مشكلة بيبات الماي

[التاجرالصغير]

السلام عليكم يا اخوان
عندي مشكلة في بيبات الماي دائما تطلع صوت قوي لما اشغل الماي..بس لما اسكر البرشر ما يطلع الصوت

اشلون اقدر أوقف هالصوت يا جماعة..لاني اذا سكرت البرشر الماي يكون ضعيف عندي..

[Riku3]

احتمال البيبات تضرب بعض او تتحرك في الطوفه بسبب قوة الدفع ..

في مادة مخصصة حق ايقاف التسريبات يتم حقنها في الجدار وعقب تتمدد والهدف منها غلق التسريبات بدون تكسير الطوفة .. ممكن تفيدك بأن تثبت البيبات مكانها .

[التاجرالصغير]

احتمال البيبات تضرب بعض او تتحرك في الطوفه بسبب قوة الدفع ..

في مادة مخصصة حق ايقاف التسريبات يتم حقنها في الجدار وعقب تتمدد والهدف منها غلق التسريبات بدون تكسير الطوفة .. ممكن تفيدك بأن تثبت البيبات مكانها .

الشيخ الصوت مش اهتزاز للبيبات..الصوت من داخل البيبات يمكن من قوة البرشر..هل ممكن اخفف من ضغط البرشر ؟؟

[معماري قطري]

خذ نوع جيد من البرشر وهو يكون يعطيك ضغط حسب الحاجة .. بس مؤكد عندك مشكلة في البايبات أما كبيرة بدون داعي أو البرشر قوي وتهتز أو قريبة من البلاط وينسمع الصوت

[معماري قطري]

للي ما ركب وخلص مهم يسوي تغليف بعازل حراري وهو يعتبر عازل للصوت قبل ليحط بلاستر وكذلك يعطي حماية للبايبات .. نفس الخارجي وتكلفته ولا شيء

[$الملياردير$]

ويمكن البرشر فوقه الحمام هذا مباشرة ... هل الصوت في حمام واحد أو في جميع الحمامات اذا فيهم كلهم معناتها القوة بزيادة في البرشر وإذا بس في حمام واحد العله في البيبات

[ولد المنصور]

صوت مثل الصفاره ؟؟؟؟؟
أتوقع هوا في البيبات ...

[التاجرالصغير]

صوت مثل الصفاره ؟؟؟؟؟
أتوقع هوا في البيبات ...

ايوا بالضبط صوت هوا قوي في البيبات..في كل الحمامات حتى المطبخ الداخلي..

[لطيف الروح]

تأكد من السخانات اللي مركبها في الحمامات اكرمكم الله
لان بعضها مركب فيه قطعة تسمح بخروج الهواء اللي داخل البايبات والسخان الناتج عن ضغط الماء القوي حتى لا ينفجر السخان أو بايب الماء
طبعا العمليه هذه ينتج عنها صوت مثل الصفارة

[الســـهم]

تأكد من السخانات اللي مركبها في الحمامات اكرمكم الله
لان بعضها مركب فيه قطعة تسمح بخروج الهواء اللي داخل البايبات والسخان الناتج عن ضغط الماء القوي حتى لا ينفجر السخان أو بايب الماء
طبعا العمليه هذه ينتج عنها صوت مثل الصفارة

كلام اخوي لطيف الروح صحيح اذا كنت مركب سخانات داخلية، وهذا الصوت صادفني في بيتنا القديم، واذكر البايب فيتر بدل القطعه اللي تطلع الهواء (وهي تربط بين السخان والماي اللي جاي من البايب الخارجي) لأنها مختربة حسب كلامه وركب وحدة ثانية واختفى الصوت نهائيا ..

وعموما اتوقع كامل المشكلة هو وجود هواء في البيبات ..

حاول تشغل الماي في كل الحمامات (الله يكرمكم) في وقت واحد يمكن يروح الصوت كـ حل مبدئي لو كان السخان مركزي ..

