التحديث اليديد

[ورد الدوحه]

السلام عليكم ورحمة الله وبركاته

حبيت احذركم من التحديث الاخير للآيفون
حدثت جوالي وانطفت الشاشه ولا اشتغل
وديته المحل قال لي وايد ناس جايين نفس المشكله
وخليه 3 ساعات وبيشتغل
اشتغل شويه وسكر مرة ثانيه وخلااااص ولاعاد اشتغل
:anger3:

[الحياة الخالدة]

وعليكم السلام ورحمة الله وبركاته
شكراً على التنبيه
المشكلة كل يوم والثاني طالعين لنا بتحديث

[وسمي2016]

أنا الحمد لله ,,,,كلمن طلع لي أسكر بوجهه ولا أحدث

ههههههههه وماشي معاي مضبوط,,,,,أخاف اطقه عين ويطفي,,omen,,,,,

هههههههههههههه

[لبيبة]

وعليكم السلام ورحمة الله وبركاته،

وشو نوع الايفون؟ عندي ايفون 7 بلاس

[يوسف0]

جربي هذي الطرق

https://appletoolbox.com/2016/01/iphone4s-black-screen-after-update-fix/

[نفسي عزيزه]

يعني ماحدث ايفوني ؟ 7
و8 بلس

:unsure:

[بوNasser]

يعني ماحدث ايفوني ؟ 7
و8 بلس

:unsure:

انا عندي 8 بلس ونزلت عليه آخر تحديث ( ios 11.1 ) بدون اي مشاكل ولله الحمد

[مشلاقي]

انا عندي ايفون 7 وايفون 5 وحدثت الاثنين ومافي مشاكل

[النهار]

يعني ماحدث ايفوني ؟ 7
و8 بلس

:unsure:

خلاص عرفنا ان عند 7 و8 بلس ههههههههههههه

[لبيبة]

على فكرة سؤالي كان لمعرفة اي جهاز تصير عليه المشكلة،

اعرف وحدة عندها ايفون 6 وصارت لها نفس المشكلة.

[بوخالد911]

للحين ما حدثت
جاني أكثر من مقطع يحذر منه.

[معماري قطري]

خلاص عرفنا ان عند 7 و8 بلس ههههههههههههه

النهار انا 4 تشتري

[السيف5]

الله يكرهه من تحديث عفس لي تلفونين بالبيت

ماعاد ينفعون بشي فقط للاتصال والواتسب صار يعلق
وباقي البرامج لاتفتح نهائيا

[بوخالد911]

لازم شركة أبل تتدارك هالخطأ.
وتنزل إصدار جديد.

بس لا يعفسنا بعد.
:)

[7llo]

اجهزتي الاثنين ال 6 بلس وال 7 تحديثهم 10.3 ماحدث على الجديد لاني كل ماينزلون تحديث احدث والجهاز يعلق ويلوع جبدي قلت مابحدث لين ينزلون اصدار يكون اوكي

[Abdulraman]

حتى انا سويت تحديث للنوكيا بوليت ومااشتغل :)

[ورد الدوحه]

نوع جوالي ايفون 7 أحمر
خلاص اخترب حرام توني شاريته من شهرين ألحين كلمني صاحب المحل قال تعالي اخذيه ماينفع
حسبي الله على شركة الايفون مع تحديثاتهم:weeping::weeping::weeping::weeping:

[ضوى]

كلمي الشركة الام اكيد فيه تعويضات أو حتى استبدال ، هذي شركة عالمية مب شركة جمبزة وعيارة من اللي خابرينهم :nono:

[ورد الدوحه]

كلمي الشركة الام اكيد فيه تعويضات أو حتى استبدال ، هذي شركة عالمية مب شركة جمبزة وعيارة من اللي خابرينهم :nono:

ماعرف اتفاهم معاهم بالانجليزي :nop::nop:

[ضوى]

الله يخلي ترجمة جوجل حطي اللي تبينه بالعربي وبيترجمه لج وغردي وعموما هم مايهمم اللغة بيرفكت المهم توصل المعلومة خاصة انه التحديث الجديد الاغلبية اشتكوا منه وتلفونج جديد والمفروض انه بالضمان اشرحي الموضوع لهم وحقج بيوصلج عن تجربة

[ورد الدوحه]

