مواقف تصيدني بالمولات تضايقني .. حياكم ..

[حمد 2002]

السلام عليكم ..

مواقف تصيدني بالمولات تضايقني ..

اثناء ذهابي لمول الخليج دخلت داخل تقريبا صوب اللفت فيه شركه فيها عمال من جنسيه عربيه ونت ماشي مع اهلك او بروحك ينادونك ويقولون لك مبروك يافندم انت رحت جائزه هههههه :app2: ... المهم اقولهم شكرا وابتسم ابتسامه خفيفه فيها نوع من الغضب :mad: .. ونا مكمل طريجي .. المهم ليش مايتزمون بمكانهم فقط واذا الناس يبونهم بيونهم ،، ليش يمشون ويضايقون العرب .

الموقف الثاني ..

الي ايغسلون السيارات بالمواقف ..

اشوي وبيدخل داخل سيارتك وايجوفك من بعيد ونت تدور موقف ايقول تعال صف هنا معنه معضم المواقف فاضيه وتقدر تصف بكيفك ، ولا مايروح ينتظرك لين تنزل وهو واقف فوق راسك .. وتالي يقولك بابا يبي غسيل ، عااد انت تقوله يا اي او لا .. مممم المفروض ايوقفون في صوب واذا الناس يبونهمبيونهم وعيب ايقربون عند السياره وانت عندك اهلك .. وجهه نظري ..


وفي موقف ثانيه بسردها ان شاء الله ..

تحياتي ..

[مستثمر رشيد]

اتفق معاك في الموقف الاول وبقوة

ياخي شنو لحوحين هذولا ..... وحاطين لك البنت الله يهداها تتحرك في الممر الا تجيهم ....

تصدق صرت اتفادى امر من هذا الممر والسبب هالشركة

[Alshares]

بخصوص الموقف الثاني
اتفق معاك انهم يضايقون .. لاكن في نفس الوقت مالومهم.
مجبور كل يوم يطلع مبلغ معين واذا ماطلعه بيتبهدل.
تحصله يجيك ويحصل لك موقف علشان يكسر خاطرك وتقول له غسل السيارة.
لاكن ضروري يشوفون لهم حل ويخلونهم مرتبين ومنسقين.

[المحاميه]

الموقف الي يضايقني
إعلانات أصحاب المحلات فالممرات .. غصب تجرب وتشوف وتشتري!!!

والي يضايقوني زود .. لما ادخل محل وتوقف وحده فوق راسي .. وتمشي معاي كانها ظلي .. غصب تساعد .. الصراحه هالحركه جدا مزعجه .. ابي اتمشى واتسوق براحتي .. نعم اشتبون؟ ترا مب غصب .. واذا ابي مساعده اكيد بناديكم ..

انا خلاص قمت ماعطي ويه وافشلهم
عشان كل واحد يلزم حدوده .. واكون ع راحتي ..

[المحاميه]

طبعاً يا حمد
هم يبون يسترزقون من حسابك ..
لازم تفشلهم عشان يرجع مكانه .. او تطنشه وماترد عليه ..

اما الي يغسلون السيارات ف هذي فئه مسكينه ... واقفه بالحر وبالشمس ساعات عشان تسترزق .. ماتبي تغسل .. عطه 10 ريال له .. منها تصدقت ومنها فرحته ..

هذا رايي :)

[qatarman8008]

اكثر موقف يضايقني هو بعض الناس اللي هوايتهم التبحلق..
يعني تكون ماشي تلاقي واحد يطالعك بنظرات طويلة الامد ومركز جدا جدا..
لاهو يعرفك ولا هو يبي منك شي ولا حتى يقول السلام عليكم..

[المحاميه]

اكثر موقف يضايقني هو بعض الناس اللي هوايتهم التبحلق..
يعني تكون ماشي تلاقي واحد يطالعك بنظرات طويلة الامد ومركز جدا جدا..
لاهو يعرفك ولا هو يبي منك شي ولا حتى يقول السلام عليكم..

