بعض الاستفسارات عن الخرايط

[Al-Kuwari]

السلام عليكم

الحمدلله طلعت اخيراً موافقة البناء

وحاب استشيركم في بعض المواضيع المتعلقه بالخرايط مع العلم ان مساحة الارض 910 متر مربع

1- ماهي المساحة المسموح لك تبنيها في ارض بهالحجم ؟

2- كم متر لازم يكون بين طوفة الحوش والبيت نفسه

3- ملاحظات لازم انتبه لها عند رسم الخريطة ؟

4- اسامي بعض المكاتب الممتازة اللي ترشحونها لي لرسم الخريطة ولازم ابين ان الجودة مهمة بالنسبة لي , اكيد اني ابغي سعر معقول لكن المقصد من كلامي اني ما افكر اروح لارخص شخص ممكن يرسم لي الخريطة على حساب المواصفات ودقه الرسم والتفاصيل المهمة من كمية حديد وخرسانة والاشياء الثانية اللي تكون موضحة بالخريطة

واي معلومة لو تحسون انها مهمة وانا غفلت عنها فاتمنى تذكرونها وجزاكم الله كل خير وارحم الله والديكم ..

[SouthK]

مساحة ارضك نفس ارضي .. شكل ارضك في الثميد!!

1- ماهي المساحة المسموح لك تبنيها في ارض بهالحجم ؟
60% من مساحة الارض .. يعني 546 متر مربع

2- كم متر لازم يكون بين طوفة الحوش والبيت نفسه
أقل شي مترين لو تبي تحط درايش على الاجناب اما ورا البيت 3 امتار بدون وجود ملاحق .. و يعتمد على المنطقة و البلدية!

3- ملاحظات لازم انتبه لها عند رسم الخريطة ؟
لا تخلي أي تفاصيل بدون رسم .. حتى بيبات الكهربا ارسمها .. انا بسوي جذي بإذن الله!

4- اسامي بعض المكاتب الممتازة اللي ترشحونها لي لرسم الخريطة ولازم ابين ان الجودة مهمة بالنسبة لي , اكيد اني ابغي سعر معقول لكن المقصد من كلامي اني ما افكر اروح لارخص شخص ممكن يرسم لي الخريطة على حساب المواصفات ودقه الرسم والتفاصيل المهمة من كمية حديد وخرسانة والاشياء الثانية اللي تكون موضحة بالخريطة
مناقصات اسمع عنهم وايد .. و في مكتب صوب مكتبة جرير لكن تواصل معاي خاص لاني ما اقدر احط رقمه!

اللي يقدر يزيد على كلامي او يصححه يفيدنا!

[معماري قطري]

عليكم السلام ورحمة الله وبركاته

أسئلتك يا اخوي اجابتها بتحصلها من خلال المواضيع الكثيرة في هذا القسم .. والمساحة باختصار يحددها احتياجك وامكانياتك المادية .. حط في اعتبارك تكلفة المتر المربع بحدود 3000 وفوق حسب اختيارك لمواد التشطيب والتكييف ولو عندك مصعد وحجر ومسبح لازم بيفرق السعر .. التأثيث أوقات يكون مبالغ فيه ويكلف بتكلفة البيت

التكييف يتضاعف عندك من سبلت للدكت سبلت بالراحة ضعف السعر والباكج أو السنترال بحدود ضعف ونص الضعف

بخصوص المكاتب كثيرة بين الزين والمتوسط وبعد تكلمنا عنها في مواضيع كثيرة .. بتحصل نصايح عنها في موضوع العقود المثبت فوق .. وأهم شيء المكتب اللي تتعامل معاه يصمم معماري وعنده مهندس انشائي شاطر ومهندس ميكانيكل وكهرباء .. المعماري لازم يبرز لك شيء من أعماله والنقاش معاه يكون موضوعي وفي الغالب هو يكون المدير ودوم هو مدير التصميم .. الانشائي نفس الشيء يناقش في الامور الانشائية ويتكلم عن التصميم الاقتصادي والآمن والمفروض تقعد معاهم قعدة تعارف مبدئية .. بعض المكاتب ما فيها حد ومديرها كله يقول لك المهندسين برا .. وبعض المكاتب فيها قسم اشراف وفيها قسم تصميم وقسم التصميم أغلب الوقت موجودين كل المهندسين وتشوفهم مشغولين

بعد ىما تخسر شيء لو مريت موضوع مراجعة المخططات المعمارية

[بوخالد911]

هلا بك

لازم تبعد 3 أمتار ( بلدية الريان ) و 5 أمتار ( بلدية الدوحة).
من طوفة السور وليين طوفة الفيلا
يسمونها زاوية الارتداد.

[بوخالد911]

ملاحظات ع الخريطة:-
1- لازم توزع سوكتات الكهربا بكذا مكان بالغرف والممرات والصالات
وخلهم دبل سوكت.

2- توزيع مكيفات السبليت بشكل صح.

3- توزيع الليتات بشكل مدروس وبحجم الغرف والصالات والممرات والمجالس.

4- التحكم بليتات السور خلها بداخل الفيلا ، لأن البعض يخليها بغرفة السايق.

[Al-Kuwari]

مساحة ارضك نفس ارضي .. شكل ارضك في الثميد!!

1- ماهي المساحة المسموح لك تبنيها في ارض بهالحجم ؟
60% من مساحة الارض .. يعني 546 متر مربع

2- كم متر لازم يكون بين طوفة الحوش والبيت نفسه
أقل شي مترين لو تبي تحط درايش على الاجناب اما ورا البيت 3 امتار بدون وجود ملاحق .. و يعتمد على المنطقة و البلدية!

3- ملاحظات لازم انتبه لها عند رسم الخريطة ؟
لا تخلي أي تفاصيل بدون رسم .. حتى بيبات الكهربا ارسمها .. انا بسوي جذي بإذن الله!

4- اسامي بعض المكاتب الممتازة اللي ترشحونها لي لرسم الخريطة ولازم ابين ان الجودة مهمة بالنسبة لي , اكيد اني ابغي سعر معقول لكن المقصد من كلامي اني ما افكر اروح لارخص شخص ممكن يرسم لي الخريطة على حساب المواصفات ودقه الرسم والتفاصيل المهمة من كمية حديد وخرسانة والاشياء الثانية اللي تكون موضحة بالخريطة
مناقصات اسمع عنهم وايد .. و في مكتب صوب مكتبة جرير لكن تواصل معاي خاص لاني ما اقدر احط رقمه!

اللي يقدر يزيد على كلامي او يصححه يفيدنا!

