لاهل الخبرة للسيارات الامريكية

[ali16163]

صبحكم الله بالخير
بغيت كراج للسيارات الامريكية عندي شفر ( كابتيفا )
الموتر يطفي من نفسه حزات
المكيف حار
وسويج تشغيل الموتر ( دقت سلف ) مايشغل بعض الاحيان

[eXpert*]

اعتقد تحتاج تشييك على السناسر

[jajassim]

كراج الربيع شارع 25 بالصناعية

[Rider]

عيب السيارات الامريكية اذا ختربت ماعاد تترقع

[@north_star@]

عبدالله ابو جبل في قرية بروة

[ali16163]

كراج الربيع شارع 25 بالصناعية

بيض الله وجيهكم ياربع
اخوي بنسبه لكراج الربيع عندك رقمه ؟

[المبرمج]

بخصوص الموتر .. اذا ليت المكينة شغال عندك شيك على الثروتل ( بوابة الهواء ) حزات يطفي الموتر وانت تسوقه بعد ..
المكيف حار شيك الغاز او أثار تسريب تحصلها على البايب ( هل تسمع صوت في الكمبريسور ولا لا ؟ )
بخصوص السويج شيك السلف نفسه هل مع ضربه السلف ليتات الطبلون شغاله ولا لا ؟؟؟ ولا تفصل مع دقة السلف
وابسط شي اذا ودك تجرب تضرب قطعة السلف كذا ضربه بعصاه وشوف .


بخصوص الكراج عندك ابوجبل - بروه .. وعندك عون قبل وكالة المستوبيشي الي مشاهد وكالة النيسان
في دخله يمين كراجه اخر كراج في الشارع .
موفق اخوي

[اللوز]

كراج عون شارع 8

[ali16163]

بخصوص الموتر .. اذا ليت المكينة شغال عندك شيك على الثروتل ( بوابة الهواء ) حزات يطفي الموتر وانت تسوقه بعد ..
المكيف حار شيك الغاز او أثار تسريب تحصلها على البايب ( هل تسمع صوت في الكمبريسور ولا لا ؟ )
بخصوص السويج شيك السلف نفسه هل مع ضربه السلف ليتات الطبلون شغاله ولا لا ؟؟؟ ولا تفصل مع دقة السلف
وابسط شي اذا ودك تجرب تضرب قطعة السلف كذا ضربه بعصاه وشوف .


بخصوص الكراج عندك ابوجبل - بروه .. وعندك عون قبل وكالة المستوبيشي الي مشاهد وكالة النيسان
في دخله يمين كراجه اخر كراج في الشارع .
موفق اخوي

لا اخوي ماطلع ليت المكينة
المكيف شيكت عليه اخوي طلع في تسريب
بخصوص سويج السف بصراحه ماعرف له ماني مختص
المشكله كراج عون دقيت عليه قالي ماني مختص في السياره هذي ماشتغلت عليها من قبل اغلبيه الكاراجات الي اتصلت لهم ماعندهم خلفيه عن الموتر للاسف
مالي غير الوكاله
اتوقع هي شغله فيوزات ضاربه شغل كهربائي فنان
بيض الله وجهك اخوي

[ولد المنصور]

كراج علي عون ممتااااااااز ومجرب شارع 8 باب 38