كم يكلف البيت ؟؟

[RVD]

السلام عليكم

الله لايهينكم بغيت اسالكم لو بابني بيت ومساحة البنيان مع الملاحق كلها تكون 1000 متر مربع ؟؟ كم زياده احتاج فلوس عن قرض بنك التنميه ال مليون وميتين الف ؟؟ هل احتاج فلوس في اول سنه في مرحله العظام ولا فلوس الدولة تكفي حق العظام ؟؟

يعطيكم العافيه

[Bo3essa]

عليكم السلام
اخوي البنيان يختلف من بيت الى بيت
مثلا لو بتركب حجر بيكون اغلى من الصبغ
ولو بتحط سيراميك ارخص من الرخام
والتكيف المركزي اغلى من السبليت العادي
بتركب لفت في البيت او لا يزيد في السعر
اتوقع في الفتره الحاليه ممكن يوصل 2 مليون الى 3 مليون مع التشطيب
في مرحلة العظم بنك التنميه بيعطيك 800 الف لين البلاستر
وانت تزيد من عندك في جميع دفعات البنك عشان ماتكون الدفعه الاخيره كبيره
وافضل نصيحه اوجهها لك انك تعمل شغله شغله حاول تعمل الشغلات بالترتيب
والشي الحلو بالنسبه لي في البنيان ان عباره عن دفعات

وبالتوفيق

[بوخالد911]

وعليكم السلام والرحمة.

بتكلم عن نفسي
بنك التنمية عطاني أول دفعة مية ألف
والمقاول طلب ميتين

الدفعة الثانية
التنمية عطاني مية
والمقاول طلب ميتين

من وجهة نظري لازم يكون عندك مبلغ من 500 الف وطالع

والله يسهل عليك.

[مضارب دوسري]

السلام عليكم

الله لايهينكم بغيت اسالكم لو بابني بيت ومساحة البنيان مع الملاحق كلها تكون 1000 متر مربع ؟؟ كم زياده احتاج فلوس عن قرض بنك التنميه ال مليون وميتين الف ؟؟ هل احتاج فلوس في اول سنه في مرحله العظام ولا فلوس الدولة تكفي حق العظام ؟؟

يعطيكم العافيه

بكل اختصار
اذا التشطيب بيكون ديلوكس
يعني بدون سوالف رخام ومكيف مركزي وحجر

اضرب ال1000 ب 2200 ريال

[مضارب دوسري]

فلوس الدوله حق العظم 500 الف ريال

لو قلنا المقاول اللي بيشتغل لك اتفق معاك على 1000 ريال للمتر
معناها تحتاج 500 الف ريال

نصيحة اخ اذا ماعندك سيوله تساعدك فقلل مساحة البنيان الى 700_750 متر

عالاقل تخلص بيتك بسرعه ابرك الف مره من ان البيت يتم واقف سنين نفس ماصار مع ناس اعرفهم بيوتهم واقفه صار لهم 8 سنين وهم من ايحار لايجار

خطط صح ترتاح نفسيتك
بيت متوسط الحجم وتصرف عليه صح
افضل من بيت كبير وتتوهق وتشوف سود الليالي لين ما يجي الوقت وتسكن

[معماري قطري]

شوف موضوع العقود فيه شرح مسهب وفيه حساب كميات مثال ممكن يفيدك

العظم الغالبية يحسبونه ولو التصميم مبالغ فيه وخرسانات كثيرة وحديد ترتفع التكلفة .. ونصيحتي اتفق اتفاق كامل لتسوي عظم وتشطب .. المواد اللي فيها اختيار إنت اشترها وعلى المقاول فحصها واستلامها ونقلها وتخزينها وتركيبها حسب الاتفاق .. خل عقدك واضح بترتاح

الجبس سوه مودرن أحلى وبدون طبقات زايدة وكورنيشات .. فوق الجبس حتى البلاستر الغيه من العقد ما فيه داعي له

شوف مقاول شاطر واسمع نصيحته للتشطيب قبل وشوف عرضه بعضهم عندهم طرق سهلة ورخيصة بس يكون فاهم .. وخل عقدك عن طريق استشاري وبالتفاهم مع المقاول

