هل المدير - المسؤل - رئيس القسم مهتم بتطوير الكفائة القطرية

[محمد11]

المدير - المسؤول - رئيس القسم

هؤلاء المسميات التي تم ذكرها هل هي تؤدي الامانه !
هل هي مهتمه في رؤية سمو الأمير الله يحفظه 2030 !

هل هؤلاء يقومون بتطوير الموظفين حتى يؤهلون ليكونوا لهم منافس او بديل !

ام العكس !!

المدير - المسؤول - رئيس القسم

يخاف على مكانه وعلى كرسيه وعلى راتبه .. حتى لا يصل له احد او يأخذ مكانه !!

هذه الحالة منتشرة بشكل كبير جدا جدا

لا يوجد شخص مسؤول يقوم بتطوير موظف ليكون بديل له ف المستقبل وجاهز

انما ينتظر أوامر نقله او ترقيته ويكون مكانه فارغ او أي شخص يمسك مكانه !!

[qatarman8008]

للاسف نعاني كثيرا من هذه الظاهرة..
بلى شك هناك مدراء ايجابيين وهناك مدراء سلبيين..
تعليقي يتبع بما يخص المدراء السيئين..
هي السبب الرئيسي في اكثر مشاكل التدريب والتطوير والتقييم..
صارت تتسبب باثباط عزيمة الكثير من الكفاءات القطرية وقد ينتهي بهم المطاف لتقديم الاستقالة..
الخسارة هي للادارة الحكومية اللتي تنفق المبالغ الطائلة من اجل تدريب وتطوير الكوادر القطرية وتهيئتهم لشغل مناصب فعالة في ادارة العمل..
السبب وراء كل هذه المشكله هو مدير يسخر كل الموارد والكوادر والقوانين بما يصب في مصلحته الشخصية..
يجب ان يكون هناك لجان محايدة في كل ادارة للنظر في مثل هذه التجاوزات وان لايترك الموضوع بلى قيود لمثل هؤلاء المدراء..
انا شخصيا قد تعاملت مع مدير كانت سمعته الايجابية مغطية الشركة..
ولما عملت معاه بشكل مباشر اكتشفت انه يستخدم اسلوب اللوم والتوبيخ وعدم الرضى عن اداء الموظفين جميعا..
يقول كلام لايفهم ويطلب اشياء مخالفة للقانون..
اتضح لي بعد وهلة ان خبرته ضعيفة جدا وانه يعتمد كليا على اثنين اجانب في القسم يديرون له كل شيئ وفي كل وقت..

[جبر ال جبر]

يعتمد على المكان والي فيه

[المحاميه]

ماعندي تعليق عشان قولوني مايضرب

[محمد11]

سبحان الله .. اغلبيتنا متضررين من هذا الموضوع
والمشكلة صاحب هذا الضرر هو واحد منك وفيك !
وكنا نشتكي من الاجانب ..
الحل :
هل انا اقدر اخذ حقي بالقانون وعند من !!

[كاشف الغطاء]

للأسف ما تقدر تاخذ حقك وتضطر تستقيل وتعيش بطالي لين ما الله يفتحها عليك

[محمد11]

للأسف ما تقدر تاخذ حقك وتضطر تستقيل وتعيش بطالي لين ما الله يفتحها عليك

تعيش بطالي هذه صعبه ..
الشخص المستقيل بيكون .. محصل وضيفه قبلها .. لذلك بيستقيل والسبب احد المناصب الي تم ذكرها ف الموضوع

[Rider]

مافيه شي اسمه تطوير الموظف الكل خايف على كرسي الحلاق يطير منه للاسف فيه حسد في قلوب معظم القطريين لي ماسكين المناصب يقصون علينا بالدورات لي في التنمية الادارية وهم دورات خارجية يترزق من وراها الموضوع ياخوي طويل لكن اكتفي

[إعلامي قطر]

..

كنت شاهد عيان في عدة أماكن على مدراء قطريين دخلوا
بمشاكل مع شباب قطريين بسبب إنهم يحاولون مع
هالشباب إنهم يكملون دراستهم (إللي طالع من
الإعداديه وإللي طالع من الثانويه) وللأسف كثير
من هالشباب ولا مفتكرين وكلن لاهي بالجيم وترتيب
جسمه وتجهيز دراجته وكرفانه والبقي وووإلخ للموسم
وبعضهم مع هوايات ثانيه أو حلال أو أو أو إلخ ووصلت
الأمور في بعضهم إنه يسافر لأمريكا وغيرها عشان
سوالف الدراجات والبقيات وإلخ بدال مايلهي نفسه
بالدراسه والتطوير والدورات وإلخ وطبعاً وخلال
الموسم كله تزرق من الدوام وأعذار وعبط بلا
حدود وآخر شي يفكرون فيه هو موضوع
التطوير والتثقيف أساساً..

