الشبكة الداخلية للصرف الصحي في الحمامات ...اعزكم الله

[$الملياردير$]

السلام عليكم ورحمة الله وبركاتة .... الله يمسيكم بالخير جميعا الأعضاء الكرام .... حبيت استفسر عن نصائحكم وتجاربكم بخصوص تنفيذ الشبكة الداخلية لشبكة الصرف الصحي للحمامات ... علما انه تم تنفيذ العزل وعمل طبقة من البلاستر كحماية ... هل يتم تركيب البيات على البلاستر مباشره وما هو افضل دفان يستخدم وهل يتم تركيب البلاط بالمادة اللصقة في الحمامات .... حبينا نسمع نصائحكم ونشط مواضيع المنتدى 😉... دمتم بود

[معماري قطري]

عليكم السلام ورحمة الله وبركاته

عادي لو تركبت على البلاستر .. إنت أصلاً بتكمل تركيب البايبات بوصلات صحيحة وبغراء يلصق الوصلات ولا ينفك طول العمر .. وهنا لازم تنتبه للجودة في المواد والشغل ولا تخليهم يدفنون الا بعد فحص بايبات الصرف عن التسريب بجهاز الضغط .. وكلما كان خط الصرف خالص بالكامل كان الفحص شوي أصعب وأشمل .. لأنه يوضح لك لو فيه تسريب داخل أو خارج والبايب متجه للصرف .. نسيت شكثر يكون الضغط بس اتوقع 2 بار كفاية لأن التصريف ما بيكون مضغوط وبيعتمد على الجاذبية

الشيء المهم الثاني سو اختبار مرور الماء شوف شلون يصرف كلك ماي مثلاً من جهة لجهة بدون ما يوقف أو يعلق يعني السلوبات مضبوطة .. وهذي عملية سهلة .. يحط كلك تحت ويصب كلك متروس ماي فوق وتشوف شكثر ماي ينزل وهل ينزل بسرعة

بالنسبة للسدادات عن الروائح أو ما يسمى الرداد هذا بينفعك عن الروائح والحشرات وحطيت طريقته في يوتيوبيات البناء

بعدين يجي الدفان برمل مغسول وخالي من الأرضة والشوائب ولو متشكك شوية دواء للأرضة ترشها عليه بيكون ضمان أكثر .. وفوق ينعمل بلاستر ثاني بسلوب بسيط جهة الصرف .. ولفحصه جيب تيلة ( عاد دبر نفسك التيل هالوقت وين تحصلها ) أو كورة صغيرة حطها في أي طرف أو زاوية وشوف وين تتجه بدون ما تدفعها .. لو وقفت معناها الماي بيوقف ولو تحركت لازم توقف عند فتحة الصرف

بعدين يجيك التبليط وانتبه للمواد وطريقة تركيبها .. بعض الروبات تنخلط بسائل خاص وبعضها بالماي وبمقادير معينة ويستحسن بخفاق كهربائي .. وبعضها ضروري الخفاق الكهربائي .. ولو يتركب البلاط بالقطع البلاستيكية اللي توازنه وتخلي كل بلاطة 100% في مستوى الثانية أفضل لك وهذي لها فيديو بعد في موضوع يوتيوبيات البناء .. القراوت منه أنواع ومنها ما تسرب كلش ولا يتغير اللون وأغلاها الايبوكسي وهو أقواها بس يحتاج عناية شديدة في التركيب والمسح بسرعة لو لصق على السطح ما يطير بسهولة .. الوسط فيه أنواع فيها ألوان وحبيبات القراوت رفيعة جداً يجي مثل البودرة وينخلط بماء ويستوي مثل العجين .. هذا تقدر تغامر بألوان غير تكسر لون البلاط ويوجد منه عند المتحدة مجربه ووايد زين .. أرخص شيء الاسمنت الأبيض وكثير عمال يحبونه ويقنعون الملاك به بس بعد فترة يتقشع ويتغير لونه يسود ويعفن

[$الملياردير$]

جعل والديك في الجنة ومشكور ع ردك ... احلى شي في الموضوع التيل ... ��

[معماري قطري]

جعل والديك في الجنة ومشكور ع ردك ... احلى شي في الموضوع التيل ... ï؟½ï؟½

حل رخيص وسهل ويوضح لك السلوب بدون أخطاء وهذا تسويه قبل التبليط حتى لو فيه خطأ يصححه اللي يسوي البلاستر والعملية سهلة أصلاً المفروض يسوونه صح من البداية لكن بعضهم شغلهم لك عليه أو يتعمدون يضرون