هههههههههه ضحكتني
اقولك السبب؟
يحلل شخصيتك من لغة جسمك
قاعد يسوي دراسه عالاشخاص فالمجمعات
او هوايته جذي هههه

[khalid Qtr]

النوع الأول اللي يقول ربحت جائزة أطرده طرد واسمعه كلام ما يعجبه (بدون سب طبعًا)، لأنه ببساطة كذاب ونصاب، هو مندوب شركة سياحية ويكذب عليك إنه مسوي مسابقة وبتروح تستلم الجائزة، وبعدها تتفاجأ إنهم يقدمون لك عروض سياحية مشبوهة ويبون يوقعونك على عقود ما تتخلص منها إلا بمبلغ محترم تدفعه لهم، واستغرب قبول إدارات المجمعات المحترمة بتواجدهم، وسبق وتم مناقشة موضوعهم في هذا المنتدى.

أما موظفين محلات العطور وغيرها، فأردهم بكلمة شكر طيبة لأنهم يؤدون عملهم وواضحين جدًا معك ولا يبون يستدرجونك لعملية نصب أو ما شابه.

[shadad]

الموقف الاول بالاغلب يجيني حت ىعلى مالين الدعايات... يا اتجاهلهم - خبره صرت فيهم - يا اخليهم يبربرون. هم يبون شغل ولازم يسوون هاي الشي عشان يدخلون راتبهم.

الموقف الثاني عادي. مرات ادفع لهم واغسل السياراة. مرات اسحب عليهم واصف عادي ومشكور هههههههه. يعني لو وجهه مبينه عليه انه منتهي ادفع له مبلغ وما اغسل لوجه الله حسنة بس.

كلامي هاي من منطلق سنقل. ما ادري المتزوجين حالتهم اكيد مب شي خصوصا للي قالت "مبروك اربحيت..." كانت حرمه.... نصيحتي له وقتها امش وانت ساكت لاتتسطر بالبيت عقب.

[لـبـيـه]

مرات الفئه الثانيه ترفع ضغطك وتحطمك

تكون قبلها غاسل موترك وملمع وبولش للتواير وساعه واقف في المغسله وتروح المجمع ويجيك ويقولك غسيل وانت اطالعه وفي عينك الصيحه معقوله للحين ماتنظفت السياره

زين والحر والتعب والوقت الي ضيعته بلمغسله

[@north_star@]

مرات الفئه الثانيه ترفع ضغطك وتحطمك

تكون قبلها غاسل موترك وملمع وبولش للتواير وساعه واقف في المغسله وتروح المجمع ويجيك ويقولك غسيل وانت اطالعه وفي عينك الصيحه معقوله للحين ماتنظفت السياره

زين والحر والتعب والوقت الي ضيعته بلمغسله

ههههههه نفس الشعور لا واللي يقهرك زيادة وانت توقف بالموقف او ترد رويس عشان تصفط يقعد وراك يقولك ارجع وشوي يمين وشوي يسار كنه سنسر لاصق بدعامية الموتر شوي يقولك انزل انا بصف الموتر

[ورد الدوحه]

طبعاً يا حمد
هم يبون يسترزقون من حسابك ..
لازم تفشلهم عشان يرجع مكانه .. او تطنشه وماترد عليه ..

اما الي يغسلون السيارات ف هذي فئه مسكينه ... واقفه بالحر وبالشمس ساعات عشان تسترزق .. ماتبي تغسل .. عطه 10 ريال له .. منها تصدقت ومنها فرحته ..

هذا رايي :)

صح هاذيه اللي كنت بقوله
جزاكم الله خير

[وليف الشوق]

مضايقات كثيرة من موظفي المحال التجارية التي لا داع لها واتمنى من ادارة اي مول عدم التضييق على الموجودين من المواطنين والمقيمين او التعدي على المستهلك بأي طريقة كانت او اللحاق بأي متسوق في المول واجبارة بأي طريقة للشراء وهذا يعكس مكانه البلد اثناء تسوق مواطني الدول الاخرى ويكتفى فقط عدم خروج الموظف / الموظفه من المحل للاعلان عن سلعه معينه ويكون محيط تواجد الموظف من الباب إلى داخل المحل فقط