والموضوع وصل لمرحلة إن بعض هالشباب إنعرض عليهم
حتى يدخلون بدون أية موافقات رسميه من العمل مالهم
أهم شي بس يكملون سواء بجامعة قطر أيام التعليم
الموازي أو بكلية المجتمع أو أو أو إلخ والبعض قالوا له
راح يخلونه يزرق من الدوام ويغضون الطرف عنه فقط
لمصلحته ومع ذلك والله وربي بيحاسبني على كل كلمه
أقولها إن الأغلبيه 70% وأكثر من إللي شفتهم وأعدادهم
بالعشرات ع الأقل خلال السنين الماضيه إنهم بلا طموح
يذكر وعاشقين الراحه ومحد فيهم أساساً عنده الرغبه أو
الطموح إنه يكمل وهذا واقع شفته على الأقل خلال أكثر
من 15 سنه وبكذا جهة عمل حكوميه في البلاد وفيها
شباب قطريين من مختلف الفئات العمريه..

بس وقت التحندي خذ كلام جامد وماله أي علاقه
بالواقع وللأسف كثار من إللي ماعايشوهم
يصدقونهم ويتعاطفون معاهم ويعيشون
نظرية المؤامره وإنهم مستهدفين !

آسف إذا الصراحه راح تزعج البعض
بس هذا واقع عايشته وحبيت أنقله
بدون أي تعاطف أو مجامله..

..

[محمد11]

..

والموضوع وصل لمرحلة إن بعض هالشباب إنعرض عليهم
حتى يدخلون بدون أية موافقات رسميه من العمل مالهم
أهم شي بس يكملون سواء بجامعة قطر أيام التعليم
الموازي أو بكلية المجتمع أو أو أو إلخ والبعض قالوا له
راح يخلونه يزرق من الدوام ويغضون الطرف عنه فقط
لمصلحته ومع ذلك والله وربي بيحاسبني على كل كلمه
أقولها إن الأغلبيه 70% وأكثر من إللي شفتهم وأعدادهم
بالعشرات ع الأقل خلال السنين الماضيه إنهم بلا طموح
يذكر وعاشقين الراحه ومحد فيهم أساساً عنده الرغبه أو
الطموح إنه يكمل وهذا واقع شفته على الأقل خلال أكثر
من 15 سنه وبكذا جهة عمل حكوميه في البلاد وفيها
شباب قطريين من مختلف الفئات العمريه..

بس وقت التحندي خذ كلام جامد وماله أي علاقه
بالواقع وللأسف كثار من إللي ماعايشوهم
يصدقونهم ويتعاطفون معاهم ويعيشون
نظرية المؤامره وإنهم مستهدفين !

آسف إذا الصراحه راح تزعج البعض
بس هذا واقع عايشته وحبيت أنقله
بدون أي تعاطف أو مجامله..

..


ابيك تجي تأخذ لفة في كلية المجتمع ..
وتاخذ اراء بعض الطلاب ..

ابصم لك تغير ردك ..

الحمد الله ان في بعض " الأصدقاء " قلوبهم طيبه وتسمح لك بالخروج للكلية ..

انا من كثر ما شوف ناس تتشغل بذمه ولا يهمها الراتب هدفها " الوطن " لين اليوم
اشوف الأشخاص تشتغل ولا تنطر أي جميل من المدراء او ترقيات من المدراء

تتفاجئى ان المدير يطور نفسه قبل الموظف !!

المدير المفروض " يعد " موظفين يكونون ف المستقبل مكانه
وليس خوفا من أخذ مكانه ..

لو كانوا هدفهم والله العظيم بناء الوطن والله لو تشوف كل اهل قطر ماسكين مناصب
عليا ..

" اعلامي قطر "

هذا المسمى نفتقده كثير على الشاشات ..
الحمدالله على حصار قطر ان طلع لنا اعلامين كبار ..

[محمد11]

من المفروض تكون في جهة رقابية إدارية ومحاسبه أيضا ..
لجميع الوظائف .. من الصغير لين الكبير ..

اذا كان في قصور من الموظفين او المدراء المحاسبة تكون من المدير لين اصغر موظف

ورؤية 2030 كم في 100% تحققت !!