الله يخلي ترجمة جوجل حطي اللي تبينه بالعربي وبيترجمه لج وغردي وعموما هم مايهمم اللغة بيرفكت المهم توصل المعلومة خاصة انه التحديث الجديد الاغلبية اشتكوا منه وتلفونج جديد والمفروض انه بالضمان اشرحي الموضوع لهم وحقج بيوصلج عن تجربة

جزاج الله خير

[عثرة جواد]

سوي سفت وير وفكي عمرج ولوعندج الضمان ستيرلنج بيسويه او يعطيج بديل

[العقل المدمر]

بعد سنين من ارتباطي بالايفون قررت اودعهم واحول عالاندرويد
التحديثات الاخيرة للايفون مستفزة غير فتحة السماعة اللي شالوها غير ان مميزات الايفون الجديد تحتاج خساير وايد عشان استفيد منها
والتحديثات تخلي الجوالات القديمة تعلق عشان نضطر نشتري الجديد ومن زين جديدهم عاد

[م. عبدالعزيز]

اليوم قمت الصبح وتفاجات بالجوال، مب راضي يفتح ويظهر لي شعار Apple فقط. وديته محل بالغرافة قالي هذا بسبب التحديث الجديد، وسوالي اعادة تحديث للاصدار السابق.

[ورد الدوحه]

سوي سفت وير وفكي عمرج ولوعندج الضمان ستيرلنج بيسويه او يعطيج بديل

والله المحل سوالي سوفت وير أمس
بس قال لازم ايميلي القديم وانا ماعرفه قال خلاص مايستوي
حتى ايميل جديد مايصير

[السيف5]

يعني مافي أمل يجي تحديث وترجع تلفوناتهم لسابق عهدها وتتعدل

[bohilal191]

نزل تحديث جديد والظاهر حل للمشكلة القائمة

[لقمان]

وين شركة apple عن هذا المشاكل هى المسؤلة الاول عن هذا التحديث

[مضارب دوسري]

على فكرة سؤالي كان لمعرفة اي جهاز تصير عليه المشكلة،

اعرف وحدة عندها ايفون 6 وصارت لها نفس المشكلة.

هالكلام يخرعني عندي ايفون 6 هههههه

[بوخالد911]

من يومين
طلع تحديث آخر
11.1.1

وبنفسي حدثت
ولله الحمد بدون مشاكل.
:)

[الســـهم]

الله يعزك يالاندرويد ويعز سامسونج ..

فعلا جهاز سمارت بمعنى الكلمة، والدليل للحين فيه ناس يستخدمون جالاكسي s3 ..

شركة تحترم عملائها ومستخدمي اجهزتها، وخلوا الكشخة والرزة والسيكيورتي الغبي حق الايفون ..

[ضوى]

بصراحة حدثت وماصارت لي مشكلة
ورجاءً لا تقولون عن الايفون غبي ترا ازعل واعصب وعقب مدري شبيصير :whistling:

[QATAR-2006]

للأسف الكلام صحيح حدثت ايفوني ظ¦ بلس وامس فصل الجهاز وماعدا يشتغل ويظهر لي شعار أبل

[ورد الدوحه]

للأسف الكلام صحيح حدثت ايفوني ظ¦ بلس وامس فصل الجهاز وماعدا يشتغل ويظهر لي شعار أبل

ايه هذا حالتي بس شعار أبل وعندي أمل انه يتصلح:wizard:

[يمامـة]

عندي جالكسي اس 8 مكسورة شاشته عارضته للبيع ..تراه عجيب ما يعلق مع الابديت ولا فيه مشاكل
فيه ميزة الفل سكرين ومن غير زر.. يعني ما يبي لكم تشترون الايفون اكس ب 5000 ريال http://www.pic4ever.com/images/minzdr.gif

و عندي جالكسي اس 6 ايدج
معروف انه سابق عصره من إصدارات عام 2015 و بالفعل تراه للحين سابق الايفون فيه ميزة متعدد النوافذ http://www.pic4ever.com/images/2gwb921.gif

البيع لأعلى سعر و
العرض للجادين فقط http://www.pic4ever.com/images/chase.gif

[بومحمد المطاوعه]

صح كلامج التحديث اليديد محذرين منه
انا سويته وعقبها بيومين سكر جوالي ولا يشتغل
بس يولع الليت وعلامه الأبل

