القولون العصبي ضروري

[partyQtr]

مساكم الله بالخير

صارلي اكثر من اسبوعين احس بأعراض غريبه مع خمول

وتعب حتى دوامي مااقدر اروح وسويت فحوصات

والحمدالله كلها نظيفه وشخصو حالتي على انها قولون

عصبي وأخذ علاج حاليا بس للحين الأعراض

تجيني اللي هي ضيقه وحزات احس دقات قلبي

سريعه وأحس دوم بملل وضيقه وريولي شاده علي

المهم سمعت انه عسل مانوكا زين للقولون حد منكم

جربه ومن وين اخذه واي نوع واي تركيز

واللي يعرف اي شى للقولون العصبي ياليت

تقولون لي وربي يجزاكم كل خير

[Chanel]

انصحك تعمل تحليل الجرثومه

[Me&OnLy]

العلاج عندي وانا بوهندي .. انا من الاشخاص الي عانوا كثيرا من القولون .. بلا عسل المونكيا بلا بطيخ .. اخذي عسل سدر اصلي وماي زمزم ان وجد وقفشه على الريق في قلاص ماي تذوبينها فيه وتشربينه وقبل النوم قلاص ومع السلامه للقولون والاعراض الذي ذكرت ولكن هناك سلبيه وحده في الموضوع انه يفتح الشهيه بشكل كبير .. يعني حاسبي من هالنقطة واستعملي هالوصفه لمدة اسبوعين ووقفي وانتبهي من البهارات والفلفل وحبذا لو تشربين لبن بين الواجبات يكون لبن منزوع الدسم والف لابأس وطهورا ان شاءالله

[Me&OnLy]

ايه عندي نقطة مهمة لا تقعدين بروحج كلش حاولي تقعدين مع هلج خواتج ايا كان الموضوع ماراح تتقبلينه كون مريض القولون في بدايته يميل للعزلة .. لذلك كوني مع ناس حولج وحواليج وتركي عنج عمو قوقل مب اذا حسيتي بشيء رحتي تبحثين عنه هذا راح يمرضج اكثر يفضل الابتعاد عنه نهائيا وكوني مشغوله دايما مع هلج والا بروحج في شي مفيد مب تقعدين تفكرين فيه وتحسين ان حياتج تغيرت الخ الخ .. هذي كلها وسواس فلا تعطين الوسواس مجال والله من وراء القصد

[لـبـيـه]

انصحك تعمل تحليل الجرثومه

صحيح حصل معاي نفس الاعراض وفحصت كل شي واخر شي طلعت جرثومة المعده تهيج القولون وعالجت الجرثومه ولله الحمد والأمور ردت طبيعيه صارلي الحين 3 سنوات

[partyQtr]

سويت فحص كنت بداية الاعراض للجرثومة في الأهلي وقالولي مافي جرثومة وعطوني علاج للقولون أسبوعين وانا استخدمه

وماتحسنت وحتى عطوني ادوية قلق وتوتر بس الحمدالله ماخذتها ، رحت عدت فحص الجرثومة في المركز الصحي

وطلع عندي جرثومة في المعده وعطوني المضادات

دعواتكم لي بالشفاء ولو في شيء معين تنصحوني فيه مع الادوية

[لـبـيـه]

سويت فحص كنت بداية الاعراض للجرثومة في الأهلي وقالولي مافي جرثومة وعطوني علاج للقولون أسبوعين وانا استخدمه

وماتحسنت وحتى عطوني ادوية قلق وتوتر بس الحمدالله ماخذتها ، رحت عدت فحص الجرثومة في المركز الصحي

وطلع عندي جرثومة في المعده وعطوني المضادات

دعواتكم لي بالشفاء ولو في شيء معين تنصحوني فيه مع الادوية

خلك مع علاجات الجرثومه واذا انتهت وفحصت وقالو خلاص اعمل فحص بعدها بشهر او شهرين لانه مرات الجرثومه تكون راكده وترجع وتكون اعراضها اخف ففي علاج جرعه ثانيه لها وعقبها خلاص

على حسب الشخص

[Miss]

الاعراض مب اعراض قولون
افحص مره ثانيه