جلسة تداول الثلاثاء ٧ نوفمبر ٢٠١٧- قرم

[السامر الأسود™]

السلام عليكم ورحمة الله


صباح الخير.


البارحة ماقدرت اكمل التحليل في قسم التحليل ... واليوم... نفتتح اهم جلسة في الموجة...



هذة الجلسة و الله اعلم هي جلسة الفصل في الموجة المتوقعة القرم.


ذكرت في تحليل السبت ان السوق جاهز بإذن الله للإنطلاق. وذكرت ايضا ان هناك هبطة ذكرت انها مفاجئة وغير مبررة وبتسبب احباط .. وان هذة السقطة بتصير في نطاق الموجة بآذن الله..

وصل السوق امس لنطاق القاع مرة اخرى



المؤشر العام في نطاق انطلاق. بين ثبات وصعود. او تذبذب وصعود


و الله اعلم

اسال الله التوفيق والسداد

[لـبـيـه]

السلام عليكم ورحمة الله وبركاته

السامر

نتمنى يكون التحليل اقرب للواقع المر الي نشوفه

[بوخميس]

الاسواق العالمية كلها تقريبا في قمم تاريخية

وسوقنا في قاع

لين متى يا سوق

[لـبـيـه]

خلاص نشف السوق

أتوقع قربت ساعة الارتفاعات

[Mmt]

السلام عليكم

ماتوقع في ارتفاع وممكن نشوف اسهم ب 4 ريال

[لـبـيـه]

السلام عليكم

ماتوقع في ارتفاع وممكن نشوف اسهم ب 4 ريال
وقد اعذر من انذر

[Mmt]

حد يشوف لنا طريقه نجيب الوليد بن طلال يستثمر عندنا بدل قعدته بالريتز

:playball:

[Mmt]

شكلنا بنروح لل 6000

[لـبـيـه]

حد يشوف لنا طريقه نجيب الوليد بن طلال يستثمر عندنا بدل قعدته بالريتز

:playball:
هو الوليد ممكن نجيبه بس المشكله بتجيبه مديون شالفايده

[Mmt]

هو الوليد ممكن نجيبه بس المشكله بتجيبه مديون شالفايده
ههه لا هو يمتلك شركات برع السعوديه عنده 5% في ابل وتوتير
وتوه نازل ايفون x وبالحصار توتير مولع يعني مريش

[لـبـيـه]

وطارت فلوسنا وطارت فلوسنا

[Hanan]

ان شاءالله ما طارت بيصير ارتداد اليوم ان شاءالله ��

[Hanan]

بنك قطر الاول خمبقها اليوم بس بيرتد مافي مجال

[لـبـيـه]

بنك قطر الاول خمبقها اليوم بس بيرتد مافي مجال

لو ارتد وطلع صدقني اني اعزمك على العشى في اكبر مطعم فيكي يا قطر

[Mmt]

لو ارتد وطلع صدقني اني اعزمك على العشى في اكبر مطعم فيكي يا قطر

اكبر مطعم بقطر مافي غيره ريكس :app2:

[Hanan]

لازم يرتد لازم لازم هذا اقل قاع بتاريخ البورصة والسهم قيمتة الدفترية فوق ال10 ريال ما يصير هذا التلاعب
واستثمار نفس الحالة مكتتبين 10 ريال من فترة قصيرة واليوم 50%‏ خسارة

[ابو عبده]

لو ارتد وطلع صدقني اني اعزمك على العشى في اكبر مطعم فيكي يا قطر

اصلا لو ارتد ... حكم المرتد القتل .... يعنى هايقتلوه :funny:

[zego]

الوضع اوفر

[لـبـيـه]

اكبر مطعم بقطر مافي غيره ريكس :app2:

لا طبعا في الزرقا والى تكبرت على الزرقا الحين يوم زادت فلوسك

[Mmt]

لا طبعا في الزرقا والى تكبرت على الزرقا الحين يوم زادت فلوسك
هههههه مانقدر فتح فرع جديد

[Hanan]

الاول يسخن

[بوثاني الريان]

السلام عليكم ورحمه الله وبركاته

[نغنوغة1]

هل نقدر نقول ان اللي جالس يصير انهيار للبورصة ؟!!!!