مب شرط توظيف !!
انما تطوير الموظفين

[كاشف الغطاء]

تعيش بطالي هذه صعبه ..
الشخص المستقيل بيكون .. محصل وضيفه قبلها .. لذلك بيستقيل والسبب احد المناصب الي تم ذكرها ف الموضوع

والله ياخوي اذا وصلت حدك من الظلم وتفضيل الأجانب بتستقيل
انا واحد قدمت استقالتي من جهة ولي سنة ونص أدور وظيفة حتى لو بنص الراتب السابق !

[كاشف الغطاء]

..

كنت شاهد عيان في عدة أماكن على مدراء قطريين دخلوا
بمشاكل مع شباب قطريين بسبب إنهم يحاولون مع
هالشباب إنهم يكملون دراستهم (إللي طالع من
الإعداديه وإللي طالع من الثانويه) وللأسف كثير
من هالشباب ولا مفتكرين وكلن لاهي بالجيم
..

وين نحصله هالمدير ؟ تخيل اني كنت في جهة وكل اللي معاي في القسم اجانب
بس طلبت يرخصوني ساعة وحدة في نهاية الدوام أدرس فيها رفضوا (مدير قطري وأجنبي) ! حتى أيام الامتحانات كنت أداوم

الشاب القطري وده يطور من نفسه بس يصطدم بقوانين ماتخدمه وتوقف في ويهه قبل المدراء خصوصاً في القطاع شبه الحكومي
لو في قوانين مكتوبة توقف هالمدراء عند حدهم وتعطي للقطري حقه بالدراسة وتطوير نفسه بتشوف العجب

[إعلامي قطر]

ابيك تجي تأخذ لفة في كلية المجتمع ..
وتاخذ اراء بعض الطلاب ..

ابصم لك تغير ردك ..



ياخوي للتوضيح أكثر آنا كنت أقصد تحديداً فئة
الموظفين إللي أساساً مايبغون يتطورون
ولايكملون ووووإلخ..

جزء كبير جداً منهم مثل ماذكرت لك
عايشت واقعهم وإنصدمت فيهم بكل صراحه !


أما إذا بتتكلم عن طلبة كلية المجتمع كمثال آخر مقابل
وتحديداً الموظفين منهم فذولي لاشك إنهم عصاميين
وشباب الواحد يفتخر فيهم والله يوفقهم وأتمنى
من كل مسؤول قطري عنده شباب أو بنات
يدرسون بالإضافه لعملهم إنه يكون مرن
معاهم قدر الإمكان ويقدم لهم كافة
أشكال الدعم المطلوب وهم أكيد
يستاهلون والله يوفقهم يارب..

تحياتي..

..

[محمد11]

بس هذا الشي ما يعتبر فساد اداري !

[المحاميه]

للأسف ما تقدر تاخذ حقك وتضطر تستقيل وتعيش بطالي لين ما الله يفتحها عليك

ماحب هالردود السلبيه
وشو ماتقدر
لا سلامتك تقدر
اسعى وطالب بحقك بيدك وريلك
مب تقعد مكانك وتقول لا وتضررت ويالله هاكم استقالتي

ليش الاستسلام

[كاشف الغطاء]

ماحب هالردود السلبيه
وشو ماتقدر
لا سلامتك تقدر
اسعى وطالب بحقك بيدك وريلك
مب تقعد مكانك وتقول لا وتضررت ويالله هاكم استقالتي

ليش الاستسلام

كلمت وزارة العمل وقالوا لي الجهة اللي انت تبي تشتكي عليها ما نقدر نسوي لها شي :)
هي جهة شبه حكومية

[بعيد النظر]

التطوير والرؤية شي نسمع فيه ولا نشوفه !
ان طالبت باقل حق لك ! قعدولك وضيقو عليك ..

وان سكت محلك سرر ..
كملت 6 سنين .. وما عندي غير خبرة شغلي ..
لا كورسات .. ولا نقل إدارة ولا أي بادرة للتطوير ..

للأسف عندنا قسم كامل بـ مسمى تطوير القطريين ..
بس اللي فوق ولا مفتكرين ولا يهمهم ! كل واحد يجيب معارفه على منصب ولا يحلم فيه ..
ويحط كل ثقته فيه وهو مب قد المكان اللي فيه .. وشغالين على العالم !


وسعر البترول شماعة لهم !
مع ان تطويرنا ما يكلف ..



أتمنى يكون في جهة رقابية على جميع المؤسسات ..
ما نبي تقطيير بدون تطوير !

