+ الحموضة والحارق +

[genuine]

السلام عليكم

يجيني حارق بين فترة وفترة

حبيت اسالكم من تجاربكم افضل علاج طبي او شعبي

رحت للدكتور صديق الملك فالاهلي سوالي منظار قال حموضة مأثره ومسويه التهابات فالمريء عطاني نكيسيوم مدة شهرين وبعدها وقفت
بعدها تميت فترة واموري طيبة قبل فترة رجع لي قام يجيلي حارق متكرر

وش هي نصايحكم

[لبيبة]

وعليكم السلام ورحمة الله وبركاته،

تغيير نظام الحياة هو أفضل حل،

تناول طعام صحي وممارسة الرياضة وشرب الماء،

تقليل كميات الطعام في الوجبة الواحدة،

حيث أن أدوية المعدة حل مؤقت فقط،

ولها أضرار على المدى الطويل.

[معماري قطري]

انا آخذ باريت يومياً حبة على الريق قبل الريوق بنص ساعة حتى تحمي المعدة

ونصيحتي تشوف طبيب مختص أفضل ولو تبي حل غذائي إكل روب وفواكه قبل الوجبات بفترة وابتعد عن الدهون .. الروب ممكن بعد الوجبة ومفيد ومغذي ومسهل للهضم .. وبعد خفف الأكل

[القلم الصريح]

الحموضة او الارتجاع المريئي عانيته لمدة 4 سنوات
ما خذت اي ادويه
ابحث خلالها عن اشياء طبيعيه

الى ان وجدت العلاج في الرمان
اكلت الرمان مع قشره الابيض الداخلي لمدة اسبوع
وبعدها اختفت الحموضة تمام

والحين بعد 4 سنوات من الرمان ما جاتني الحموضه ابدا
وكل مره احس بحموضه اشرب عصير رمان طازج وتختفي سبحان الله

نصيحتي*لك
جرب الرمان مع قشره الابيض
كل يوم رمانه او رمانتين مثل ماتحب
وانشالله تشفى

دعواتي لك بالشفاء

[genuine]

الحموضة او الارتجاع المريئي عانيته لمدة 4 سنوات
ما خذت اي ادويه
ابحث خلالها عن اشياء طبيعيه
الى ان وجدت العلاج في الرمان
اكلت الرمان مع قسره الابيض الداخلي لمدة اسبوع
وبعدها اختفت الحموضة تمام

والحين بعد 4 سنوات من الرمان ما جاتني الحموضه
وكل مره احس بحموضه اشرب عصير رمان طازج

نصيحتي*لك
جرب الرمان مع قشره الابيض
كل يوم رمانه او رمانتين مثل ماتحب
وانشالله تشفى

دعواتي لك بالشفاء

شكرا للجميع عالنصايح الصادقة

اخوي ليت تفصل اكثر لاني سمعت وايد عن قشر الرمان وفايدة

يعني لمدة اسبوع كم مرة كلته وهل كنت تغليه ولا بس تاكله عادي الحبوب مع القشر

ولا بس القشر

وهل العصير يعطي نفس النتيجة؟

[مضارب دوسري]

قشر الرمان والحليب والروب
وشرب اليانسون والزعتر

واذا جاك حارج وحموضه لو مشيت نص ساعه يختفي

[BornInQatar]

قسم الاكل على وجبات صغيرة كل ظ£-ظ¤ ساعات وركز على الخضار المسلوق ولحم الطيور. نيكسيوم ضار على المدى البعيد.

[بـن عدوان]

اخوي العزيز

انا كنت اعاني منها وكنت اخذ ادوية واحس ما استفيد وايد منها

العلاج بحسب تجربتي هو المشي

حسيت انه وايد تحسنت

[مضارب دوسري]

قشر الرمان والحليب والروب
وشرب اليانسون والزعتر

واذا جاك حارج وحموضه لو مشيت نص ساعه يختفي

واهم شي اخر ساعتين قبل النوم لا تاكل شي بس مشاريب

[why me]

المشكلة مع الحرقان غالباً تكون في قلوية حمض المعدة, وهالشي يتسبب بتوسّع فتحة المريئ.
واذا توسّعت تطفح البكتيريا ومخلفات الانزيمات الى المريئ وتسببلك حرقان قوي.