[نغنوغة1]

حسبنا الله ونعم الوكيل اللهم اخلفني خيرا في مصيبتي

[.:: القيصر ::.]

السلام عليكم


صباح الخير


يه حركات صاير جهنم السوق :playball:

[Hanan]

تصحيح كلمة انهيار توتر :yu:

[بوثاني الريان]

ايها الاخوة والاخوات الافاضل المحترمين

متخافووووووووووووووووووووووش


والسلام عليكم ورحمه الله وبركاته

[حمود30]

الحمدلله على كل شي...الفلوس طارت وضاع تعبها معها...حسبي الله ونعم الوكيل...درس للعمر ولعيالنا البورصة مقبرة الفلوس.

[roma27]

السلام عليكم ورحمه الله وبركاته

[roma27]

السوق الان فرصه الوضع مستقر في قطر والله اعلم

[بو درين]

والله انا قاعد اشتري يعني الفرصة الحين قد تكون جيدة جدا ...خربانه خربانه خخخخخخ

[بوخميس]

اجارة لمت داون

ليش طيب؟

[بوخميس]

ايها الاخوة والاخوات الافاضل المحترمين

متخافووووووووووووووووووووووش


والسلام عليكم ورحمه الله وبركاته

ما نخاف من ايش بو ثاني؟

بيرتفع السوق؟

كم بيرتفع؟ 2 - 5 - 10%

ما راح يعوض خساير أقل متضرر من البورصة

[نغنوغة1]

اجارة لمت داون

ليش طيب؟

لانه سهم خايس

[Mmt]

وبكره بيطلع لنا المنصوري وبيقول الف شركه فاتح حساب تبي تدخل البورصه لان بورصتنا قويه


ابر بنج يعطونها للمواطن

[فاهد العذبة]

اقل شي ارتفاع اسبوع عشان يرجع لاسعاره السابقة

[Mmt]

لازم تكون اخبار ايجابيه من اداره السوق السماح للشركات انها تشتري باسمهمها
اتوقع هذا الشي مب موجود عندنا

السماح للتملك اكثر من 20 %

بنظري دمج بعض الشركات وتنويع مصدر دخلهم وتقليل التكاليف

الشرركات الي تنزل البورصه تكون قويه مب مثل اسثمار خربت سمعه اي اكتتاب جاي


ممكن اكون صح وممكن اكون خطاء لكن شخص مقهور ويتكلم

[لـبـيـه]

بنك قطر الوطني لازم يسوي ميزانيه بسيطه لليوم على الأقل

[بو درين]

صبرنا الكثير ومش باقي غير القليل ان شاء الله... لانه كلنا نعرف انه الهبوط ماله داعي.. ان شاء الله الارتداد قادم

[H H]

الحمدلله على كل حال

[adell]

المشكله في النزول بتنزل الاسهم الصغيره بقوه وفي الارتفاع ما بترتفع غير درهمين وال بيرتفع الاسهم الكبيره

[H H]

صبرنا الكثير ومش باقي غير القليل ان شاء الله... لانه كلنا نعرف انه الهبوط ماله داعي.. ان شاء الله الارتداد قادم

اذا تسمحلي اخي الكريم, يمكن الهبوط له داعي وفي امور قادمه فالطريق.
يمكن تبدا حرب بين بعض دول الخليج مع اسرائيل ضد حزب الله.
يمكن الداو جونز على وشك الانهيار مثل مانسمع كل يوم من المحللين الاجانب.
وغيرها وغيرها من الاسباب.

الله يزيّنها من عنده بس

[جبر ال جبر]

وين الملايين الشعب العربي وين ،،،، ماعرف ليش يوم شفت السوق اليوم طرت علي هالاغنيه،،، محظوظ من يملك الكاش اليوم

[جبر ال جبر]

صبرنا الكثير ومش باقي غير القليل ان شاء الله... لانه كلنا نعرف انه الهبوط ماله داعي.. ان شاء الله الارتداد قادم

وضح شلون مابقى الا قليل على ايش بضبط!!