يا هلا الشيخ تسلم عالرد والافادة

نعم ارضي بالثميد مثل ما ذكرت

1- تقصد مساحة البنيان للطوابق الارضية ما تتعدى 546 متر صح ؟ وهالشي يشمل الملاحق والمجلس الخارجي وكل شي ؟ او مساحة البيت الرئيسي فقط ؟

2- طيب يعني هالقياسات الاستشاري المفروض يعرفها بسبب طبيعة عمله وممكن هو يفيدني بالمساحات بناء عالبلدية اللي انا تابع لها

3- بأذن الله برسم كل شي

4- راح اراسلك عالخاص

تسلم الشيخ ماقصرت والله يعيني ويعينك عالبنيان ويتمم على خير باذن الله

[Al-Kuwari]

عليكم السلام ورحمة الله وبركاته

أسئلتك يا اخوي اجابتها بتحصلها من خلال المواضيع الكثيرة في هذا القسم .. والمساحة باختصار يحددها احتياجك وامكانياتك المادية .. حط في اعتبارك تكلفة المتر المربع بحدود 3000 وفوق حسب اختيارك لمواد التشطيب والتكييف ولو عندك مصعد وحجر ومسبح لازم بيفرق السعر .. التأثيث أوقات يكون مبالغ فيه ويكلف بتكلفة البيت

التكييف يتضاعف عندك من سبلت للدكت سبلت بالراحة ضعف السعر والباكج أو السنترال بحدود ضعف ونص الضعف

بخصوص المكاتب كثيرة بين الزين والمتوسط وبعد تكلمنا عنها في مواضيع كثيرة .. بتحصل نصايح عنها في موضوع العقود المثبت فوق .. وأهم شيء المكتب اللي تتعامل معاه يصمم معماري وعنده مهندس انشائي شاطر ومهندس ميكانيكل وكهرباء .. المعماري لازم يبرز لك شيء من أعماله والنقاش معاه يكون موضوعي وفي الغالب هو يكون المدير ودوم هو مدير التصميم .. الانشائي نفس الشيء يناقش في الامور الانشائية ويتكلم عن التصميم الاقتصادي والآمن والمفروض تقعد معاهم قعدة تعارف مبدئية .. بعض المكاتب ما فيها حد ومديرها كله يقول لك المهندسين برا .. وبعض المكاتب فيها قسم اشراف وفيها قسم تصميم وقسم التصميم أغلب الوقت موجودين كل المهندسين وتشوفهم مشغولين

بعد ىما تخسر شيء لو مريت موضوع مراجعة المخططات المعمارية


الله يعطيك العافية يابوعبدالله عالرد الوافي

تابعت موضوع الخرايط واستفدت منه ماقصرت بس ماكنت ادري عن موضوع الاستشارات بشيك عليه باذن الله

انت تقصد 3000 للمتر مع التشطيب صح ؟

لو كان بنيان عظم بس كم السعر المنطقي او المعدل للعظم ؟

بعد لو تفيدنا من خلال خبرتك كم السعر المنطقي او المعدل للخرايط عشان اعرف هل السعر مناسب او المكتب رافع علي ؟ وجعلك ذخر ياخوي مشاركاتك مميزة ماتقصر في ميزان حسناتك ان شاء الله

[Al-Kuwari]

ملاحظات ع الخريطة:-
1- لازم توزع سوكتات الكهربا بكذا مكان بالغرف والممرات والصالات
وخلهم دبل سوكت.

2- توزيع مكيفات السبليت بشكل صح.

3- توزيع الليتات بشكل مدروس وبحجم الغرف والصالات والممرات والمجالس.

4- التحكم بليتات السور خلها بداخل الفيلا ، لأن البعض يخليها بغرفة السايق.

تسلم عالملاحظات الطيبة يابو خالد وراح اخذها بعين الاعتبار لا جيت اصمم الخريطة باذن الله

[معماري قطري]

الله يعطيك العافية يابوعبدالله عالرد الوافي

تابعت موضوع الخرايط واستفدت منه ماقصرت بس ماكنت ادري عن موضوع الاستشارات بشيك عليه باذن الله

انت تقصد 3000 للمتر مع التشطيب صح ؟

لو كان بنيان عظم بس كم السعر المنطقي او المعدل للعظم ؟

بعد لو تفيدنا من خلال خبرتك كم السعر المنطقي او المعدل للخرايط عشان اعرف هل السعر مناسب او المكتب رافع علي ؟ وجعلك ذخر ياخوي مشاركاتك مميزة ماتقصر في ميزان حسناتك ان شاء الله

نصيحة يا اخوي لا تتجه للعظم وبعدين تتفق على التشطيب .. إنت بتبني حتى تسكن وتبي المقاول يهتم بشغله لذلك اتفق مع مقاول عنده كل الشغلات الأساسية أقلها صرف صحي وتمديدات وكهرباء .. الخشب سوه عن طريق مختصين وكذلك النوافذ وأي شيء بتشتريه انت وضح إن المقاول يستلمه ويفحصه وينقله ويخزنه ويركبه حسب المواصفات المحددة من البداية وال 3000 شامل التشطيب وكسعر تقريبي ممكن يزيد وممكن ينقص لو مواصفاتك معقولة

لو انت متفرغ ولا عندك مشكلة تطول وضعك بيكون غير ممكن تسوي عظم وعوازل لأن عزل المياه مهم حتى ما يتأثر الهيكل عندك ويضعف .. وبعدين تتفق على التشطيب حسب تفرغك وامكانياتك .. بس تحتاج اشراف قوي وينعمل العظم زين .. أول خلص الهيكل الخرساني بدون طابوق بعدين خله يسوي الطابوق وكله باشراف ومواصفات محددة

[معماري قطري]

ملاحظات ع الخريطة:-
1- لازم توزع سوكتات الكهربا بكذا مكان بالغرف والممرات والصالات
وخلهم دبل سوكت.

2- توزيع مكيفات السبليت بشكل صح.

3- توزيع الليتات بشكل مدروس وبحجم الغرف والصالات والممرات والمجالس.

4- التحكم بليتات السور خلها بداخل الفيلا ، لأن البعض يخليها بغرفة السايق.

الأهم يعتمد مخطط توزيع الأثاث أول وبعدين يرتب توزيع الكهرباء حتى يستفيد من السوكتات قريبة من القطع اللي بيحطها .. نفس الشيء التكييف ما يكون مواجه الجالس أو النايم ونحدد مكانه بعد مخطط الأثاث

[معماري قطري]

مساحة ارضك نفس ارضي .. شكل ارضك في الثميد!!

1- ماهي المساحة المسموح لك تبنيها في ارض بهالحجم ؟
60% من مساحة الارض .. يعني 546 متر مربع

2- كم متر لازم يكون بين طوفة الحوش والبيت نفسه
أقل شي مترين لو تبي تحط درايش على الاجناب اما ورا البيت 3 امتار بدون وجود ملاحق .. و يعتمد على المنطقة و البلدية!

3- ملاحظات لازم انتبه لها عند رسم الخريطة ؟
لا تخلي أي تفاصيل بدون رسم .. حتى بيبات الكهربا ارسمها .. انا بسوي جذي بإذن الله!

4- اسامي بعض المكاتب الممتازة اللي ترشحونها لي لرسم الخريطة ولازم ابين ان الجودة مهمة بالنسبة لي , اكيد اني ابغي سعر معقول لكن المقصد من كلامي اني ما افكر اروح لارخص شخص ممكن يرسم لي الخريطة على حساب المواصفات ودقه الرسم والتفاصيل المهمة من كمية حديد وخرسانة والاشياء الثانية اللي تكون موضحة بالخريطة
مناقصات اسمع عنهم وايد .. و في مكتب صوب مكتبة جرير لكن تواصل معاي خاص لاني ما اقدر احط رقمه!

اللي يقدر يزيد على كلامي او يصححه يفيدنا!

