اشباح سفاره دولة قطر في القاهره

[brwnzya]

السلام عليكم ورحمه الله وبركاته
مايخفى عليكم جميعا ما ترتب من الحصار الجائر و الظالم لدوله قطر و الوضع الحالي للطلاب القطريين الدارسين في جمهوريه مصر العربيه وما تعرضوا له من تعطيل دراستهم و عدم اعطائهم نتائج اختباراتهم و الأكثر من ذلك عدم السماح لهم بدخول القاهره الا بتصريح من جهات أمنيه علما بأن السفارة المصريه في قطر غير متعاونين ولم يتم إصدار ولا تصريح سفر واحد حتى تاريخه حسب علمي و عدد كبير من الطلبه تقدموا بالشكاوي للجنه الدائمه لحقوق الانسان و تم تحول الموضوع لجامعه قطر و لوزاره التعليم والتعليم العالي و الجهتين وضحوا الجامعات الي ممكن يلتحق فيها الطلاب و بعض الحلول البديلة و ان كانت بعض الحلول ما منها فايده و كل هذي الحلول حتى يتمكن الطلاب من استكمل دراستهم.
و المهم في كل هذا ان عند مراسله الجامعات البديلة عن الجامعات في مصر شئ بديهي يطلبون كشف درجات الطلاب و سجل قيدهم واوراق ثبوتية للمقررات الي اجتازهم الطالب وبيان حاله للطالب من الجامعات في القاهره و الطلاب مب قادرين يسافرون مصر اولا بسبب تحذيرات وزاره الخارجيه للحفاظ على أمنهم وسلامتهم وثانيا لو بيجازف الطالب وبيروح مايقدر بسبب عدم حصوله على التصريح المطلوب لدخول القاهره.
و للأسف الشديد جميع الطلاب و الطالبات الى صادفتهم في لجنه حقوق الانسان و الي صادفتهم في وزاره التعليم و الي شفتهم في جامعه قطر الجميع الجميع بدون استثناء متفقين ان الملحقيه الثقافية في السفارة القطريه بالقاهره ماقدمت لهم اي خدمات ولا ساعدتهم في استخراج هذي الأوراق و لا يردون على الاتصالات من الأساس يعنى اذا الملحقيه ما كان لها دور و خاصه في هي الظرف الشديد ايش الفايده منهم و اذا ما تعاونوا مع الطلاب وساعدوهم يجيبون لهم الأوراق المطلوب ايش دورهم اجل وإذا الطالب مو قادر يوصل للجامعه يأخذ اوراقه بنفسه يعنى أبد مافي اي مساعده من السفارة بالقاهره و كل الطلبه مجمعين ان دور السفارة القطريه في مصر و بالأخص الملحقيه الثقافية ماله اي وجود و لا ساعدوا اي حد ان يستخرج هي الأوراق المطلوب للتحويل لجامعات اخرى داخل قطر ولا خارجها و ان الطلبه الي جابوا هذي الأوراق جميعهم جابوها عن طريق أصدقاء لهم من عمان و من الكويت و سواقينهم المصريين للأسف موقف الملحقيه ماله اي اثر وطلاب كثيرين يتصلون السفارة ولا حياه لمن تنادي و حده قالت مره وحده ردوا عليها من بدا الموضوع و طلبت منهم الأوراق و من بعدها تتصل ولا حياه لمن تنادي و الكل يقول ان دور الملحقيه من قبل الازمه ما كان فاعل وحتى في طلاب تعرضوا لعمليات نصب واحتيال من مراكز تعليميه بالقاهره و راحوا اشتكوا في الملحقيه ومحد أخذ حقهم ولا حتى منعوا باقي الطلبه من التعامل مع المركز التعليمي الي نصب عليهم. .
يعنى اذا ماخدمتهم السفارة في مثل هي الظرف الطارئ و الشديد متى بتخدمهم و بعدين يعنى كيف يتصرف الطلاب يعنى بسبب تكاسل واهمال موظفين السفارة الطلاب يخسرون السنوات و المقررات الي درسوها قبل وكله شئ يروح عليهم ويبدون دراستهم من الاول !!!

[يوسف0]

ما اضن السفاره تقدر تسوي شئ في مصر

اما اذا في بلاد فيها نسبه من القانون الي يحمي الافراد وغيره ممكن

اما مصر واتهامها لقطر بالارهاب وغيرها من الاكشن الي نشوفه اقصد الكوميديا صعبه :whistling:

تقبل الموضوع ودورلك حل وبالتوفيق

[غريب الدّار]

؟؟؟ اي سفارة ؟؟

تم طرد الدبلوماسيين القطريين وقطع العلاقات اخوي !!!

