::: مطلوب: ورشه في الخور لبناء مجلس في مجمع عزب سمسمه؟! :::

[إعلامي قطر]

..

بسم الله الرحمن الرحيم..

صباحكم ورد جميعاً..

ياليت إللي عنده ورشه شغلها زين
يطرش لي رقمهم ويفيدني بأي
معلومه عنهم وشكراً..


بالتوفيق للجميع
إن شاء الله..

..

[معماري قطري]

صباح النور إخوي وفالك التوفيق

[شموخ دائم]

,


,


مرحبا

بالتوفيق لك

والله اشوف الشباب يتعاملون مع الخليفي المذيع بقناه الريان
عنده عمال ورشه متواجدين هناك على طول ويرتبون للعزب أمور كثيره
للأسف ما اعرف تلفوننهم اذا حصلته ببلغك
وفي في صناعيه الخور
شركه كبيره اسمها سي شور مشهوره ما شاء الله
راح تكون أسعارها غاليه اكيد لانهم مصنفين لشغل مدينه لفان للغاز

اليوم بمر الربع هناك بسئلك عن الي يتعاملون معاه هذي الأيام

,

,

,

.

[إعلامي قطر]

صباح النور إخوي وفالك التوفيق

جزاك الله خير..

..

[إعلامي قطر]

,


,


مرحبا

بالتوفيق لك

والله اشوف الشباب يتعاملون مع الخليفي المذيع بقناه الريان
عنده عمال ورشه متواجدين هناك على طول ويرتبون للعزب أمور كثيره
للأسف ما اعرف تلفوننهم اذا حصلته ببلغك
وفي في صناعيه الخور
شركه كبيره اسمها سي شور مشهوره ما شاء الله
راح تكون أسعارها غاليه اكيد لانهم مصنفين لشغل مدينه لفان للغاز

اليوم بمر الربع هناك بسئلك عن الي يتعاملون معاه هذي الأيام

,

,

,

.

تسلم يالشيخ..

..

[إعلامي قطر]

..

سؤال للخبراء بخصوص بناء المجلس:

لاحضت ببعض مجالس العزب من الخارج إنهم
مثل الجبس وليس الكيربي ممكن مقارنه بينهم؟

ومشكورين مقدماً..

..

[معماري قطري]

المواد كثيرة إخوي اعلامي وصعبة المقارنة بدون معرفة طبقات الحائط .. أكيد يتكون من طبقات لو جزء منها جبس أو غيره

الكيربي المعزول انتاج قطر وايد زين ومجربه للسقف له سنين لا يسرب ولا شيء ومتانته عالية .. سمكه 7 سم وفيه حتى 10 سم ويمكن 15 ولو شوي غالي تحصله يدوم وممكن تستعمله مرة ثانية لو هدمت ولا يحتاج صبغ

طبعاً الفريم يحتاج ترتيب ويحتاج تسوي خطة للتشطيب الداخلي

شيء ثاني سهل التعامل معه ممكن يكون الخشب والمارين بلايوود قوي وسهل استخدامه ويركب بسهولة على فريم خشب

[معماري قطري]

ولا شوف شركات الكباين كثيرة وتصنع حسب مواصفات متعددة عندهم ويوردون ويركبون في أيام قليلة

ستيل كابن كمثال

[إعلامي قطر]

..

تسلم أخوي معماري..

الأسمنت بورد من الخارج راح تطلع تكلفته دبل الكيربي السندويش..
من داخل المجلس بيكون جيبس بورد أفضل المطروح حالياً
وسعره مناسب، البليوتات عيبها تظهر فيها الكركات
مباشره وبفترات قصيره جداً يبي له الواحد يقعد
يصبغ كل فتره أو يركب ستيكرات أريح له !

..

[إعلامي قطر]

..

بخصوص درجات الحراره هل الجيبس بورد يتحمل؟
وشنهي أبرز عيوبه هل ممكن تفيدني أخوي معماري
أو باقي الزملاء؟

..

[معماري قطري]

..

