المساعد الشخصي الرقمي

مشاهدة النسخة كاملة : أول عملية تداول في البورصه >> ذكريات <<



mE mYself & i
22-02-2005, 10:26 PM
مرحبا شباب كيف حالكم
أدري الحين كل واحد دخل وشاف الموضوع قال
أيش دخل هالموضوع في منتدى بعيداَ عن الأسهم ههه
بس شاسوي الأسهم وراكم وراكم :D

ويلله كل واحد يجيب الملاس ويقلب ذكرياته
مممممم

كل واحد يخبرنا عن بداياته مع الأسهم
أول عمليه شراء وبيع قمت بها ؟
أول عمليه ربحت فيها ؟ وأيش كانت ردة فعلك ؟
أول عمليه خسرت فيها ؟ وأيش كانت ردة فعلك؟
كيف دخلت سوق الأسهم ؟؟
هل في حد شجعك ؟؟

:p

BusinessWoman
22-02-2005, 11:17 PM
اول عمليه شراء كانت بدون تخطيط مسبق ولو بنفكر فيها دخلت البورصه بمحظ الصدفه وبعد بدون تخطيط من شهر تقريبا
وكل يوم اتعلم شيء جديد فيها ... خذت لي في الصناعات والاجاره كبدايه الكل قال لي مااخذ في الصناعات لانها بتنزل ومستحيل ترتفع اكثر ... وقتها كنت اشوفها غاليه لما كانت على 80 و 90 ... ومع التردد لما وصلت 91 قلت خلاص باخذها وبتوكل على الله , يمكن الحظ لعب دوره معاي لاني دخلت في فتره كانت فيها الاسهم توها بدت ترتفع وفتره انتعاش السوق ..
والحمدلله لحد الحين ماخسرت شيء ... وبالنسبه للتشجيع الكل شجعني والوالد ماقصر معاي هو اول من وقف معاي

وشاكره لك على الموضوع يااخوي اغلى البشر

بس لاتنسى نفسك ... نبي نعرف ذكرياتك بعد


تحياااااااااااتي لك

qatar_moon
23-02-2005, 12:04 AM
بدايتي بالاسهم من وانا ياهل هههههههههههه حلوه كلمة ياهل صح :D بس عن طريق ابوي الي شرى لي بالاسهم

اول عمليه شراء انا سويتها كانت في صناعات نقدر نقول عنها اكتتاب

واول مره رحت البورصه من اسبوعين او 3 تقريبا وكانت اول عمليه شراء فعليه في البورصه

ربحت في شي وردة فعلي عاديه لان المبلغ اشوفه بسيط :rolleyes:

اول عمليه خسرت فيها كانت الاسبوع الي طاف وايش ردة فعلي عادي لاني متهيأ حق الخساره

اول عمليه بيع من حظي الشين من سنه وكانت لاحسن الشركات واعلاها سعر الحين :mad:

دخلت السوق من نفسي بعد ماشفت العالم منهبلين عليها قلت في نفسي اروح وراهم :eek:

alkaabi
23-02-2005, 08:58 AM
هلا فيك اخوي



أول عمليه شراء وبيع قمت بها ؟

شريت المصرف على سعر 91 وبعته على 98 شهر 11 2003 اعتقد

أول عمليه ربحت فيها ؟ وأيش كانت ردة فعلك ؟

المصرف ... اكيد تشققت :)

أول عمليه خسرت فيها ؟ وأيش كانت ردة فعلك؟

الصناعات ... شريتها على 65 وبعتها على 59 وكانت ماتفرق معاي لاني
محقق ربح من العملية اللي قبلها ويكفي لتغطية الخسارة :)


كيف دخلت سوق الأسهم ؟؟

صفيت السيارة ونزلت البورصة

ههههههههههه
هل في حد شجعك ؟؟

اخوي الكبير

ويعطيك العافية

إنتعاش
25-02-2005, 07:26 PM
هلا فيك اخوي الغالي

بالنسبة لي كانت اول عملية ( شراء فعلي بالبورصه القديمه )

