ظاهره العنف بالمدارس لا زالت مستمره

[أبو سعود]

اليوم أبني الصغير تعرض للضرب قبل

طابور الصباح من قبل أحد الطلاب

ومن دون أي سبب فتم معاقبه

الطالب المعتدي من قبل أداره المدرسه


وقال لي الولد أن الضرب والشتم ( كل يوم )

أشوفه و أسمعه بين الطلاب قبل طابور الصباح

وأثناء الفسحه و بين الحصص من الطلاب

في هذه المدرسه وفي مدرستي السابقه

ومن دون أي سبب


وما أشوف عند بعض الطلاب أي أحترام لأصدقائهم


والمشكله أنهم ما يعترفون أنهم مخطئين


وقال لي يبا شي يقهر أحنا نروح المدارس

علشان نتعلم

وغيرنا يذهبون للمدارس علشان يضربوا ويشتموا

الأولاد


السؤال :

أين دور الأهل في تربيه أبنائهم ؟ ؟ ؟


حاله العنف عند هؤلاء الطلاب لا أتوقع

أنها تأتي من فراغ

شي أكيد عندهم مشاكل و خلل في التربيه


هذه الظاهره كنا نشوفها في المدارس عندما

كنا طلاب

وهذه الظاهره أن دلت على شي فأنها تدل

على الفشل و التقصير في حلها أو التقليل منها

على الأقل من قبل المدارس و الأهل

[بوخالد911]

وين الكاميرات بالمدارس؟؟؟
اشوفها ضرورية جدا

[بومحمد المطاوعه]

هذي فشل من ادارة المدرسه
وخبرك المدرسه بتحصل جميع انواع الطلاب

في منهم اطفال متشتتين لا اب ولا ام
وفي منهم ام بدون اب
وفي منهم العكس

ف لاتلوم الأطفال ياخوي لان التربيه يلعب دور كبير

اللوم على التربيه والأب والأم و ادارة المدرسة ,,

المفروض في تعليمات وشده في العقوبه من ناحية استدعاء ولي الأمر او فصل الطالب اذا تكرر الخطأ عليه ,

[@north_star@]

للأسف مثل هذه الظواهر السيئة تعتمد على تربية ودور الوالدين بالدرجة الأولى ثم يأتي دور المدرسة فبعض الأهالي يوصون أولادهم لا تسكت لحد ولازم تاخذ حقك بيدك واللي يضربك اضربه وطبعا هذا خطأ لانه يولد العنف لدى الطلاب وما يعلمونه إنه اذا أي حد يسب عليه
أو يضربه لازم يروح يشتكي بإدارة المدرسة ودور المدرسة معاقبة الطالب المعتدي واستدعاء والده وفصله من المدرسة إن لزم الأمر

[ضوى]

مايسوى عليهم هالام والابو ، كل شي قطيتوه براسهم ، اذا الاهل مربين عيالهم عدل واللي حواليهم ماشاء الله يخربون بلد مب ياهل بس ، مايصير بعد كل شي قلنا الام والابو والاهل ، وخلل في التربية ، ابحثوا الاسباب عقب انشروا النتايج ماتقطون التهم جزافاً
بالنسبة للعنف في المدرسة تراه عادي يهال ويبي له صبر ومتابعه ، ولدي الله يحفظه على كثر ماتابعناه وربيناه عدل ومشهود لنا الحمد لله الا انه كان عفطي في المدرسة يضرب ويحذف ويكسر ، وين وين لين قدرنا نسيطر عليه ، يعني الخلل احيانا ىيكون من ظروف اخرى مب الاهل ابدا ،
بنتي في اول فديتها وكل يوم تقول بنت دزتني بنت جرت شعري بنت ضربتني يعني اروح اتهاوش مع هالبنت الطفلة والا مع امها ولا ابوها ؟ لا باروح المردسة للاخصائية باكلمها تتابع الموضوع وتشوف وتدرس الحالة وتراقب

[بومحمد المطاوعه]

للأسف مثل هذه الظواهر السيئة تعتمد على تربية ودور الوالدين بالدرجة الأولى ثم يأتي دور المدرسة فبعض الأهالي يوصون أولادهم لا تسكت لحد ولازم تاخذ حقك بيدك واللي يضربك اضربه وطبعا هذا خطأ لانه يولد العنف لدى الطلاب وما يعلمونه إنه اذا أي حد يسب عليه
أو يضربه لازم يروح يشتكي بإدارة المدرسة ودور المدرسة معاقبة الطالب المعتدي واستدعاء والده وفصله من المدرسة إن لزم الأمر

المفروض استدعاء ولي الأمر
سواء الأم او الأب ويكلمونهم عن ولدهم فيه كذا وكذا
ويتشيطن ومن النوع المتحوش فالمدرسه
علشان يعلمونه ويكلمونه ويفهمونه
لان اليهال مايسمع الكلام الا من والدينه ويقدرون يسيطرون عليه لو حابين