تلك الاعمال تسبب حرجا" كبيرا" للمتسوق واجبارة بالقوه على الشراء مع اعطائه بعض النصائح الاعلانيه المزيفه عن بعض السلع التجارية

ارجوا من أي جهه اصدار امر بعدم ازعاج الماره من المتسوقين واجبار مول بعدم تكرار هذا المنظر المغزز

[qatarman8008]

هههههههههه ضحكتني
اقولك السبب؟
يحلل شخصيتك من لغة جسمك
قاعد يسوي دراسه عالاشخاص فالمجمعات
او هوايته جذي هههه

جان زين يسوي دراسة..
هو يكون واحد من اثنين..
اما انه ملقوف يبي يعرف انت من وولد من ووين شايفك قبل كذا في اي مجلس او يمكن معانا في الدوام ..... الخ ....
او انه يكون مفهي وحلجه مبطل مبقق عيونه مسبه وسارح مع نفسه في بحر الفلك هههههههه..

[Rider]

الموقف الاول طبعا بطنش لهم لانهم نصابين والموقف الثاني يتكرر في اكثر منك يعني فعلا اوحد لو يبغي يغسل سيارتهم بيقول تعال غسل مافيه داعي للحركات لي تنرفز المواقف واجد وفعلا تضايق لكن انا لي يضايقني عند الدخول مجمع تلقى الاخوان لي يدخنون واقفين عن مدخل المجمع وقاعدين يدخنون وحكرين المكان ياجماعه فيه نساء وأطفال وناس يدخول روح مكان بعيد عن المداخل لازم تأذيني معاك

[Qt.1]

بالنسبه حق الي في الممر انا انا اذا كلمني مارد عليه لكن اذا لحقني راحت عليه افشلهم اخليه ايتحسف , اما الي ينظفون يقعد وراك أياشر لك كانك بتصف طياره , واخيرا بالنسبه للي يقعدون يقزونك فياكثرهم ودك اتروح له اتقوله تبي تصور معاي معلي عادي صور .

[راجي الْعفو]

اكثر موقف يضايقني هو بعض الناس اللي هوايتهم التبحلق..
يعني تكون ماشي تلاقي واحد يطالعك بنظرات طويلة الامد ومركز جدا جدا..
لاهو يعرفك ولا هو يبي منك شي ولا حتى يقول السلام عليكم..

سماعة البِلوّتوث و ما وراءها من قنابل الملوتوع¤ ^_^

—
وعليكم السلام و رحمة الله وبركاته

يالـ/

كاتب الصحفي

[وحيد-الشوق]

وعليكم السلام ورحمة الله وبركاته

استغرب شلون إدارة مول الخليج ووزارة الأقتصاد سامحين لهم يتصيدون للناس مره واحد نقز قدامي وقالي اذكر 5 مدن بالحرف الفلاني المهم بعد ماجاوبته قالي تعال وعندنا اجتماع عقب سحبت عليه وقلت له شكراً وبعد باسبوعين تكرر نفس الموقف عاد مزاجي كان مب رايق وقتها هههه قلت له مع احترامي لكم انتم نصابين تفشل وقالي شكراً ناس شغلتها النصب وماينفع الا العين الحمره



بالنسبه حق الي في الممر انا انا اذا كلمني مارد عليه لكن اذا لحقني راحت عليه افشلهم اخليه ايتحسف , اما الي ينظفون يقعد وراك أياشر لك كانك بتصف طياره , واخيرا بالنسبه للي يقعدون يقزونك فياكثرهم ودك اتروح له اتقوله تبي تصور معاي معلي عادي صور .

هههههههههه طيارة اي والله يأخي تنبط جبدي والي يقهرك اكثر حزات الموتر يكون نظيف ويقولك بابا يبي غسيل

[eXpert*]

نقطة الغسيل على بالي وكنت فعلاً بطرحها .. المفروض في كاونتر / كشك تروح تدفع وتعطيهم رقم لوحة السيارة ويغسلونها لك .

