متى سيتم رفع الحظر عن الاتصالات ببرامج الانترنت

[alhamza1999]

لاحظنا قبل فتره انه تم حظر الواتس اب والماسنجر وكل برامج الدرشه المجانيه وللان لم يتم الاعلان عن السبب او بشكل رسمي لكن الحجب عليها موجود
متى تتوقعون يتم ازاله الحضر عنها
ومالاسباب التي ادت لحظرها

[بو شهاب]

استخدم برنامج imo او ركب vpn على الجوال

[alhamza1999]

نعم هذا الي انا اسويه حاليا لكن الvpn يخلي الانترنت ردى السرعه وكله اعلانات
imo عدد الي يستخدموه قليل جدا

[7llo]

وانا اقول مكالمات الوتس اب ماتشتغل عندي كنت احسب تلفوني خربان.

[ولد العرب]

استخدم برنامج imo او ركب vpn على الجوال

هلا اخوي
انا اصم والبرنامج اللي ذكرتها جدا جدا تعبااانه imo تواصل فيها تغث وتعلق كثير
صعبت علينا امورنا
حاليا انا اصور فيديو وارسله وتساب :eek3: حاله والله

او مسجات كتابيه

[ولد العرب]

نعم هذا الي انا اسويه حاليا لكن الvpn يخلي الانترنت ردى السرعه وكله اعلانات
imo عدد الي يستخدموه قليل جدا

لا اخوي نستخدمه بكثره ولكن متعب مش قوي مثل ماسنجر والوتساب

حسب مافهمت من الناس انه الامارات والسعوديه هم اللي مضيقين علينا هالخدمه وحسب مافهمت لان دبي فيها جميع الوكالات

اتمنى كسر الاحتكار منهم

[alhamza1999]

وانا اقول مكالمات الوتس اب ماتشتغل عندي كنت احسب تلفوني خربان.
مو بس الواتس اب اي برنامج يعتمد على vop مثل ماسنجر الفيس بوك والسناب وغيره وغيره من البرامج المجانيه

[alhamza1999]

لا اخوي نستخدمه بكثره ولكن متعب مش قوي مثل ماسنجر والوتساب

حسب مافهمت من الناس انه الامارات والسعوديه هم اللي مضيقين علينا هالخدمه وحسب مافهمت لان دبي فيها جميع الوكالات

اتمنى كسر الاحتكار منهم

لااخوي مايقدرون يشوشون علينا ولايسون شي اوريدو الشغل كله عندها الانترنت كان فيه تحكم من البحرين من عشر سنوات أو أكثر بحكم أن الخدمه كان جديده على قطر ووصلت هناك أول لكن حاليا مايقدرون يشوشون ولايتحكمون في الاتصالات اوريد شركه قويه وحتى لو كان صحيح هذي المشكله صارلها شهرين معقوله ماقدروا بحلوها بهالفتره !؟
انا اشك بصراحه أن السبب قله الأرباح لانه محد صار يستخدم الاتصال العادي في الاتصالات وصارت الخساره عاليه

[يمامـة]

دام الأمور في صالح بلادنا.. لو يسكرون النت بكبره..
ما عمرها البلاد سكرت علينا شي..
ولكن في ظل وجود الاوباش اللي يحاولون الضرر ببلادنا..
اذا كان الامر متعلق بأن بلادنا.. ما فيها شي لو رديتوا على الاتصالات العادية
و ساهمتوا في رفع أرباح كيوتل و فودافون..

[alhamza1999]

دام الأمور في صالح بلادنا.. لو يسكرون النت بكبره..
ما عمرها البلاد سكرت علينا شي..
ولكن في ظل وجود الاوباش اللي يحاولون الضرر ببلادنا..
اذا كان الامر متعلق بأن بلادنا.. ما فيها شي لو رديتوا على الاتصالات العادية
و ساهمتوا في رفع أرباح كيوتل و فودافون..