وديت الجوال المحل رجع لي التحديث القديم

[نفسي عزيزه]

خلاص عرفنا ان عند 7 و8 بلس ههههههههههههه

وهولكس نسيته يالنهار ؟ :shy:

[السيف5]

صح كلامج التحديث اليديد محذرين منه
انا سويته وعقبها بيومين سكر جوالي ولا يشتغل
بس يولع الليت وعلامه الأبل

وديت الجوال المحل رجع لي التحديث القديم

تكفى يابومحمد وين اسم المحل
بودي تلفون عندي صابته نفس العدوى

[QATAR-2006]

اخوي بخصوص الصور والارقام والمسجات بقو ولا انحذفو من التلفون

[بومحمد المطاوعه]

تكفى يابومحمد وين اسم المحل
بودي تلفون عندي صابته نفس العدوى

افا عليييك
لاتقول تكفى يالشيخ

المحل طال عمرك ف الخريطيات
قطر لاين اسمه جنب كنتاكي

50 ريال الابديت:happy:

[بومحمد المطاوعه]

اخوي بخصوص الصور والارقام والمسجات بقو ولا انحذفو من التلفون

كل شي رجع مافي شي انمسح من تلفوني

[بوخالد911]

أمس جوالي الرئيسي تعطل من الأبديت الجديد.
واليوم جوالي الثاني بعد اخترب.

وديته محل بمجمع ميغا مارت
وصلحوه
كل جهاز ب50 ريال.

[الحياة الخالدة]

أنا جهازي سوا الأبديت من نفسه .. حتى ما شاورني ههههههه
الله يستر

[فريج النجادة]

أنا جهازي سوا الأبديت من نفسه .. حتى ما شاورني ههههههه
الله يستر

انا بعد جوالي قالي احدث

قلت له معصي

ولا عطية بال

هل احدث او انتظر ؟

[الحياة الخالدة]

انا بعد جوالي قالي احدث

قلت له معصي

ولا عطية بال

هل احدث او انتظر ؟
انا ما عطاني فرصة أقول له معصي .. نفذ اللي براسه

بس اللي اشوفه من الردود انك تنتظر احسن

[بومحمد المطاوعه]

أنا جهازي سوا الأبديت من نفسه .. حتى ما شاورني ههههههه
الله يستر

هههههههههه

انا اليوم الفجر جوال ام العيال صاده نفس الشي
قلت عقب الدوام بسوي لج فالبيت

سهل بس تشبكين الجوال وتفتحين برنامج الابل ستور والامور طيبه

[بووليد11]

خلو منكم المحلات بلا مشاوير بلا هم ودفع فلوس ولو ان المبلغ رمزي .. المطلوب لابتوب وبرنامج أيتونز وواير الشحن .. وادخلوا اليوتيوب وطبقوا الطريقة ..

3 مرات مودي تلفوني ستارلنك وكل مره يعلق لين يئست منهم حاليا منزل اصدار قديم ios 10 مافي مشاكل لكن البطارية بسرعة تخلص وقت الاستخدام.

شركة آبل مستواها كل ماله فالنازل.

[ورد الدوحه]

عيل أنا لين الحين جوالي صامد ولا فتح من عقب السوفت وير انمسح كل شي ومطلوب اني احط الايميل عشان يشتغل
وطبعاً ماعرفه ولا أعرف الباسوورد

كلمت شركة الابل
قالوا لي بيحلون مشكلتي وأسوي ايميل جديد وأطرش لهم فاتورة شراء الجوال
وبيرسلون ايميل حق شركة أبل اللي في أمريكا وبعد يومين بيردون علي بالموافقة
وهذاني أنتظر الرد

[بومحمد المطاوعه]

عيل أنا لين الحين جوالي صامد ولا فتح من عقب السوفت وير انمسح كل شي ومطلوب اني احط الايميل عشان يشتغل
وطبعاً ماعرفه ولا أعرف الباسوورد

كلمت شركة الابل
قالوا لي بيحلون مشكلتي وأسوي ايميل جديد وأطرش لهم فاتورة شراء الجوال
وبيرسلون ايميل حق شركة أبل اللي في أمريكا وبعد يومين بيردون علي بالموافقة
وهذاني أنتظر الرد

وااال
سالفتج سالفه
بدالج اشتري واحد جديد ابرك :sorry:

[ورد الدوحه]