[مكنتوش]

المشكله في النزول بتنزل الاسهم الصغيره بقوه وفي الارتفاع ما بترتفع غير درهمين وال بيرتفع الاسهم الكبيره


وسهمين يتنافسون بالنزول مع بعض
شي منرفز بصراحة نزول يومي
اللي يبيع لي متى !!
لاحول ولاقوة الا بالله

[zego]

أتوقع البياع اليوم هم المحافظ القطرية
تعودنا منهم هالشي

[لـبـيـه]

الي جالس يبيع خسران خسران مافي واحد ربحان يبيع اليوم او امس فليش تبيع سؤال محيرني

لاتقول عشان ماينزل زياده واطلع باقل الخساير

[نغنوغة1]

2000 سهم بالرعاية ينزلونه 5 ريال !!!!

[.:: القيصر ::.]

الوطني المفروض يصير احمر

[zego]

الناس خايفه من ازمة سياسية قادمة فالمنطقة .. حرب لا سمح الله

[بوخميس]

السوق الكويتي نازل حول 4.5%

[بوخميس]

بروة 28؟

والله حرام

[H H]

الي يتكلم عن ان السوق فرصه, اعتقد اغلب الي هنا عدّلوا متوسطاتهم لين مافقدوا القدره على التعديل مهما كان السوق مغري

[.:: القيصر ::.]

الي يتكلم عن ان السوق فرصه, اعتقد اغلب الي هنا عدّلوا متوسطاتهم لين مافقدوا القدره على التعديل مهما كان السوق مغري

:app2:

والكاش الباقي ابشرك خذت لي فيه موتر ابرك

بدال ما تروح كلها في البورصة

[الاسطوره]

:app2:

والكاش الباقي ابشرك خذت لي فيه موتر ابرك

بدال ما تروح كلها في البورصة

قايل لك من قبل خذلك بانتايقا فيرست اديشن مارضيت كيفك

[بوجبر]

الكسباااااان الحقيقي هو اللي محتفظ بالفلوووووس

[.:: القيصر ::.]

قايل لك من قبل خذلك بانتايقا فيرست اديشن مارضيت كيفك

طلعت الــ amg gtr

والله يبارك لنا فيها ان شاء الله

اما فودافون و اعمال متكي معاهم يا انا يا هم

[لـبـيـه]

البيع واضح انه من افراد مش محافظ وهذا الي مصبرني لين الحين واحس اذا طلع السوق محد بيلحقه

[adell]

الظاهر صانع فودا عصب وحيبدا يرفع السهم

[بوخميس]

الظاهر صانع فودا عصب وحيبدا يرفع السهم

فودا مالها صانع

عصب بعد ما نزل السهم 6% بمليونين ؟

[adell]

الظاهر كلو عصب والسوق حيرتد

[لـبـيـه]

جات الفزعه جات

[لـبـيـه]

ارتد السوق تقريبا 100 نقطه

الله يزيده

[لـبـيـه]

ياسلام لو يلقب اخضر فعلا بيعطي امل

[Hanan]

تفاؤل

[.:: القيصر ::.]

الحمدلله دخل المقاول

[ashraf2014]

السوق رد كتير خلال 10 دقائق

[zego]

تم تعديل المتوسط في اعمال
يالله سترك !

[ashraf2014]

المصرف ماشاء الله من يمتلك فيه كأنه كاش

[.:: القيصر ::.]

اللي ماسك الوطني اتوقع محفظة فيها احتياطي حق 5 سنين قدام

ما شاء الله

[الوعب]

ما في فايده .. اليوم شرينا وقود,أستثمار, ألاول باقل الاسعار وبعد نزل

[zego]

اللي ماسك الوطني اتوقع محفظة فيها احتياطي حق 5 سنين قدام

ما شاء الله

سهم متوحشششششششش

[.:: القيصر ::.]