أعتقد 60% هي مساحة الأرضية المغطاة من الارض وتشمل حتى مواقف السيارات .. الفيلا يقدر يضيف عليها دور أول وبنتهاوس وبيسمنت .. يعني ال 60% = مثل ما ذكرت 546 متر مربع لو شلنا منها 36 متر حق موقف سيارتين و 40 متر حق ملحق ونقول 100 متر حق مجلس وغرفة سايق .. بنصفي على 370 للدور الأرضي للفيلا .. لكن نقدر نضيف عليه 370 وممكن حتى ببعض البروزات يطلع حول 400 للأول + حول 400 للبيسمنت + 45% من 370 للبنتهاوس وسمعت ناويين يزيدونها ل 80%

[Al-Kuwari]

نصيحة يا اخوي لا تتجه للعظم وبعدين تتفق على التشطيب .. إنت بتبني حتى تسكن وتبي المقاول يهتم بشغله لذلك اتفق مع مقاول عنده كل الشغلات الأساسية أقلها صرف صحي وتمديدات وكهرباء .. الخشب سوه عن طريق مختصين وكذلك النوافذ وأي شيء بتشتريه انت وضح إن المقاول يستلمه ويفحصه وينقله ويخزنه ويركبه حسب المواصفات المحددة من البداية وال 3000 شامل التشطيب وكسعر تقريبي ممكن يزيد وممكن ينقص لو مواصفاتك معقولة

لو انت متفرغ ولا عندك مشكلة تطول وضعك بيكون غير ممكن تسوي عظم وعوازل لأن عزل المياه مهم حتى ما يتأثر الهيكل عندك ويضعف .. وبعدين تتفق على التشطيب حسب تفرغك وامكانياتك .. بس تحتاج اشراف قوي وينعمل العظم زين .. أول خلص الهيكل الخرساني بدون طابوق بعدين خله يسوي الطابوق وكله باشراف ومواصفات محددة

تسلم يابوعبدالله وعدل كلامك واقتنعت فيه بحيث اني اتفق معاه بخصوص التشطيبات بعض الاشياء انا اشتريها بمعرفتي وهو ملزم بالاستلام والتركيب والفحص

بكذا انا اضمن جودة بعض التشطيبات ومن ناحية ثانية اضمن سعر مناسب كذلك لان مرات بعض المقاولين يحاول يشطب لك بشغل اي كلام ومواد اي كلام هو متوهق فيها او ماخذها برخيص ويبي يطلع ربح زياده من وراك

[معماري قطري]

تسلم يابوعبدالله وعدل كلامك واقتنعت فيه بحيث اني اتفق معاه بخصوص التشطيبات بعض الاشياء انا اشتريها بمعرفتي وهو ملزم بالاستلام والتركيب والفحص

بكذا انا اضمن جودة بعض التشطيبات ومن ناحية ثانية اضمن سعر مناسب كذلك لان مرات بعض المقاولين يحاول يشطب لك بشغل اي كلام ومواد اي كلام هو متوهق فيها او ماخذها برخيص ويبي يطلع ربح زياده من وراك

بعد خل خيار إن المقاول يعرض لك شيء من المواد يكون أفضل .. بعضهم يا اخوي لهم دراية بالسوق ولهم سعر خاص وفي نيتهم يساعدون العميل .. يعني كمثال قول الغرف بتسوي أرضيتها اسمنتية ناعمة وتجي فوقها سجادة .. مع مواصفات الخلطة الاسمنتية مذكورة بوضوح .. وباقي الأرضيات للصالات والممرات والمجلس بتخليها بورسلان أو رخام على نفس الصبية الاسمنتية وبلاصق محدد في المواصفات أو انت تشتريه وعلى المقاول التركيب مع البورسلان قيمته عليك ولا تدخل العقد .. المقاول يسعر للتركيب والنقل والاستلام واتخزين ومسؤولية لو نقصت الكمية هو يوفر الناقص .. إنت تحسب مثلاً 5% زيادة أو 10% للقص ولو احتاج أكثر هو مسؤول عنه بسبب اهماله أو سرقة بعض القطع

هشكل يكون كل شيء واضح .. تقدر تشوف انت براحتك وتختار اللي يعجبك وكذلك تطلب من المقاول يوفر عينات بسعرها وتقرر شاللي يعجبك .. ممكن المقاول يجيب عينات أفضل بسعر أرخص ولازم الاستشاري يكون داخل في كل هذي العمليات

أكيد بنتابع معاك التصميم لو تحب وحتى التنفيذ والشباب ما يقصرون بعضهم خبرة حديثة وتجربتهم قريبة يعرفون الشركات وبيفيدونك

[SouthK]

يا هلا الشيخ تسلم عالرد والافادة

نعم ارضي بالثميد مثل ما ذكرت

1- تقصد مساحة البنيان للطوابق الارضية ما تتعدى 546 متر صح ؟ وهالشي يشمل الملاحق والمجلس الخارجي وكل شي ؟ او مساحة البيت الرئيسي فقط ؟

2- طيب يعني هالقياسات الاستشاري المفروض يعرفها بسبب طبيعة عمله وممكن هو يفيدني بالمساحات بناء عالبلدية اللي انا تابع لها

3- بأذن الله برسم كل شي

4- راح اراسلك عالخاص

تسلم الشيخ ماقصرت والله يعيني ويعينك عالبنيان ويتمم على خير باذن الله

عزيز و غالي .. حيا الله الجيران :)

مساحة البنيان على حسبتي و هي تقريبية .. الاستشاري لازم عنده العلومات كلها .. في الرسم لا تخلي أي تفاصيل!

تم الرد على الخاص و حاضر للجميع!

[Al-Kuwari]

بعد خل خيار إن المقاول يعرض لك شيء من المواد يكون أفضل .. بعضهم يا اخوي لهم دراية بالسوق ولهم سعر خاص وفي نيتهم يساعدون العميل .. يعني كمثال قول الغرف بتسوي أرضيتها اسمنتية ناعمة وتجي فوقها سجادة .. مع مواصفات الخلطة الاسمنتية مذكورة بوضوح .. وباقي الأرضيات للصالات والممرات والمجلس بتخليها بورسلان أو رخام على نفس الصبية الاسمنتية وبلاصق محدد في المواصفات أو انت تشتريه وعلى المقاول التركيب مع البورسلان قيمته عليك ولا تدخل العقد .. المقاول يسعر للتركيب والنقل والاستلام واتخزين ومسؤولية لو نقصت الكمية هو يوفر الناقص .. إنت تحسب مثلاً 5% زيادة أو 10% للقص ولو احتاج أكثر هو مسؤول عنه بسبب اهماله أو سرقة بعض القطع

هشكل يكون كل شيء واضح .. تقدر تشوف انت براحتك وتختار اللي يعجبك وكذلك تطلب من المقاول يوفر عينات بسعرها وتقرر شاللي يعجبك .. ممكن المقاول يجيب عينات أفضل بسعر أرخص ولازم الاستشاري يكون داخل في كل هذي العمليات

أكيد بنتابع معاك التصميم لو تحب وحتى التنفيذ والشباب ما يقصرون بعضهم خبرة حديثة وتجربتهم قريبة يعرفون الشركات وبيفيدونك

جزاك الله خير ماقصرت ياخوي

[Al-Kuwari]

عزيز و غالي .. حيا الله الجيران :)

مساحة البنيان على حسبتي و هي تقريبية .. الاستشاري لازم عنده العلومات كلها .. في الرسم لا تخلي أي تفاصيل!

تم الرد على الخاص و حاضر للجميع!

الله يحييك , ماقصرت ياخوي جزاك الله خير

[SouthK]

الله يحييك , ماقصرت ياخوي جزاك الله خير

قصر عنك الشر .. ترى الارتدادت طلعت 3 أمتار مب 2!!

[معماري قطري]

قصر عنك الشر .. ترى الارتدادت طلعت 3 أمتار مب 2!!