الحل السهل, انك تاخذلك ملعقة الى ملعقتين خل التفاح العضوي (organic) مع كاسة موية وان شالله خلال ايام بتشوف النتيجة.

[why me]

خذ تفاصيل اكثر من طبيبك عن مشكلتك بالضبط, في بعض الحالات, جدار المعدة يكون تعرض لاصابة, وقتها الجسم يزيد افراز الجاسترين
ف بيكون عندك زيادة كبيرة جداً في حمض المعدة, بعض الاحيان يكون السبب فتاق في الحجاب الحاجز, او مشاكل في صمام المعدة, او جرثومة فالمعدة مع قرحة معوية.

وفي مثل هالحالات, خل التفاح او غيره ماراح يفيدك ويمكن تحتاج لعملية, تاكد من مشكلتك وحاول تنتبه من هالادوية, استخدامها له اضرار على المدى الطويل.

[النهار]

ماتشوف شر
اخوي استخدم الصمغ العربي لجميع مشاكل الجهاز الهضمي
تحصله في سوق واقف عند العطارين والمحلات الي تبيع البهارات
وهذا هو شكل المنتج بودره جاهزه للاستعمال
http://www.up.7cc.com/uploads/1510340690571.jpg (http://www.up.7cc.com/)

[الاستاندر]

انا كانت تذبحني ارجع كل شي اكله وماستحمل نار في صدري
عقب قالي دكتور سو تحليل جرثومة المعده
سويتها وطلعت فيني ومن شهر خلصت المضادات والحمد لله لين اليوم مافي شي

[القلم الصريح]

الطريقه سهله
كل يوم اكل رمان مع القشر الابيض
هذي هي الطريقه

جرب وخلال اسبوع شوف النتيجه
والله يشفيك

[genuine]

شكرا

لكم ماقصرتوا جميع الله يجعله بيمزان حسناتكم.

[glis]

السلام عليكم

كل الاشياء اللي قالوها الشباب صحيحية , الخيار مفيد

يوميا اكل خيار تقدر تاكلة مع الروب او بدون

[7llo]

انا اعاني مثل حالتك حمضيات ومن 10 سنوات كان عندي تقرحات, ولحد الحين اعاني منها تروح وترجع لي , ابتعد عن الدهون والحمضيات وحاول انك توقف شيشه او زقاير , ترا هل الشي ممكن يكون عندك ضغط وسترس

[المحاميه]

عليكم السلام

الله يشفيك ..

ابتعد عن الكافيين
البهارات
الدهن
الاكل الدسم تخففه خصوصا اخر الليل ..

النعناع يريح
حبوب الفحم تساعد
وبعد يقولون Maalox يساعد ويريح وايد .. تحصله فالصيدليات ..

وماتشوف شر :)

[المحاميه]

استغفر الله
انتو تلاحظون مع التلوث والاكل المب صحي
انتشرت الامراض ..
الله يأجرنا ويشفي كل مريض ..

[(عبدالله)]

أجر وعافية ما تشوف شر

أنا جاتني حموضة قبل 3 سنين بسبب الافراط في النظام الغذائي

افراط في شرب المنبهات (8-9 اكواب شاي في اليوم + قهوة)- إفراط في أكل المقليات والمأكولات الهندية الحارة - إفراط في كميات الأكل- إفراط في المشروبات الغازية- سمنة ومافي رياضة

دخولي الخدمة الوطنية الدفعة الأولى كان نقطة التحول في حياتي .. غيرت نمط حياتي صار:

رياضة في رياضة- ممنوع المقليات وتم استبدالها بالقلي بالهواء - التقليل من أكل المطاعم - التقليل من كميات الأكل - التقليل من المشروبات الغازية بمعدل مرتين في الأسبوع - أكل السلطات - المنبهات بس كوب واحد شاي وفنيالين الى 3 بالكثير وكلها بدون سكر بدون حليب

