brwnzya
11-10-2017, 08:49 AM
السلام عليكم ورحمه الله و بركاته
رساله موجهه للاخوه المسؤلين في التعليم و التعليم العالي و الى سعاده وزير التعليم بخصوص النظام والانضباط و الشكل العام لمبنى الوزاره و خاصه بوابه استقبال المراجعين.
اول أمس رحت مبنى الوزاره وهذي اول مره يكون لي مراجعه في هذا المبنى الي يمكن وصفه بالمزاد او سوق خضره اكثر من كونه مبنى وزاره للأسف اول ما يدخل المراجع يكون فيه بوابه استقبال لتحويله للدور المختص بموضوعه و أخذ بطاقه الشخصيه وإعطائه بطاقه زائر لدخول البواب وهذا اجراء طبيعي و أمني و متعارف عليه و متبع في كل وزارات الدولة مشكوره و مايختلف عليه اثنين.
لكن للأسف الشديد ان المراجع اذا دخل مبنى الوزاره ينصدم بالفوضى والعشوائية و كميه الناس المتكدسه بشكل غير منظم و الرجال مع الحريم و ازعاج و و تحس انك داخل معركه عشان تأخذ تصريح الدخول و يوم وصلت عند الاستقبال قال لي واحد من الاخوان في مكتب موظفات على جنب يردون على استفسارات الحريم قلت الحمد لله بطلع من هي المعركة و الحوسه والفوضى و رحت عند باب الأخوات الفاضلات الى المفروض يكون بابهم مفتوح لستفسارات السيدات لقيت الباب مسكر و مقفول و مراجعه وافقه قدام الباب قالت لي و هي ماشيه لا تعبين نفسج انا من مساعه واقف وأطق الباب و محد يفتح الباب شكلهم محد المهم ان وقفت 10 دقايق و طقيت الباب قلت سبحان الله يمكن ياكلون ولا يمكن عزكم الله في الحمام وانتظرت بعد 10 دقايق و نفس الشئ كل شوي أطق الباب و وقفت عن الباب 45 دقيقه ولا حياه لمن تنادي و بعدها رجعت للاخ الى بالاستقبال و بلغته ان محد يرد و خذ بطاقتي الشخصيه وعطاني بطاقه الدخول
اخيراً دخلنا و انتظرت الاصنصير والله بدون مبالغه 30 دقيقه ويمكن اكثر بالنسبة لي هي شئ عادي في وزاره حيويه وعليها ضغط مراجعين.
وصلت الدور الى أراجع فيه ممر طويل عريض مليان مكاتب و لا موظف على مكتبه و مكاتب البنات شنطهم علي المكتب والخوات مو موجودين و بالصدفة شافتني موظفه وهي ماشيه في الممر و قالت لي اروح مكتب فيه اخت موجودة وسألتها عن استفساراتي وللاسف اجوبتها غير وفيه و ماترشد عدل واجوبتها مو أكيده والله لو مو انا مطلعه على الموضوع و مأخذه بيانات من الناس ما استفدت منها شئ انا اكمل لها على كلامها وللاسف لو مارحت هي المشوار كله أبرك.
بصراحه المبنى محتاج أعاده تنظيم من الى و محتاج يحطون مكينه ارقام نفس الموجودة في البنوك وأريدو المراجع يأخذ رقم و يجي للاستقبال بدوره بطريقه منظمه وحضاريه مب العالم يحتشرون الحريم و الرجال و فوضى وعشوائية
ومحتاج موظفيين يكونون على معرفه ودرايه بالقوانين و كل الأمور المتعلقة بستفسارات المراجعين(يكونون موظفيين قطرين ) تستحدث وظائف للقطرين لخدمه المراجعين في الدور الأرضي عشان يخففون الضغط على الاصنصيرات و أكرر وظايف للقطريين و القطريات
و الموظفين والموظفات محتاجين رقابه اكثر عشان يكون فيه انضباط و التزام بالعمل مو المكاتب فاضيه و مكاتب مقفولة ومحد يرد.