توصل 2 وواحد ونص لو ما فيه درايش علوية وممكن حتى 1 حسب الوضع

[بومحمد المطاوعه]

وعليكم السلام ورحمة الله وبركاته ,,

صبحك الله بالنور

الله يبارك لك ان شاءالله
انا سويت الخرايط بنفسي بالتوزيع الي ابيه
و عقب رحت مكتب وصممت الخريطه وطلعت الموافقات وكل شي تمام

بس بنصحك بشركه الربع شغالين معاهم وبنو عن طريقهم
ويمدحونهم

شركه اسمها مناقصات
تسوي الخرايط بلي تبيه وعقب تطرح لك اكثر من 1000 شركه للبناء وكلها بأشرافهم ..

ياخذون 1% اعتقد من المقاول
وعندهم تشطيب او عظم

http://monaqasat.net/

هذي موقعهم

والله يوفقك

[Al-Kuwari]

وعليكم السلام ورحمة الله وبركاته ,,

صبحك الله بالنور

الله يبارك لك ان شاءالله
انا سويت الخرايط بنفسي بالتوزيع الي ابيه
و عقب رحت مكتب وصممت الخريطه وطلعت الموافقات وكل شي تمام

بس بنصحك بشركه الربع شغالين معاهم وبنو عن طريقهم
ويمدحونهم

شركه اسمها مناقصات
تسوي الخرايط بلي تبيه وعقب تطرح لك اكثر من 1000 شركه للبناء وكلها بأشرافهم ..

ياخذون 1% اعتقد من المقاول
وعندهم تشطيب او عظم

http://monaqasat.net/

هذي موقعهم

والله يوفقك

جزاك الله خير يابو خليل ماقصرت

[بومحمد المطاوعه]

جزاك الله خير يابو خليل ماقصرت

قصر عنك الشر
ويجزاك يارب

[بوجاسم_قطر]

وعليكم السلام ورحمة الله وبركاته ,,

صبحك الله بالنور

الله يبارك لك ان شاءالله
انا سويت الخرايط بنفسي بالتوزيع الي ابيه
و عقب رحت مكتب وصممت الخريطه وطلعت الموافقات وكل شي تمام

بس بنصحك بشركه الربع شغالين معاهم وبنو عن طريقهم
ويمدحونهم

شركه اسمها مناقصات
تسوي الخرايط بلي تبيه وعقب تطرح لك اكثر من 1000 شركه للبناء وكلها بأشرافهم ..

ياخذون 1% اعتقد من المقاول
وعندهم تشطيب او عظم

http://monaqasat.net/

هذي موقعهم

والله يوفقك

السلام عليكم جميع

وحياالله جيرانا اهل الثميد والله يوفقكم ويوفقنا في البنيان, انا مثلكم في مرحلة الخرايط بعد.

عندي تجربه بسيطه مع مناقصات, انا رحت لهم والصراحة ألي عجبني فيهم طريقه البنيان عندهم أنه في العقد المقاول يلتزم بشغل الكهرباء وتمديدات الماي ويكون ذي الشي من ضمن عقد العظم الي بتوقعه معاهم.

اما بخصوص الخرائط, مناقصات يسون لك خرايط وبلاش بس يلزمونك تبني عن طريقهم لانه هم ياخذون نسبه 2.5% من قيمة المشروع من المقاول. انا طلبت من مناقصات يسون لي خريطة درافت بس الصراحة كلش ماعجبني التصميم, فعشان جذي افضل اني اسوي الخريطة من مكتب استشاري وابي ان شاءالله اخليه هو نفسه يشرف على البنيان وراح ابني عن طريق مناقصات.. جذي اشوفه افضل..

ألي يبي رقم المكتب الي اتعامل معاه يتواصل معاي على الخاص.

[بوجاسم_قطر]

نصيحة يا اخوان اهم موضوع في البيت كله هو الخرايط اذا خريطتك زينه الامور الثانيه ماراح اتعبك. لذلك المفروض الواحد ياخذ راحته في تصميم الخرايط ويمخمخ لها عدل حتى لو تقعد 6 شهور.. واحد من الربع قعد سنه بس يسوي خرايط
مايمنع مثلا تغير مكان الدرج, توزيع الغرف ..الخ لين ترسى على تصميم يعجبك ويناسب متطلباتك وفلوسك

والشي الاهم لازم تروح عند استشاري يسوي خرايط بجودة ممتازة يعني مب الخريطة ألي وايد غاليه ولا عاد كلش رخصيه. المهندس المعماري لازم يعصر مخه ويفكر معاك عشان يطلع لك تصميم يناسبك.

[SouthK]

توصل 2 وواحد ونص لو ما فيه درايش علوية وممكن حتى 1 حسب الوضع

متر واحد وايد صعب لكن الله يعين!

[SouthK]

السلام عليكم جميع

وحياالله جيرانا اهل الثميد والله يوفقكم ويوفقنا في البنيان, انا مثلكم في مرحلة الخرايط بعد.

عندي تجربه بسيطه مع مناقصات, انا رحت لهم والصراحة ألي عجبني فيهم طريقه البنيان عندهم أنه في العقد المقاول يلتزم بشغل الكهرباء وتمديدات الماي ويكون ذي الشي من ضمن عقد العظم الي بتوقعه معاهم.

اما بخصوص الخرائط, مناقصات يسون لك خرايط وبلاش بس يلزمونك تبني عن طريقهم لانه هم ياخذون نسبه 2.5% من قيمة المشروع من المقاول. انا طلبت من مناقصات يسون لي خريطة درافت بس الصراحة كلش ماعجبني التصميم, فعشان جذي افضل اني اسوي الخريطة من مكتب استشاري وابي ان شاءالله اخليه هو نفسه يشرف على البنيان وراح ابني عن طريق مناقصات.. جذي اشوفه افضل..

ألي يبي رقم المكتب الي اتعامل معاه يتواصل معاي على الخاص.

اخوي ممكن رقم المكتب و هل في امكانية اشوف عقد مناقصات!

[معماري قطري]

متر واحد وايد صعب لكن الله يعين!

شايف على الطبيعة بيت اخوي جنبي بعض الأماكن أقل من متر قلت له داعوس ضيق كلش وعنده جار وعنده درايش بس جاره بنيان تجاري ولا يطل على بيته

[معماري قطري]

شفت واحد مسوي توسعة للدور الأول جايب البنيان مرتفع وتحته مواقف السيارات والدريشة استوت على بوابة البيت .. يعني يطل من فوق يشوف من عند الباب .. وشفت واحد في الهلال مسوي ملحق طابقين على السور مباشرة ومرتفع وايد شكله مشوه للشارع جنبه بس واقع ملموس

[معماري قطري]

نصيحة يا اخوان اهم موضوع في البيت كله هو الخرايط اذا خريطتك زينه الامور الثانيه ماراح اتعبك. لذلك المفروض الواحد ياخذ راحته في تصميم الخرايط ويمخمخ لها عدل حتى لو تقعد 6 شهور.. واحد من الربع قعد سنه بس يسوي خرايط
مايمنع مثلا تغير مكان الدرج, توزيع الغرف ..الخ لين ترسى على تصميم يعجبك ويناسب متطلباتك وفلوسك

والشي الاهم لازم تروح عند استشاري يسوي خرايط بجودة ممتازة يعني مب الخريطة ألي وايد غاليه ولا عاد كلش رخصيه. المهندس المعماري لازم يعصر مخه ويفكر معاك عشان يطلع لك تصميم يناسبك.