حيث كنت مقتصر على الاكتتابات فقط قبلها

لكن اول عملية شراء فعلي في مبنى البورصه

شراء الدولي الاسلامي على 40 ريال

ومن الغباء ماقتل
25-02-2005, 07:41 PM
بالنسب لي كانت بداياتي في سنة 1998 في بورصة نيويورك (كنت اشتري وابيع عن طريق الانترنت بواسطة الاي تريد اذا كان حد يتذكرها ) .. ايامها كسبت تقريبا 600 دولار في اول عملية .. ومن بعدها قمت اكبر قيمة الصفقات وحققت ارباح مهوله لذلك ماكنت افكر نهائياً في الاسهم المحليه .. ولما حد كان يقولي خلك في الاسهم المحليه احسن لك والله اني كنت اموت من الضحك عليه!! .. المهم في بداية سنة 2001 البورصة بدت تنهار هناك وبديت اخسر شوي شوي .. وفي 11 سبتمبر صارت الضربة وخسرت خسارة جامدة .. بس الحمد لله .. الي كسبته من البورصه هو الي خسرته .. ومن بعدها قلت وينك يا سهم بلادي .. واول سهم شريته وبعته بربح هو سهم الكهرباء .. اما الخسارة فالحمدلله ماخسرت ابد لحد الآن (اذكروا الله وامسكوا الخشب) .. لاني تعلمت عدل بعد مانضربت على راسي في بورصة نيويورك . ادري سويتها هالقصه فلم هندي .. بس شسوي انتوا الي طلبتوا.

ضايق الصدر
25-02-2005, 08:24 PM
بديت فيها من الاكتتاب مثل وقود
الي شريت فيها بفلوس الفيزا لاني كنت مفلس وقلت حق ابوي عطني وحلف علي
وقالي انا مينون اعطيك فلوس تشتري اسهم
وبعدها بسنة قام يضرب يدي بيد ايقول ياليت عطتك
والحمد لله خسرت مرة في وقود بس عوضتها
بس شباب لا احد يضحك على ابوي لانة من شلة المناخ
هههههه

classic2004
27-02-2005, 11:28 PM
انا بداياتي مع الاسهم من ايام جامعة قطر ( الله لا يردها )
الشي الوحيد اللي استفدته كورس خذته مع مدير الجامعة القبلي نسيت اسمه كان عن اساسيات الاقتصاد ووايد حبيت الكورس واستفدت معلومات وايد
عقبها نزلت اسهم وقود وشريت منها شي بسيط على قد الفلوس اللي عندي
وعقب اشتغلت وصرت اجمع فلوس ونزلت صناعات .. وكنت اقول للعيلة الكريمة اخذوا اخذوا ومحد معطني ويه :)
وخذت على قد اللي مجمعته كان مبلغ حلو لاني كنت احط نص الراتب بالتوفير(اقتصادية) وشريت فيه


هاي االلي شريته بفلوسي وتعبي بس الباقي ما اعترف فيه لاني ما تعبت فيه الوالد الله يخليه شراهم لي

اما بيع لين اللحين ما بعت
مالي حاجة بس قررت اني ادخل هل المجال ..
توافرت لي الاسبوع اللي فات سيولة شريت فيها المتحدة والله يستر
ولي ردت فلوس الناقلات باحطها في الاسهم

وبس ..


هاي قصة حياتي ..:)

Spread Trader
01-03-2005, 07:41 AM
بالنسب لي كانت بداياتي في سنة 1998 في بورصة نيويورك (كنت اشتري وابيع عن طريق الانترنت بواسطة الاي تريد اذا كان حد يتذكرها ) .. ايامها كسبت تقريبا 600 دولار في اول عملية .. ومن بعدها قمت اكبر قيمة الصفقات وحققت ارباح مهوله لذلك ماكنت افكر نهائياً في الاسهم المحليه .. ولما حد كان يقولي خلك في الاسهم المحليه احسن لك والله اني كنت اموت من الضحك عليه!! .. المهم في بداية سنة 2001 البورصة بدت تنهار هناك وبديت اخسر شوي شوي .. وفي 11 سبتمبر صارت الضربة وخسرت خسارة جامدة .. بس الحمد لله .. الي كسبته من البورصه هو الي خسرته .. ومن بعدها قلت وينك يا سهم بلادي .. واول سهم شريته وبعته بربح هو سهم الكهرباء .. اما الخسارة فالحمدلله ماخسرت ابد لحد الآن (اذكروا الله وامسكوا الخشب) .. لاني تعلمت عدل بعد مانضربت على راسي في بورصة نيويورك . ادري سويتها هالقصه فلم هندي .. بس شسوي انتوا الي طلبتوا.


