الترقية المزاجية ( الاستثنائية )

[اللوز]

الترقية المزاجية ( الاستثنائية )
كلما نعلم ان الدرجة الاستثنائية يستحقها الموظف اذا كان تقديره آخر سنتين لا يقل عن امتياز
لماذا لا يتم ترقية الموظف على اساس هذا المعيار
وتدخل فيها مزاجية الرئيس الاعلى
وكأنها جاية من جيبه او خائف من تولي المنصب
ولكن هذا المسؤول الا يدري ان هذا الكرسي ( المنصب) نفس كرسي الحلاق !!
ولكم التعليق

[بومحمد المطاوعه]

للأسف هذي الحاصل

ضاربين القانون فالطوفه
وكل رئيس يخيط ويبيط من مخباه

[اللوز]

للأسف هذي الحاصل

ضاربين القانون فالطوفه
وكل رئيس يخيط ويبيط من مخباه

يعني ليش بالذات الدرجة الاستثنائية صارت بالمزاج ؟؟

[العنيده]

4 سنين اقدمها ويقولون صبري لين ماتاخذين الدوريه وعقب الدوريه نجي للصدمه تقييمي جيد جدا ..
4 سنين مديرتي تاخرها لي وان السستم والسستم .. بس سبحان الله بعد اخر تقييم صارت تتناقش معي لانها عارفه انها ضيعتها لي و وردها لي ممنوع اكثر من 3 اشخاص بالقسم
ياخذون امتياز ( قانون من ماادري بس طلع لنا هالقانون بشغلنا ) ..
الاستثنائيه صارت على المزاج ولاياخرونها للموظف لين يزهق من كثر مايراجعهم ..

[الدوحه1]

اللوم على اللي حط قانون الموارد البشريه!!!

القانون واضح وصريح وترك منح الدرجه الاستثنائيه للوزير !!!!

والحين بعد التعديلات اللي صارت على القانون حطوا شرط جديد وهو "توفر الاعتمادات الماليه"!!!

يعني لو الموظف يستحق الترقيه وما في فلوس ماراح يترقى !!!!!

[Rider]

اذا مدير يقيم موظفين ممتاز وهم لا دوام ولا شغل ولي قاعد ويكرف جيد جدا شتقولون عنه للاسف الامير الله يحفظه يقول ولي تحته بطانه فاسده يدورن مصلحتهم ومصلحة ربعهم

[ضوى]

بصراحة الترقية الاستثنائية عندنا بالهبل ، الكل خذها وبياخذها ، ماشاء الله الوزيرة مشت امور الكل الله يجزيها خير ويسخرها لاهل قطر

[بومحمد المطاوعه]

يعني ليش بالذات الدرجة الاستثنائية صارت بالمزاج ؟؟

اشدراااني ياخوك

على حسب الي قاعد على الكرسي

اذا كفو وراعي حق وواجب
فتح القانون وشاف عدل واعطى كل شخص حقه

اما الي قاعد ومب كفو على منصبه بيعطي حق ربعه وجماعته
وبيسحب على عيال الناس ولو رحت تشتكي
قالو لك القانون يقولك يحق للرئيس او للمادري من ان يعطي الأستثنائيه

يطلعون لك قوانين من جحر الضب

[بوخالد911]

فعلا صارت مزاجية
واللي يقول ان بس 2 او 3 موظفين من قسم
اقووووله انت أكبر كذاب.

مافي شي يمنع دام الموظف يستحق.

الكشوفات ترفع للوزير للموافقة والاعتماد.

[SouthK]

طبل لتصل!!!

[ورد الدوحه]

طبل لتصل!!!

صح 100%

احنا طبعاً مايبون يعطونا استثنائية امريحين بالهم
التقييم كل سنة جيد جداً
سواء داومت او غبت او مرضت او اشتغلت كله سيم سيم :anger2: :anger2:

[ثابت]

للاسف هذا الحاصل انا اعرف موظفين قطرين في شركة بقطر مديرها معروف الكل ما يمدحة ضد القطرين 100% وعندة قانون في نظام الشركة الي هو مدير فيها يحق للموظف اذا حصل على نقاط معينة يترقاء لدرجة والله الموظفين عندة وصلوا لين الوزير من كثر انهم ما افقدوا الامل ولين اليوم وظلم هذا الشخص الي قطن على الكرسي وقريب يذلف ويتقاعد عقلية الدينصورات المتحجرة الي تشوف الاجنبي wooow وكلنا في امل انتظر تقاعدة بسبب الظلم الي حل علينا بسببة

[ثابت]

وكلنا كنا نشوف انة نظام التقطير هذا زين للقطرين بس الواقع للاسف صار هو الحجة للمدير الاجنبي والقطري الي ضد القطرين انه يحطونك في هذا النظام التاهيلي لين تزهق اعرف ناس 7 و 8 سنوات يدخلونهم من برنامج لبرنامج تقطير وللاسف كلها فاشلة والله العظيم انة نظام التقطير هو نظام تطفيش للقطرين

يليت يكون هناك لجنة تراقب هذي الامور وتحاسب هولاء الي جالسين يحاربون ويحطمون بعض الكفأت في البلد.

[كازانوفا]

حسبي الله عليهم،،جربتها وكنت انقهر من ظلمهم،،الله لايسامحهم لا دنيا ولا اخره

[hxamad]

فى قانون عندنا أن الموظف لازم يخلص 20 سنه عشان يقدم على الإستثنائية

[بوخالد911]

فى قانون عندنا أن الموظف لازم يخلص 20 سنه عشان يقدم على الإستثنائية
في أي جهة ؟؟؟؟؟؟؟

[SouthK]

صح 100%

احنا طبعاً مايبون يعطونا استثنائية امريحين بالهم
التقييم كل سنة جيد جداً
سواء داومت او غبت او مرضت او اشتغلت كله سيم سيم :anger2: :anger2:

و المشكلة اني ما اعرف اطبل!!!!

[اللوز]

طبل لتصل!!!

كيف اطبل فهموني
يعني اجيب عرضه دق وطبول
(وعليه بالقبلاني) مثلا