بدلاً من الفوضي وكل واحد محتكر له صف مواقف ،، ويزعجك وانت توقف السيارة لدرجة كأنه المواقف له .

[ابوالعبد]

بخصوص في ناس معوده ناس انه القطري بترول وهذه حقيقه ليش تعطيه 10 ريابل ترى ياخذ راتب ويديرته راتب يسوي لين متى طبع القطري يبين للناس انه عنده بترول اتمنى من البلديه ووقف الهنود في المواقف العامه من الغسيل والمشكله انا اويد صاحب الموضوع انه. الباركنات فاضيه يجي غصب يبيك تصف ويدليك باركن معظهم الباركانات بتشوفهم فلاجيو وعند مكتبه جرير و المجمعات الاخرى طبعا طريقه هالفسيل انه واحد عنده شركه ويوزع هالعمال في مكان معين يحصل كميشن والهنود كميشن ولي يقهرك يقولك غسيل خمس عشر ريال تودي سياره المغسله علي خمسه وعشرين ريال وينظفها عدل. اتمنى من البلديه سحب تصاريح من عشركات الي تغسل بشوارع العامه تخرب واجهه البلد

[بوخالد911]

الموقف الأول
جان زين حد يتعرض لي
وخاصة لو مصري
بيسمع كلام عمره ما سمعه.

غسيل السيارات
يشوف الموتر يلق
ويقول يبي غسيل ؟؟؟؟!

[الرايــق]

اكثر موقف يضايقني هو بعض الناس اللي هوايتهم التبحلق..
يعني تكون ماشي تلاقي واحد يطالعك بنظرات طويلة الامد ومركز جدا جدا..
لاهو يعرفك ولا هو يبي منك شي ولا حتى يقول السلام عليكم..

صادق
قلة ادب
المشكلة لا يعرفك ولا شي
هذا موجودة في بعض العرب الله يهداهم

[عاهد بن علي]

طبعاً يا حمد
هم يبون يسترزقون من حسابك ..
لازم تفشلهم عشان يرجع مكانه .. او تطنشه وماترد عليه ..

اما الي يغسلون السيارات ف هذي فئه مسكينه ... واقفه بالحر وبالشمس ساعات عشان تسترزق .. ماتبي تغسل .. عطه 10 ريال له .. منها تصدقت ومنها فرحته ..

هذا رايي :)

لا تعلمونهم على ( لطرارة )

[ابوالعبد]

ايو. كلامك اخ عاهد بعض ناس للاسف خلت الاجانب تظن انه القطري بترول. لدرجه لما تروح. حلاق او مطعم يقولك قطري حط بغشيش. للاسف في من البعض. يقط فلوسه يمين ويسار ويخلي هالاجانب تتطمع وكانه القطري بير نفط

[معماري قطري]

اللي يبي يحس بالراحة يكشخ بلبس رياضة ويروح يتسوق صدقوني كل شيء سهالات ولا حد يضايقك

[راجي الْعفو]

اللي يبي يحس بالراحة يكشخ بلبس رياضة ويروح يتسوق صدقوني كل شيء سهالات ولا حد يضايقك

عيل هذا انت يابوعبدالله بو سبايكي و بنطلون مشقق ^_^

طلعت خطير ^_^


بصراحة اللبس القطري فخر، و اعتزاز الشعب به من أجمل الأمور

أتمنى ما يندثر هالشي مع مرور الأيام ...

[العنيده]

الموقف الثاني ..
امس غاسلين لي السياره وتلق ماشاء الله ..
خذت الوالده واختي ورحنا فيلاجيو .. الا العامل ياشر لي في باركنغ وقفت .. يوم نزلت يقول اغسل السياره :looking:
والغسيل اللي في البيت .. والتلميع .. الله يرزقه وغير من حيث لايحتسب بس شككني :pilot:

[ابوالعبد]

صدقت معماري انا قمت البس شورت وتيشيرت وجوتي رياضه لما اروح المجمعات كذا ابتعد عن الاستغلالين. والله جد هم راحه ورياضه ليش اكشخ علي مجمع شدعوه شبحصل لما البس ساعه روليكس او مسباح كهرمان هههه روح سبورتي وامورك طيبه