انا نظرتي الخاصة اللي بيبني 500 والا 1000 بيتعب نفس التعب والتكلفة ممكن تكون 50% زيادة لو نفذنا صح وممكن تكون 100% زيادة وفوق لو أسأنا الاختيارات .. بس اذا انت ما لك حاجة ضرورية للمساحة الاضافية صغر أفضل لك

الارضيات لتبالغ فيها وخل الصالات والدرج بورسلان والمجلس بعد لو تحب والباقي خلها صبية اسمنت تكون مجهزة حق السجاد مع حشوة مطاطية تحت تعطيك فخامة

[SouthK]

شوف موضوع العقود فيه شرح مسهب وفيه حساب كميات مثال ممكن يفيدك

العظم الغالبية يحسبونه ولو التصميم مبالغ فيه وخرسانات كثيرة وحديد ترتفع التكلفة .. ونصيحتي اتفق اتفاق كامل لتسوي عظم وتشطب .. المواد اللي فيها اختيار إنت اشترها وعلى المقاول فحصها واستلامها ونقلها وتخزينها وتركيبها حسب الاتفاق .. خل عقدك واضح بترتاح

الجبس سوه مودرن أحلى وبدون طبقات زايدة وكورنيشات .. فوق الجبس حتى البلاستر الغيه من العقد ما فيه داعي له

شوف مقاول شاطر واسمع نصيحته للتشطيب قبل وشوف عرضه بعضهم عندهم طرق سهلة ورخيصة بس يكون فاهم .. وخل عقدك عن طريق استشاري وبالتفاهم مع المقاول

انا نظرتي الخاصة اللي بيبني 500 والا 1000 بيتعب نفس التعب والتكلفة ممكن تكون 50% زيادة لو نفذنا صح وممكن تكون 100% زيادة وفوق لو أسأنا الاختيارات .. بس اذا انت ما لك حاجة ضرورية للمساحة الاضافية صغر أفضل لك

الارضيات لتبالغ فيها وخل الصالات والدرج بورسلان والمجلس بعد لو تحب والباقي خلها صبية اسمنت تكون مجهزة حق السجاد مع حشوة مطاطية تحت تعطيك فخامة

اتفق معاك اخوي معماري ..

[معماري قطري]

اتفق معاك اخوي معماري ..

جزاك الله خير

ما ننسى الاستشاري الشاطر المفروض يقدر يعطيك تسعير مبدئي وبعضهم يعطيك تفصيل للبنود وسعرها مثل حساب الكميات العام .. فوق هذا ممكن يقعد معاك ويناقش البدائل .. بعض المقاولين يغرونك بالكذب والخداع وإن الفرق في السعر بسيط بين اختيار ( أ ) واختيار ( ب ) لكن من تطلب عرض سعر أما يعطيك العرض مبهم وناقص شيء لو أضافه بيتضاعف السعر أو يصدمك بالفرق البسيط يطلع لك أضعاف السعر .. الحل حق ذيلا ما نعتمد مقاول واحد ونبقى وراه لين نتفق أو نشوف بديل شوي أقل

مثال المصاعد متعددة ومتنوعة وسعاتها تختلف .. بعضهم يقولون لك الفرق بين 6 راكب و 4 بسيط جداً وبعضهم يحاولون يسوقون نوع بانوراما وغالي وبعضهم يحتاج شغل كهرباء معقد لكن تكلفته معقولة ولو تحسب التكلفة الاجمالية تطلع أغلى من شركة معروفة وجيدة .. للبيت لو عندك مساحة تهمك مساحة المصعد الداخلية .. بعضهم يقول لك حق 6 ركاب لكنه ضيق وايد بصعوبة يكفي 3

في هذي الأُمور الدراسة المبدئية مهمة والاتفاق المسبق مع شركة معينة بعقد واضح ومحدد شيء مهم لأن التصميم بيعتمد على هذا الموديل مع احتمال تغيير بسيط وأحياناً إحتمالية التغيير 0%

لو شخص حاب التكييف الدكت سبلت أو المركزي لازم يسوي دراسة ويشوف عروض أسعار مسبقة وممكن يتراجع ويغير من البداية وحسب الوضع وممكن يسوي جزء بسيط دكت سبلت والباقي سبلت عادي .. أحياناً التنويع زين ويفيدنا وما نحتاج نسوي كل المساحات درجة عالية بس ضروري نلتزم بجودة معينة