ومافي سفارة مصرية حاليا في قطر
قصدي ماتشتغل

السفارة اليونانية هي اللي ترعى شؤون مصر

[بوخميس]

شلون الواحد يأمن يروح دولة ما فيها حد يمثله فيها

لاسفارة ولا قنصلية

لو الواحد صار فيه اي شي لا قدر الله محد يقدر يساعده

واحد ويانا في الدوام يدرس في جامعة (بنها) نقل راح الاردن

[ضوى]

للحين تبون تروحون هالبلاد العاهرة ؟؟ تثقون في تعليمهم الحالي ؟ الدولة مااقصرت معاكم وفتحت لكم المجالات روحوا اسألوا وشوفوا شنو البدايل ، يعني سفارتنا شتبونها تسوي لكم مع كل الفجور اللي يسوونه فينا هالبلاد ؟

[ضوى]

بدال ماتوقفون مع بلادكم قاعدين تشتكون من تقصير واهمال هم مالهم اي يد فيه

[yousuf=66]

للاسف ربعنا الطلاب يصرون على الدراسه في مصر والسبب ان الشهاده مضمونه لذلك يتباكون على حرمانهم من الدخول للدوله العاهره
والدوله ماقصرت وفرت البديل ولا بد من الوقوف مع الدوله ضد الحمله التي يشنها الساسه والاعلام المصري القذر والشهاده ملحوق عليها

[qatari911]

الجامعه هنا تطلب كشف الدراجات من الجامعه الي انت فيها سابقا فشي ضروري انه يروح لمصر او يشوف حد من المصريين ولو بفلوس علشان يطلع اوراقه
لان الجامعه عادي تخليه يعيد كل الي درسه بحجة كشف الدرجات واخر شهادة والا بالاصل من الي يبي يروح لمصر الحين الا الي غصبنا عنه فلا تدخلون في النوايا الله يجزاكم خير

[العنيده]

ماعرف وين المشكله من التحويل لجامعات في دول ثانيه في ناس لقو البديل وكملووو ..
يعني حتى الامان للطلاب مااحس موجود .. بلاد مب متقبلينا يشوفونا ارهابيين مترصدين لنا تروحون ليش ..

الله يحفظ الجميع ويكفينا شرهم ان شاء الله ..

[اسيرالدوحه]

السلام عليكم أخوي

أكيد محد راح يرد على الاتصالات ...

شلون يردون وهم أصلا مب هناك؟؟

تم إغلاق جميع السفارات القطريه اللي في دول الحصار ...

والله يكون في عونكم ...

حاولوا التواصل مع الجامعه مباشرة ..

أو كلموا حد هناك تعرفونه يتواصل مع الجامعه ... ويجيب كشف حديث للدرجات ..

والله يكون في عونكم اخوي

[ضوى]

اذا دولة الخمارات رفضت تطلع اوراق الطلبة عندها تبون بلد الزر تطلع ؟ وعلى افتراض مافي اوراق بتطلع ومستحيل تطلع شنو العمل ؟ السفارة شتسوي والا القنصل شيسوي اذا عيال ابليس مناحسين

[السفير العربي]

قبل سنة حذرت في احدى التغريدات في تويتر لموقع وزارة التربية والتعليم من خطورة الابتعاث الى مصر وذكرت ان الشهادات في ظل الفوضى اصبحت تشترى ولأهم من ذلك ان الطالب قد يتعرض للمخاطر ويكفي انه يتشرب من السلوك الشوارعي المعهود ولكن لاحياة لمن تنادي ..! هل خلت الكرة الارضية من الجامعات ليفكر العاقل الدراسة في دولة متخلفة ؟!!!

