استفسار يالربع

[َQernas_Qtr]

السلام عليكم

يالربع مابي أطول عليكم ’’ عندي استفسار بخصوص الجكسار وارد البريمي اصفار تنصحوني اخذه ؟ للعلم الموتر يفرق عن وارد الدوحه حول 20 الف

سؤالي وارد البريمي يفرق وايد عن وارد قطر ؟ وشنو الفرق بينهم ,, انا والله ما عندي خبره بهالسوالف

وشكرا

[Rider]

ياخوي لا تاخذه الموتر من غير الضمان علشان كذا يفرق عن قطر وايضا المواصفات تختلف يعني لو تأخذ الموتر ويطلع فيه شي ماحد بينفعك المعارض بيقولون ضمان التيسر ولا بيطلعون لك ضمان من عندهم طبعا هذا الضمان مجرد تغير زيت وفلتر لكن لو صار شي في المكينة ولا القير الله يعوض عليك

[َQernas_Qtr]

ياخوي لا تاخذه الموتر من غير الضمان علشان كذا يفرق عن قطر وايضا المواصفات تختلف يعني لو تأخذ الموتر ويطلع فيه شي ماحد بينفعك المعارض بيقولون ضمان التيسر ولا بيطلعون لك ضمان من عندهم طبعا هذا الضمان مجرد تغير زيت وفلتر لكن لو صار شي في المكينة ولا القير الله يعوض عليك

جزاك الله خير اخوي Rider وبيض الله وجهك

[ابو عبدالله.]

الضمان المدد او عبر شركات التآمين للسيارات المنتهي ضمانها الاصلي او بدون ضمان سابق يغطي معضم اجزاء السياره الا القطع الي فيها ربلات او بلاستيك

وهذا نفعني في نيسان 2012 وهالدفعه فيها عيوب صبغ وامور اخرى
بعد انتهاء الضمان الاصلي. نفعني ضمان التآمين في امور كثيره
المرايا الجانبيه الثنتين تبدلوا
الجانبينات تبدلوا
زر التشغيل للمحرك و تنظيف البخاخات
كله بالضمان الممدد عبز التآمين

صبغ السقف و البانه و الباب الخلفي والسقف صبغ مره ثانيه بضمان المصنع و الصبغ ضمانه خمس سنوات حتى لو السياره مشت مليون كم. وهالمعلومه قليل الي يعرفونها

هذا توضيح عن الضمان يمكن يساعدك في قرارك بشراء وارد البريمي او شراء الموتر من الوكاله.

انا دفعت ثلاثه ونص على الضمان الممدد لكن وفرت اكثر بوايد

[المخفي]

الضمان المدد او عبر شركات التآمين للسيارات المنتهي ضمانها الاصلي او بدون ضمان سابق يغطي معضم اجزاء السياره الا القطع الي فيها ربلات او بلاستيك

وهذا نفعني في نيسان 2012 وهالدفعه فيها عيوب صبغ وامور اخرى
بعد انتهاء الضمان الاصلي. نفعني ضمان التآمين في امور كثيره
المرايا الجانبيه الثنتين تبدلوا
الجانبينات تبدلوا
زر التشغيل للمحرك و تنظيف البخاخات
كله بالضمان الممدد عبز التآمين

صبغ السقف و البانه و الباب الخلفي والسقف صبغ مره ثانيه بضمان المصنع و الصبغ ضمانه خمس سنوات حتى لو السياره مشت مليون كم. وهالمعلومه قليل الي يعرفونها

هذا توضيح عن الضمان يمكن يساعدك في قرارك بشراء وارد البريمي او شراء الموتر من الوكاله.

انا دفعت ثلاثه ونص على الضمان الممدد لكن وفرت اكثر بوايد

نشكرك على الافادة


ممكن الشركة الي اشتركت فيها

[ابو عبدالله.]

ما اعرف اسمها حتى. انا اخذت الضمان الممدد من الوكاله هم سووا عرض الضمان الممدد و دفعت له ثلاثه ونص

اعتقد كل شركات التآمين تسوي ضمان للمواتر. المسؤول في ورشه النيسان قال لي مدد الضمان اكثر لانه بينتهي الان وما علمني اسم شركه معينه لكن قال شركات التآمين تسوي عادي

اتصل ب اوريدو و اخذ رقم شركتين او ثلاث و كلمهم و اكيد بيعلمونك عن عروضهم للضمان. المهم علمهم ان الموتر وارد البريمي وجيب لهم اوراق ان الموتر جديد عشان يعطونك سعر مقبول. اذا الموتر اقدم اعتقد يدفعون رسوم اعلى بحجه ان الموتر مخاطر تعطلع اكبر من الموتر الجديد

بالتوفيق اخوي

[َQernas_Qtr]

طيب يالربع الحين وارد لبريمي او الفطيم يفرق عن وارد قطر ؟! بغض النظر عن الضمان ,, الموتر نفسه يفرق ولا لا ؟!

غير لخطوط او الاكسسوارات لان سمعت انه وارد لبريمي قطعه غير عن وارد قطر واغلب القطع تكون تجارية مب اصلية

وجزاكم الله خير عالردود

[alftaan]

البريمي انا ماخذ واحد موديل 2014 ولافي شي نفس وارد الدوحة واحسن فيه ونش زيادة عنه لاخراب ولاهم يحزنون . وارخص نفس ماقلت بوايد . والراي لك .