[غيم الجنوب]

العامل الي يقول بابا غسيل وموترك مغسول ويلق هذا يبي فلوس بدون مايشتغل،، طرار عباله بتعطيه كم ريال وتمشي
انا اتنرفز يوم ياشر لي او يقولي صف بس على طول اشرله يمشي من عندي

المصري الي صوب السينما ف القلف مول مره وحده كلمني من بعيد ويصارخ انه الظريف تعاملت مع الموقف من يومها محد يكلمني فيهم ،،*

اما المحلات الله يعينك مالك الا تسحب عليهم او تاشر لهم

[عثرة جواد]

كل الي الي عليك تكون صارم وبس وعطهم النظرة الثاقبه وبس ههههه ياكثرهم وياملاقتهم

[محمد11]

السلام عليكم ..

مواقف تصيدني بالمولات تضايقني ..

اثناء ذهابي لمول الخليج دخلت داخل تقريبا صوب اللفت فيه شركه فيها عمال من جنسيه عربيه ونت ماشي مع اهلك او بروحك ينادونك ويقولون لك مبروك يافندم انت رحت جائزه هههههه :app2: ... المهم اقولهم شكرا وابتسم ابتسامه خفيفه فيها نوع من الغضب :mad: .. ونا مكمل طريجي .. المهم ليش مايتزمون بمكانهم فقط واذا الناس يبونهم بيونهم ،، ليش يمشون ويضايقون العرب .

الموقف الثاني ..

الي ايغسلون السيارات بالمواقف ..

اشوي وبيدخل داخل سيارتك وايجوفك من بعيد ونت تدور موقف ايقول تعال صف هنا معنه معضم المواقف فاضيه وتقدر تصف بكيفك ، ولا مايروح ينتظرك لين تنزل وهو واقف فوق راسك .. وتالي يقولك بابا يبي غسيل ، عااد انت تقوله يا اي او لا .. مممم المفروض ايوقفون في صوب واذا الناس يبونهمبيونهم وعيب ايقربون عند السياره وانت عندك اهلك .. وجهه نظري ..


وفي موقف ثانيه بسردها ان شاء الله ..

تحياتي ..

بخصوص الموقف الثاني .. لو ماحصلتهم وش بتقول !!
شدعوه وينهم ذووول مافي حد هني يغسل السياره !

[المحاميه]

بال لهدرجه سالفة الغسيل مسببتلكم ازمه؟

عادي
هم يسالونكم تبون تغسلون السياره عشان الريال يبي يسترزق مب اكثر

[المحاميه]

بخصوص الموقف الثاني .. لو ماحصلتهم وش بتقول !!
شدعوه وينهم ذووول مافي حد هني يغسل السياره !

بني آدم مايعجبه شي

[حمد 2002]

الويكند كنت في مول من هالمولات .. الا الهندي مال الغسيل يقولي تعال صف هنا في موقف وانا اجوف مواقف وااايد موجوده الا ناحسته ورحت موقف بعيد عنه ، الا لاحقني وانا كنت صاف السياره ريوس ولقيته جالس ورى السياره ، يقولي روح يمين روح يسار ، لخبطني والله لاني ماحب احد يعلمني وانا اصف السياره اتوتر والخبط ، وتالي يوم صفيت لقيته ينتظرني لين انزل مع عائلتي ، ويوم نزلت قالي بابا يبي غسيل ، قلته لا ، وراح ..


لازم نلققى حل لهم والله لانه بالسيارات احياننا اتكون مع عائلتك وحريم والا احياننا اتسوق السياره حرمه فعيب هالتصرفات منهم ..


تحياتي ..

[معماري قطري]

بخصوص الموقف الثاني .. لو ماحصلتهم وش بتقول !!
شدعوه وينهم ذووول مافي حد هني يغسل السياره !