[بحر شرق]

اشوف الأنتضار افضل للطالب في دول الحصار اذا وجد صعوبه في الذهاب الى بلد اخر ما احد يعرف ظروفه،لابد للازمه ان تنتهي وترجع أمور الدراسه وهي اكيد بتكون من أولويات قطر مصلحه مواطنيها في الدراسه او الاستثمار. وغيرها

[غريب الدّار]

قبل سنة حذرت في احدى التغريدات في تويتر لموقع وزارة التربية والتعليم من خطورة الابتعاث الى مصر وذكرت ان الشهادات في ظل الفوضى اصبحت تشترى ولأهم من ذلك ان الطالب قد يتعرض للمخاطر ويكفي انه يتشرب من السلوك الشوارعي المعهود ولكن لاحياة لمن تنادي ..! هل خلت الكرة الارضية من الجامعات ليفكر العاقل الدراسة في دولة متخلفة ؟!!!
كلام من ذهب

أشكرك

[ضوى]

قبل سنة حذرت في احدى التغريدات في تويتر لموقع وزارة التربية والتعليم من خطورة الابتعاث الى مصر وذكرت ان الشهادات في ظل الفوضى اصبحت تشترى ولأهم من ذلك ان الطالب قد يتعرض للمخاطر ويكفي انه يتشرب من السلوك الشوارعي المعهود ولكن لاحياة لمن تنادي ..! هل خلت الكرة الارضية من الجامعات ليفكر العاقل الدراسة في دولة متخلفة ؟!!!

كلامك كفى ووفى ، شهادتهم مضروبة ومافيها ثقة

[brwnzya]

اعتقد اغلب الي علقوا اشتطوا بدون لايقرون المكتوب عدل كلامي واضح احنا الطلبه نطالب بكشف درجاتنا و سجلات قيدنا اعتقد مو سهل الواحد يعيد ظ¤ او ظ£ سنوات دراسيه و يروح من عمره و من وقته و مجهوده الي بذله كله يروح على الفاضي والي في الموقف غير والي يتكلم وهو مب في الموقف .
ولا جامعه في قطر ولا خارجها بتقبلنا بدون هي الأوراق الا كطلاب جدد نبدأ من الاول.
و الأخوه الي ما يدرون ان جميع موظفين السفاره القطريه موجودين في القاهره ويداومون في مبنى السفاره ياليت مايعلقون و اهم ماعندهم خبر.
وأما الي يقول الشهاده مضروبه مااعتقد طلاب من أوائل الثانوية العامه وطلاب متميزين يدرسون طب و محاماة و طلاب دراسات عليا و دكتوراه يبحثون عن شهادات مضروبه وسبحان الله كلا يرى الناس بعين طبعه.
و احنا الطلاب جميعا ما نبي نروح القاهره ولا عاد نبي نكمل فيها لكن من حقنا نحصل على أوراقنا ولا نبدأ في جامعات ثانيه من الصفر.

[غريب الدّار]

اعتقد اغلب الي علقوا اشتطوا بدون لايقرون المكتوب عدل كلامي واضح احنا الطلبه نطالب بكشف درجاتنا و سجلات قيدنا اعتقد مو سهل الواحد يعيد ظ¤ او ظ£ سنوات دراسيه و يروح من عمره و من وقته و مجهوده الي بذله كله يروح على الفاضي والي في الموقف غير والي يتكلم وهو مب في الموقف .
ولا جامعه في قطر ولا خارجها بتقبلنا بدون هي الأوراق الا كطلاب جدد نبدأ من الاول.
و الأخوه الي ما يدرون ان جميع موظفين السفاره القطريه موجودين في القاهره ويداومون في مبنى السفاره ياليت مايعلقون و اهم ماعندهم خبر.
وأما الي يقول الشهاده مضروبه مااعتقد طلاب من أوائل الثانوية العامه وطلاب متميزين يدرسون طب و محاماة و طلاب دراسات عليا و دكتوراه يبحثون عن شهادات مضروبه وسبحان الله كلا يرى الناس بعين طبعه.
و احنا الطلاب جميعا ما نبي نروح القاهره ولا عاد نبي نكمل فيها لكن من حقنا نحصل على أوراقنا ولا نبدأ في جامعات ثانيه من الصفر.

ماراح أوقف وايد على الأسلوب الهجومي واللي يدل ان صاحبه مشتط من قلب :)

لكن العلاقات الدبلوماسية مقطوعة وانت تقول جميع موظفين السفارة يداومون هناك ؟ :)

يخوي انت اعتقد مب فاهم الطبخة


تدري شنو قطع العلاقات الدبلوماسية ؟؟؟

دامك مشتط انصحك دور في قوقل :)

[brwnzya]

بس أقول لك انا ماتكلم من فراغ احنا نرسل سواقينا والمندوبين المصريين الي نعرفهم السفاره وجميع الموظفين في سفاره قطر بالقاهره موجودين ماتكلم من فراغ وياليت الي يتكلم في اي موضوع يتحقق قبل لا يتفلسف للأسف في ناس وأيد بس تكتب اي مداخله من تحليلها الشخصي بدون لايكون عندهم فكره ولا خلفيه بالموضوع بس المهم عنده ان يكتب تعليق و السلام. ياليت قبل لا احد يعلق بس يحط نفسه مكان الطلبه الي سنه تخرج والي بيناقش رساله دكتوراه و الى خلاص تخرج و يبي يأخذ اوراقه ويقدر ان كل هي المجهود بيروح في الفاضي وزياده عليه لازم يعيد من الاول وكل هي من عمره. و أقول عيب لازم نرتقى في ردودنا ونختار ألفاظنا واحنا نتكلم ويكون الأسلوب ارقى من كذيه.