الحمدلله حاس اني مرتاح نفسياً وجسدياً وما أعاني من أي مشكلة ... ومتأقلم مع نظام الغذاء الجديد.. وبالعكس اذ مثلاً حطيت سكر في الشاي احس ان في شي غريب وشيرة زايدة

الخلاصة.. النظام الغذائي عبارة عن: ثقافة عامة + قناعة + إصرار= سلوك

لا تحرم نفسك من شي.. مثلاً أنا أتناول الحلويات مرة أو مرتين في الأسبوع وأروح ديب اند ديب وماعندي مشكلة .. بالعكس أحياناً تحتاج وجبة سكريات أو وجبة دسمة وحدة في الأسبوع عشان التغير وكسر الروتين النفسي والموازنة الغذائية

والله يعطيكم الصحة والعافية

[حمد بن سعد]

ماتشوف شر
اخوي استخدم الصمغ العربي لجميع مشاكل الجهاز الهضمي
تحصله في سوق واقف عند العطارين والمحلات الي تبيع البهارات
وهذا هو شكل المنتج بودره جاهزه للاستعمال
http://www.up.7cc.com/uploads/1510340690571.jpg (http://www.up.7cc.com/)



كيف الاستخدام الغالي

[النهار]

كيف الاستخدام الغالي

الاستخدام طال عمرك بسيط جدا مرتين في اليوم
الصباح على الريق بعد ساعه كل اي شي مافي مشكله ريوقك العادي
قبل النوم بساعه اوساعتين
الطريقه ماي دافي ماي الفلتر تحط قفشتين صغار قفشة السكر من المسحوق في كوب فارغ وتصب عليه الماي مع الصب تحرك الخليط وتشرب
المنتج رخيص على 10 ريالات العبوه تكفي لمدة 15 يوم تقريبا

[نفسي عزيزه]

الصمغ تجنبه افضل بالبدايه بيساعدك على الحرقان او زلال الكلى البروتيني لكن بعدين بيبهدل الكليه فاذا في شي بديل افضل نصيحه انا اتكلم من تجربه لنا

[نفسي عزيزه]

قشر الرمان ممتاز

انا اكل باريت 20 ماينفع معاي شي غيره

مره صار عندي ارتجاع وانا نايم اختنقت كنت ماكل قبلها اعتقد اكل هندي الله لايعود ذاك اليوم ماهقيت اني اعيش

كل نصايحكم حلوه خصوصا لاتاكل قبل النوم بساعتين ومايكون عشاك دهني او بهارات وفلفل

وصحه وعافيه عليكم يارب

[aloosh]

عليك بالخيار

[فيصل99]

تاكدت في المنظار ماعندك جرثومه لانه يلزمك تاخذ مضاد حيوي
عندك خلطة العسل مع قشر الرمان ممتازة وايد
روح محلات العطارة في سوق واقف خذ قشر رمان مطحون
كل يوم ع الريق وقبل النوم ملعقه صغير من قشر رمان مطحون مع ملقة عسل تخلط في فنجال لي يستوي نفس المعجون وتاكله نفس ماقلتك ودام عليه وماقدامك الا الخير

[الامير]

سلام عليكم ورحمه الله وبركااته
ابشر بلحل ومجرب من قريب
العلاج الحموضه هو شراء عسل معين ينباع ف وذنان او قطر مول 450 ريال
تشربه مع معلقه كبير وماء دافى بعدها ب ساعه تاكل وباذن الله انها ماجيك مجربه

[QtrGate]

اتوقع الصمغ العربي بيساعدك

بس اهم شي انتبه من ثلاث اشياء.
الشاي والقهوة ، والاكل المقلي، والبهارات

لايقربون منك ترى يعفسون البطن

[why me]

كل الحلول الي انقالت ممتازة, لكن كل حل منهم لمشكلة معينه, لذلك تحتاج تعرف وش مشكلتك بالضبط وهالشي يحتاجله فحص بالمنظار.
يمكن اصابه فجدار المعدة فتاق في الحجاب الحاجز مشاكل في صمام المعدة, او جرثومة فالمعدة مع قرحة معوية.