يحطون لهم كشك صغير مظلل واللي يبي يغسل سيارته هو قبل ليدخل يمر عليهم ويقول لهم سيارته في موقف رقم كذا ويبي يغسلها .. ضروري ترقيم المواقف وضروري الكشك يكون تابع له موظف يرتب الشغل ووحتى ممكن يستلم مقدماً ويعطيه فاتورة ويحق للعميل يشتكي لو التنظيف مب زين .. كذلك يتعلمون أو ينفرض عليهم أن يكونوا لبقين ومرتبين مب غسيل بالالحاح وبالسؤال كم مرة

ويكون الكشك خارجي قبل الباب يعني أي حد موقف بيمر عليه

تأشيرهم للسيارات صج مزعج .. السيارات فيها حساسات وكاميرات وهم يوقفون وراها الواحد صوت الحساسات يبط اذنه وهالقريقا لازق في الصدام ويأشر

[معماري قطري]

بني آدم مايعجبه شي

كل شيء لازم له ترتيب اختي .. هذي ملاحظات كلنا عايشناها وتشوفين العامل مرتز واللي مار خصوصاً لو لابس عقال يعتبرونه صيده .. زين سيارته تلق شتغسل فيها .. والمواقف وايد شمنقزه يأشر إن هذا الموقف محجوز له .. أوقات يخلون الواحد يترك موقف وسيع ويجي لموقفهم استويت من أشوف عامل يأشر اروح موقف ثاني حوله

[الحياة الخالدة]

يحطون لهم كشك صغير مظلل واللي يبي يغسل سيارته هو قبل ليدخل يمر عليهم ويقول لهم سيارته في موقف رقم كذا ويبي يغسلها .. ضروري ترقيم المواقف وضروري الكشك يكون تابع له موظف يرتب الشغل ووحتى ممكن يستلم مقدماً ويعطيه فاتورة ويحق للعميل يشتكي لو التنظيف مب زين .. كذلك يتعلمون أو ينفرض عليهم أن يكونوا لبقين ومرتبين مب غسيل بالالحاح وبالسؤال كم مرة

ويكون الكشك خارجي قبل الباب يعني أي حد موقف بيمر عليه

تأشيرهم للسيارات صج مزعج .. السيارات فيها حساسات وكاميرات وهم يوقفون وراها الواحد صوت الحساسات يبط اذنه وهالقريقا لازق في الصدام ويأشر




كل شيء لازم له ترتيب اختي .. هذي ملاحظات كلنا عايشناها وتشوفين العامل مرتز واللي مار خصوصاً لو لابس عقال يعتبرونه صيده .. زين سيارته تلق شتغسل فيها .. والمواقف وايد شمنقزه يأشر إن هذا الموقف محجوز له .. أوقات يخلون الواحد يترك موقف وسيع ويجي لموقفهم استويت من أشوف عامل يأشر اروح موقف ثاني حوله
أتفق معك تماماً

[معماري قطري]

أتفق معك تماماً

مشكورة إختي الحياة

بعد يشوفون القطري يبتسم ورده دوم طيب يحاولون يسوون معاه لقاء صحفي

[partyQtr]

بالنسبة للي يغسلون السيارات أي نعم شغلهم ورزقهم بس عالاقل يوقفون بعيد لين ماننزل من السيارة

حزات قبل لانزل أكون محتاجه اعدل شيلتي عبايي الي هو واستحي لانهم يكونون في ويهي ويتم يطالع

صادني موقف في رمضان كنت مريضه واخذ مضاد جاء وقت المضاد وانا كنت طالعه قبل لاانزل من السيارة

قلت باخذه لاني استحي اخذه داخل المجمع الا اللي يغسل السيارة واقف في ويهي ومايبي يتحرك

بسبته كلت الحبه بدون ماي بغيت اغص ، وقفتهم عن نفسي اعتبرها اقتحام للخصوصيات

المفروض يوقفون بعيد

[ابوالعبد]

اصلا احنا بلد في تتطور وهذولا الي يغسلون يشوهون الوضع اتمنى الغاء وسحب تراخيص من الي يغسلون بالمجمعات وشوارع