مطلوب شركة او حد متخصص لاعمال دفان الحوش وتبليطه

[$الملياردير$]

السلام عليكم ورحمة الله بركاته .... الله يمسيكم بالخير جميعا ... من العنوان الله يجزاكم خير بغيت حد يكون مجرب وأمين لعمل دفان و دك الحوش و التبليط و عمل الكاربستون و صب خرسانة للمواقف .... يكون مجرب و شغله زين ...والله يوفقكم جميعا ... مع خالص شكري وتقديري

[معماري قطري]

إخوي الملياردير مهما يكون الشخص مجرب محد بينفعك وبيحاولون يتكسبون منك الا تكون حاط شروط واضحة واستشاري يشرف على هذي الشروط

من ضمن الشروط رسومات ومخططات لمستويات الحوش المطلوبة مع الميلان للتصريف .. نوعية الدفان وطريقة الدك وسمك الطبقات اللي يدك عليها .. أي بنيان وتحديده وكيفيته .. الكربستون نصيحة ابتعد عنه شكله مال شوارع والبيت أما طابوق ملبس سيراميك أو حجر .. أي حمايات تحتاجها للمنهولات وللأطراف قرب الأساسات والتمديدات وخط الصرف .. شتحتاج تحت البلاط هل دفان أو بودرة وبيستانسون عليها لأنها أسهل شيء وأرخص شيء .. أو خرسانة وسمكها ومكوناتها وهذا أفضل شيء .. ولا تنسى فواصل التمدد

[$الملياردير$]

جزاك الله خير يابوعبدالله ... المقصود باستخدام الكربستون لفصل بلاط الحوش عن حوض الزراعة ... وإذا عندك فكرة اجمل عطنيها .... المشكلة يابوعبدالله اللي يكلمهم ويعرفون انه فاهم وش يبي يشردون وإلا يعطون سعر مبالغ فيه .... يدورن الواحد اللي مب فاهم أو مب عارف أصول العمل وإذا درى انه بيسلم استشاري بعد خاف زيادة ..... على فكرة بوعبدالله الوقت اللي انت بنيت فيه وايد ارحم واحد من الربع في الشغل يسولف لنا عن اشتراطات الدولة على بيوت كبار الموظفين في الدفنة يوم كانت الدولة تشرف عليها وكيف ماتسمح للمقاول انه يأخذ عدد معين من المشاريع في السنة وكيف يراقبون ويهتمون بالمواصفات اما الحين الوضع كوسا هههههه تحياتي لشخصك الكريم

[معماري قطري]

جزاك الله خير يابوعبدالله ... المقصود باستخدام الكربستون لفصل بلاط الحوش عن حوض الزراعة ... وإذا عندك فكرة اجمل عطنيها .... المشكلة يابوعبدالله اللي يكلمهم ويعرفون انه فاهم وش يبي يشردون وإلا يعطون سعر مبالغ فيه .... يدورن الواحد اللي مب فاهم أو مب عارف أصول العمل وإذا درى انه بيسلم استشاري بعد خاف زيادة ..... على فكرة بوعبدالله الوقت اللي انت بنيت فيه وايد ارحم واحد من الربع في الشغل يسولف لنا عن اشتراطات الدولة على بيوت كبار الموظفين في الدفنة يوم كانت الدولة تشرف عليها وكيف ماتسمح للمقاول انه يأخذ عدد معين من المشاريع في السنة وكيف يراقبون ويهتمون بالمواصفات اما الحين الوضع كوسا هههههه تحياتي لشخصك الكريم

ابوي واخوي بنوا من فترة بسيطة بنفس الطريقة .. هشكل انت تستسلم لعمالة رخيصة وهم يسوون اللي يعجبهم وانت بس تدفع .. أكيد القرار قرارك وانا هذي نصيحتي عامة للكل .. طريقة الطابوق شرحتها كم مرة .. للزراعة تسوي حوض جدرانه من الجوانب طابوق لحماية بيتك وتسوي العمق مترين لو قدرت وتحط دفان زراعي طين ورمل وسماد وعلى طبقات تبداها بالطين لحفظ المياه وتنتهي بخليط رمل مع طين .. الطابوق ضروري تعزله ولو بتغطي الجزء الفوقي بسيراميك أو تبليط الحوش أو حجر كل شيء له سعره حسب النوع اللي تختاره وممكن تسوي بلاستر وصبغ بس بعد فترة يتقشر

