وازارة التربية و التعليم ... إلى اين في قرارتك ..

[$الملياردير$]

الله يصبحكم بالخير جميعا في الحقيقة الواحد في هذي الفترة و الظروف اللي تمرفيها البلد يحاول كلا منا يقف وقفة إيجابية يقلل من وتيرة الانتقاد و الشكاوي ويبادر بالصبر .... ولكن كما تعودنا بوجود اجهزة و وزارات حكومية تقدم خدمات و تسهل على المواطنين .... تستمر بعض الاجهزة الحكومية في إدائها السيء واللي تتميز فيه عن باقي الاجهزة سواء قبل او الان .... عندما اتصفح تويتر واشوف كمية الاستياء من وزارة التربية و التعليم سواء كان من إداريين او مدرسين او اولياء امور .... فعندما يتفق هولاء جميعا على قصور اداء الوزارة يفسر هذا الشيء ان المشكلة مازالت موجودة بغض النظر تغير المسميات ...الامثلة كثيرة وعديدة بس اليوم بذكر موضوع ازعجني كثيرا

تعلمون انه منذ بداية هذا الاسبوع بدأت امتحانات نصف الفصل الدراسي ولله الحمد عندي ولدين احدهم في الصف الرابع و الثاني في الصف السادس اصيب احدهم بإحتقان شديد وحرارة اخذته للطبيب وعطاه اجازة طبية يومين قلت لوالدته خلاص خليه يرتاح وعطو المدرسة خبر ...فأجتني بردها ...( لا ممنوع يغيب حتى لوعنده اجازة طبية قرار من التعليم و المدرسة باعثة مسج لاولياء الامور ان الطالب اللي بغيب بغذر او بدون عذر لن يعاد له الامتحان وسوف يقدم نهاية الفصل كامل ..... يالله طفل في رابع ابتدائي معذور طبيا تحرمه من اعادة الامتحان ...النتيجة انا ودينا الولد غصب عنا ماذا حصل اغمى عليه في الطابور بسبب التعب وشالوه والسبب غباء متخذ القرار عندهم ...( ولا انسى دور المدرسة في التعاون وجزاهم الله خير الجزاء) ....
انتقلت العدوى للطفل الثاني اليوم نفس المشكلة اكلم المدرسة اقولهم احنا جبناه الصبح خلوه يمتحن ويطلع يروح البيت يقولك لا ممنوع نقدم امتحانه ..... ههههههه شر البلية مايضحك ترى العملية كلها ابتدائي تعليمات من الوزارة .

اللهم لك الحمد حتى ترضى ... والحمدلله بس المؤلم ان هناك كمية الاخطاء في إتخاذ بعض القرارت تخلي الواحد يحزن ... يمكن مثالي تشوفونه عادي جدا بس وانت تقراء تخيل انك ولي امر ومحتار يروح ولدي الامتحان و لا يغيب و لا يعيدون له بسبب الحماقة الله يكفينا شرها

في النهاية ومن وجهة نظر فقيرة وكعضو مجلس إمناء سابق في مدرسة وولي امر ..... اقول الله يعينا عليكم ياوزارة من جرف لدحديرة ....دمتم بود

[بوخالد911]

لو تروح بنفسك
وتجلس مع المدير
وتتفاهم معاه مباشرة.

[Rider]

وزارة عليها ملاحظات كبيرة يكفي هالايام أمتحانات على الاقل خلو الطلاب يخلصون الامتحان ويرجعون البيت يستعدون حق اليوم الثاني مب دوام كامل يرجع الطالب البيت تعبان يبغي يتغدى وينام شوي متى الدراسه عيل
رحموا الطلاب من عذاب العام الدراسي الطويل 9 شهور دراسه ليش وأجازة كلها شهرين

[الحياة الخالدة]

السموحة منك أخوي الملياردير للخروج عن الموضوع

بدايةً : الله يشفي ولدك ويعافيه من كل شر
وبالفعل إدارة المدرسة كان تصرفها خاطيء .. يعني الولد مريض وعنده إجازة مرضية .. شي طبيعي ما يقدر يقدم الامتحان
شالمانع إنه يتأجل لحد ما يطيب

[$الملياردير$]

السموحة منك أخوي الملياردير للخروج عن الموضوع

بدايةً : الله يشفي ولدك ويعافيه من كل شر
وبالفعل إدارة المدرسة كان تصرفها خاطيء .. يعني الولد مريض وعنده إجازة مرضية .. شي طبيعي ما يقدر يقدم الامتحان
شالمانع إنه يتأجل لحد ما يطيب

جزاك الله خير اختي الغرض انه مايُؤجل بناء على التعليمات من الوزارة وسالت في المدرسة الثانية قالوا نفس الكلام

[الحياة الخالدة]

جزاك الله خير اختي الغرض انه مايُؤجل بناء على التعليمات من الوزارة وسالت في المدرسة الثانية قالوا نفس الكلام

طيب واذا الطالب ما يقدر يقدم الامتحان في وقته ؟؟

[$الملياردير$]

طيب واذا الطالب ما يقدر يقدم الامتحان في وقته ؟؟
يرحل اذا كان معاه عذر طبي الى امتحان نهاية الفصل وتدبل الدرجة ...