وااال
سالفتج سالفه
بدالج اشتري واحد جديد ابرك :sorry:

لالالااااا
ليش الخساير والتبذير
والله ايديد مافيه ولاشمخ

المهم
طرشوا لي ايميل بالموافقة واشتغل الجوال الحمدلله
:eek2::eek2:

[بومحمد المطاوعه]

لالالااااا
ليش الخساير والتبذير
والله ايديد مافيه ولاشمخ

المهم
طرشوا لي ايميل بالموافقة واشتغل الجوال الحمدلله
:eek2::eek2:

والله زين
انا ثاني مره يسكر علي وسويت له ابديت فالبيت

شكلي بشتري x

طرشي لي واحد استاهل هههههه

[ورد الدوحه]

والله زين
انا ثاني مره يسكر علي وسويت له ابديت فالبيت

شكلي بشتري x

طرشي لي واحد استاهل هههههه

وش فيه من الزود جوال اكس حاله من حال الايفونات
خاطرك فيه ؟! انته اشتر لك يالقحي :secret:

[ضوى]

لالالااااا
ليش الخساير والتبذير
والله ايديد مافيه ولاشمخ

المهم
طرشوا لي ايميل بالموافقة واشتغل الجوال الحمدلله
:eek2::eek2:

شفتي تعاملهم وايد حلو ، احترمهم جدا واحترم تعاملهم مع الزبون ، والاحلى تسوين شغلج بنفسج وتتعلمين

[بومحمد المطاوعه]

وش فيه من الزود جوال اكس حاله من حال الايفونات
خاطرك فيه ؟! انته اشتر لك يالقحي :secret:

ههههههههههه
زيادة الخير خيرين
شريت لي واحد ابي الثاني بعد
بس فرق عن القديم بوايد اشياء
سريع وجوال يديد وكيمرته زينه
وتحسين ان الجوال زين يعني
وبس :eek2:

[ورد الدوحه]

شفتي تعاملهم وايد حلو ، احترمهم جدا واحترم تعاملهم مع الزبون ، والاحلى تسوين شغلج بنفسج وتتعلمين

اي والله ماشاء الله عليهم وااايد استغربت
واذا انقطع الخط يتصلون ويعتذرون ويكملون
وقال جيبي لاب توب وسوي ايميل باعلمج خطوة خطوة والله يمكن تم معاي أكثر من ساعتين يشرح
وطبعاً المكالمة مجانية :yes2:

[ورد الدوحه]

ههههههههههه
زيادة الخير خيرين
شريت لي واحد ابي الثاني بعد
بس فرق عن القديم بوايد اشياء
سريع وجوال يديد وكيمرته زينه
وتحسين ان الجوال زين يعني
وبس :eek2:
هههههههههههه

[ورد الدوحه]

وفي هذه المناسبه أحب أشكر كل من ساعدني في المنتدى على العام والخاص :vampire:

[الحياة الخالدة]

كم سعر الايفون x ؟؟

[ورد الدوحه]

كم سعر الايفون x ؟؟

انا قال لي بيسوي لي تخفيض بيصير 5300 ريال

[بومحمد المطاوعه]

كم سعر الايفون x ؟؟

فالمحلات
256
5600

انا خذته من الصالون الأزرق 4900
بس مافي حاليا

[الحياة الخالدة]

جزاكم الله خير
والله غالي
خلاص بننتظر لين يرخص

[لبيبة]

اي والله ماشاء الله عليهم وااايد استغربت
واذا انقطع الخط يتصلون ويعتذرون ويكملون
وقال جيبي لاب توب وسوي ايميل باعلمج خطوة خطوة والله يمكن تم معاي أكثر من ساعتين يشرح
وطبعاً المكالمة مجانية :yes2:


بالمبارك العودة الحميدة للحياة لايفونج،

ممكن تعلميني رقم ابل اللي مكالمته مجانية؟

[بوخالد911]

كم سعر الايفون x ؟؟

مجمع ميغا مارت
ب 5950

توووو متش.

[بوخالد911]

من موقع
Ebay
تحصلونه على
1430$
1450$

والوصول خلال 3 أسابيع.

[ورد الدوحه]

مجمع ميغا مارت
ب 5950

توووو متش.

