الفزعه ياهل الفزعه

[نمر بن عدوان]

اتمنى الي عنده فكره عن دكتور اعصاب فعياده خاصه ويكون ممتاز ومشهود له يعطيني رقمه او موقع عيادته .الله يعطيكم العافيه ولايريكم مكروه في غالي .

اتمنى من الاداره الكريمه ابقاء الموضوع لفتره من الوقت وشاك جهودكم.

[النهار]

اخوي تقصد دكتور نفساني

[نمر بن عدوان]

لا اخوي دكتور اعصاب الجسم

[مضارب دوسري]

يمدحون محمد موزون في العمادي

وفي دكتور اسمه شريف في عيادة الدوحه

وضياء الحق في مركز المستقبل اللي مقابل فيلاجيو فالعزيزيه


وايضا عندك سامح بدران في عيادة ايكون فالسنتر اللي جنب فندق كراون بلازا في شارع حمد الكبير جنب فرع البنك الاهلي


طبعا اكيد عارف الدكاتره في مستشفى حمد ولكن واضح انك مالقيت مواعيد قريبه عندهم لذلك طلبت عيادات




مالي تجربه بصراحه معاهم بس دايما اشوف دكاترة العمادي شقرديه
وخطاك الشر يالشيخ

[Qt.1]

خطاكم الشر ياخوي , واحد من الااهل صارت عنده مشكله في الااعصاب من فتره راح تايلند وعطوه ادويه لمدة 6 شهور والحمدالله الحين يتعافى واحسن من قبل بوايد فأذا تقدرون اخوي توكلو على الله

[المحاميه]

الله يوفقكم في الدكتور الزين
ويشفي مريضكم

[وسمي2016]

فيه دكتور ممتاز ,,,اسمه دكتور سامح بدران
تخصص اعصاب ممتاز

وهذا اللنك تبعهم:

http://www.icon-medical.com/Staff/StaffDetails/16

في مركز احمد بن محمد للعلاج الطبيعي
جنب كراون بلازا
وهذا الموقع:
https://www.google.com/maps/place/Icon+Medical+Center/@25.2728353,51.5427261,16z/data=!4m5!3m4!1s0x0:0x7486bd985c706eb7!8m2!3d25.27 34945!4d51.5417388?hl=en-US

,,,,وبالتوفيق اخوي
ماتشوفون شر جميعا

[معماري قطري]

الله يشفي مريضك اخوي نمر

مستشفى وج ثاني من أفضل المستشفيات في تايلند ويعتمدون التشخيص الجيد والعلاج الطبيعي أو الدوائي .. منطقة فيها مسلمين بكثرة وتسمع الأذان والإقامة والقراءة عبر مكبرات الصوت .. المستشفى ما ابالغ لو أقول ربع اللي فيه مسلمين وكثير يتكلمون عربي .. السعر كثير رخيص وحتى السفارة تعطي كتاب تخفيض

يمكن تحتاج شهر بالكثير حسب الحالة وعلاجهم يومياً حتى يوم الجمعة والسبت والأحد وبسعر يقارب 500 ريال لليوم شامل التوصيل من وإلى الفندق .. الاقامة في المستشفى تختلف بس أسعارهم معقولة

انا حطيت 500 كمعدل وشفت اصابات أعصاب وعلاج عظام وجلطات بطريقة مهنية عالية وعلاج مكثف .. كان علاجي حول 300 للجلسة وحول 120 لمقابلة الطبيب والمقابلة اسبوعياً .. ويبقون معاي في العلاج حول 3 ساعات كل شوي جهاز ونوع غير

[mouhajare]

doctor badrane 66981198

[عاهد بن علي]

ممكن أيضا اكل موميان كل يوم مرتين الى ثلاث مرات
في كل مره بقدر حبة لقهوة
ولا بد من الحجامه

[المخفي]

مب الموميان للعظام ايش دخله في الاعصاب

وين نحصل اصلي

[نمر بن عدوان]