شيء مهم لما قبل هذي المرحلة اللي هو العازل المائي يستحسن نركبه بعد تبليط الحايط ونترك الصف السفلي من البلاط لما بعد العازل .. نمدد العازل لمستوى نص البلاطة الأخيرة حتى يغطي أي تسريب جانبي يبقع على الجدران سواء من الخارج أو الداخل .. بعدها نحط على الطرف الظاهر شوية مونة ونركب البلاطة الأخيرة .. بتبقى شوي ضعيفة لكن لين جات بلاطة الأرضية بتصك عليها وبتستوي ثابتة أكثر

كلها تحتاج وزن وقياسات دقيقة .. لو حابين نترك تحت بلاطة كاملة والحواف تكون مستقيمة نسوي خط مبدئي حق مستوى البلاط وين بيكون وهذا لازم يكون متساوي أو تحت بشوي عن باقي أرضيات البيت .. فوق هذا الخط بحدود 10 سم يطلع العازل تحت البلاستر ونخلي فراغ كافي حق آخر بلاطة كاملة ونبدأ وزن البلاط بحيث نخلي الجزء العلوي فيه القص ومن تحت تكون عندنا بلاطة كاملة وتصك على حافتها بلاطة الأرضية

البعض يسوي تصميم خاص بحيث يخلي البلاط قليل وفي أماكن الرطوبة والباقي صبغ أو ورق جدران مثل صور كثيرة تم شرحها في موضوع المطابخ والحمامات وهذا لازم يتم تحديد مكان البلاط ومستواه قبل التنفيذ وحسب المخططات المعمولة

[@north_star@]

نصيحة اخوي بالنسبة لبايبات صرف الشاورات والمغاسل والمطبخ خلها 2" مب 1-1/2" او 1-1/4" عشان الانسدادات بالمستقبل خاصة المطبخ والشاور لانه أكثر شي التسكير يصير منهم وبالنسبة للمواد اللاصقة للبلاط والسيراميك بتحصل مادة اسمها فوسروك وكيلها شركة تدمر وتعتبر من أفضل المواد اللاصقة اللي فالسوق

[معماري قطري]

نصيحة اخوي بالنسبة لبايبات صرف الشاورات والمغاسل والمطبخ خلها 2" مب 1-1/2" او 1-1/4" عشان الانسدادات بالمستقبل خاصة المطبخ والشاور لانه أكثر شي التسكير يصير منهم وبالنسبة للمواد اللاصقة للبلاط والسيراميك بتحصل مادة اسمها فوسروك وكيلها شركة تدمر وتعتبر من أفضل المواد اللاصقة اللي فالسوق

العادة هذي البايبات تجي 2 انش وانا مرة قلت لو نسويها أكبر أفضل ما ادري 3 موجودة أو لا

[@north_star@]

العادة هذي البايبات تجي 2 انش وانا مرة قلت لو نسويها أكبر أفضل ما ادري 3 موجودة أو لا

اشوفلك الغالبية 1-1/2" و3" اظن متوفر بالسوق وأكيد انه افضل من 2"

[معماري قطري]

اشوفلك الغالبية 1-1/2" و3" اظن متوفر بالسوق وأكيد انه افضل من 2"

اللي يبي بايبات انجليزية بيحصلها في محطة بترول عزيز .. هيبوورث لهم مخزن كبير ومكاتب هذي جودتها عالية

[@north_star@]

اللي يبي بايبات انجليزية بيحصلها في محطة بترول عزيز .. هيبوورث لهم مخزن كبير ومكاتب هذي جودتها عالية

نعم صدقت اخوي معماري هيبورث من افضل الشركات وهالشركة تابعة لشركة الطيب

[معماري قطري]

الحمد لله كل شيء موجود في قطر لكن المشكلة في الدعاية لهذي المواد وهذي الطرق وغالبية الاستشاريين والمختصين ما يدرون إذا المادة أو طريقة التركيب موجودة .. قناعاتهم قديمة وبدون بحث وتطوير

