600 الف ريال شهريا

[حمد 2002]

السلام عليكم ورحمه الله وبركاته

سؤال

لو سويت مشروع ويجيك منه 600 الف ريال شهريا ارباح مضمونه .. يعني كل شهر 600 الف ريال ..

شنو الاشياء الي ناوي تغيرها بحياتك وتسويها او راح تستمر على نفس الحال ؟

تحياتي ..

[الرويـس]

ياعزيز ي .. بمجرد ما الارباح تنزل بحسابي واتاكد بنفسي

انا بطلق العنان لكسلي وبزيد ساعات النوم
وبعتبر يومي يبدأ الساعه 8 ونص وينتهي 11 المسا .. عشان استمتع بحياتي النهارية بشكل صحيح

الخطوة الثانيه بكون مزواج من الدرجة الاول ومابي اوضح اكثر

الخطوة الثالثة توسعة المردود وكل شهرين او ثلاثة بشتري عقار جديد

الخطوة الرابعة سرية

):

ام الجو ياشيخ .. صدقت

[ضوى]

لو ماتوكل عيش يا حمد

عموما ما افكر بدخل كبير جذي ، ولو صار اكيد في اشياء وايد افكر فيها ، وايد حوالي ناس لهم احلام ودهم تتحقق الله يرزقنا ويزرقك الحلال

[الخيالة]

بجمعهم لين اقدر اشتري بيت حق امي و ابوي و ذهب حق امي اعالج خالتي اساعد كذا شخص محتاجين في بالي أسدد ديون اخوي و سياره حق ولد اخوي و العاب و هدايا حق عيال اخواني و خواتي ... حلم صعب يتحقق بس الله كريم

[أبورودي]

بتفرغ تماما للعمل التطوعى وخدمة المجتمع الى ان يتوفانى الله

[SouthK]

جيب المشروع و لك مني ان ما تلاقي مواطن محتاج

[رجل تعليم]

والله العظيم وربي يشهد على ما في قلبي ان حلمي الآن هو ان أحقق مشروعا ما واشغل بعض اصدقائي ونساء قريتي واولادهم وبناتهم لان حالهم ما يعلم به إلا الله
كلما التقيت احدهم او إحداهن تقول لي سوي لنا مشروع نشتغل ...وقبل ان اخلد للنوم كل ليلة اقول ربي ارزقني خيرا كثيرا لأعمل خيرا كثيرا واساعد الآخرين ليحققوا أحلامهم وليعيشوا عيشة كريمة
فاللهم انت القادر على ان تحقق لي هذا الرجاء وكلي امل فيك يا رحيم يا رحمن

[بوخالد911]

لين جاني هالمبلغ
يصير خير.

[العقل المدمر]

اتوقع اني بنجلط من الصدمة وبموت مابيمديني اسوي شي

[المحاميه]

شنو هالسؤال؟

استغفرالله بس
انت شكلك تنام وفجأه تصحى وتكتب الي يطري فبالك من باب التغيير

يالله نعطيك على جوك..
اكيد بنغير وايد اشيا
بس اهم شي ان نخصص مبلغ شهري للتبرع ..

[بومحمد المطاوعه]

مب كل غني مرتاح ولا كل فقير مرتاح

السعاده والراحه مب بالفلوس ياحمد
ب طاعة الرحمن ورضاه



عن نفسي عادي بستانس وبونس هلي وعيالي مثل ما انا كنت عليه
لكن مب معناتها افسفس الفلوس كأني ماشايف خير
بسوي اشياء لعيالي ومستقبلهم
بشتري كم بيت وبأجره ويكون لهم مدخول وورث بعد وفاتي
وبستانس في الباقي بما يرضي ربي لنفسي


الله يرزقني ويرزقك ويرزق الجميع ان شاءالله

[ya3coub]

