جلسة التداول ليوم الخميس 16/11/2017

[لـبـيـه]

السلام عليكم ورحمة الله وبركاته

[لـبـيـه]

سوق قطر: المؤشر العام يفقد 113 نقطة في اللحظات الأخيرة مسجلا أدنى مستوى له منذ مارس 2011

[الاسطوره]

السلام عليكم ورحمة الله وبركاته


أسعار دخول والله اعلم بالتوفيق للجميع

[سهم حزين]

السلام عليكم ورحمة الله
ما هي توقعاتكم لتداول اليوم؟ هل سيستمر النزيف؟

[مضارب متعور]

صبحكم الله بالخير

ودام تتحصل على مبلغ 12 مليون ريال من وزارة البلدية والبيئة حسب حكم محكمة التمييز.

[مضارب متعور]

شركة ودام تعلن عن قرار محكمة التمييز – الدائرة المدنية في الطعن رقم 314/2017

2017/11/16*– 09:21 صباحاً**

اعلنت شركة ودام عن استلامها نسخة من قرار محكمة التمييز – الدائرة المدنية في الطعن رقم 314/2017 وملخص النزاع بين شركة ودام ووزارة البلدية والبيئة*

تداولت الجلسات بالمحاكم على إختلاف درجاتها وإختصاصاتها حتى تاريخ 17/10/2017م حيث قضت محكمة التمييز بعدم قبول طعن وزارة البلدية والبيئة في حكم الإستئناف والذي قضى بإلزام وزارة البلدية بدفع مبلغ ( 18,830,42 ريال ) فقط ثمانية عشر مليون وثمانمائة وثلاثين ألف وأثنين وأربعين ريال قطري قيمة الأعمال والمنشآت على الأراضي موضوع النزاع**إلى شركة ودام الغذائية حسب تقرير الخبير ، وأن تؤدي شركة ودام الغذائية مبلغ وقدره (6,890,673 ريال ) فقط ستة ملايين وثمانمائة وتسعون ألفاً وستمائة وثلاثة وسبعون ريالاً لاغير قيمة الإيجارات ، وبذلك يصبح صافي المبلغ الذي تتحصل عليه شركة ودام الغذائية هو ( 11,939,369 ريال ) فقط إحدى عشر مليون وتسعمائة وتسعة وثلاثون ألفاً وثلاثمائة وتسعة وستون ريال قطري لاغير .*

[مضارب متعور]

أتوقع بنتجه لل 7000 :)

[Mmt]

السلام عليكم ورحمه الله وبركاته

أتوقع بنتجه لل 7000 :)

والله انك كريم انا اتوقع 6000 واذا مارحنا تحت ال6000 بعد زين

[الباشا1]

السلام عليكم ورحمه الله وبركاته


والله انك كريم انا اتوقع 6000 واذا مارحنا تحت ال6000 بعد زين

يارجل خليك متفائل (( تفائلوا بالخيرة تجدوه ))

[zego]

يارجل خليك متفائل (( تفائلوا بالخيرة تجدوه ))

هذا مش حديث صحيح للعلم :)

[الباشا1]

هذا مش حديث صحيح للعلم :)

انا مقلتش حديث بس انا بقولك تفائل بالخير وان شاء الله الخير قادم باذن الله

[zego]

انا مقلتش حديث بس انا بقولك تفائل بالخير وان شاء الله الخير قادم باذن الله

وانا ما قلت انك قلت هههههه
بس توضيح .. تعقيب .. لك ..وللجميع :o

والله يسمع منك .. طال الانتظار والفرج قريب بإذن الله الواحد القهار

[الباشا1]

وانا ما قلت انك قلت هههههه
بس توضيح .. تعقيب .. لك ..وللجميع :o

والله يسمع منك .. طال الانتظار والفرج قريب بإذن الله الواحد القهار

الله المستعان وجزاكم الله خيرا

[zego]

بالنسبة للمؤشر العام واضح عندي انه مازال سلبي ومتجه لمزيد من الهبوطات .. الله كرييييم