مشكلتنا في بعض المواد المنتجة محلياً واقليمياً وصينياً ما فيها ضبط جودة وفيها عيوب تصنيع كثيرة ولا تلاحظها .. تركب بايب سميك وجيد لكن يجيك فيه جزء بسيط ضعيف أو فيه عدم تجانس وشقوق مجهرية تكبر مع العمر .. أو فيه طلاء ناقص في مكان معين .. أو مثل ما عرفت عن تصنيع جبل علي لبايبات النحاس بأنهم يخلطون النحاس بمواد ثانية وغالبيتها معاد تصنيعها مثل الحديد والرصاص وغيره .. بعضها ضارة وبعضها تسبب صدأ وتآكل

بايبات البي بي ار التركية والصينية نفس المشكلة ما تخلى من رداءة المادة ومشاكل التصنيع وهي تقليد للألمانية والسويسرية اللي هم أوائل المصنعين لها وبضمان على جودة التصنيع لمدة 50 عام وتتحمل الحرارة حتى في الخارج ومكشوفة

[معماري قطري]

بنفس الوقت إحنا نسوي دورات مياهنا بطريقة وحدة .. أرضية نازلة وبايبات وعزل ودفان وبايبات تغذية في الحائط وتكسير وشغل زيادة

في أمريكا مثلاً وحطيت صور في موضوع مباني مميزة لطريقة البناء هذي .. يتم تركيب البايبات على الطابوق من داخل وتمديدها من بدايات تأسيس البيت .. بعدها يتم تغطية الطابوق بألواح جبسية وتكسى بالبلاط أو تصبغ بصبغ مقاوم للرطوبة أو بالاثنين حسب الموقع

بايبات الصرف كلها تكون مفتوح لها في أرضية خشبية وممددة أسفل السقف أو الأرضية مع إمكانية كشفها واصلاحها .. العزل يكون أما بطبقة بسيطة أسفل البلاط أو بمونة خاصة غير مسربة للمياه

[$الملياردير$]

نصيحة اخوي بالنسبة لبايبات صرف الشاورات والمغاسل والمطبخ خلها 2" مب 1-1/2" او 1-1/4" عشان الانسدادات بالمستقبل خاصة المطبخ والشاور لانه أكثر شي التسكير يصير منهم وبالنسبة للمواد اللاصقة للبلاط والسيراميك بتحصل مادة اسمها فوسروك وكيلها شركة تدمر وتعتبر من أفضل المواد اللاصقة اللي فالسوق

الله يجزاك خير ... يا اخوي على ردك الكريم ... وإهتمامك لا عدمناك يالغالي

[$الملياردير$]

الحمد لله كل شيء موجود في قطر لكن المشكلة في الدعاية لهذي المواد وهذي الطرق وغالبية الاستشاريين والمختصين ما يدرون إذا المادة أو طريقة التركيب موجودة .. قناعاتهم قديمة وبدون بحث وتطوير

مشكلتنا في بعض المواد المنتجة محلياً واقليمياً وصينياً ما فيها ضبط جودة وفيها عيوب تصنيع كثيرة ولا تلاحظها .. تركب بايب سميك وجيد لكن يجيك فيه جزء بسيط ضعيف أو فيه عدم تجانس وشقوق مجهرية تكبر مع العمر .. أو فيه طلاء ناقص في مكان معين .. أو مثل ما عرفت عن تصنيع جبل علي لبايبات النحاس بأنهم يخلطون النحاس بمواد ثانية وغالبيتها معاد تصنيعها مثل الحديد والرصاص وغيره .. بعضها ضارة وبعضها تسبب صدأ وتآكل