[مختلف جداََ]

أخوي الملياردير
ما يشوفون شر عيالك

و بالنسبة للإمتحانات المفروض دام عندهم اجازة مرضية ، تعاد لهم الإمتحانات

[الشمالي111]

ما يشوف شر وعسى الله يوفقه بس غريبة اعتقد تصرف من ادارة المدرسة ,,, لان مدارس عيالي ارسلت مسجات بعد الغياب في فترة الاختبارات الا بعذر طبي

[Rider]

اليوم بنتي رايحه المدرسه وهي تعبانه وعندها اجازة مرضية بس علشان الامتحان والله مب حاله مع المدرسه

[الحياة الخالدة]

أتفق معكم جميعاً
ونفس الشي عندنا صار
التعليمات من الوزارة مب من إدارات المدارس

[$الملياردير$]

اليوم ولدي راح معاه الإجازة الطبية وكلمتهم تلفون قلت لهم خلوه يمتحن ويطلع امس كان الولد بالطوارئ ومعاه عذر طبي ... قال الامتحانات تفتح المظاريف مع بعض وتعليمات من الوزارة ..... قلت مش ممكن ياجامعة السير بون ههههههه شر البلية مايضحك

[$الملياردير$]

اليوم بنتي رايحه المدرسه وهي تعبانه وعندها اجازة مرضية بس علشان الامتحان والله مب حاله مع المدرسه

ماتشوف شر ان شاء الله

[يمامـة]

شي غريب..
في الأخير تراها اختبارات داخلية يعني مب دولية ..
فليش ما في رحمة في التعامل مع مثل هالحالات ..

لذلك يا اخوي الله يشفي لك عيالك يارب ..
كل ما هو مطلوب منك ترسل رسالة خاصة الى مكتب سعادة الوزير
تشرح لها الموضوع.. و تطلب منه النظر بجدية لمثل هالحالات..
لأن من غير المعقول.. الطفل يتعاقب لأنه مرض و يعيد اختبار نص الكتاب بكتاب كامل..

[عثرة جواد]

للأسف توقعنا الوزارة تكون عون صارت فرعون

شددت ع الغياب

خلت الامتحانات الوطنية

شلت إجازة الربيع

خلت مجلس الأمناء الي لايسمن ولا يغني من جوع

ع كثرماتواصلنا معاهم بس للأسف مافي أي ارد

[SouthK]

وزارة التربية بحاجة إلى تربية!

[ღغروريღ]

عاد والتعليم حده مسكت عندنا والله اعيالي اقول لهم بابا لاتعورون راسكم وتذبحون عمركم لو على الحافه نجحو لانه مايستاهلون تعبكم ناس ماعندهم فكر ولا انسانية اطفال مخلينهم دوام موظفين ارهقونا ولامرعين صبرنا عساه في عيالك يالي حاط قرارمثل هذى.

[يمامـة]

للأسف توقعنا الوزارة تكون عون صارت فرعون

شددت ع الغياب

خلت الامتحانات الوطنية

شلت إجازة الربيع

خلت مجلس الأمناء الي لايسمن ولا يغني من جوع

ع كثرماتواصلنا معاهم بس للأسف مافي أي ارد

إجازة الربيع موجودة محد شلها يا عثرة..

اللي انشال هالسنة الدراسية فقط .. هي أسبوع إجازة منتصف الفصل الثاني..
اللي تكون بداية شهر ابريل تقريبا..

اما إجازة الربيع باقية مثل ما هي..

[يمامـة]

عاد والتعليم حده مسكت عندنا والله اعيالي اقول لهم بابا لاتعورون راسكم وتذبحون عمركم لو على الحافه نجحو لانه مايستاهلون تعبكم ناس ماعندهم فكر ولا انسانية اطفال مخلينهم دوام موظفين ارهقونا ولامرعين صبرنا عساه في عيالك يالي حاط قرارمثل هذى.

مع كامل احترامي لج او لك.

غلط نشجع الطفل على انه يأدي اللي عليه و يكون طموحه تحقيق الحفة..

[ღغروريღ]

مع كامل احترامي لج او لك.

غلط نشجع الطفل على انه يأدي اللي عليه و يكون طموحه تحقيق الحفة..

لا ابشرك هذى الصح الغلط الي انتي وغيرك وماتبون تعترفون به انه التعليم بدون مخرجات والقرارات ماتراعي حتى الاطفال اقول الي جابو امتياز وتخرج من مفتكرفيه جاب اعلى واصعب تخصص وتحصلينه يدور شغل ولا مشتغل في شغله ماتخص تخصصه فى ارجوك بلاش الكلام الوردي شبعنا منه عندي سبع اعيال ولا ابيهم ينخدعون بانه اذا درس وتعب عندنا بيوصل كلها رفعة تلفون الووو فلان بيتوظفون في احسن وظيفة وخلي الطموح حق غيرهم مانبيه.

[يمامـة]

لا ابشرك هذى الصح الغلط الي انتي وغيرك وماتبون تعترفون به انه التعليم بدون مخرجات والقرارات ماتراعي حتى الاطفال اقول الي جابو امتياز وتخرج من مفتكرفيه جاب اعلى واصعب تخصص وتحصلينه يدور شغل ولا مشتغل في شغله ماتخص تخصصه فى ارجوك بلاش الكلام الوردي شبعنا منه عندي سبع اعيال ولا ابيهم ينخدعون بانه اذا درس وتعب عندنا بيوصل كلها رفعة تلفون الووو فلان بيتوظفون في احسن وظيفة وخلي الطموح حق غيرهم مانبيه.

كيفج..