سهم متوحشششششششش

والله العظيم لو مب ربوي كان خليت كل حلالي فيه

[zego]

وقود وصل 83 !!!!!

[brent]

السلام عليكم

[zego]

والله العظيم لو مب ربوي كان خليت كل حلالي فيه

اي والله انه سهم محترم

[.:: القيصر ::.]

عليكم السلام لكل من دخل

[.:: القيصر ::.]

اي والله انه سهم محترم

بس بنشوف حرب ال س.س عليه الحين

[zego]

ما في فايده .. اليوم شرينا وقود,أستثمار, ألاول باقل الاسعار وبعد نزل

اخوي اذا مقتنع بسعر الدخول انتظر وعط الاسهم فرصة

من شبه المستحيل انك تصيد قاع السهم بالظبط

هي مناطق مستهدفة فالنزول والصعود تحاول تصيدها

موفق

[brent]

***************




المدروس: المؤشر العام القطري
4 نوفمبر2017
==================
موجة القرم - بورصة سوق قطر - ََQatar Exchange
قراءة ومتابعة لمسارات المؤشرات العامة
وبعض الأسهم ونقاشات تحليل فنية وحسابية
==================
السلام عليكم ورحمة الله ,,
مالعمل لو صار هبطة قوية جدا وانهار السوق

فنيا السوق في مناطق مضاعفة من الدعم والترهل النفسي والسعري مع شبه انعدام لاي محفز,, هذا
و الله اعلم لن يساعد السوق في النزول اكثر ولو نزل وصار هبطة قوية او سقطة ,, او قد نسمع انهيارات و و و
,,, فاعلموا انها النهاية للهبوط ,, بإذن الله ,,وانها الفرص اللي تصنع في الازمات الحمد لله امامنا حسابات وموجات وارقام وعداد سيولة ,,
وشركات مساهمة وبنوك تعمل فلوس وتدخل ارباح وبتوزع ,, الشطارة في قنص افضل الاسهم بافضل
الاسعار ,, وفوقها ارباح ,, وموجات صاعده إن شاء الله قادمة

ما دام بإذن الله وفضله الأصول موجودة والمؤسسة السياسية والحمد لله موجودة
والبلد آمنة و لله الحمد فلا نستميت من تذبذبات الأسواق كل هابط وراه صاعد وكل صاعد وراه هابط وكل مطرود ملحوق

=======================
( أَلَا إِلَى اللَّهِ تَصِيرُ الْأُمُورُ)
و الله عز وجل أعلم
************************
هذة قرائتي الشخصية وبناء عالمعطيات اللتي لدي أعلاه,, أمام الجميع,
إن أصبت فالحمد لله ,, وإن أخطأت فمن نفسي والشيطان - وجهة نظر ,,
قابلة للصواب والخطاء ولا كامل غير الله عز سلطانه وجل جلاله

[brent]

*********************



المدروس: المؤشر العام القطري
4 نوفمبر2017
==================
موجة القرم - بورصة سوق قطر - Qatar Exchange
قراءة ومتابعة لمسارات المؤشرات العامة
وبعض الأسهم ونقاشات تحليل فنية وحسابية
==================
السلام عليكم ورحمة الله ,,
ما الجديد في وضع السوق فنيا ؟

طبعا باختصر دون عرض ولا رسم ولا حسابات ولا تحليل فني ,, باختصار:
1. السوق اشوفه جاهز يبداء بتدرج الى الاعلى ,, و الله اعلم
2. فيه احتمال هبطة ,, سموها سقطة مفاجئة ,, وسريعه وغير مبرره بتسوي
صدمه للجميع ,, هذة السقطة ,, وان حصلت فايضا هي صناعة فرصة في ازمة
بعدها ايضا بإذن الله يرتد الى فوق

يعني في تصوري وتوقعي و الله اعلم السوق طالع طالع إن شاء الله

=======================
( أَلَا إِلَى اللَّهِ تَصِيرُ الْأُمُورُ)
و الله عز وجل أعلم
************************
هذة قرائتي الشخصية وبناء عالمعطيات اللتي لدي أعلاه,, أمام الجميع,
إن أصبت فالحمد لله ,, وإن أخطأت فمن نفسي والشيطان - وجهة نظر ,,
قابلة للصواب والخطاء ولا كامل غير الله عز سلطانه وجل جلاله

[.:: القيصر ::.]