بايبات البي بي ار التركية والصينية نفس المشكلة ما تخلى من رداءة المادة ومشاكل التصنيع وهي تقليد للألمانية والسويسرية اللي هم أوائل المصنعين لها وبضمان على جودة التصنيع لمدة 50 عام وتتحمل الحرارة حتى في الخارج ومكشوفة
الله يصبحك بالخير ... اخوي الكبير والغالي بوعبدالله وتقبل الله طاعتك ... كلامك صحيح طال عمرك ... واجهتني مشكلة بسيطة جدا بخصوص كان في العقد مطلوب بيبات الكهرباء 20 mm ب ف سي الترنك البيضاء من شركة ديكو دكت الاماراتية ... ولما جينا نستكمل المشروع ما حصلنا في السوق ... الا جزء بسيط مخزن قبل الازمه وينباع البندل بزيادة ... لما حاولنا نروح للبديل للأسف لقينا قطري و ماليزي بس جودة سيئة .... السؤال احنا من الاولى انا ندعم المنتج الوطني بس ليش ما يطلعونه بجودة عالية ولا اعتقد انه فيه من الصعوبة شي لانه من الصناعات الاولية ...فتكون بين خيار يا تاخذ اقل كواليتي بنفس السعر او تاخذ الجيد بسعر مبالغ فيه واستغلال الأزمة من قبل بعض التجار و الموردين ... وكذلك بالمثل بيبات الصرف الصحي البحرينية .... المشكلة العملية سهلة مب كمياء ... يعني نقدر نطلع نفس المنتج بجوده اعلى من جودتهم تعرى العملية كلها مادة خام و حرارة .... بس جشع بعض ربعنا وطمعهم الله يهديهم والدولة قاعدة تدعم وتقدم لهم المبادرات و الاراضي الصناعية ..... دمت بود يالغالي

[معماري قطري]

الله يصبحك بالخير ... اخوي الكبير والغالي بوعبدالله وتقبل الله طاعتك ... كلامك صحيح طال عمرك ... واجهتني مشكلة بسيطة جدا بخصوص كان في العقد مطلوب بيبات الكهرباء 20 mm ب ف سي الترنك البيضاء من شركة ديكو دكت الاماراتية ... ولما جينا نستكمل المشروع ما حصلنا في السوق ... الا جزء بسيط مخزن قبل الازمه وينباع البندل بزيادة ... لما حاولنا نروح للبديل للأسف لقينا قطري و ماليزي بس جودة سيئة .... السؤال احنا من الاولى انا ندعم المنتج الوطني بس ليش ما يطلعونه بجودة عالية ولا اعتقد انه فيه من الصعوبة شي لانه من الصناعات الاولية ...فتكون بين خيار يا تاخذ اقل كواليتي بنفس السعر او تاخذ الجيد بسعر مبالغ فيه واستغلال الأزمة من قبل بعض التجار و الموردين ... وكذلك بالمثل بيبات الصرف الصحي البحرينية .... المشكلة العملية سهلة مب كمياء ... يعني نقدر نطلع نفس المنتج بجوده اعلى من جودتهم تعرى العملية كلها مادة خام و حرارة .... بس جشع بعض ربعنا وطمعهم الله يهديهم والدولة قاعدة تدعم وتقدم لهم المبادرات و الاراضي الصناعية ..... دمت بود يالغالي

البايبات كلها مهمة لأن لو صار كسر في بايب بسيط للكهرباء وانجرح واير تحت البلاط مجال الشوط كبير أو ضعف الواير مع حرارة السلك واحتراقه وأقل شيء قطع الكهرباء عن هذي الغرفة .. ضمان الجودة يعطيك اياه المصنع ويتحمل مسؤولية أي عطل مسؤولية كاملة وممكن يتكلف باعادة البنيان لك وبارضاءك كعميل وارضاء الدولة والجهات المرخصة مع دفع الغرامات .. هذا في الدول المتقدمة صناعياً وقانونياً .. عندنا للأسف حماية المستهلك شعار وحماية التاجر واجب قومي

المصنع لازم يحمي نفسه لو فيه قوانين قوية عليه ولازم ما يطلع شيء الا مار بفحص شامل وقوي وأي عيب في أي قطعة ترجع للتصنيع مرة ثانية أو تحول لمنتج ثاني .. بعض الدول تبيعها على إنها نخب ثاني للدول الفاشلة وبعض التجار يبيعونها بغالي ويغشون فيها وبعضهم لا عندهم ذمة ويقولون الحقيقة ويقولون الفرق عن النخب الأول والثاني .. مثال خذت بورسلان القشرة فوقه غرانيت غالي ونادر النخب الأول منه ب 700 والثاني ب 200 والفرق بسيط والإثنين ينفعون

عندنا كثير قطع تفشل مثل كرسي فيه شلخ كبير يبين بالعين يدخلونه التشطيب وتنعمل له تغطية بالسيراميك ويطلع يلمع ولا فيه شيء لكن الشلخ موجود ممكن ينكسر بأي لحظة

بالنسبة لك لو مدور بنفسك عند كبار الموردين بتحصل بايبات مساوية وأعلى في الجودة

[قدام]