[ita(10)lia]

ايوا بالضبط صوت هوا قوي في البيبات..في كل الحمامات حتى المطبخ الداخلي..

عندي نفس المشكله ،، صفير مزعج
وتوني مغير القطعة اللي في السخانة وراح الصوت

[معماري قطري]

المشكلة عيل بسيطة وتفاديها أكيد أفضل بعمل السخانات المركزية والخارجية

بعض الحمامات خصوصاً الأرضية تسمعون للماء هدير قوي وصوت قوي وهو يتصرف والسبب يسوون عمق بايب الصفاية كبير وايد والمفروض يكون محدود والكوع يكون قريب حتى ما ينزل الماي من ارتفاع كبير ويسوي صوت

[التاجرالصغير]

عندي نفس المشكله ،، صفير مزعج
وتوني مغير القطعة اللي في السخانة وراح الصوت

أي قطعة الشيخ ؟ هل البايب فيتر يعرفها لو قلت له عنها.. ؟

[بوجاسم_قطر]

انا طلع عندي صوت الصفاره كان عندي ولف الشور يسرب ماي, يوم بدلته راح الصوت. شيك كل الحمامات ألي عندك انه مايكون في تسريب.

[الدوحه1]

احتمال البيبات تضرب بعض او تتحرك في الطوفه بسبب قوة الدفع ..

في مادة مخصصة حق ايقاف التسريبات يتم حقنها في الجدار وعقب تتمدد والهدف منها غلق التسريبات بدون تكسير الطوفة .. ممكن تفيدك بأن تثبت البيبات مكانها .



ياخوي شسم هالماده ووين احصلها لان عندي تسريب ماي في الحمام؟؟

صراحه كنت ناوي اكسر الطوفه !!!!

[بوخالد911]

افتح الولف
وخل الماي يهد هد

[معماري قطري]

ياخوي شسم هالماده ووين احصلها لان عندي تسريب ماي في الحمام؟؟

صراحه كنت ناوي اكسر الطوفه !!!!



موضوعها غريب وأول مرة اسمع عنها .. ممكن الرغوة تساهم في التثبيت والعزل بس ما تمنع التسرب

[ita(10)lia]

أي قطعة الشيخ ؟ هل البايب فيتر يعرفها لو قلت له عنها.. ؟

اسمحلي عالتاخير
القطعة اللي في بيب السخانة
المفروض انه يعرفها

[مضارب دوسري]

المشكلة عيل بسيطة وتفاديها أكيد أفضل بعمل السخانات المركزية والخارجية

بعض الحمامات خصوصاً الأرضية تسمعون للماء هدير قوي وصوت قوي وهو يتصرف والسبب يسوون عمق بايب الصفاية كبير وايد والمفروض يكون محدود والكوع يكون قريب حتى ما ينزل الماي من ارتفاع كبير ويسوي صوت

لو يرجع بي الزمن للخلف ماركبت المركزيه
مالت عليها
غلطة عمري

دايما تنكبني في الشتا


انصح بالسخانات الداخليه عالاقل لا اختربت في كذا حمام ثاني اعزكم الله

[معماري قطري]

لو يرجع بي الزمن للخلف ماركبت المركزيه
مالت عليها
غلطة عمري

دايما تنكبني في الشتا


انصح بالسخانات الداخليه عالاقل لا اختربت في كذا حمام ثاني اعزكم الله

إشتغلت عندي 11 سنة وتوني مبدلها العام والصدأ صار فيها من تحت لو حاط لها خشب ما صار .. بدلتها بسهولة وبسرعة وبحول 4000 ريال والمهم تسوي لها غرفة .. في أمريكا يحطونها في كبت خاص داخل البيت ويكون في العادة من كم طبقة السخان فوق وتحت حق الثياب وفيه مكان للغسالة وتعيش طول العمر .. اللي يخترب بس الجزء البسيط اللي يصخن وهذا فكه وتركيبه سهل في دقايق