كيف يتم التعامل مع هؤلاء الفضوليين ..

[حمد 2002]

السلام عليكم ورحمه الله وبركاته

كيف يتم التعامل مع هؤلاء الفضوليين ..

بعض البشر هدفهم بس يراقبونك ..

اول ماتحط شيء بالسناب شات هم اول ناس يجوفونك ..

ويراقبون متى آخر ضهور لك بالواتس اب ..

وبالانستغرام مايحطون لك لايك بس ايجوفون الفيديوهات الي تحطها ستوري ..


اتحصلهم يحاصرونك من جميع الجوانب بداعي الفضول او الحسد او اي شيء آخر ..

حتى بالمنتدى ايجوفونك شابك او لا اول مايدخلون


قديما كانوا بعض الجيران ايراقبون جيرانهم بالدرايش وبالطلعه والروحه من البيت ويرصدون تحركات كل الفريج هههه يمكن فيه ناس كذا للحين الله واعلم مممم بس الان مع وسائل التكنلوجيا تطورت وسائل الفضوليين ..


تحياتي .. :court:

[مستثمر رشيد]

معاك حق ..

تصدق اكتشفت ان في ناس تراقبني على الواتس اب .... واحد يقولك ليش سهران امس وواحد يقولك ليش نايم بدري

والود ودهم بعد يبون يعرفون وين مكانك الحين

سبحان الله

[aloosh]

لانك وضعت نفسك في هذا الموقف فلا تلوم الناس

[العقل المدمر]

اذا انا ماعطتهم حساباتي واصور حياتي مابجي اتشكى ان في حد يراقبني
دام عرضته يعني عادي الكل يشوفه ولو فيه شي خاص مابعرضه من الاساس

[SouthK]

رضا الناس غاية لا تدرك .. عن نفسي اللي يسأل ليش كنت سهران أو يحاول يعرف تحركاتي سواء في النت او غيره يجيه جواب ما يسره لأن الموضوع ما يخصه إلا اذا كان ذاك العزيز الغالي و هم قليل!

[nooora]

السلام عليكم ورحمه الله وبركاته

كيف يتم التعامل مع هؤلاء الفضوليين ..

بعض البشر هدفهم بس يراقبونك ..

اول ماتحط شيء بالسناب شات هم اول ناس يجوفونك ..

ويراقبون متى آخر ضهور لك بالواتس اب ..

وبالانستغرام مايحطون لك لايك بس ايجوفون الفيديوهات الي تحطها ستوري ..


اتحصلهم يحاصرونك من جميع الجوانب بداعي الفضول او الحسد او اي شيء آخر ..

حتى بالمنتدى ايجوفونك شابك او لا اول مايدخلون


قديما كانوا بعض الجيران ايراقبون جيرانهم بالدرايش وبالطلعه والروحه من البيت ويرصدون تحركات كل الفريج هههه يمكن فيه ناس كذا للحين الله واعلم مممم بس الان مع وسائل التكنلوجيا تطورت وسائل الفضوليين ..


تحياتي .. :court:
ههههههههه
واحد من الاثنين الحسد والفضول
انا اشوفه ان حسد لان منتشر كثير... لو الانترنت كان يشتغل من الحسد كان النت الحين فري اشبك من اي واحد جنبك و 5جي

[بومحمد المطاوعه]

مرحبا اخوي حمد

انا عن نفسي

الي مايشارك معاي فالواتساب

اصكه بلوك لان مامنه فايده
يبيني يتصلي
اما يراقب خل يراقب نفسه احسن ههههه

الأنستقرام برايفت عندي
اضيف الي كفو ويستاهل ويكون بروفايله نظيف من ناحيه الصور عنده

السناب شات نفس الشي المحترم اضيفه والي يشارك اما المراقبين كلهم حذف

[بومحمد المطاوعه]

لانك وضعت نفسك في هذا الموقف فلا تلوم الناس

لكن تقدر تسيطر وتحدد وضعك بين الناس
تختار الناس المحترمه
اتابع الناس الكفو والمحترمين

مب اي احد تضيفه وتعطيه لايك او تشوف سنابات ناس بعيد الشر ( مصخره )

ف السبب الرئيسي انت واستخدامك لهذي البرامج