استفسار عن الرنج السبورت

[RVD]

السلام عليكم

شباب بغيت اخذ رايكم هالمره عن الرنج السبورت ال 8 سلندر والرنج السبورت ال اس في ار ، شرايكم بالموتر من كل النواحي ؟ سمعت انه الرنج كله مشاكل وخرابات صج هالكلام ؟ ويقولون الوكاله تعبانه ؟؟؟

الله لايهينكم

[Rider]

اذا جيبك ياخوي دافي خذ رنج لكن غير هالكلام مانصحك فيه سعره يطيح واذا خترب ماعاد يترقع

[ذكي جدااا]

اذا جديد وعلى الضمان ماعندك مشكله. اذا بتاخذ مستعمل وما عليه ضمان الله يعينك اذا اخترب

[مضارب مستثمر]

الموتر مسكت والوكاله,,,crazy,,, كل مره بتوديه سيرفس
مع انها المفروض مجانيه لكنهم بيطلعون لك اسباب للدفع
واذا ماسويتها عندهم بيحطون الموتر بلاك ليست !!!!!!انا من 2014 اعمل السرفس فالتيسير
شارع سلوى وحتى السفايف بدلتها عندهم,,,

الكلام من تجربه ,,,,وموتري سبورت موديل 2012 مجدد 2013
بداية
السنه شهر 3 انتهى الضمان,,,,,والحمدلله حتى الان ماعمل
مشاكل لكن يوم حاولت ابيعه طايح عالاخر,,,,,,,,,,قلت
اخليه واستعمله ابرك من بيع بخساره كبيره,,,,,والله يوفقك

[El-Debs]

اخوي عنده ال اس ع¤ي أر، سيارة مبالغ بسعرها وما انصحك فيها. حلاتها الصوت اما كراسيها السبورت تعور الظهر
وفعلا اخوي رايح راد للوكلة والسيرفس. خذلك بي ام اكس ظ¥ ام بور كشخة ومريحة وقوة وسيرفس بلاش

[بوخالد911]

هذا عيب من العيوب للموتر الالمانية
عند البيعة السعر يطيح وايد

بعكس الياباني.

[بوخميس]

هذا عيب من العيوب للموتر الالمانية
عند البيعة السعر يطيح وايد

بعكس الياباني.

الرنج مب ألماني

اصلة انجليزي وشرته شركة تاتا الهندية

يعني انتوا تسوقون تاتا

[بـن عدوان]

لاتاخذ الاس ع¤ي ار


خذ الثمانية سلندر السوبر