Its 2000 not 2001

لا تذكرني بش انا قلبي قد نسي

الفهد
02-03-2005, 06:00 PM
توني مافتحت حساب :d

بوناصر-قطر
02-03-2005, 06:23 PM
بدايتي كانت مغامره

في يوم اكتتاب شركة السلام فتحت الجريده والا اعلان جدامي عن اسهم .... ولا ادري شنهو اسهم اسمع من الناس ولا ادري شسالفه.

المهم طلعت من الدوام ورحت البنك وشريت اسهم كان السهم بدولار وفي الاكتتاب دفع ربع قيمة السهم او النص ما اذكر بالضبط.

وبس نسيتها .... وفتحت عيني على الصناعات حن علي واحد من الربع وقالي لازم تاخذ وقلت له ما بي
وحلف علي الله يجزيه خير وقال لي اذا ما شريت لك راح انا اشتري لك .

ويوم شفته معزم ... شريت طبعاً بعد حسبه مطوله معاه .

ولين اليوم ما دخلت مبنى البورصه .... ولا راح ادخل ان شاء الله .... الصبح اكون على النت واراقب وعندي بروكر الله يخليه يشتريلي ويبيعلي بأفضل الاسعار ...

والحمدلله ماخسرت ودخل علي خير ماتوقعته وكل هذا بفضل رب العالمين ودعم صاحب السمو سيدي امير البلاد وحرصه على ان القطريين يستفيدون في هذي الفتره والتي تعتبر طفره .... وطبعا ما انسى صديقي اللي لزم علي في شراء صناعات .

اما الخساره الحمدلله ان شالله مايكون لها في قاموسي مكان

واسمحولي على الاطاله ...... >>>> قصة حياته

mE mYself & i
02-03-2005, 11:00 PM
دولار
الفهد
Spread Trader
classic2004
ضايق الصدر
ومن الغباء ماقتل
إنتعاش
alkaabi
qatar_moon
BusinessWoman

مرحبا أخواني ومشكورين على المرور والتفاعل مع الموضوع
أسمحولي على تأخري على المشاركة لأسباب خاصه

وحبيت أخبركم على بداياتي مع البورصه
مثل ما كل واحد منكم كتب اللي عنده :o

أول عمليه شراء وبيع قمت بها ؟
أول عملية شاراء طبعاَ الوالد الله يطول في عمره كانت يشتري لي وأخواني أسهم وأحنا للحين مانعرف شي في الدنيا
بس أول عملية شراء فعليه قمت بها هي أكتتاب في صناعات قطر من الأكتتاب بس

أول عمليه ربحت فيها ؟ وأيش كانت ردة فعلك ؟
أول عمليه شريت فيها أسهم متداوله تقريباَ من سنه في نفس هالوقت تقريباَ شريت أسهم بنك الدوحه وأذكر كان السهم بـ 224 ( تقريباَ أعلى سعر وصل له) وكنت متخوف بس بعد توزيعات الأرباح (الأسهم المجانيه) طلعتي ربح جيد منها

أول عمليه خسرت فيها ؟ وأيش كانت ردة فعلك؟
أو عمليه خسرت فيها ممممممم
الله يسلمكم الواحد شاف الربح وأستانس قال لازم يطلعله كم ألف بعد ههههه
والسهم اللي شريته هو سهم العقاريه وشريته بـ 103 تقريبا من تقريباَ سنه بعد وكان عليه كلام كثير أنه بيوصل 115 خلال أسبوع بس للأسف كان ينزل يوم عن يوم :eek: وأنا أشوفه وأتحسر :eek: نزلت تقريبا لين 68 أو 66 وبعت جزء كبير منه بـ 70 وخليت شوي هاي بعد ما كثير ناس نصحوني اني مابيع
بس أبصراحه كنت متحطم :mad:

كيف دخلت سوق الأسهم ؟؟
هل في حد شجعك ؟؟

نعم دخلت هالمجال بتشجيع من أحد الأصدقاء والله يجزيه خير

mE mYself & i
02-03-2005, 11:03 PM
:confused: بيييييه الموضوع بروحه راح المنتدى العام :confused:
كأنه كان مكان ثاني :confused: سكنهم مساكنهم :eek:

عبدالرحمن
04-03-2005, 01:14 PM
اول بداياتي كنت شاري سهم الكهرباء ب 8 ريال وبعته ب 9 ريال
والنقل البحري كان على 2 ريال وبعته على 4 ريال ماذكر متى بس تقريبا بين 98-2000