تسجيل الدخول

مشاهدة النسخة كاملة : ارجوا توفير الشاي والماي للمدرسين والمدرسات


حمد 2002
02-11-2017, 08:47 AM
السلام عليكم ورحمه الله وبركاته

::: ارجوا توفير الشاي والماي للمدرسين والمدرسات وبعض الوجبات الخفيفه ان امكن !! :::

الوزارات الحكوميه فيها خدمه الشاي والماي بالمجان والحمد لله على النعمه لكن المدارس المدرسين والمدرسات ايجيبون او ايسون الشاي بنفسهم وعلى حسابهم الخاص ، عاد غرف المدراء ماعرف الله واعلم ، والمدرسين والمدرسات مساكين ينكرفون كرف والتدريس صعب ومب شيء سهل كما تعرفون لذلك لو في امكانيه تخصيص ميزانيه لهم لتوفير الشاي لهم مجاننا ولو في أمكانيه بعض الوجبات الخفيفه كان زين بعد ..

هذا ماعندي وشكرا ...
راجي الْعفو
02-11-2017, 09:22 AM
وعليكم السلام و رحمة الله وبركاته

يستاهلون الشاي و الماي وكل شي يريحهم
..
أوافقك..
النهار
02-11-2017, 10:02 AM
ليش لا وبعد شيشه وانواع المعسل فرررررررررررررر مساء الخير
shadad
02-11-2017, 10:10 AM
ليش لا وبعد شيشه وانواع المعسل فرررررررررررررر مساء الخير

بل ليش ههههههههههههه

الموضوع موضوع ثلاجة ماي صغيره وسخان ماي في غرفة مدرسين. ما اعتقد هاي شي غالي. بالعكس هاي شي بسيط جدا ويستاهلون المدرسين صراحه. المدارس الاجنبيه فيها. وبعدين هذه اغراض بتم في الغرفه وتخدم جميع الطاقم الحالي والقادم. وصيانتها شبه معدومه.

على العموم اذا ما مشى الموضوع انا انصح انهم يسوون قطيه بينهم بيطلعون على الاقل حساب سخان الماي بس.
Charisma
02-11-2017, 10:10 AM
لاتحاتي المدرسات .. بخير ونعمه نظام دلال شغل بيت، وبوفية من كل مالذ وطاب .


بس عجبني تكتيكك في طرح الموضوع .. في البداية ميزانية شاي وماي .. وفي الاخير تلويح من بعيد لوجبات خفيفه .. :funny:

يستاهلون كل خير ومع تلبية أي متطلبات يحتاجونها .
بومحمد المطاوعه
02-11-2017, 11:55 AM
كل شي يوفرونه على حسابهم الخاص
المدرسات

مافي شي من الوزاره

قطيه بينهم وييبون من نفسهم
وحيد-الشوق
02-11-2017, 12:17 PM
وعليكم السلام ورحمة الله وبركاته

حسب علمي الماي متوفر بكل الكليات والجامعات بالمجان واذا بنجي للحق اقترح يوفرون للطلاب شاي وقهوة واكل ببلاش المدرسين ماعليهم قصور سواء قطريين او مقيمين هذا انا موظف وطالب في نفس الوقت وشبة يومي اشرب قهوة ب15 لين 25 ريال وماطلبت حد يوفرلي شاي ولاماي
كاشف الغطاء
03-11-2017, 03:01 AM
اتمنى النظر في رفع رواتب المشرفين الإداريين خريج الثانوية على التاسعة ياخذ 12000 ويكرف مع الطلاب يومه كامل بدون تطوير او شي
ملك المشاعر
05-11-2017, 09:04 AM
اتفق معك التدريس من الوظائف الشاقه ويستاهلون الخدمه أسوه بالوزارات والوظائف المكتبية