شرايكم بالمرسيدس جي 63

[RVD]

السلام عليكم

شباب بغيت اخذ رايكم بالمرسيدس جي 63 (الكبت) موديل 2016 شرايكم فيه ياليت اتقولون لي ايجابياته وسلبياته ؟؟

الله لايهينكم

[ya3coub]

ايجابياته شكل و رزه فالشارع و رفيع و موتر متعدد الإستخدامات حتى للبر بس ربعنا يلمعونه و يكشخون فيه فيه سعه و صوته يطرب.


عيوبه سيرفس نار سعره مبالغ فيه جدا جدا اصوات الطقطقه خصوصا الباب ما تعجبني اهي من الأشياء المميزه الي فيه, بطاريته تنكبك اذا فضت مكانها بين الكراسي الي ورى و اذا بتبيعه فالعاده بخساره.
صوت الهوى و دفع الهوا لك على سرعات عاليه و القزاز الجديد ما اتوقع ينسم بس كان عندي واحد فتره استخدمه مال رفيجي و ما ارتحتله وايد كموتر استخدام يومي.

بسعره بي ام اكس 5 او اكس 6 ام باور مع سيرفس بكج حتى لو ما عليها اشتر سيرفس بكج ووفر فلوسك؟

[style]

شتبي فالكبت هههه....ابعد عنه
اسمع شور المشاركه اللي قبلي

[معماري قطري]

السيارة الكبيرة ثقيلة ومزعجة وما تكون مريحة

جرب الجي ال اي أو الجي ال سي وايد زينين وفيه منهم الكوبيه شبابي أكثر .. عن المكينة ما تحتاج ال 63 السرعات محدودة وألحين مكاين الأربعة والستة فيها قوة وبعضها توين تيربو .. فيه الاي ام جي 43 أقل شوي من ال 63 بس سعره وايد أقل

[رحال]

بصراحة انا عندي واحد .. مرتاح منه .. وكشخه .. لكن عيبه وكالته .. والسيرفس نااار ومبالغ فيه لين مايكرهونك فيه وتبيعه بطقة رزق مقارنة بمبلغ الشراء

[معماري قطري]

بصراحة انا عندي واحد .. مرتاح منه .. وكشخه .. لكن عيبه وكالته .. والسيرفس نااار ومبالغ فيه لين مايكرهونك فيه وتبيعه بطقة رزق مقارنة بمبلغ الشراء

المرسدس الكل يشتكي من وكالته وجاينا الاس الجديد عذاب بكل المقاييس

[الجوكر90]

خذ لك مستعمل
لان خسارته سعر فكسار

[أسير الاسهم]

كان عندي واحد .. بعته من فتره ..
مميزاته: رزه .. وقوي .. حديد
عيوبه: وعر .. بتسكر الباب ثلاث اربع مرات عشان يتسكر عدل .. السيرفس لك عليه وسعره زيت وفلتر وتشييك بسيط بس بتطلع ب5 الاف .. الجامه الاماميه مستقيمه وصوت الهوا فيها قوي مزعج .. نسيت بعد وش اي وبعته خسران مبلغ مش بسيط

[eXpert*]

وجهة نظري :

ما أشوف أن موتر يوميّ ولا عملي نهائياً ..

كشكل من بره لا يعلى عليه لكن ضيق من داخل جداً . ومثل ما تفضلوا الأخوان الباب بهدله لين تفهم له شلون يتسكر كانه باب عراوي 91 الباب خفيف لكن لازم تصفقه شوي .

حرام فيه المكينة 63 لأن على السرعات العاليه تحس فيه كأنك راكب قطار الموت أويعطيك انطباع انك واقف داخل السيارة مب جالس وغيرعدم إنسيابية الموتر.

اذا فعلا في خاطرك أخذ مستعمل مكينة 500 لأنه موتر مزاج فترة ويعدي .

من الأمور اللي ما عجبتني في الموتر ،،، أن القصة ما تختلف وايد يعني تشتري 2017 وتلقى موديل 2000 واقف جنبك وما بينهم فرق من بره نهائياً .

[عبدالعزيز11]

الموتر رزه وكشخه بس سالفه السيرفس ف انا عندي حل حق هالمشكله بحكم ان الموتر كان عندي واشتغلت عليه من A to Z

ألسيرفس لاتسويه فالوكاله هاذي اول خطوه عندك خيارين يا توديه كراج فنتج ف شارع 17 حق السرفس او توديه عند شركه بوش الي هي شركه معتمده حق المرسدس ووكيلها ناصر بن خالد وفق هاي الفنيين الي عند بوش تلاقيهم اصلا كانو ف سيرفس المرسدس وعارفين حق السياره وبتوفر مبلغ كبير

ألجانبينات اذا تبي الراحه خذلك جانبينات غاز وهم انواع , عندك جانبينات راد فلو اتوقع هي المتوفرة في السوق وكراج GT customizer (سعود العطية) اتوقع وكيلهم او تطلب من النت الجانبينات وهني بيكون عند كذا خيار مثل راد فلو وفوكس وتركبهم عنده

بس النقطه الاساسيه واللي محد قالك عنها ترى السياره بتتغير عالسنه الجايه وموديل 2018 بيكون اخر نسخه حق الكود W463 والسيارة بتصير اعرض والداخلية بتتغير واتوقع بيكون فيها cup holder