غالبية اللي راجعوني بخرايط بعضهم ما يشوفون فيها شيء وانا أول ما اشوفها اقول 100% تمام لكن من أطابق المعماري على الانشائي تطلع البلاوي ومن ادخل الخدمات احصل تانكي ماي مكان طبيلة أو ماخذ نص الطبيلة واحصل أوقات التانكي مكان باب صغير يودي للمجلس .. أوقات عمود وسط الصالة وبطريقة ما لها حل معماري جيد .. واحد قدر يشيل العمود بعد دراسة الانشائي في الأول بس في الارضي كان موجود .. صحيح بعض هذي الاختلافات تسوي ربكة في الشغل وتخلي المقاول في ورطة قانونية

[بوجاسم_قطر]

غالبية اللي راجعوني بخرايط بعضهم ما يشوفون فيها شيء وانا أول ما اشوفها اقول 100% تمام لكن من أطابق المعماري على الانشائي تطلع البلاوي ومن ادخل الخدمات احصل تانكي ماي مكان طبيلة أو ماخذ نص الطبيلة واحصل أوقات التانكي مكان باب صغير يودي للمجلس .. أوقات عمود وسط الصالة وبطريقة ما لها حل معماري جيد .. واحد قدر يشيل العمود بعد دراسة الانشائي في الأول بس في الارضي كان موجود .. صحيح بعض هذي الاختلافات تسوي ربكة في الشغل وتخلي المقاول في ورطة قانونية

اتفق معاك اخوي فعلا هاي الامور كلها يجب مراعتها في الخرايط..

[بوجاسم_قطر]

اخوي ممكن رقم المكتب و هل في امكانية اشوف عقد مناقصات!

شوف الخاص اخوي..

[معماري قطري]

اتفق معاك اخوي فعلا هاي الامور كلها يجب مراعتها في الخرايط..

عاد شلون تمر هذي البلاوي على التخطيط .. باختصار التخطيط يطالعون اشتراطاتهم وبس ويحطون مسؤولية دقة التصميم على المكتب وعلى المالك .. بعدين فيه عدة جهات تتدخل وكل جهة مستقلة كهرماء ما يطالعون المعماري الا نادر ولملاحظة شيء يتعلق بالكهرباء .. الانشائي يختمون خرايطه وبس بدون أدنى مراجعة وهذا فتح باب كبير للعب والتكسب غير المشروع من الاستشاري والمقاول على حساب المالك

الخرايط الانشائية المختومة بمواصفات معينة ومبالغات كبيرة في الحديد والخرسانات يقدرون في الواقع يقلصونها للنص ككميات ويبقى البنيان قايم بدون مشاكل بس انت يالمالك دفعت مليون للهيكل لكن تنفذ ما قيمته 700 ألف و 300 ألف تبخرت أوقات بين ممثل المكتب الهندسي أو مهندس الموقع وفورمن المقاول

الدولة واجبها كبير في القضاء على هذي الظاهرة ولازم أي مبلغ يتحول ينسئل الشخص من أين لك هذا؟

هو راتبه 20000 ويحول ما مجموعه 40000 شهرياً لازم فيه خلل

كذلك واجب المالك يدقق وياخذ العقد دوم معاه بمشتملاته ويشوف شتنفذ على الواقع ويقيس .. مكتوب حديد 24 ملم في الخرايط وبعدد معين لكن في الواقع يحصل نص العدد والقطر 20 ملم .. محدد في المواصفات الحديد مغلف وهو أغلى بحدود 20% عن العادي لكن يتفاجىء بحديد عادي والمهندز يقنعه ان العادي أفضل والمشكلة البعض بسهولة يقتنع

بتنتشر شركات سمسرة كثيرة في قطر لو ما فيه قوانين واضحة والمتضرر البناء والملاك اللي يدفعون والمستفيد معروف من ويحبون الايزي موني ولا يتمنون الوضع يتعدل .. السمسرة مشكلة يقولون لك ناخذ نسبة بسيطة لكن الواقع شرحته فوق والمشاكل ما تطلع من أول ما تسكن تبين بعد وقت معين

[SouthK]

شايف على الطبيعة بيت اخوي جنبي بعض الأماكن أقل من متر قلت له داعوس ضيق كلش وعنده جار وعنده درايش بس جاره بنيان تجاري ولا يطل على بيته

شفت بيوت ود المالك يبني من الطوفة للطوفة ..

بيني و بينك اهم شي لا يطل على بيت الجيران و الله يكفي شرهم!

[بوجاسم_قطر]

بخصوص الارتدادات ثلاث أمتار على الاجناب بس تقدر مترين اذا ماتفتح درايش الغرف على الجار، اذا درايش حمام عادي .
اتوقع اذا جنبك اخوك يراعون اكثر. الارتداد الأمامي خمسة أمتار والارتداد بين الملحق والبيت مترين القانوني

[معماري قطري]

بخصوص الارتدادات ثلاث أمتار على الاجناب بس تقدر مترين اذا ماتفتح درايش الغرف على الجار، اذا درايش حمام عادي .
اتوقع اذا جنبك اخوك يراعون اكثر. الارتداد الأمامي خمسة أمتار والارتداد بين الملحق والبيت مترين القانوني

اللي بيسوي موقف سيارة جدام انصحه يخلي الارتداد 6 أمتار وأكثر لو قدر لأن قليلة السيارات اللي طولها 4 متر ويحتاج لنص متر جدام ونص وراء .. موقف السيارة العادي واللي ينفع لغالبية السيارات 6 في 3 والاقتصادي 5 في 2.5 والاقتصادي أكثر يسوونه 2.2 عندنا في بعض المجمعات والهمر عرضه بحدود هذا العرض شلون ينزل اللي يسوق

[بوخالد911]

بخصوص الارتدادات ثلاث أمتار على الاجناب بس تقدر مترين اذا ماتفتح درايش الغرف على الجار، اذا درايش حمام عادي .
اتوقع اذا جنبك اخوك يراعون اكثر. الارتداد الأمامي خمسة أمتار والارتداد بين الملحق والبيت مترين القانوني

انا مستغرب من بلدية الدوحة تشترط لازم الارتداد 5 متر
في حين بلدية الريان تقبل ب3 متر.

[معماري قطري]

انا مستغرب من بلدية الدوحة تشترط لازم الارتداد 5 متر
في حين بلدية الريان تقبل ب3 متر.

في الكويت مفتكين البنيان مع السور وجدام البيت يحق للمالك يسوي طبيلات حق سياراته .. المفروض عندنا القوانين تتطور وبعض المناطق يسمحون فيها باستخدام الرصيف للوقوف والمظلات والارتداد يكون أقل

[بوجاسم_قطر]

فعلا اتفق معاك في الكويت قوانينهم غير, صحيح انه اراضيهم اصغر بس يقدر يبني اكثر
أذكر كلمت مصمم معماري كويتي, قالي قوانينكم تجبرك تخلي توزيع البيوت بقطر تتشابه

مادري ليش البلدية عندنا مايتم دراسه القوانين وتعديلها

بخصوص الارتدادات في بلدية الريان ألي على الاجناب 3 بس الامامي بعد 5 نفس بلدية الدوحة

[بومحمد المطاوعه]

السلام عليكم جميع

وحياالله جيرانا اهل الثميد والله يوفقكم ويوفقنا في البنيان, انا مثلكم في مرحلة الخرايط بعد.

عندي تجربه بسيطه مع مناقصات, انا رحت لهم والصراحة ألي عجبني فيهم طريقه البنيان عندهم أنه في العقد المقاول يلتزم بشغل الكهرباء وتمديدات الماي ويكون ذي الشي من ضمن عقد العظم الي بتوقعه معاهم.

