهم !

[مواقف النجادة]

عندي المكيفات الجديدة والمكيفات القديمة الغير موفرة للطاقة
والصراحة كلهم نفس الشي في التبريد ولم احس بأي فرق

عندي جنرال وجري و اوكس وسامسونج

بالنسبة للتبريد نفسسسس الشي اما لتوفير الطاقة مادري عنهم !

تسلم عالمعلومة يا بوحارب .. تحياتي

[MAZEN37]

معماري ذكر نقطه مهمه جدا فعلا تغطية الوحدات الخارجيه مهم وانا جربته

[$الملياردير$]

هلا اخوي ممكن صورة توضيحية او شرح كيفية التغطية وشلون تتم صيانة الوحدات اذا تم تغطيتها من الاعلى بغطاء ثابت وكم المسافة الكافية عشان المراوح ماتقل كفاءتها ... مع الشكر

[معماري قطري]

هلا اخوي ممكن صورة توضيحية او شرح كيفية التغطية وشلون تتم صيانة الوحدات اذا تم تغطيتها من الاعلى بغطاء ثابت وكم المسافة الكافية عشان المراوح ماتقل كفاءتها ... مع الشكر

انا حطيت صور قبل بس مسوي مظلات خشب تقطعت من الشمس لكن مأدية الغرض

شوف الله يسلمك مطعم برغري في حديقة اسباير ورا حاطين الوحدات على الأرض وزارعين حولهم ومغطيينهم بمظلات قماش .. وبعد فيه بيت على طريق الوعب بعد محطة الوعب بشوي مسوين المظلة حديد بشكل هرمي تبين واضحة السقف مايل ومركبين المكيف .. هذا البيت اظن نادي أجانب أو كنيسة

تركب قواطع ألمنيوم بارتفاع معقول يقدر يقعد العامل تحت ويصين ومب شرط يكون التظليل كامل وطول الوقت بتجي أوقات الشمس مايلة توصل المكيف بس أهم شيء فترة الظهر ما تحرقه .. ممكن تركب حديد وتسوي الرجل عريضة تحط عليها طابوق حتى ما تطير من الهواء .. فوق في الحالتين شينكو ثابت ببراغي خاصة

الخشب ركبت مارين بلايوود على مربع ولا كلفني شيء يذكر حول 1000 وشوي

[معماري قطري]

الصور اللي حطيتها اظن في موضوع صور معمارية وتحليل أو في أفكار التصميم

[معماري قطري]

الخشب بارد ويثبت بس عيبه يتأثر والمارين بلايوود لو حصلت بلجيكي المايل للأسود أتوقع هذا يقاوم الشمس وسهل التعامل معاه قص وتثبيت

[معماري قطري]

في هذي الصفحة الصور ولو تلاحظ بعضهم مثبتين في الطوفة ببراغي

http://www.qatarshares.com/vb/showthread.php?517773-%D5%F5%E6%D1%F1%DA%F5%E3%D1%C7%E4%ED%C9%F1-%E6%CA%F3%CD%E1%ED%E1%F1/page16

[معماري قطري]

لو تشوف يمين الصورة فيه مكيف قريب الحايط ال جي هذا له حول 12 سنة وهذا يكون عليه ظلال غالب الوقت من الحايط اللي جنبه ومن حايطين غير واحد ما يبين .. وغيره اللي معرضين للشمس من فترة بدلتهم

[$الملياردير$]

لو تشوف يمين الصورة فيه مكيف قريب الحايط ال جي هذا له حول 12 سنة وهذا يكون عليه ظلال غالب الوقت من الحايط اللي جنبه ومن حايطين غير واحد ما يبين .. وغيره اللي معرضين للشمس من فترة بدلتهم اي نعم شفته طال عمرك وشفت الطوفة اللي باقية من شغل الصّباغ المصري حسبنا الله ونعم الوكيل ... وجزاك الله خير

[$الملياردير$]

في هذي الصفحة الصور ولو تلاحظ بعضهم مثبتين في الطوفة ببراغي

http://www.qatarshares.com/vb/showthread.php?517773-%D5%F5%E6%D1%F1%DA%F5%E3%D1%C7%E4%ED%C9%F1-%E6%CA%F3%CD%E1%ED%E1%F1/page16

شفت الموضوع الله يجزاك خير ويرزقك من أوسع ابوابه بكل ماتخطة يمينك ... والله الواحد يخجل يكتب رد ... الكلمات ماتوفيك حقك عشانك تبذل جهد و وقت في شرح الأفكار و الإجابة على التسأولات ...بارك الله فيك يا اخوي

[معماري قطري]

شفت الموضوع الله يجزاك خير ويرزقك من أوسع ابوابه بكل ماتخطة يمينك ... والله الواحد يخجل يكتب رد ... الكلمات ماتوفيك حقك عشانك تبذل جهد و وقت في شرح الأفكار و الإجابة على التسأولات ...بارك الله فيك يا اخوي

الله يرحم والديك وبالعكس هذي تسلية لي واتصال دائم بمهنتي واتشرف بخدمة الجميع باللي اقدر عليه

عزل الحوائط يريح التكييف ويريح البيت من الشلوخ ويخلي الهواء في البيت صحي ودرجة الحرارة شبه ثابتة في كل أرجاء البيت .. ونصيحتي للمقبلين على البناء واللي يبون يجددون بيوتهم يهتمون بالعزل .. المكيف يتعب وهو يشتغل بكامل طاقته وتدخل حرارة زايدة عن قدرته .. يشتغل الكمبريسر حده بدون توقف لفترات طويلة لأن سرعة دخول الحرارة كبيرة لكن لو فيه عوازل تخلي الطاقة الحرارية تدخل بدرجات بطيئة وكل ما زاد العزل زاد بطء دخول الطاقة الحرارية وكذلك يقل تسرب البرودة للخارج