المساعد الشخصي الرقمي

مشاهدة النسخة كاملة : ترميم الحمام مقاول شاطر


ALJokar
23-11-2017, 12:36 PM
مرحبا ياليت الي عنده مقاول مضبوط ومجرب وعلى الوقت يعطيني رقمه
عندي حمام بغيت اجدده من جديد والاغراض انا اجيبها عليه بس شغل اليد والتركيب
معماري قطري
23-11-2017, 08:56 PM
الله يوفقك

شوف مقاول قوي ومتكامل أفضل لك لو بتحتاج تكسير واعادة تشطيب .. وتقدر حسب وضع المكان عندك والبلاط تسوي تبليط على الموجود بس تحتاج لاصق قوي

كذلك لو البيت مستخدم تقدر تطلب يسوي له مدخل من جهة الطوفة يكسر شوي ويحط حديد وخشب للركوب والنزول وتفتك شوي من أذيتهم
ALJokar
23-11-2017, 10:09 PM
الله يعطيك الف عافيه ولانخلا من نصايحك الثمينه
هل الافضل دفان بتراب او لزق للبلاط
معماري قطري
27-11-2017, 08:58 AM
الله يعطيك الف عافيه ولانخلا من نصايحك الثمينه
هل الافضل دفان بتراب او لزق للبلاط

للحمام أكيد بعد العزل والتمديدات تدفن برمل مغسول حتى ما يجرح العازل ويكون ناعم مب خشن وفيه كسر حجارة .. قبله طبقة حماية بسيطة من بلاستر على العازل وبعضهم ما يسوونها سيدة رمل والطريقتين ماشية .. بعدين نسوي بلاستر بسمك 5 سم وبسلوب جهة فتحة الصرف .. البلاستر يستحسن معاه خلطة فايبر تقويه وتخليه ما يتشقق .. وفيه مواد لاصقة عازلة للرطوبة بعد ممكن تجي فوق البلاستر .. وفيه طريقة الفوم مع الاسمنت وهذي تجي بدون رمل وخفيفة ووايد زينة بس ميزان الأرضية تحتاج حد يضبطه أثناء صب الفوم .. مشكلة الفوم مع الاسمنت انها مادة مايعة ذاتية الاستواء ولازم تحط بلاستر فوقها حتى تعدل السلوب .. شوف حطيت لها مقطع في يوتيوبيات البناء والشرح بالعربي بعد