اما بخصوص الخرائط, مناقصات يسون لك خرايط وبلاش بس يلزمونك تبني عن طريقهم لانه هم ياخذون نسبه 2.5% من قيمة المشروع من المقاول. انا طلبت من مناقصات يسون لي خريطة درافت بس الصراحة كلش ماعجبني التصميم, فعشان جذي افضل اني اسوي الخريطة من مكتب استشاري وابي ان شاءالله اخليه هو نفسه يشرف على البنيان وراح ابني عن طريق مناقصات.. جذي اشوفه افضل..

ألي يبي رقم المكتب الي اتعامل معاه يتواصل معاي على الخاص.

الله يحييك ياخوي
اللهم امين واياك

والله يالغالي
انا سويت خرايطي بنفسي فالبيت مع ام عيالي والتصميم الي نبيه ورحت طبقته عند المكتب وسوالي خرايط وطلعت عليها موافقات ولله الحمد
بس باقي اتفق مع شركه وابني

بس حاليآ موقف اشوي
عقب شكلي بمر على مناقصات وبودي تصميمي بقولهم ابي هالخريطه وانا مطلع التصريح وجاهز
والله يكتب الخير ان شاءالله وياك ويا الجميع

[معماري قطري]

من يومين مريت بيت واحد ينبني في عين خالد وكان ارتفاع المجلس عنده حول 6 أمتار وعلى الشارع ليوان مع ارتداد مترين بس ناوي يسكر الليوان بقزاز ومسويه مكيف .. البعض يحدونه على ارتفاع محدود والبعض يسمحون له بارتفاع غير .. أحد الأشخاص مسوي مجلسه بيسمنت وأرضي وأول وبنيان حديث توه ساكن

[معماري قطري]

الله يحييك ياخوي
اللهم امين واياك

والله يالغالي
انا سويت خرايطي بنفسي فالبيت مع ام عيالي والتصميم الي نبيه ورحت طبقته عند المكتب وسوالي خرايط وطلعت عليها موافقات ولله الحمد
بس باقي اتفق مع شركه وابني

بس حاليآ موقف اشوي
عقب شكلي بمر على مناقصات وبودي تصميمي بقولهم ابي هالخريطه وانا مطلع التصريح وجاهز
والله يكتب الخير ان شاءالله وياك ويا الجميع

والله يا بو محمد سوء التصاميم خلى الكل يخاف ويتدخل وايد وهذا خطأ كبير تكتشفه بعدين لين سكنت وتقول يا ليتني حسبت حساب هذا الشيء أو غيرت

[Al-Kuwari]

السلام عليكم جميع

وحياالله جيرانا اهل الثميد والله يوفقكم ويوفقنا في البنيان, انا مثلكم في مرحلة الخرايط بعد.

عندي تجربه بسيطه مع مناقصات, انا رحت لهم والصراحة ألي عجبني فيهم طريقه البنيان عندهم أنه في العقد المقاول يلتزم بشغل الكهرباء وتمديدات الماي ويكون ذي الشي من ضمن عقد العظم الي بتوقعه معاهم.

اما بخصوص الخرائط, مناقصات يسون لك خرايط وبلاش بس يلزمونك تبني عن طريقهم لانه هم ياخذون نسبه 2.5% من قيمة المشروع من المقاول. انا طلبت من مناقصات يسون لي خريطة درافت بس الصراحة كلش ماعجبني التصميم, فعشان جذي افضل اني اسوي الخريطة من مكتب استشاري وابي ان شاءالله اخليه هو نفسه يشرف على البنيان وراح ابني عن طريق مناقصات.. جذي اشوفه افضل..

ألي يبي رقم المكتب الي اتعامل معاه يتواصل معاي على الخاص.

الله يحييك الشيخ

لو ترسل لي الرقم اكون شاكر لك

[alme3mary]

مرحبا الشيخ
بالنسبة لمنطقة الثميد فهي تابعة لبلدية الريان.
قوانينهم كما يلي :
1- نسبة التغطية : لاتتعدى 60% من مساحة الأرض. والمقصورد بنسبة التغطية مجموع مساحات الطابق الأرضي للفيلا والملاحق. مثال اذا مساحة الدور الأرضي للفيلا 300 متر مربع والمجلس 75 وملحق المطبخ 75 ونفرض ان مساحة ارضك 900 ، تكون نسبة التغطية في هذه الحالة 450م / 900م تساوي 50%.
2- معامل البناء FAR : مايتعدى 1.3، فاذا ارضك 900 فيكون معامل البناء 900*1.3 يساوي 1170متر مربع (وهي اقصى مساحة بناء تستطيع بناؤها). ويتم حسابها عن طريق جمع كل المساحات الخاصة بالفيلا للدور الارضي والاول والبنت هاوس بالاضافة الى جميع الملاحق وغرف السائقين. من المتعارف عليه ان مساحة القبو لا يتم احتسابها ضمن far لو كانت استخدامات مساندة مثل مواقف سيارات او مخازن. اما اذا استخدامات سكنية فتحتسب ضمن نسبة معامل البناء.
3 - أقصى ارتفاع يسمح به للبناء بالنسبة للفيلا 12.5متر وبالنسبة لجميع الملاحق الخارجية بما فيها المجلس الخارجي 3.5متر ، ويتم حساب الارتفاع الى أعلى نقطة في البناء وليس الارتفاع الداخلي ، معنى ذلك ان ارتفاع المجلس الخارجي بعد خصم الوارش والبلاطة الخرسانيه للسقف سيكون حدود 2.75م ، وهو ارتفاع قليل جداً وغير مرضي.
4- الارتدادات ، الارتداد الأمامي ( من جهة المدخل الرئيسي ) لايقل عن 5 أمتار ، الخلفي لايقل عن 3 أمتار ، الارتدادات الجانبية : 1.5 متر بدون نوافذ ( تستثنى نوافذ الحمامات والمخازن وغرف الغسيل والادراج ) أو 3 متر في حالة وجود نوافذ سكنية ( غرف أو صالات معيشة).
- في حالة وجود شارع ناحية الارتداد الجانبي لايقل الارتداد عن 3 امتار حتى في حالة عدم وجود نوافذ.
- ملاحظة : في الطابق الأرضي فقط يسمح بفتح نوافذ في حالة الارتداد 2 متر ، ويتم الموافقة أحيان كثيرة على أن يكون 1.5 متر. أما الطابق العلوي فيجب ان لا يقل عن 3 امتار.
- يجب توفير ارتداد 2 متر على الأقل بين اي مبنيين في الأرض. مثلا بين الفيلا والملحق الخاص بالمطبخ يجب ان لاتقل المسافة عن 2 متر.
- مساحة البنت هاوس لاتتعدى 39% من مساحة الطابق العلوي ، وتشمل هذه النسبة المساحة المخصصة لخزانات المياه. ويجب أن تكون جميع نوافذ الغرف والصالات في البنت هاوس باتجاه الداخل (السطح) ولا يسمح بفتحها على الارتدادات.
5- طول الملحق الملاصق للسور من جهة الجار لايتعدى 75% من طول الضلع الملاصق له ، ولا يتعدى 50% من طول الضلع الملاصق في حالة ان يكون من جهة الشارع.