لا بالعكس مو لمصلحه قطرنا الحبيبه هالموضوع
لان الحين كله مشغل vpn وطبعا الي يشغله لاالدوله تقدر تراقبه ولااي احد يدري عنه لو يقول كلام مسيى عن دولتنا الحبيه او يحاول يزرع الفتنه اول مايدخلون على حسابه يكتشفون انه في امريكا العنوان وهو اصلا بقطر لهاذا لايعتبر في صالحنا ابدا
بالنسبه للارباح فيه ناس على قد الحال تسولف طول اليوم وماعنده تدفع بس كل فتره عشر ريال زياده صلاحيه للشريحه وانا واحد من هالناس الي معتمد على المجاني بصراحه

[aloosh]

الحمدلله عملت تطبيق محادثه صوت وصوره واضح وخليته للعائله والاصدقاء

[وحيد-الشوق]

ممكن حد يعطينا فكره عن الvpn وشلون نفعله

[بوخالد911]

لعله خير.

[نيساني]

ممكن حد يعطينا فكره عن الvpn وشلون نفعله

هلا اخوي

هذا عباره عن برنامج حاله حال كل البرامج تنزله من اب ستور

طريقته*
اول ماتشغله تعتبر خارج قطر ولك عدة صلاحيات وله مساوئ كثيره والله يبعدها عنّا وعن جميع المسلمين ويصرف بطاريه.

وبالتوفيق عزيزي

[ضوى]

أنا اشغل vpn يوم اكلم ولدي واتس اب في لندن ، يوميا ثلاث لين اربع مرات وعقب على طول اسكره ووايد فعال الصراحة

[alhamza1999]

ممكن حد يعطينا فكره عن الvpn وشلون نفعله

برنامج يفك الحضر عن جميع المواقع ويخليك تفتح الانترنت كانك عايش خارج قطر
شوف برامج الvpn في الستور متنوعه وعديده واختار اكثر واحد مناسب لك

[كاشف الغطاء]

والله مشكلة على الأقل ينزلون اسعار المكالمات، نتمنى يرجعون لنا هذي الخدمات وايد اشيه عطلت اشغالنا ومنها مكالمات الفيديو

[وحيد-الشوق]

هلا اخوي

هذا عباره عن برنامج حاله حال كل البرامج تنزله من اب ستور

طريقته*
اول ماتشغله تعتبر خارج قطر ولك عدة صلاحيات وله مساوئ كثيره والله يبعدها عنّا وعن جميع المسلمين ويصرف بطاريه.

وبالتوفيق عزيزي


برنامج يفك الحضر عن جميع المواقع ويخليك تفتح الانترنت كانك عايش خارج قطر
شوف برامج الvpn في الستور متنوعه وعديده واختار اكثر واحد مناسب لك

شكراً لكم وجزاكم الله خير نزلت برنامج امس واشوف ما انحلت المشكله عندي مادري البرنامج كان تعبان ولا شسالفه

[بو شهاب]

برنامج HotspotVPN جيد و دوم استعمله

[حمد 2002]

ياحب كم حق برامج البلاش :eek2: هههههه







انا البلاش ماحبه


بل اموت عليه :thumbup::app2:

[يمامـة]

لا بالعكس مو لمصلحه قطرنا الحبيبه هالموضوع
لان الحين كله مشغل vpn وطبعا الي يشغله لاالدوله تقدر تراقبه ولااي احد يدري عنه لو يقول كلام مسيى عن دولتنا الحبيه او يحاول يزرع الفتنه اول مايدخلون على حسابه يكتشفون انه في امريكا العنوان وهو اصلا بقطر لهاذا لايعتبر في صالحنا ابدا
بالنسبه للارباح فيه ناس على قد الحال تسولف طول اليوم وماعنده تدفع بس كل فتره عشر ريال زياده صلاحيه للشريحه وانا واحد من هالناس الي معتمد على المجاني بصراحه

الله يعين من تضرر..

بس مؤمنة ان شركات تقديم الخدمات افهم باللي يقومون فيه ..
يعني لما يحظرون الاتصال الصوتي عن طريق التطبيقات هم عارفين عن vpn
بس من المؤكد المنع له أسباب قوية شجعتهم عليه..

و من ثم حسب ما فهمت ترى استخدام ال vpn مب آمن بشكل كبير
يعني ممكن بكل بساطة تدخل تطبيق vpn لشركة بالاي بي القطري و تطلع بأي بي يديد
لكن انت مب ضامن مقدم الخدمة هذه كيف بيتعامل مع بياناتك المحفوظة عنده!!

و هالشركة من وياه تتعامل او من له تعود من الأساس..
لذلك الحذر واجب ..