[qatarman8008]

قرات كل الردود ولم اجد فيها مايذكر عن ادارة مستقلة متخصصة بمراقبة نظام التقييم في المنظومة..
قد تكون هذه الادارة موجودة ولكنها غير فعالة بالشكل المطلوب ..
هل هناك خلل في هذه الناحية او كيف..؟؟

[العنيده]

اي تطوير اذا رئيسة القسم اجنبيه خايفه على مكانها .. و مدير التطوير اجنبي ..
اي تطوير اذا تعاملو مع الموظفين بانانيه .. يجي الموظف يطلب تطوير يقوله مافي .. واذا جينا للتقييم ننظلم ان ماخذنا تطوير :nono:
صار الحضور اهم من اي شي ..
الله المستعان

[qatarman8008]

اي تطوير اذا رئيسة القسم اجنبيه خايفه على مكانها .. و مدير التطوير اجنبي ..
اي تطوير اذا تعاملو مع الموظفين بانانيه .. يجي الموظف يطلب تطوير يقوله مافي .. واذا جينا للتقييم ننظلم ان ماخذنا تطوير :nono:
صار الحضور اهم من اي شي ..
الله المستعان

انا تجربتي كانت مختلفة تماما..
كان المدير الاجنبي يعطيني حقي بالقطارة لازايد ولاناقص وهالشي مايزعل..
اما المدير القطري (البعض وليس الكل) فنظرته سلبية دائما وتقييمه سيئ دائما..
تحليلي لهذا: المدير الاجنبي واثق من خبراته وقداراته ومؤهلاته ويعرف انه مهما كنت ممتاز الا انه لازال يسبقك باشواط..
المدير القطري ( البعض وليس الكل) يكون عنده كثير من نقاط الضعف في كل النواحي وخايف ينكشف وينفضح..!!

[محمد11]

من المفروض تكون في جهة رقابية إدارية ومحاسبه أيضا ..
لجميع الوظائف .. من الصغير لين الكبير ..

اذا كان في قصور من الموظفين او المدراء المحاسبة تكون من المدير لين اصغر موظف

ورؤية 2030 كم في 100% تحققت !!

مب شرط توظيف !!
انما تطوير الموظفين

صحيح هذا المفروض يجب ان يكون
هناك جهة رقابية في كل مؤسسات الدولة والوزارات الحكومية
وان تكون المحاسبة قبل كل شيء ..

تعبنا من هذا الشي نبغي قطريين اكفاء
واسمائهم توصل لكل مكان ..

[Flowers]

صادني موقف شخصي ان وحده معانا بالدوام تمت تطلب كورسات ودورات وسفرات وكانت المديره جدا متعاونه معاها ومصدقه انها قاعده تطور من نفسها وبتخدم القسم ، بالاخير بعد ماخلصت من كورساتها استقالت وراحت شغل ثاني، الشغل الجديد كان شارط عليها تخلص هالكورسات !
بالذمه هذا مايعتبر غش وتلاعب وتحايل واستغلال

[محمد11]

صادني موقف شخصي ان وحده معانا بالدوام تمت تطلب كورسات ودورات وسفرات وكانت المديره جدا متعاونه معاها ومصدقه انها قاعده تطور من نفسها وبتخدم القسم ، بالاخير بعد ماخلصت من كورساتها استقالت وراحت شغل ثاني، الشغل الجديد كان شارط عليها تخلص هالكورسات !
بالذمه هذا مايعتبر غش وتلاعب وتحايل واستغلال

يعتبر غش ..
لكن هناك عتب على الاداره ..
في حال تطوير الموظف من جامعه او دورات تدريبية " مدفوعه " ..
الموظف لا ينتقل من عمله الا بعد 7 سنوات .. في حالة الموظف اصر على النقل يتوجب عليه دفع جميع رسوم الدورات والبعثات ..
كما يحدث في مؤسسات قطر للبترول
علشان ماتقول الدنيا سايبه

[Flowers]

واضافه ثانيه ايضا: مب ضد اللي يكملون دراستهم ولكن مايكون على حساب عائلاتهم وخصوصا الموظفات ، يعني مكفي انها تداوم من الصبح لين بعد الظهر واذا قررت تكمل دراستها وماعطوها الدوام تفرغ بتضطر تروح من العصر لين فليل وهذا يأثر على عيالها وبيتها، تخيلو اليهال مع الخدامه من الصبح لين ماينامو واذا كانو بمدارس محدن درى عنهم يرحعون من المدرسه ايضا يلاقون الخدامه اللي غالبا بتعطيهم عيش وروب وتقعدهم عالايباد والتلفزيون حتى مايزعجوها ولا في متابعه للدراسه ولاهم يحزنون كل هذا ليش!!

[طبيب قطري]

الدعم مطلوب وخصوصا للموظفين المجتهدين