[غريب الدّار]

بس أقول لك انا ماتكلم من فراغ احنا نرسل سواقينا والمندوبين المصريين الي نعرفهم السفاره وجميع الموظفين في سفاره قطر بالقاهره موجودين ماتكلم من فراغ وياليت الي يتكلم في اي موضوع يتحقق قبل لا يتفلسف للأسف في ناس وأيد بس تكتب اي مداخله من تحليلها الشخصي بدون لايكون عندهم فكره ولا خلفيه بالموضوع بس المهم عنده ان يكتب تعليق و السلام. ياليت قبل لا احد يعلق بس يحط نفسه مكان الطلبه الي سنه تخرج والي بيناقش رساله دكتوراه و الى خلاص تخرج و يبي يأخذ اوراقه ويقدر ان كل هي المجهود بيروح في الفاضي وزياده عليه لازم يعيد من الاول وكل هي من عمره. و أقول عيب لازم نرتقى في ردودنا ونختار ألفاظنا واحنا نتكلم ويكون الأسلوب ارقى من كذيه.

:) ارتقي في ردودك انت اول وعقب يصير خير

انت تبي اتضحك الناس عليك انا شاسوي ؟!

وبعدين العلاقات رسميا مقطوعة وتقول لي يداومون :)


مب مشكلة
باسايرك واقول لك اوكيه يداومون

شلون تبيهم حضرتك يشتغلون لك ويراكضون لك والعلاقات مقطوعة والتوتر واصل حده ؟
ولا قطري يقدر يسافر الا باللي يسمونها (تأشيرة أمنية) !!
وبعدين اخوي دامك ترسل السواقين على قولتك ، ياخي ارسل السواق بالطلب اللي تبيه وخلاص :)
مصر تشن حملة مسعورة على قطر واتهامات باطلة مالها اول من تالي والمصريين أصلا ماراح يتعاونون في أي مجال من المجالات والاخ يبي الناس يراكضون له من جامعة لي جامعة :)
لا ويتهم الموظفين (اللي يقول انهم في سفارة قطر ) بانهم اشباح !!!


ياليتك قبل لاتنصح بعدم الفلسفة انك تطبقها على عمرك يابو الشباب :)

[brwnzya]

اترفع أني ادخل معاك في نقاش
حفاظنا على مستوي الفكري والثقافي والاخلاقي .

[غريب الدّار]

اترفع أني ادخل معاك في نقاش
حفاظنا على مستوي الفكري والثقافي والاخلاقي .

يخوي بدال ماتترفع عن النقاش ، ترفع عن مثل هالاساليب الملتوية ، يعني جاي يبي يضغط على موظفين السفارة عن طريق هالموضوع

مصر (بالإضافة الى دول الحصار الأخرى) كانت تفكر في التدخل العسكري في قطر !! وبفضل الله ثم جهود الشيخ صباح تم إيقاف ذلك

تدري شنو تدخل عسكري؟ يعني غزو ، يعني شهادتك بيلفون فيها سندويش فلافل :) وانت دور لك مكان عقب يصادق لك الشهادة !!

وانت تبيهم يراكضون لك؟!!!! فاضين لك هم ؟؟ الحين المصريين مب متعاونين
وانت ماتدري شنو يعني قطع علاقات دبلوماسية ، ومفكر السالفة بسيطة

شاسوي لك ؟ لا وفاتح موضوع يبلفيت يعني الحين بيشوفونه وبيروحون يشتغلون له :)

[السفير العربي]

العلاقات مقطوعة وذالبني ادم يطالب سفارتنا في القاهرة .. معقولة فيه ناس بليدة لهذه الدرجة ؟!!! حتى جملة مفيدة لايحسن كتابتها .. !! هذا دليل على ضعف الدراسة في الجامعة اللي ماستطاعت تعلمك كيف تحسن كتابة جملة صحيحة ..!