[roma27]

السلام عليكم ان شاء الله بدأبه الصعود للمؤشر

[جاسم3456]

السلام عليكم

الاخوة المحللين ... ايش توقعاتكم للبنك الاول اليوم ويوم الاحد
ارجو الرد للضروورة

[بوخميس]

الأخوة في شركة الاجارة

ممكن تستحون على ويوهكم شوي وانتوا تشوفون السهم وين راح :whistling:

[borsahdoha]

هالأسعار غريبة عجيبة
سهم اككتابه ب 10 يوصل ل 5

وين رايحة الأسعار
يعني الناس تبيع السهم و تطلع العمولة أكبر من البيع

معقولة توصل لهالمواصيل

يارب فرجك

[مستثمر درويش]

الأخوة في شركة الاجارة

ممكن تستحون على ويوهكم شوي وانتوا تشوفون السهم وين راح :whistling:

والله معك حق يا خوي بينزل بنص مليون ريال 5% والله لو عليه بيع كثيف ما اتكلمنا لك بنص مليون ريال يوميا بينزل هالنزول عيب ولله

[الاسطوره]

الخليج الدولية 14.50 هلا هلا

[Mmt]

وصلنا لخساره 75% من راس المال

الله يستر على 25% الباقيه

[معماري قطري]

وانا ما قلت انك قلت هههههه
بس توضيح .. تعقيب .. لك ..وللجميع :o

والله يسمع منك .. طال الانتظار والفرج قريب بإذن الله الواحد القهار

بعد غلط نقول الله يسمع منك لأنه السميع العليم والصحيح نقول يستجيب لدعاؤك

[الاسطوره]

لاحول ولا قوة الا بالله

[Bin Turky]

السلام عليكم ورحمه الله وبركاته

والله الضاهر اننا احنا الي قاعدين نلعب على نفسنا ونخوف نفسنا

السوق بدا برتداده ويحاول يتماسك فوق 0.50% ساعه كامله وفجأه استسلم ويوم دشيت المنتدى الاقي الكل متشائم وهبوط وخرابيط من بدايه التداول بدون اخبار او اسباب

حتى الصناع وكبار المستثمرين خايفين يضربون بعض .. كل ماجاك واحد يبي يرفع سهم يجيه واحد ينتهز الفرصه ويرشه رش لين يستسلم ويصير متفرج نفسنا ههههه

والله دام الكل متشائم او خايف عمرنا مابنشوف ارتداد حقيقي او قوي بدون رش او هروب الخايفين

[Bin Turky]

اغلب الاسهم مبين عليها ناويه ترتد بس باقي ازدان والمستثمرين والرعايه يناحسون ولا كنت بقول ان الاغلاق اخضر 2%

[Mmt]

النت عندكم سيء وله بس عندي ؟

[الباشا1]

السلام عليكم ورحمه الله وبركاته

والله الضاهر اننا احنا الي قاعدين نلعب على نفسنا ونخوف نفسنا

السوق بدا برتداده ويحاول يتماسك فوق 0.50% ساعه كامله وفجأه استسلم ويوم دشيت المنتدى الاقي الكل متشائم وهبوط وخرابيط من بدايه التداول بدون اخبار او اسباب

حتى الصناع وكبار المستثمرين خايفين يضربون بعض .. كل ماجاك واحد يبي يرفع سهم يجيه واحد ينتهز الفرصه ويرشه رش لين يستسلم ويصير متفرج نفسنا ههههه

والله دام الكل متشائم او خايف عمرنا مابنشوف ارتداد حقيقي او قوي بدون رش او هروب الخايفين

والله عندك حق الله المستعان ربي يصلح الحال ويوفق الجميع

[zego]

بعد غلط نقول الله يسمع منك لأنه السميع العليم والصحيح نقول يستجيب لدعاؤك

ليش غلط ما فهمت؟ :rolleyes2:
الله يسمع منك .. يعني يسمع منك الدعاء ..
انت ما تقول فالصلاة: سمع الله لمن حمده ؟
الله ما قال: "قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ" ؟؟