مب كل غني مرتاح ولا كل فقير مرتاح

السعاده والراحه مب بالفلوس ياحمد
ب طاعة الرحمن ورضاه



عن نفسي عادي بستانس وبونس هلي وعيالي مثل ما انا كنت عليه
لكن مب معناتها افسفس الفلوس كأني ماشايف خير
بسوي اشياء لعيالي ومستقبلهم
بشتري كم بيت وبأجره ويكون لهم مدخول وورث بعد وفاتي
وبستانس في الباقي بما يرضي ربي لنفسي


الله يرزقني ويرزقك ويرزق الجميع ان شاءالله

يعني ما بتاخذ زد ار ون الجديده :shy:

[بومحمد المطاوعه]

يعني ما بتاخذ زد ار ون الجديده :shy:

هههههههههههههه

zr1 2018 على طووووووووووول

[معماري قطري]

انا باشتري المنتدى وباسوي بلوك على كاتب الموضوع




وبعدين باعطيه جائزة أفضل كاتب



وباسوي له حفلة وتقدير لجهوده المثمرة

[ya3coub]

يالله صباح خير شايف الموضوع من اول يوم انكتب و كل مره اكتب رد و اتراجع


بس اليوم جوي عجيب قاعد الصبح و اول يوم اروح الجم من عقب العمليه و من 7 فالمكتب قبل خلق الله كلهم فخلنا نستمتع.

600 ألف شهريا يا أهو مبلغ ما شاء الله انا قد مرة تخيلت لو راتبي يصير 50 شنو بسوي 600 مره وحده.


شنو الاشياء الي ناوي تغيرها بحياتك وتسويها او راح تستمر على نفس الحال ؟

أول شي بسويه نص هالمبلغ بسكر فيه سلفياتي غلطه و لا يمكن اعيدها.

النص الثاني بقسمه على عده اقسام نص لي و نص بيتوزع.

150 ألف على 25 لكل من الوالد , و الوالده, 50 لكل من جدي و جدتي الله يطول بأعمارهم. :)

و 50ألف اعدل فيها الكورفت, 10 ألاف حق دراجتي. الباقي احط 10 فالتوفير و اخواني و خواتي كلن على 20 ألف.

------------------------------

الشهر الي بعده استلم راتبي فقط ولا اي ريال من هالمدخول كله يروح للتوفير و ابتدي ادور اراضي و مشاريع على وشك انها تبتدي استثمر فيها.

عقب 6 أشهر بالكثير أكون شريتلي ارض عاجبتني او بيت كبير جاهز انه يحتويني مع شريكه حياتي الي حزتها بدور عليها, اسافر برع اكمل دراستي و ارجع بشهاده و فرانشايز و مشروع غير موجود فالدوحه و ينفع الناس.:)

حمد عورت خي و انا اتخيل خل ارجع اشتغل ابركلي تخيلت السيارات الي بخاطري و القراج و الطبيله أشلون اشكالها الله يسامحك انا كل مره افكر بالأراضي اشوف كم سنه شغل يبيلي لين بس اجمع مبلغ قيمه ارض ربعنا يبون الواحد يتزوج و عقب ينقع لين الله اعلم وين يقطونه.

[معماري قطري]

سلامات يا مهندس يعقوب توني اعرف انك مسوي عملية

حمد بعد خبرة في العمليات افكر اسوي زراعة شعر عنده

[المحاميه]

انا باشتري المنتدى وباسوي بلوك على كاتب الموضوع



وبعدين باعطيه جائزة أفضل كاتب



وباسوي له حفلة وتقدير لجهوده المثمرة


هههههه خوش شي

[المحاميه]

سلامات يا مهندس يعقوب توني اعرف انك مسوي عملية

حمد بعد خبرة في العمليات افكر اسوي زراعة شعر عنده

ههههههه لا مبدع مهندسنا

[ya3coub]

سلامات يا مهندس يعقوب توني اعرف انك مسوي عملية

حمد بعد خبرة في العمليات افكر اسوي زراعة شعر عنده

تفجر بالأوعيه الدمويه كان عندي نزيف داخلي و الحمد الله شالو الكيس الدموي و عالجو النزيف و الحين تمام التمام