اعمال فرصة

[ashraf2014]

الخسران بيزيد خسائرة بالشراء لتعديل السعر

[Mmt]

اعمال فرصة

دام انا وانت فيها مانصح حد ياخذ فيها

[Mmt]

الاسهم مثل الدرج وقت النزول عادي تنزل فلت لكن اذا بترتفع اطلع روحك

[zego]

اعمال فرصة

عن نفسي دخلت 6.45 عدلت المتوسط
مش دعوه للشراء وكلن حر بحلاله

[.:: القيصر ::.]

دام انا وانت فيها مانصح حد ياخذ فيها

اذا طلع mmt

من اعمال اعتبروها فرصة

هههههههههههه

[QtrGate]

دخلت اعمال
وانتظر المتحدة ابيها تنزل شوي بعد:tooth:

[.:: القيصر ::.]

عن نفسي دخلت 6.45 عدلت المتوسط
مش دعوه للشراء وكلن حر بحلاله

بالتوفيق اشوف سعره ذهب

[zego]

بالتوفيق اشوف سعره ذهب

امين وياك يالقيصر

[ashraf2014]

عن نفسي دخلت 6.45 عدلت المتوسط
مش دعوه للشراء وكلن حر بحلاله

هل أعمال سهم ربوي ام به تطهير ام حلال

[ashraf2014]

النزول 108 نقطه غير معبرة نهائيا عن النزول الحقيقي لأغلب الاسهم
108 نقطة خادعة

[zego]

هل أعمال سهم ربوي ام به تطهير ام حلال

مختلط
عليه تطهير

[zego]

النزول 108 نقطه غير معبرة نهائيا عن النزول الحقيقي لأغلب الاسهم
108 نقطة خادعة

اخوي اشرف المؤشر قد يكون في قيعان
للعلم حقق هدف مهم من اهداف النزول اليوم

[بوخميس]

سوقنا قلّص

الكويتي قلص حول 2%

السعودي زاد في خسايره لحد الآن

[الباشا1]

لازم يرتد لازم لازم هذا اقل قاع بتاريخ البورصة والسهم قيمتة الدفترية فوق ال10 ريال ما يصير هذا التلاعب
واستثمار نفس الحالة مكتتبين 10 ريال من فترة قصيرة واليوم 50%‏ خسارة

معنى هذا الكلام انه مسدد قيمته بالكامل صح ولا انا غلطان

[السامر الأسود™]

السلام عليكم ورحمة الله


صباح الخير.


البارحة ماقدرت اكمل التحليل في قسم التحليل ... واليوم... نفتتح اهم جلسة في الموجة...



هذة الجلسة و الله اعلم هي جلسة الفصل في الموجة المتوقعة القرم.


ذكرت في تحليل السبت ان السوق جاهز بإذن الله للإنطلاق. وذكرت ايضا ان هناك هبطة ذكرت انها مفاجئة وغير مبررة وبتسبب احباط .. وان هذة السقطة بتصير في نطاق الموجة بآذن الله..

وصل السوق امس لنطاق القاع مرة اخرى



المؤشر العام في نطاق انطلاق. بين ثبات وصعود. او تذبذب وصعود


و الله اعلم

اسال الله التوفيق والسداد

اغلاق ,,, جيد جدا والحمد لله ,,, على كل حال ,, اغلاق في مضمون المتوقع,,

مع سقطة قوية الحقيقة مؤلمة برغم انها عادلة ,,,, ولكن العبرة بالاغلاق

جمل الله حال من طاب ,,, والحمد لله وحده