مادري انت متحبس لي ولا تبي الفايدة الصراحة ههههههههههه

موفق :happy:

[بوخميس]

اغلب الاسهم مبين عليها ناويه ترتد بس باقي ازدان والمستثمرين والرعايه يناحسون ولا كنت بقول ان الاغلاق اخضر 2%

انا ما ادري انت وين تشوف اغلب الاسهم

الحين 11 شركة خضرا و 24 شركة حمرة

[Bin Turky]

النت عندكم سيء وله بس عندي ؟

اذا تقصد شاشه البورصه صح ممكن التداول شوي بطيء

لكن النت بشكل عام عادي عندي ماحس فيه بطء

[Mmt]

اذا تقصد شاشه البورصه صح ممكن التداول شوي بطيء

لكن النت بشكل عام عادي عندي ماحس فيه بطء

الظاهر المنطقه الي انا فيها وقف فيها النت ساعه كامله لان الي بالدوام كلهم وقف عليهم النت

[Bin Turky]

انا ما ادري انت وين تشوف اغلب الاسهم

الحين 11 شركة خضرا و 24 شركة حمرة

فديت خشمك بوخميس انا ماقلت اغلب الاسهم خضرا انا قلت اغلب الاسهم مبين عليها انها ناويه ترتد وهذا الي اشوفه بصراحه

السموحه اذا نظرتي غلط ترا ماني محلل .. الله يوفق جميع

[ابو عبده]

السلام عليكم جميعا
عدم البيع او الشراء ع الاسلامية القابضة مؤشر طيب ام سئ

[zego]

أتوقع طيحة اخر السوق

[بوراشد101]

على الأقل إغلاق 7800 عشان نقول بوادر ارتداد

[zego]

السوق ممسوك بالاسهم القيادية مثل الوطني كهرماء بروه الريان صناعات
الباقي معاناة

[فاهد العذبة]

امحق سوق اسهم ب 4 ريال و 5 ريال بكرة بريالين بسعر البيبسي ويقولون اقتصادنا بخير اذا الواجهة الرئيسية لاقتصاد اي دولة تخلي المستثر يتشجع ويدخل السوق هذا وضعها اغلب الناس خسروا فوق 70% من راس المال من بيعوضهم ؟؟!!
عيب والله حرق اموال الناس بدون ردة فعل من صانع او محافظ قطر او حتى الحكومة تشوف وضع تضخ او تخلي جهاز قطر يستثمر ويدعم السوق بهالاسعار ربحان ربحان بدل مايستثمر برا

[Bin Turky]

لازم يصير تحقيق ويشوفون من الي قاعدين يضغطون على الاسهم بهالطريقه مايصير هالكلام عيني عينك

[zego]

حلالي كله فدوة لك يا بو حمد وفدوة لقطر العز والخير

الحمد لله على كل حال

[بوخميس]

حلالي كله فدوة لك يا بو حمد وفدوة لقطر العز والخير

الحمد لله على كل حال

الهوامير وأصحاب الشركات والمطلعين ما يفدون البلاد بربع ريال

وانت تشوف سلوكهم

اخرتها ياكلها الفقارى مثلنا

[Abdright]

يا جماعة الخير فيدونى إذا وصلت الخسارة 100% كيف بيكون الوضع؟

[بوخميس]

يا جماعة الخير فيدونى إذا وصلت الخسارة 100% كيف بيكون الوضع؟

خلك طبيعي

اذا مب محتاج الفلوس صكر الشاشة وارجع افتحها بعد سنة يمكن تحصل المؤشر 14000 نقطة

[مضارب متعور]

خلك طبيعي

اذا مب محتاج الفلوس صكر الشاشة وارجع افتحها بعد سنة يمكن تحصل المؤشر 14000 نقطة

أو ست سنين

[الاسطوره]

أو ست سنين

قبل 2022 ماراح نشوف 13000