عيال الناس مب لعبه فالمدرسه تعال سطر فلان واضرب فلان
ويجيك الأب او الأم ويعلمون ولدهم ولا بنتهم اذا حد ضربكم فالمدرسه ضربوهم
وهذي خطأ

طبعآ في ناس جذي تعلم عيالها وموجود هالشي فالمجتمع

[بومحمد المطاوعه]

وين الكاميرات بالمدارس؟؟؟
اشوفها ضرورية جدا

الكيمرات مب حل يالغالي ,,

المدرسه بتحصل فيها جميع انواع الطلاب
شي طبيعي الي تسمع عنه
تحصل الطالب الشيطاني يفرغ طاقته كلها فالمدرسه وفالبيت بتشوفه انسان ثاني ,.,

الأهم من هذي كله
ادارة المدرسه والتصرف ,,

[حمد 2002]

الكيمرات مب حل يالغالي ,,

المدرسه بتحصل فيها جميع انواع الطلاب
شي طبيعي الي تسمع عنه
تحصل الطالب الشيطاني يفرغ طاقته كلها فالمدرسه وفالبيت بتشوفه انسان ثاني ,.,

الأهم من هذي كله
ادارة المدرسه والتصرف ,,

بومحمد انت كولي امر

لو مجموعه من الطلاب ضربوا ولدك ضرب وكفخوه وبقسوا له ...

واداره المدرسه ماخذوا الحق وسكتوا ..

هل انت بتسكت وبتقول شطانه يهال ؟

[حمد 2002]

على ايامنا كنا نستخدم قانون الغابه بالمدرسه ..

وناخذ حقنا بيدنا ..

وكان من الافضل وقتها انك تكون في مدرسه فيها طلاب من عيال عمك او ربعك لفرض الهيبه والقوه بالمدرسه ومحد يتجرأ يقرب صوبكم ..اما الان ماعرف لانه عيالي صغار توهم رضع = بيبيات = كيوت .. واذا كبروا شوي بغرس فيهم العنف قبل دخولهم الى المدرسه

[بومحمد المطاوعه]

بومحمد انت كولي امر

لو مجموعه من الطلاب ضربوا ولدك ضرب وكفخوه وبقسوا له ...

واداره المدرسه ماخذوا الحق وسكتوا ..

هل انت بتسكت وبتقول شطانه يهال ؟

بس هني يوقف السؤال
ليش انضرب ,.؟
ليش تجمعو عليه واضربوه
وين اداره المدرسه عن الهوشه .؟
وين المدرسات والمشرفات

اذا ادارة المدرسه ماخذو الحق
برجع للوزاره
اذا الوزاره ماخذو الحق برجع لمركز الشرطه بشتكي على المدرسه والوزاره

الدنيا فيها قانون يالغالي
مب تعال وبقس لليهال
ترى هوشه يهال يعني صعب جدآ انت ولي امر تمد يدك على ياهل ضرب ولدك

لكن اذا الأب او المدرس ضرب ولدي
لا هني يصير كلام ثاني:app2:

[أبو سعود]

على ايامنا كنا نستخدم قانون الغابه بالمدرسه ..

وناخذ حقنا بيدنا ..

وكان من الافضل وقتها انك تكون في مدرسه فيها طلاب من عيال عمك او ربعك لفرض الهيبه والقوه بالمدرسه ومحد يتجرأ يقرب صوبكم ..اما الان ماعرف لانه عيالي صغار توهم رضع = بيبيات = كيوت .. واذا كبروا شوي بغرس فيهم العنف قبل دخولهم الى المدرسه


أذا غرست فيهم العنف وتم تطبيقها على

أبناء الناس وأصابهم الأيذاء

أنت أول شخص بتتحمل النتيجه من العقوبات


كأستداعاك للمدرسه وأخذ تعهد عليك وعلى أبنائك

وربما يتم فصلهم من المدرسه

أو أيداعهم بالسجن أن كانت في أصابات

لا قدر الله


وعقب لم و لن ينفع الندم

على ما قمت به من غرس العنف تجاه أبنائك


الحل هو أن توعي وترشد أبنائك على

كيفيه المشكله

وأن يحترموا زملائهم ويحترموا أرائهم

[حمد 2002]

بس هني يوقف السؤال
ليش انضرب ,.؟
ليش تجمعو عليه واضربوه
وين اداره المدرسه عن الهوشه .؟
وين المدرسات والمشرفات

اذا ادارة المدرسه ماخذو الحق
برجع للوزاره
اذا الوزاره ماخذو الحق برجع لمركز الشرطه بشتكي على المدرسه والوزاره

الدنيا فيها قانون يالغالي
مب تعال وبقس لليهال
ترى هوشه يهال يعني صعب جدآ انت ولي امر تمد يدك على ياهل ضرب ولدك

لكن اذا الأب او المدرس ضرب ولدي
لا هني يصير كلام ثاني:app2:

طيب واذا المدرس عنف ولدك كلاميا قدام الطلاب والمدرسه قالت ولدك شيطان والمدرس ماغلط وولد ايصر انه المدرس عنفا قدام الطلاب !! . بتسكت بومحمد ؟ والوزاره تعتبت منهم كل يوم تراجعهم وروح المكتب الفلاني وروح المكتب الفلاني لين ضاعت السالفه ... هنا شلون بتتصرف ؟

[حمد 2002]

أذا غرست فيهم العنف وتم تطبيقها على

أبناء الناس وأصابهم الأيذاء

أنت أول شخص بتتحمل النتيجه من العقوبات


كأستداعاك للمدرسه وأخذ تعهد عليك وعلى أبنائك

وربما يتم فصلهم من المدرسه

أو أيداعهم بالسجن أن كانت في أصابات

لا قدر الله


وعقب لم و لن ينفع الندم

على ما قمت به من غرس العنف تجاه أبنائك


الحل هو أن توعي وترشد أبنائك على

كيفيه المشكله

وأن يحترموا زملائهم ويحترموا أرائهم


لاحظ اخوي بوسعود انه كل مالطالب ينسب او ينضرب ضرب خفيف ويروح يشتكي ويصيح للاداره هنا سوف يخلق منه شخص ذو شخصيه ضعيفه بالمستقبل . بعكس الطفل الي ياخذ حقه بالكلام وباستخدام الايادي والضرب بدون ايقاع الاذى بالطرف الاخرى هنا سوف يخلق منه شخص قيادي وذو شخصيه قويه ..

وجهه نظري ..

[بومحمد المطاوعه]

طيب واذا المدرس عنف ولدك كلاميا قدام الطلاب والمدرسه قالت ولدك شيطان والمدرس ماغلط وولد ايصر انه المدرس عنفا قدام الطلاب !! . بتسكت بومحمد ؟ والوزاره تعتبت منهم كل يوم تراجعهم وروح المكتب الفلاني وروح المكتب الفلاني لين ضاعت السالفه ... هنا شلون بتتصرف ؟

مافي تعبت ولا في شي اسمه بسكت

بصدق ولدي اذا الحق ضايع من ادارة المدرسه وبحول الموضوع لمركز الشرطه

[هداف]

بالعكس من الضروري انك تغرس في عيالك انهم ما يتهاونون في حقهم واللي يضربك لاتخليه خذ حقك منه واضربه
وهذي وصاتي لعيالي ووصاة ابوي لي ومن قبله جدي وعدي ,,, ما نعلمهم يعتدون ويظلمون لااا انعلمهم ما يخلون حقهم

قال الله تعالى : الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى° عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ

[بومحمد المطاوعه]

بالعكس من الضروري انك تغرس في عيالك انهم ما يتهاونون في حقهم واللي يضربك لاتخليه خذ حقك منه واضربه
وهذي وصاتي لعيالي ووصاة ابوي لي ومن قبله جدي وعدي ,,, ما نعلمهم يعتدون ويظلمون لااا انعلمهم ما يخلون حقهم

قال الله تعالى : الشَّهْرُ الْحَرَامُ بِالشَّهْرِ الْحَرَامِ وَالْحُرُمَاتُ قِصَاصٌ فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى° عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ


قواك الله
صح كلامك لايخلي حقه
بالعكس
اكيد محد يرضى ياكل حق ولده ..

ولكن نعلمهم بحدود الأدب
واشلون تاخذ حقك

الايه واضحه في الفهم
فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى° عَلَيْكُمْ

لكن عيالنا الله يحفظهم البعض تحصله فيه طاقة قويه
لو حد اعتدى عليه يمكن ياكله هههههه

[حليتان*]

انا اشوف انكم مكبرين الموضوع صراحه!! شي طبيعي الياهل يتهاوشون، وخاصة الصبيان!

[بومحمد المطاوعه]

انا اشوف انكم مكبرين الموضوع صراحه!! شي طبيعي الياهل يتهاوشون، وخاصة الصبيان!

واحلى شي على البيت ههههههههه


الحين خلاص مافي على البيت
مال اول
نجمع عيال المدارس الثانيه وتبكس فالمواقف :app2:

[أبو سعود]

انا اشوف انكم مكبرين الموضوع صراحه!! شي طبيعي الياهل يتهاوشون، وخاصة الصبيان!

بالعكس أحنا ما مكبرين الموضوع

فهذه ظاهره هي قديمه وتجدد كل يوم

وفي العديد من المدارس


وهي ظاهره خطره من قبل المشاغبين والمزعجين

على سلامه أبنائنا الطلبه


وأن كنت تعتقد هذه. ظاهره. طبيعيه

فلا تلوم أحد أن حدثت أصابه لأحد

من أبنائك أو أقاربك لا قدر الله


وأتوقع أنت أول واحد من. سيعترض على

هذا الأعتداء

[كازانوفا]

اذا الاهل مش قادرين على السيطره على عيالهم كيف المدرسه راح تأثر وتسيطر.....