يعطيكم العافيه جميعا اخوي مضارب ومعماري والوسمي وQt.1واختي المحاميه وعاهد علي والنهار ولا اراكم الله مكروه في عزيز. الحاله للوالده الله يحفظها عندها رعشه خفيفه في يدها خصوصا لما تشيل كوب او صحن او اي شي بيدها لاحظت عليها ترتعش يدها وكانت من قبل بس الحاله زادت فقلت اوديها دكتور يفحصها مبدئيا وبعدها وعلى ضوء التشخيص نقرر الخطه العلاجيه تكون عند نفس الدكتور او مثل مانصح اخوي معماري و Qt.1خارج قطر . والواضح الاغلبيه مرشحين الدكتور بدران واذا في راي اخر لاتحرمونا منه و الله يقويكم وماقصرتوا

[معماري قطري]

يعطيكم العافيه جميعا اخوي مضارب ومعماري والوسمي وQt.1واختي المحاميه وعاهد علي والنهار ولا اراكم الله مكروه في عزيز. الحاله للوالده الله يحفظها عندها رعشه خفيفه في يدها خصوصا لما تشيل كوب او صحن او اي شي بيدها لاحظت عليها ترتعش يدها وكانت من قبل بس الحاله زادت فقلت اوديها دكتور يفحصها مبدئيا وبعدها وعلى ضوء التشخيص نقرر الخطه العلاجيه تكون عند نفس الدكتور او مثل مانصح اخوي معماري و Qt.1خارج قطر . والواضح الاغلبيه مرشحين الدكتور بدران واذا في راي اخر لاتحرمونا منه و الله يقويكم وماقصرتوا

الله يشفيها وذي أمراض كبر سن عادية وتجي أوقات بدون سبب والعلاج الطبيعي أفضل شيء لها

من فترة شفت تقرير عن حالة قوية ولشاب بسبب حادث وأعصاب يده متأثرة كثير تم علاجه في ألمانيا وهو أمريكي عن طريق الخلايا الجذعية في عيادة معروفة في ميونخ قرب شارع العرب وشارع المشاة اسمها Isar clinic سألت أحد الاخوان مترجم هناك عن علاج الركبة بالخلايا الجذعية قال يسوونه وحسب الحالة وتكلف ما بين 7 الاف الى 10 الاف يورو مع إقامة 5 أيام وبعدها علاج طبيعي .. اليد أتوقع أسهل

لكن احتمال في بانكوك ما تاخذ شيء وفي البداية جرب في قطر عيادات العلاج الطبيعي كثيرة وأطباء مستشفى حمد جيدين .. أمس شفت فيه عيادة أعصاب في العيادة الخارجية .. كله يبدأ من المركز الصحي وبعدها المواعيد سهلة ويبي لها شوية مطالب أو دخول بين المواعيد

[وسمي2016]

يعطيكم العافيه جميعا اخوي مضارب ومعماري والوسمي وQt.1واختي المحاميه وعاهد علي والنهار ولا اراكم الله مكروه في عزيز. الحاله للوالده الله يحفظها عندها رعشه خفيفه في يدها خصوصا لما تشيل كوب او صحن او اي شي بيدها لاحظت عليها ترتعش يدها وكانت من قبل بس الحاله زادت فقلت اوديها دكتور يفحصها مبدئيا وبعدها وعلى ضوء التشخيص نقرر الخطه العلاجيه تكون عند نفس الدكتور او مثل مانصح اخوي معماري و Qt.1خارج قطر . والواضح الاغلبيه مرشحين الدكتور بدران واذا في راي اخر لاتحرمونا منه و الله يقويكم وماقصرتوا

ربي يشافيها ويعافيها ويخليها لكم,,, اخوي مثل ما انت بالضبط تفضلت

اهم شيء التشخيص الصحيح,,,وهذا سامح بدران ممتاز لهالحالات
ولكنه يعمل بهالمركز العلاجي ويهمهم ايضا العلاج عندهم,,,,ولذلك
انت خذ التشخيص ,,,,ونتشاور معاك بعدين في طريقة العلاج
ولكن لا تخلي لان الوضع ممكن يكون علامات لأشياء ثانيه
ولذلك الاستعجال في التشخيص اهم شيء في هالمرحله.

وماتشوفون شر

[نمر بن عدوان]

يعطيكم العافيه اخوي معماري والوسمي ان شالله اراجع في البدايه الداخل ونشوف التشخيص ووقتها لكل حدث حديث ماقصرتوا جميعا ربي يبارك لكم في صحتكم وكل من يعز عليكم