بخصوص درجات الحراره هل الجيبس بورد يتحمل؟
وشنهي أبرز عيوبه هل ممكن تفيدني أخوي معماري
أو باقي الزملاء؟

..

الجبس مقاوم للحريق وتصنع منه حشوات أبواب الحريق

بس درجة عزله أكيد بسيطة للحرارة وكذلك سمكه ولا شيء

شوف شركة آل عمران ما ادري اذا شغالين ولا سكروا قبل يسوون لنا مباني كبيرة يجيبونها ويركبونها أقسام وعاشت عمر طويل .. الشركات المختصة عندهم مواصفات وتفاصيل وحتى الكهرب يسوونه

للتركيب أفضل قاعدة خرسانية مرفوعة شوي ويجون ويركبون قسم قسم

[معماري قطري]

في مقاطع الحوائط اللي يسوونها حسب الطلب يحطون حشوات عازلة وانصحك تركب درايش يو بي في سي معزولة بعد يكمل العزل الصوتي والحراري

بروة بنت مباني كثيرة ببليوت خشب وعايشة بس طريقتها غير وشركة قوية أكيد مكلفة

[الدوحة 2010]

هذي شركة شغلها في الخور

الجسر الذهبي

55517712

ابواحمد

[إعلامي قطر]

المواد كثيرة إخوي اعلامي وصعبة المقارنة بدون معرفة طبقات الحائط .. أكيد يتكون من طبقات لو جزء منها جبس أو غيره

الكيربي المعزول انتاج قطر وايد زين ومجربه للسقف له سنين لا يسرب ولا شيء ومتانته عالية .. سمكه 7 سم وفيه حتى 10 سم ويمكن 15 ولو شوي غالي تحصله يدوم وممكن تستعمله مرة ثانية لو هدمت ولا يحتاج صبغ

طبعاً الفريم يحتاج ترتيب ويحتاج تسوي خطة للتشطيب الداخلي

شيء ثاني سهل التعامل معه ممكن يكون الخشب والمارين بلايوود قوي وسهل استخدامه ويركب بسهولة على فريم خشب


زين إني انتبهت لسالفة سمك الكيربي هالنقطه مهمه جداً..

بديت التواصل مع شركه تعاملت معاها قبل 7 سنين وأحب جودة شغلهم ومديرهم
بنغالي طيوب بالتعامل بس يستغل كل خرم إبره طرش لي فورمان مفهي خذى
قياسات بالغلط وعطوني كوتيشن 110 آلاف وبعد الحنه والرنه وكم آخر
وآخر كم ويمين يسار ومع كوتيشنات ثانيه خذتها بناء على القياسات
الغلط وصل السعر 97 ألف والصدمه كانت الخميس يوم رحت مع
واحد من الربع وخذنا القياسات الصح بالضبط طلع السعر المفروض
بأسوء الأحوال مايتعدى الـ 90 ألف، الحين غيرنا الإستراتيجيه وماخذين
الموضوع بالراحات وموضوع المقارنات بين الكوتيشنات والمواصفات فعلاً
مهم والشخص الطيب أو المفهي بهالسوالف راح ينسرق في كل مرحله وكل
لفه وكل داعوس بصراحه مساحة النصب والإحتيال أو على الأقل الإستغلال في
هذا المجال كبيره جداً والله صار لي فتره مريح نفسي وبعيد عن هالسوالف لكن الله
يسامحك ياللي في بالي وهقني واليوم رايح لبرثه يوسع صدره هههه


تحياتي وتقديري..

..

[معماري قطري]

صدقت اخوي

لحد يصدق عامل أو سمسار وهؤلاء لا يعتبرون مقاولين بالمعنى الصحيح .. لازم نقيس ونتأكد ونتأكد من مواصفات الشغل كاملة وطبقات البناء والتشطيب

ليش بعض الشركات ما يعطونا عينات للمواد المستخدمة وهي موجودة عندهم؟ حتى يكون عندهم مجال كبير للعب والابتزاز بعد توقيع العقد أو يركبون أسوأ الموجود ويضاعفون ربحهم أكثر

أغلب المقاولين اللي يسعرون عظم ويعطون سعر المتر يلعبون في كميات الحديد ونوعية الخرسانة ويجيبون طابوق رخيص وبعضه توه مصبوب ما اكتمل تجفيفه وتقويته .. حتى بعضهم يجيبون الماي للخلط من مياه آبار أو مياه معالجة بسبب الزحمة وفرقية السعر على مياه الحكومة

[إعلامي قطر]

..