السلام عليكم ورحمة الله وبركاتة .... الله يمسيكم بالخير جميعا الأعضاء الكرام .... حبيت استفسر عن نصائحكم وتجاربكم بخصوص تنفيذ الشبكة الداخلية لشبكة الصرف الصحي للحمامات ... علما انه تم تنفيذ العزل وعمل طبقة من البلاستر كحماية ... هل يتم تركيب البيات على البلاستر مباشره وما هو افضل دفان يستخدم وهل يتم تركيب البلاط بالمادة اللصقة في الحمامات .... حبينا نسمع نصائحكم ونشط مواضيع المنتدى 😉... دمتم بود


اهم شي في البيت ( تويصيلات الصحيه للحمامات ) انا 5 سنوات اعاني من هالشي في البيت

[eXpert*]

العذر من صاحب الموضوع

اخوي معماري انا الماي عندي ينقع في مكان بعيد عن فتحة الصرف الصحي .

هل سهل تصحيح المشكلة ؟ اخاف اجيب عمال ويعفسون الدنيا :(

[eXpert*]

بنفس الوقت إحنا نسوي دورات مياهنا بطريقة وحدة .. أرضية نازلة وبايبات وعزل ودفان وبايبات تغذية في الحائط وتكسير وشغل زيادة

في أمريكا مثلاً وحطيت صور في موضوع مباني مميزة لطريقة البناء هذي .. يتم تركيب البايبات على الطابوق من داخل وتمديدها من بدايات تأسيس البيت .. بعدها يتم تغطية الطابوق بألواح جبسية وتكسى بالبلاط أو تصبغ بصبغ مقاوم للرطوبة أو بالاثنين حسب الموقع

بايبات الصرف كلها تكون مفتوح لها في أرضية خشبية وممددة أسفل السقف أو الأرضية مع إمكانية كشفها واصلاحها .. العزل يكون أما بطبقة بسيطة أسفل البلاط أو بمونة خاصة غير مسربة للمياه

في اليابان كنت أشوف تمديدات ماي الحمام داخل دكتات في الطوفة . وغطاء الدكت مشابه لشكل بلاط الحمام يعني ما تنتبه عليه .
أي مشكلة تصير في البيابات تفتح الدكت وتصلح وترجع تسكر . ما فيه تكسير نهائياً .

[$الملياردير$]

السبب وانا اخوك هبوط ارضية الحمام فتغير عندك السلوب من عند فتحة الصرف الى المنطقة التي تم فيها الهبوط حيث أصحبت اخفض نقطة في الحمام مما أدى لو جود النقعة .... احس ان كلمة نقعة مب ماشية هههههههه

[$الملياردير$]

الحل تكسير وإعادة الارضيّة بطريقة احترافية ..... بس لو النقعة مب عوده اخلي الموضوع الين احتاج لصيانة اكبر واسويها مره وحدة

[معماري قطري]

العذر من صاحب الموضوع

اخوي معماري انا الماي عندي ينقع في مكان بعيد عن فتحة الصرف الصحي .

هل سهل تصحيح المشكلة ؟ اخاف اجيب عمال ويعفسون الدنيا :(

لو بتجيب حد يشيل بلاط الأرضية ويحط مونة ويوازن الميلان بيتعدل الوضع ويمكن العملية تكون سهلة وسريعة ويمكن حسب خبرته يخرب كل شيء .. أول خله يسوي وزنية بالخيط ويوضح لك شبيسوي وشكثر بيشيل بلاط .. البلاط من تنقف بلاطة ينشال الباقي بسهولة .. ولازم يكون عندك بلاط مشابه أو مثله بالضبط

[معماري قطري]

في اليابان كنت أشوف تمديدات ماي الحمام داخل دكتات في الطوفة . وغطاء الدكت مشابه لشكل بلاط الحمام يعني ما تنتبه عليه .
أي مشكلة تصير في البيابات تفتح الدكت وتصلح وترجع تسكر . ما فيه تكسير نهائياً .