و تحياتي للجميع و أتمنى لكم يوم سعيد.
رساله موجهه للاخوه المسؤلين في التعليم و التعليم العالي و الى سعاده وزير التعليم بخصوص النظام والانضباط و الشكل العام لمبنى الوزاره و خاصه بوابه استقبال المراجعين.
اول أمس رحت مبنى الوزاره وهذي اول مره يكون لي مراجعه في هذا المبنى الي يمكن وصفه بالمزاد او سوق خضره اكثر من كونه مبنى وزاره للأسف اول ما يدخل المراجع يكون فيه بوابه استقبال لتحويله للدور المختص بموضوعه و أخذ بطاقه الشخصيه وإعطائه بطاقه زائر لدخول البواب وهذا اجراء طبيعي و أمني و متعارف عليه و متبع في كل وزارات الدولة مشكوره و مايختلف عليه اثنين.
لكن للأسف الشديد ان المراجع اذا دخل مبنى الوزاره ينصدم بالفوضى والعشوائية و كميه الناس المتكدسه بشكل غير منظم و الرجال مع الحريم و ازعاج و و تحس انك داخل معركه عشان تأخذ تصريح الدخول و يوم وصلت عند الاستقبال قال لي واحد من الاخوان في مكتب موظفات على جنب يردون على استفسارات الحريم قلت الحمد لله بطلع من هي المعركة و الحوسه والفوضى و رحت عند باب الأخوات الفاضلات الى المفروض يكون بابهم مفتوح لستفسارات السيدات لقيت الباب مسكر و مقفول و مراجعه وافقه قدام الباب قالت لي و هي ماشيه لا تعبين نفسج انا من مساعه واقف وأطق الباب و محد يفتح الباب شكلهم محد المهم ان وقفت 10 دقايق و طقيت الباب قلت سبحان الله يمكن ياكلون ولا يمكن عزكم الله في الحمام وانتظرت بعد 10 دقايق و نفس الشئ كل شوي أطق الباب و وقفت عن الباب 45 دقيقه ولا حياه لمن تنادي و بعدها رجعت للاخ الى بالاستقبال و بلغته ان محد يرد و خذ بطاقتي الشخصيه وعطاني بطاقه الدخول
اخيراً دخلنا و انتظرت الاصنصير والله بدون مبالغه 30 دقيقه ويمكن اكثر بالنسبة لي هي شئ عادي في وزاره حيويه وعليها ضغط مراجعين.
وصلت الدور الى أراجع فيه ممر طويل عريض مليان مكاتب و لا موظف على مكتبه و مكاتب البنات شنطهم علي المكتب والخوات مو موجودين و بالصدفة شافتني موظفه وهي ماشيه في الممر و قالت لي اروح مكتب فيه اخت موجودة وسألتها عن استفساراتي وللاسف اجوبتها غير وفيه و ماترشد عدل واجوبتها مو أكيده والله لو مو انا مطلعه على الموضوع و مأخذه بيانات من الناس ما استفدت منها شئ انا اكمل لها على كلامها وللاسف لو مارحت هي المشوار كله أبرك.
بصراحه المبنى محتاج أعاده تنظيم من الى و محتاج يحطون مكينه ارقام نفس الموجودة في البنوك وأريدو المراجع يأخذ رقم و يجي للاستقبال بدوره بطريقه منظمه وحضاريه مب العالم يحتشرون الحريم و الرجال و فوضى وعشوائية
ومحتاج موظفيين يكونون على معرفه ودرايه بالقوانين و كل الأمور المتعلقة بستفسارات المراجعين(يكونون موظفيين قطرين ) تستحدث وظائف للقطرين لخدمه المراجعين في الدور الأرضي عشان يخففون الضغط على الاصنصيرات و أكرر وظايف للقطريين و القطريات
و الموظفين والموظفات محتاجين رقابه اكثر عشان يكون فيه انضباط و التزام بالعمل مو المكاتب فاضيه و مكاتب مقفولة ومحد يرد.
و تحياتي للجميع و أتمنى لكم يوم سعيد.