الكيربستون بنفسه له مواصفات وتفاصيل للتركيب ويتثبت بحديد وأغلى من الطابوق لو بيسوونه صح وبيجيبون لك النوع المضغوط والقوي ويمكن تحتاج تصبغه لو يهمك الشكل

[معماري قطري]

بعدين لو سويت عمق أحواض الزراعة بسيط ممكن تسوي 20 سم بس تخليه للزراعات البسيطة مثل العشب والورود .. لكن أي شجرة كبيرة بتتمدد لتحت وبتسوي لك مشاكل في الأساسات أو خطوط الصرف

[معماري قطري]

جزاك الله خير يابوعبدالله ... المقصود باستخدام الكربستون لفصل بلاط الحوش عن حوض الزراعة ... وإذا عندك فكرة اجمل عطنيها .... المشكلة يابوعبدالله اللي يكلمهم ويعرفون انه فاهم وش يبي يشردون وإلا يعطون سعر مبالغ فيه .... يدورن الواحد اللي مب فاهم أو مب عارف أصول العمل وإذا درى انه بيسلم استشاري بعد خاف زيادة ..... على فكرة بوعبدالله الوقت اللي انت بنيت فيه وايد ارحم واحد من الربع في الشغل يسولف لنا عن اشتراطات الدولة على بيوت كبار الموظفين في الدفنة يوم كانت الدولة تشرف عليها وكيف ماتسمح للمقاول انه يأخذ عدد معين من المشاريع في السنة وكيف يراقبون ويهتمون بالمواصفات اما الحين الوضع كوسا هههههه تحياتي لشخصك الكريم

هذي صدق فيها رفيجك .. كانت عندي تصاميم لحول 50 بيت مع مواصفاتها بس كلها ورقية لهذي المنطقة من أحد كبار المشرفين عليها وخليتها في مكتبي الحكومي يوم طلعت وصراحة صعب تستفيد منها في وجود التصاميم الحديثة والكمبيوتر

[$الملياردير$]

جزاك الله خير و أسال الله لك البركة في الرزق و المال و الولد

[معماري قطري]

جزاك الله خير و أسال الله لك البركة في الرزق و المال و الولد

آمين والله يبارك لك وتخلص على خير

[معماري قطري]

هذا فيديو فوق البيعة

وقبل ذاكر المهندس عن مساويء البودرة وما ادري ليش ما يفكر في الخرسانة وهي الحل المضمون


https://www.youtube.com/watch?v=3AZ4uYQweEo

[$الملياردير$]

مشكور بوعبدالله على جهدك .... وانا من متابعين م. عبدالغني الجند ... توه نزل كتاب اخطاء في البناء ... م. ماجد المحيميد ... صراحة هذين الاثنين وحوش في تويتر ودائما معلوماتهم قيمة ... الله يجزاك وإياهم كل خير

[معماري قطري]

مشكور بوعبدالله على جهدك .... وانا من متابعين م. عبدالغني الجند ... توه نزل كتاب اخطاء في البناء ... م. ماجد المحيميد ... صراحة هذين الاثنين وحوش في تويتر ودائما معلوماتهم قيمة ... الله يجزاك وإياهم كل خير

العفو يا اخوي انا بالنسبة لي بنيان أي واحد اعتبره بنيان لي وابي الفايدة للجميع

أوقات نغفل عن شيء تافه ونضر نفسنا بنفسنا بسبب عدم توفر المعلومة أو التغافل والكسل .. انا صبغت بيتي من سنتين وكنت منبه المقاول يركب بلاستيك جهة الحائط حق زراعة من برا حتى الرطوبة ما تخرب الصبغ .. ونسى المقاول وكنت متذكر بس مشيتها له ومن أيام شفت بداية تقشر للصبغ بسبب الرطوبة ومن داخل مسوي عزل عدل وحاط طابوق زيادة على البلاستيك والبيتومين ولا حصلت مشكلة .. بس قلت للدريول اشتر بلاستيك من محل مواد البناء واحفر له وحط كم طبقة قرب الحائط وادفن عليها وسوى هالشغلة بسهولة وأتوقع ان شاء الله نكون لحقنا على الاصلاح في بدايته

اللي حبيت اوضحه لك وللجميع إنت اللي تفرض طريقة الشغل وانت اللي تدفع وانت اللي تستلم ولازم تنتبه حق هذي الشغلات البسيطة واللي بتكون عليك مزعجة في المستقبل