أخيرا بعض النصائح :
- حاول ان تلتزم قدر الامكنا بالقوانين حتى لاتتعطل المعاملة.
- بالنسبة لارتفاعات الملاحق : الارتفاع المسموح غير كافي للمجالس في وقتنا هذا (نوع المكيف والديكورات بالجبس وغير ذلك من الامور التي لم تكن موجودة وقت وضع القانون) لذلك نصيحتي لك حاول تروح بنفسك وتقابل رئيس القسم بالبلدية ويوقع لك لامانع من زيادة الارتفاع. احيانا ملاك تحصل موافقة على ارتفاع 6 متر واحيانا 5 متر واحيانا 4 متر . دايما اطلب ارتفاع اكثر من اللي تحتاجة. لو بنيت اقل ماعندك مشكلة.
- بلدية الريان من البلديات الصارمة في تطبيق قوانين البناء، لكن في نفس الوقت اثناء التصميم يعطون استثناءات كثيرة - لكن بتدخل المالك شخصيا . والله يعينك على الانتظار شوي للحصول على الاستثناء وذلك لكثرة المراجعين. لذلك حاول انك تجمع كل الاستثناءات المطلوبة مرة واحدة.
- لا تاخذ خريطة جاهزة وتعدل عليها . صمم حسب احتياجاتك الحالية والمستقبلية ، واحتياجاتك انت اخبر واحد بها فلازم تنقلها للمصمم بصورة واضحة.
- اتفرج على تصاميم كثيرة ، بتحصل افكار جيدة ممكن تكون غافل عنها.
- استشير كل افراد الاسرة واشركهم معك بالتصميم . شيء مهم.

موفق في بنيانك ان شاء الله.

[SouthK]

مرحبا الشيخ
بالنسبة لمنطقة الثميد فهي تابعة لبلدية الريان.
قوانينهم كما يلي :
1- نسبة التغطية : لاتتعدى 60% من مساحة الأرض. والمقصورد بنسبة التغطية مجموع مساحات الطابق الأرضي للفيلا والملاحق. مثال اذا مساحة الدور الأرضي للفيلا 300 متر مربع والمجلس 75 وملحق المطبخ 75 ونفرض ان مساحة ارضك 900 ، تكون نسبة التغطية في هذه الحالة 450م / 900م تساوي 50%.
2- معامل البناء FAR : مايتعدى 1.3، فاذا ارضك 900 فيكون معامل البناء 900*1.3 يساوي 1170متر مربع (وهي اقصى مساحة بناء تستطيع بناؤها). ويتم حسابها عن طريق جمع كل المساحات الخاصة بالفيلا للدور الارضي والاول والبنت هاوس بالاضافة الى جميع الملاحق وغرف السائقين. من المتعارف عليه ان مساحة القبو لا يتم احتسابها ضمن far لو كانت استخدامات مساندة مثل مواقف سيارات او مخازن. اما اذا استخدامات سكنية فتحتسب ضمن نسبة معامل البناء.
3 - أقصى ارتفاع يسمح به للبناء بالنسبة للفيلا 12.5متر وبالنسبة لجميع الملاحق الخارجية بما فيها المجلس الخارجي 3.5متر ، ويتم حساب الارتفاع الى أعلى نقطة في البناء وليس الارتفاع الداخلي ، معنى ذلك ان ارتفاع المجلس الخارجي بعد خصم الوارش والبلاطة الخرسانيه للسقف سيكون حدود 2.75م ، وهو ارتفاع قليل جداً وغير مرضي.
4- الارتدادات ، الارتداد الأمامي ( من جهة المدخل الرئيسي ) لايقل عن 5 أمتار ، الخلفي لايقل عن 3 أمتار ، الارتدادات الجانبية : 1.5 متر بدون نوافذ ( تستثنى نوافذ الحمامات والمخازن وغرف الغسيل والادراج ) أو 3 متر في حالة وجود نوافذ سكنية ( غرف أو صالات معيشة).
- في حالة وجود شارع ناحية الارتداد الجانبي لايقل الارتداد عن 3 امتار حتى في حالة عدم وجود نوافذ.
- ملاحظة : في الطابق الأرضي فقط يسمح بفتح نوافذ في حالة الارتداد 2 متر ، ويتم الموافقة أحيان كثيرة على أن يكون 1.5 متر. أما الطابق العلوي فيجب ان لا يقل عن 3 امتار.
- يجب توفير ارتداد 2 متر على الأقل بين اي مبنيين في الأرض. مثلا بين الفيلا والملحق الخاص بالمطبخ يجب ان لاتقل المسافة عن 2 متر.
- مساحة البنت هاوس لاتتعدى 39% من مساحة الطابق العلوي ، وتشمل هذه النسبة المساحة المخصصة لخزانات المياه. ويجب أن تكون جميع نوافذ الغرف والصالات في البنت هاوس باتجاه الداخل (السطح) ولا يسمح بفتحها على الارتدادات.
5- طول الملحق الملاصق للسور من جهة الجار لايتعدى 75% من طول الضلع الملاصق له ، ولا يتعدى 50% من طول الضلع الملاصق في حالة ان يكون من جهة الشارع.

أخيرا بعض النصائح :
- حاول ان تلتزم قدر الامكنا بالقوانين حتى لاتتعطل المعاملة.
- بالنسبة لارتفاعات الملاحق : الارتفاع المسموح غير كافي للمجالس في وقتنا هذا (نوع المكيف والديكورات بالجبس وغير ذلك من الامور التي لم تكن موجودة وقت وضع القانون) لذلك نصيحتي لك حاول تروح بنفسك وتقابل رئيس القسم بالبلدية ويوقع لك لامانع من زيادة الارتفاع. احيانا ملاك تحصل موافقة على ارتفاع 6 متر واحيانا 5 متر واحيانا 4 متر . دايما اطلب ارتفاع اكثر من اللي تحتاجة. لو بنيت اقل ماعندك مشكلة.
- بلدية الريان من البلديات الصارمة في تطبيق قوانين البناء، لكن في نفس الوقت اثناء التصميم يعطون استثناءات كثيرة - لكن بتدخل المالك شخصيا . والله يعينك على الانتظار شوي للحصول على الاستثناء وذلك لكثرة المراجعين. لذلك حاول انك تجمع كل الاستثناءات المطلوبة مرة واحدة.
- لا تاخذ خريطة جاهزة وتعدل عليها . صمم حسب احتياجاتك الحالية والمستقبلية ، واحتياجاتك انت اخبر واحد بها فلازم تنقلها للمصمم بصورة واضحة.
- اتفرج على تصاميم كثيرة ، بتحصل افكار جيدة ممكن تكون غافل عنها.
- استشير كل افراد الاسرة واشركهم معك بالتصميم . شيء مهم.

موفق في بنيانك ان شاء الله.


مشكور يا الغالي!

[الهديل]

السلام عليكم
بعد إذن صاحب الموضوع

60% هي أقصى مساحه مسموح بها في حالة كانت الارض مرهونة للدولة او في حالة الارض ملك خاص او في الحالتين ؟؟؟؟

[معماري قطري]

السلام عليكم
بعد إذن صاحب الموضوع

60% هي أقصى مساحه مسموح بها في حالة كانت الارض مرهونة للدولة او في حالة الارض ملك خاص او في الحالتين ؟؟؟؟

عليكم السلام ورحمة الله وبركاته

صدقني يا اخوي ال 60% شماعة يستخدمونها متى ما بغوا .. على طريق الوعب انبنى بيت بواجهة مفتوحة بدون سور والبنيان يبعد عن السور الجانبي متر ونص ومن ورا أتوقع مخالف .. حق دكتور من كم سنة مستلم الجواز القطري وربعنا شاطرين في التجاوزات .. هذا تقريباً يعادل 85% من الارض .. زين والبنتهاوس مسويه تقريباً على كامل السطح يعني يعتبر دور ثالث .. التصميم زين والمبنى زين بس أتمنى تتم معاملة الكل بنفس الطريقة

