استفسار بخصوص السقف المفتوح (الدبل هايت)

[بوجاسم_قطر]

السلام عليكم

عندي استفسار بخصوص الدبل هايت, اذا مابي احد درابزين على الدبل هايت هل في حلول اخرى؟ لانه الدرابزين حلاته مايكون مرتفع بس خطر عشان الاطفال. حد فيكم جرب يسكر فتحة الدبل هايت المطلة على الدور الارضي بزجاج او خشب بس يكون مرتفع ومسكر كل الطوفة.

تحياتي للجميع..

[معماري قطري]

عليكم السلام ورحمة الله وبركاته

صحيح مشكلة وبالدرابزين أحلى والدرابزين غالي كثير .. ولو سكرته راحت جماليته وعلى حسب الوضع عندك يمكن الزجاج ينفع .. الزجاج كذلك ينكسر الا النوع اللامينيتد واللي يجي وسطه بلاستيك فيه منه درجات وبعضه يوفر حماية .. التمبرد أو المعالج حرارياً ما ينفع ينكسر ويطيح على شكل كرات دائرية ما تجرح بس ما يمنع السقوط

انا طلبت يرفع الدرابزين لمتر و10 سم وعندي ارتفاع 3.4 متر من أعلى نقطة وهي فتحة نص دائرية تطل على الدرج وارتفاع ثاني حول 2.4 متر لاستراحة درج كبيرة تطل على صالة تحت .. لكن اللي بينقز بيتكسر وبيوصل ارتفاع سقوطه لحول 3 متر وزود لأنه بينط من أعلى الدرابزين .. وحصل دخلت الا ولدي مجمع ربعه ويركب وينط على الكراسي تحت .. لو صار شيء وطاح على البلاط بتكون كارثة

[معماري قطري]

شفت في الفيديوهات في موضوع يوتيوبيات البناء درابزين بحديد طولي بدون ديكور رخيص ويوفر اطلالة ونفس الوقت حماية بس نازل من السقف لبسطة الدرج

كذلك تقدر تسوي جدار وفيه فتحات بقزاز أو مشربيات خشب .. الجدار ممكن بسمك 10 سم

[بوجاسم_قطر]

مرحبا اخوي معماري قطر

الله يحفظك ولدك, فعلا اليهال صعب تسوي عليهم كنترول حتى لو ركبت درابزين مرتفع. هو حلاته الدرابزين يكون على ارتفاع 90سم.
انا عندي فتحه الدبل هايت مطله على جلسة في الدور الارضي, أفكر احط دريشه نفس UPVC بس ماتنفتح بارتفاع 1.5m وبعرض الطوفة والباقي يكون طابوق عادي, وممكن العب على فريمات الدريشه عشان الديكور. في ذي الحالة بكون وفرت الامان ان شاءالله وعزل عن الصوت من الصاله ألي تحت.. بس خايف شكلها يطلع مهب حلو.

وعندي اقتراح ثاني اني اكنسل فكرة الدبل هايت واكبر خلالها الصالة ألي فوق بس بتكون وايد كبيره وغير محتاج لذي الكبر.

[معماري قطري]

الدريشة تتوصخ وصعب تنظيفها من فوق ومن الجهتين لو تركب التيوبات الحديد أفضل بوايد وأرخص .. تقدر ألمنيوم .. شوف المقطع بيعجبك

[بوجاسم_قطر]

الدريشة تتوصخ وصعب تنظيفها من فوق ومن الجهتين لو تركب التيوبات الحديد أفضل بوايد وأرخص .. تقدر ألمنيوم .. شوف المقطع بيعجبك

ممكن اطرش لي المقع لو سمحت

[معماري قطري]

ممكن اطرش لي المقع لو سمحت

أول موضوع فوق ألحين بيستوي الثاني عاد الله يعينك لين تحصل الفيديو .. هو عن بيوت حديثة معروضة في السعودية وبتحصله في آخر 5 صفحات تقريباً

[معماري قطري]

أمس اشوف في مسلسل كويتي مستخدمين درابزين أكريليك اللي يجي بلاستيك شفاف وصعب الكسر .. مركب على الطرف الخارجي وعليه بس مسكة يد وبدون أي حوامل .. قريب من هذا بس بدون حوامل حديد أو ألمنيوم


https://www.youtube.com/watch?v=h84OXLADjSM

شوف شركة الجبر يسوون اعتقد شيء مقارب

[معماري قطري]

هذا قزاز والقزاز لازم يكون مقوى ببلاستيك في الوسط ومعالج حرارياً


https://www.youtube.com/watch?v=poAcEHGQiDc

[معماري قطري]

هذا اللي اقصده بالقزاز لازم يكون قوي كفاية للحماية


https://www.youtube.com/watch?v=cjBLYyc0uVM

[معماري قطري]

مرة جايبين قزاز ضد الرصاص وهذا يجي طبقات متعددة وكل طبقة بينها وبين الثانية بلاستيك خاص يعطيها قوة ويخفف سرعة الرصاصة .. العمال وقت الشحن رضخوا به من فوق متوقعين إنه ما ينكسر وتنتف .. واستوت قضية وتدخل مهندس انشائي وضح لهم شالفرق بين اختراق الرصاص والكسر والمقاول تحمل غباء مهندسينه وخسر مبلغ كبير

[بوجاسم_قطر]

تسلم اخوي معماري على التوضيح

[معماري قطري]

تسلم اخوي معماري على التوضيح

الله يسلمك يا اخوي

بغيت اصور لك الوضع شلون بس ما حصلت فرصة .. وعندي أكيد تختلف الارتفاعات .. وحلاته الدرابزين البسيط العادي والمكان مفتوح لكن اليهال مخهم يصور لهم مغامرات ما نتوقعها .. الألمنيوم أو الحديد المشغول النازل كأعمدة من السقف لبسطة الدرج بيكون شكل بسيط وبيحافظ على انفتاح المكان وممكن تزيله أي وقت بس خل يركبونه ببراغي .. كذلك الخشب يجي مثل المشربية البسيطة أو نفس الأعمدة