نفس السيستم ويمكن مطور أكثر موجود عند حسين فكري من زمان .. الموجود هوزات ينعمل لها دكت خاص وينبني عليها بالبلاط ووقت التغيير تفتح غطاء بلاستيكي يكون مثل الموزع تسحب وتغير .. نفس الهوزات تقدر تمررها في بايبات بلاستيك وتسحبها وتبدلها وقت الخلل

كذلك فيه نوعيات ستانلس ستيل شكلها حلو خارجية

كذلك تقدر تسوي قص بالغريندر أو بنوع من الغريندرات يجي عريض يسوي قص حول 1 انش وبعمق يغطي البيب ويزيد .. تتركب البايبات بعدين نحط عليها قطع بلاط صغيرة مثبتة بالسيليكون

الغريندر العريض حطيت له يوتيوب يقص بسهولة وبسرعة

[معماري قطري]

السبب وانا اخوك هبوط ارضية الحمام فتغير عندك السلوب من عند فتحة الصرف الى المنطقة التي تم فيها الهبوط حيث أصحبت اخفض نقطة في الحمام مما أدى لو جود النقعة .... احس ان كلمة نقعة مب ماشية هههههههه

الله يسلمك الأرضية تحتها خرسانة وبعدين رمل معبأ بالكامل ما فيه فجوات حتى تهبط .. السبب سوء الشغل والاشراف أي كلام .. أول يسوي بلاستر بسلوب ويرشه بماي كم يوم حتى يقوى وفي هذا الوقت ينفحص وينعمل اختبار للسلوب بالميزان أو بالليزر لو متوفر أو بالتيلة ( أسهل شيء الأخير ) بعدين يركب البلاط

اللي في الأرضية أفضل نسوي البلاستر بسمك أكبر حتى لو صار هبوط بسيط ما يبين عندنا .. ومهم الدفان بدون بودرة وبرمل قد ما نقدر حتى ما يكسر البايبات مالت الصرف

[معماري قطري]

البلاط المركب بسيليكون بسهولة ينشال ويتركب مرة ثانية والسيليكون منه ألوان تجي حسب لون القراوت الباقي

انا خطتي حق بنياني الجديد بإذن الله استخدم الجبس كتغطية على البايبات مع امكانية الفتح بسهولة لجزء ملصوق بالسيليكون .. أو أسوي حايط جزئي ثاني وامدد فيه مع امكانية الفتح والتصليح

[$الملياردير$]

نعم صدقت اخوي معماري هيبورث من افضل الشركات وهالشركة تابعة لشركة الطيب
هلا الله يمسيكم بالخير يالربع حد يعرف لهم رقم عشاني طلبت عينه جابها لي السباك مكتوب صناعة قطر ... يوم اتصلت على الطيب قالوا طلعنا من محطة العزيزية وماعندنا هيبورث الحين ..... او تدلوني على بيبات صرف للمجاري اعزكم الله بحريني او نفس الجودة انجليزي ..... رقم تلفون او حد يورد عشان نتواصل وياه مع الشكر

[معماري قطري]

هلا الله يمسيكم بالخير يالربع حد يعرف لهم رقم عشاني طلبت عينه جابها لي السباك مكتوب صناعة قطر ... يوم اتصلت على الطيب قالوا طلعنا من محطة العزيزية وماعندنا هيبورث الحين ..... او تدلوني على بيبات صرف للمجاري اعزكم الله بحريني او نفس الجودة انجليزي ..... رقم تلفون او حد يورد عشان نتواصل وياه مع الشكر

أتوقع مخزنهم مستقل ولا له علاقة بالطيب حاول تمر تشوفهم أفضل ولا تعتمد على شخص يشتغل عندك .. شوف الكبار مثل تدمر والعمودي وحسين فكري أذكر عنده كم نظام بايبات سويسرية وألمانية .. واحد من الربع تعب وكان يدور بحريني ومعتمد على اللي عنده يقول رحت محل أسئل عن عماني بعد ما يئست قال لي ما عندنا عندنا بحريني

الله أعلم ممكن المنتج القطري يطلع أفضل وعليه تحكم في الجودة

[$الملياردير$]

ان شاء بوعبدالله جزاك الله خير يالغالي

[معماري قطري]

ان شاء بوعبدالله جزاك الله خير يالغالي

فالك التوفيق إن شاء الله

الدرويش وعلي وشبيب العطية لا تنساهم وكذلك كافود .. هذيلا ربعنا من قبل الأزمة يستوردون الجيد من اوروبا وباقي العالم شلون ألحين

بعض الفيترية تفكيرهم مال دكاكين صغار يعرفونهم وما يروحون لغيرهم ويبونك إنت تروح تشوف حتى تدفع فرق السعر