بالنسبة لسؤالك مؤكد هذا القرار ينطبق على الكل .. بس لو أرض بيتك 600 مثلاً تقدر تبني 360 كنسبة اشغال لمباني الحوش أو الدور الأرضي وتزيد فوقها وممكن تحتها نفس الرقم + 45% للبنتهاوس يعني ممكن تبني مساحة 1240 .. وكانت فيه دراسة لعمل البنتهاوس بحدود 80% واتوقع ممكن طبقوها

[الهديل]

عليكم السلام ورحمة الله وبركاته

صدقني يا اخوي ال 60% شماعة يستخدمونها متى ما بغوا .. على طريق الوعب انبنى بيت بواجهة مفتوحة بدون سور والبنيان يبعد عن السور الجانبي متر ونص ومن ورا أتوقع مخالف .. حق دكتور من كم سنة مستلم الجواز القطري وربعنا شاطرين في التجاوزات .. هذا تقريباً يعادل 85% من الارض .. زين والبنتهاوس مسويه تقريباً على كامل السطح يعني يعتبر دور ثالث .. التصميم زين والمبنى زين بس أتمنى تتم معاملة الكل بنفس الطريقة

بالنسبة لسؤالك مؤكد هذا القرار ينطبق على الكل .. بس لو أرض بيتك 600 مثلاً تقدر تبني 360 كنسبة اشغال لمباني الحوش أو الدور الأرضي وتزيد فوقها وممكن تحتها نفس الرقم + 45% للبنتهاوس يعني ممكن تبني مساحة 1240 .. وكانت فيه دراسة لعمل البنتهاوس بحدود 80% واتوقع ممكن طبقوها

معماري قطري جزاك الله الجنة ورحم والديك

[معماري قطري]

معماري قطري جزاك الله الجنة ورحم والديك

آمين وجزيت بالمثل من ربٍ غفور

دوم البداية تكون في الإفادة عن الأرض وبعدين تقدر تناقش التخطيط وتعدل حسب احتياجك وأوقات كثيرة يتسامحون

نصيحة لتبالغ في المساحات وتفنن في التشطيب والجماليات الداخلية أكثر ونظافة الواجهات الخارجية بدون تلطيخ .. للتجاري الوضع غير مؤكد تحاول تحصل أقصى ما يمكن حتى لو اضطريت تسوي بيسمنت دورين للمواقف في حال طلب مواقف كفاية حتى يزيدون الارتفاع

[alme3mary]

السلام عليكم
بعد إذن صاحب الموضوع

60% هي أقصى مساحه مسموح بها في حالة كانت الارض مرهونة للدولة او في حالة الارض ملك خاص او في الحالتين ؟؟؟؟


في جميع الحالات طال عمرك . قانون البناء موحد لجميع انواع الأراضي . الفرق يكون في عدد الوحدات السكنية (أحيانا).
منذ فترة وقفوا بناء فيلتين سكنيتين للأراضي التابعة لنظام الاسكان، مع أن قانون المنطقة يسمح بذلك . حدث ذلك منذ ثلاثة أعوام تقريبا، وكان هناك صاحب أرض يريد تصميم فيلتين على هذه الأرض، ولكن لأن السند تابع لنظام الاسكان تم الرفض والسماح له بفيلا واحده فقط من ادارة الاسكان التابعة لوزارة الشؤون الاجتماعية ان ذاك، بالرغم من ان جيرانه بانيين فيلتين ، الرجال انتظر حدود السنه وبعدها تم السماح مرة أخرى ببناء فيلتين، وتم استخراج رخصة بناء فيلتين. وحاليا توقفت ادارة الاسكان التابعة لوزارة العمل والتنمية الادارية والشؤون الاجتماعية عن دراسة المخططات المعمارية (وهي خطوة جيدة جدا)، حيث يتم تقديم الطلب للدراسة مباشرة من البلدية. لذلك فان القوانين اصبحت موحدة على جميع الأراضي

[alme3mary]

عليكم السلام ورحمة الله وبركاته

صدقني يا اخوي ال 60% شماعة يستخدمونها متى ما بغوا .. على طريق الوعب انبنى بيت بواجهة مفتوحة بدون سور والبنيان يبعد عن السور الجانبي متر ونص ومن ورا أتوقع مخالف .. حق دكتور من كم سنة مستلم الجواز القطري وربعنا شاطرين في التجاوزات .. هذا تقريباً يعادل 85% من الارض .. زين والبنتهاوس مسويه تقريباً على كامل السطح يعني يعتبر دور ثالث .. التصميم زين والمبنى زين بس أتمنى تتم معاملة الكل بنفس الطريقة

بالنسبة لسؤالك مؤكد هذا القرار ينطبق على الكل .. بس لو أرض بيتك 600 مثلاً تقدر تبني 360 كنسبة اشغال لمباني الحوش أو الدور الأرضي وتزيد فوقها وممكن تحتها نفس الرقم + 45% للبنتهاوس يعني ممكن تبني مساحة 1240 .. وكانت فيه دراسة لعمل البنتهاوس بحدود 80% واتوقع ممكن طبقوها


كلامك صحيح 100% بو عبدالله ، دراسة بناء البنت هاوس بنسبة 80% نسمع عنها منذ فترة طويلة. لكن الى الان لم يتم تطبيقها، وأقصى مساحة للبنت هاوس 39.9% (المهم ماتكون 40%) ، طبعا الاستثناءات موجودة في جميع البلديات، ولكنها تتغير بتغير الشخص المسؤول، أحيانا بعض رؤساء الأقسام يوقع على نسبة أعلى، وأحيانا بعضهم يرفض. في الأخير المهندس اللي يدرس الطلب ماعنده صلاحية لأي تجاوز في النسب الا بموافقة رئيس القسم أو مدير البلدية (ولازم المالك يتدخل شخصيا للحصول على موافقة الاستثناءات).

[معماري قطري]

كلامك صحيح 100% بو عبدالله ، دراسة بناء البنت هاوس بنسبة 80% نسمع عنها منذ فترة طويلة. لكن الى الان لم يتم تطبيقها، وأقصى مساحة للبنت هاوس 39.9% (المهم ماتكون 40%) ، طبعا الاستثناءات موجودة في جميع البلديات، ولكنها تتغير بتغير الشخص المسؤول، أحيانا بعض رؤساء الأقسام يوقع على نسبة أعلى، وأحيانا بعضهم يرفض. في الأخير المهندس اللي يدرس الطلب ماعنده صلاحية لأي تجاوز في النسب الا بموافقة رئيس القسم أو مدير البلدية (ولازم المالك يتدخل شخصيا للحصول على موافقة الاستثناءات).

صحيح كلامك .. أعرف عدة أشخاص بانيين 100% يعني دور ثالث مموه وبنوافذ بعد واللي يحب يشوف مستعد أراويه .. لو أصور واحط الصور هنا بتستوي شكاوي علي .. والأشخاص من ضمنهم أشخاص عاديين جداً وبعضهم سوبر في اي بي

بالنسبة للمجالس الواحد يفتح عيونه شوي بيحصل مجالس على الشارع وارتفاعها 6 متر والمسموح 3.5 متر وبارتداد مترين لكن الواقع غير .. بالنسبة للارتفاع الكامل عينك عينك تشوف مباني بارتفاع غريب وشاذ عن الكل وغيرهم يحاسب على السنتيمتر

منعوا وضع كبينة حارس في الخارج ولازم متحركة .. مدرسة قرب بيتي مسوين كبينة بنيان ومعرقلة للرؤية وملامسة للطريق

في النهاية هناك تجاوزات كبيرة جداً من التخطيط وتغليب لمصلحة فلان من الناس على حساب الباقين ولا نتكلم عن قانون ثابت أو شبه ثابت وفيه تجاوز بسيط