..

آخر أبديت للمجلس:

من الخارج أسمنت بورد 12 ملي تايلندي..
فوم بالنص 4 سم ما سألت صناعة وين !
جبسم بورد 12 ملي قطري

شرايك أخوي معماري عطنا ملاحظاتك
تونا ع البر وأنا أخوك ههه..


أيضاً وآنا أبحث في دكتور قوقل
شفت لك هذا الرد في يناير 2013 :

والله الساندويش بانِل أفضل خصوصاً للغرف .. بس نصيحة لو بتسويه ركبه من داخل يعني محاوط بالطابوق وحط عليه عازل مياه وسو تصريف لماي المطر يعني إعتبره مثل سقف الخرسانة .. والسبب إن العازل اللي داخل سريع الإشتعال وبترولي ويطلع دخان سام كثيف لو إحترق.


فمادري هل تنصح أحط شي للسقف غير الساندويش؟

تحياتي وتقديري..

..

[معماري قطري]

..

..

آخر أبديت للمجلس:

من الخارج أسمنت بورد 12 ملي تايلندي..
فوم بالنص 4 سم ما سألت صناعة وين !
جبسم بورد 12 ملي قطري

شرايك أخوي معماري عطنا ملاحظاتك
تونا ع البر وأنا أخوك ههه..


أيضاً وآنا أبحث في دكتور قوقل
شفت لك هذا الرد في يناير 2013 :

والله الساندويش بانِل أفضل خصوصاً للغرف .. بس نصيحة لو بتسويه ركبه من داخل يعني محاوط بالطابوق وحط عليه عازل مياه وسو تصريف لماي المطر يعني إعتبره مثل سقف الخرسانة .. والسبب إن العازل اللي داخل سريع الإشتعال وبترولي ويطلع دخان سام كثيف لو إحترق.


فمادري هل تنصح أحط شي للسقف غير الساندويش؟

تحياتي وتقديري..

..

القصد إن العازل من الأطراف يكون غير معرض للعوامل الجوية أو أي نار قد تشعله .. يعني تبني طابوق من الجوانب وتركب الحديد اللي العازل في وسطه بحيث ينزل في الطابوق ويكون تصريف المياه للمطر عن طريق مرزام ويتم عزله خصوصاً من الأطراف بطريقة صحيحة وعازل جيد عن أي تسريب مطر

بعض العوازل ما تحترق وهذي تجربتها سهلة لو ما تشتعل معناها ما فيه خوف من الحريق

بالنسبة لمواصفات الحائط مؤكد لو كان الفوم 6 أو 7 سم أفضل .. سمكه الصافي يبقى ضعيف 6.4 سم واعتقد الفريم لازم بيستخدمون حديد وسط العازل تيوبات بسمك 4 سم أو خشب مربع 4 سم والخشب أفضل في العزل الحراري لكن ضعيف من ناحية القوة والمتانة

باقي الأرضية والسقف وطريقة التركيب وخصوصاً للزوايا والأطراف

لو تروح لشركة مختصة بتعطيك تفاصيل كاملة وحتى عينات لو طلبت

التمديدات الكهربية ولوحة الكهرباء شيء مهم جداً وطريقة التوزيع على المخطط ومواصفاتها هذي بروحها تحتاج مهندس كهربي يبت فيها .. إحنا لنا الظاهر واللي نعرفه .. النوافذ والأبواب

والله يوفقك هذا باختصار وحاول تشوف شركة مختصة بتلاحظ فرق كبير في التوضيح عن هذي النقاط