ماحب هالمحل اللي في الميغا حرامي والله
سوني اليهال امدخلين في شريطين بالغلط وطرشت السايق المحل قلت ود السوني خل يعدله
يوم رجع قال بميتين ريال

قلت ليش
يوم راح زوجي له قال خلاص بخمسين ريال

أبي أكلم احد عن هالمحل شلون؟؟؟؟ وين قسم الشكاوي وايد يتلاعب بالاسعار
حتى الكفرات ايقص على عيالي يعطيهم بميه والاماكن الثانيه ب30 ريال

[بوخالد911]

ماحب هالمحل اللي في الميغا حرامي والله
سوني اليهال امدخلين في شريطين بالغلط وطرشت السايق المحل قلت ود السوني خل يعدله
يوم رجع قال بميتين ريال

قلت ليش
يوم راح زوجي له قال خلاص بخمسين ريال

أبي أكلم احد عن هالمحل شلون؟؟؟؟ وين قسم الشكاوي وايد يتلاعب بالاسعار
حتى الكفرات ايقص على عيالي يعطيهم بميه والاماكن الثانيه ب30 ريال

حماية المستهلك
44945500
8005000


16001

http://www.mec.gov.qa/ar/services/consumer-corner/Pages/%D9%83%D9%8A%D9%81-%D8%AA%D8%AA%D9%82%D8%AF%D9%85-%D8%A8%D8%B4%D9%83%D9%88%D9%89.aspx

[ورد الدوحه]

حماية المستهلك
44945500
8005000


16001

http://www.mec.gov.qa/ar/services/consumer-corner/Pages/%D9%83%D9%8A%D9%81-%D8%AA%D8%AA%D9%82%D8%AF%D9%85-%D8%A8%D8%B4%D9%83%D9%88%D9%89.aspx


باجربه في شي اليوم وباعطيه فرصة أخيره قبل ماكلم حماية المستهلك

وجزاك الله خير يا بوخالد ولد الفريج:app2:

[ya3coub]

التحديث صار و انمسح تداركوه ابل.

و إلى الآن مو اي تحديث يوصل علطول يتم التحخديث اةل اقرو عن شنو و عطوه اسبوع عالأقل منها ينزل التحديث اسرع و منها اذا في شي يبين و ما تكون كبش غلطه و يروح عليك كلشي فالتلفون او حتى بعض السويعات منذ اخر تحديث

[ورد الدوحه]

انا جوالي شكله يتحدث تلقائياً
فيه خاصية نخليه مايطلع لنا تحديث؟

[نفسي عزيزه]

مش ممكن

[ya3coub]

فالمحلات
256
5600

انا خذته من الصالون الأزرق 4900
بس مافي حاليا

ارخص من اوريدو 4999

شكلي بمرهم الي عندي طارو و توهقت طلبت 2 من اليابان و اوصلو و واحد من الربع طير واحد و خالتي خذت الثاني و تميت انا صفر اليدين

[ورد الدوحه]

مش ممكن

:no:
:no2:

[بومحمد المطاوعه]

ارخص من اوريدو 4999

شكلي بمرهم الي عندي طارو و توهقت طلبت 2 من اليابان و اوصلو و واحد من الربع طير واحد و خالتي خذت الثاني و تميت انا صفر اليدين


هههههههه

يستاهلوون

اذا حصلت فالصالون قولي بعد ولاتهون

لان مب موجود حاليا

[وحيد-الشوق]

الايفون صار من اسوء التلفونات ان شاء الله مصيرهم يصير مثل نوكيا التحديثات الاخيرة خايسه والتلفون كله تعليق حتى التصوير صاير مب واضح بس عشان تاخذ تلفون جديد استغلال واضح وجشع

[ورد الدوحه]

الايفون صار من اسوء التلفونات ان شاء الله مصيرهم يصير مثل نوكيا التحديثات الاخيرة خايسه والتلفون كله تعليق حتى التصوير صاير مب واضح بس عشان تاخذ تلفون جديد استغلال واضح وجشع

ايه والله

[bohilal191]

اللي عنده ايفون 6 أكيد حس بالتهنيق اللي صاير وهذا يعني لازم تغير جوالك وانا شريت لي 8 بلس لأن القديم 6اس وكل شي اسويه بنفسي والله يخلي اليوتيوب ،،ومن كثر ما أنا مهتم في الايفون واعرف اسوي كل شي فيه الأيكلود مب مشغله ولا فكرت أشغله مادري ليش