الالام المعده وفقدان الشهيه اللي عندهم فكره ضروري

[partyQtr]

صبحكم الله بالخير

اسمحولي يمكن مكان الموضوع غلط بس محتاجه ردود واحس هني انسب قسم ممكن الكل ينتبه

من فترة شهرين كانت تجيني ضيقه ومااقدر اتنفس وتسارع في دقات القلب وهبوط عام

ماكنت اقدر اوصف الألم وسويت تحاليل في اكثر من مستشفى وتطلع نظيفه لين اخر شيء

سويت تحليل جرثومة المعده وطلع عندي خذت العلاج الثلاثي وتعبت من العلاج عقب أسبوع واحد من دكاترة المركز

الصحي وقف لي نوعين من العلاج وخلاني استمر على نوع مضاد واحد مع انه علاج الجرثومه المفروض يكون بنوعين مضاد

ودواء حموضه واسبوعين المهم تميت مستمره على نوع واحد من المضاد والمفروض ارجع للدكتور بعد أسبوع وبعد أسبوع كل مااروح

مااحصل الدكتور اخر شيء دخلت لدكتورة طلبت مني اعيد التحليل وقالت لي اتم اتابع معاها عدت التحليل ونفس الموال انعاد

مومحصلة الدكتورة دخلت على دكتور قالي التحليل نظيف الجرثومه راحت قلت له خلاص مااخذ ولى علاج قالي أي مع انه المفروض

في حبوب استمر عليها شهرين المهم عقبه بفترة كان عندي موعد في الخور والدكتور عطاني حبوب استمر عليها ثلاث شهور

اخذها الصبح قبل الفطور بنص ساعه اللي هي بانتازول، وصرت اوكي الفترة اللي راحت ، اللي صار الحين صارلي أسبوع احس بألم

قوي في معدتي لين كلت واكون مرتاحه وانا يوعانه مااستحمل اكل أي شيء وعقب الاكل احس بلوعه مع اني أكون يوعانه بس مااقدر اكل أخاف صرت من الاكل

لانه يسبب لي الم قوي ، ووزني نقص خلال هالشهرين 6 كيلو ، ومن شهرين وانا انطر المستشفى يكلموني عشان موعد للمنظار

والدكتورة في المركز الصحي قالت لي عادي تنطرين سنه ، انزين شالحل انا تعبانه وغير جي مااقدر اكل ولى شيء محتاجه اعرف

شاللي فيني بالضبط قولون ، التهاب في المعده ، ارتجاع مريئ ولى وشو بالضبط ،ماادري لو في مكان اروح له او مستشفى

اسوي فيها منظار غير الأهلي لانه اسعارهم اوفر ، ولو مرت عليكم نفس حالتي فيدوني

ويزاكم الله خير

[لـبـيـه]

هابه الجرثومه الفتره الاخيره

استحملها وعليك بمضاداتها وبس ولا توسوس فتره وتعدي

[الحياة الخالدة]

سلامتج أختي الله يشفيج ويعافيج

مادري إذا سويتي سونار للمرارة .. لأن حصى المرارة ممكن تكون لها نفس الأعراض اللي ذكرتيها

[partyQtr]

هابه الجرثومه الفتره الاخيره

استحملها وعليك بمضاداتها وبس ولا توسوس فتره وتعدي
أي والله هابه

انا خلصت المضادات وصرت فترة أسبوعين او ثلاث اوكي والحين مره ثانيه قمت احس بألالام اقوى من قبل

[partyQtr]

سلامتج أختي الله يشفيج ويعافيج

مادري إذا سويتي سونار للمرارة .. لأن حصى المرارة ممكن تكون لها نفس الأعراض اللي ذكرتيها

الله يسلمج فديتج

سويت التراساوند للبطن كامل ومافي شيء الحمدالله

[Rider]

بصراحة من يثق في تشخيص المستشفيات لي عندنا كله فشل في فشل اقل شي اختي روحي تايلندا وشكي ابرك هنيه بيلعبون فيج ولا بتوصلين حق حل

[shadad]

بصراحة من يثق في تشخيص المستشفيات لي عندنا كله فشل في فشل اقل شي اختي روحي تايلندا وشكي ابرك هنيه بيلعبون فيج ولا بتوصلين حق حل

مع اني ما اعتقد تحتاج سفرة لتاليند . لكن ان تعنى وجود العلاج هني فالسفر هناك ينصح به. وانا مع الاخ رايدر في هذا الشور.

[technical]

بسم لله الرحمن الرحيم
الله يشفيك و يعافيك و يعافي كل مريض
اطلعي على كتاب wheat belly لدكتور أمريكي يوصي مرضاه بترك الطحين ، يمكن الخبز له علاقه جربوا الله يسلمكم تركه مدة اسبوع والسلام

[aloosh]

شوفي احد اخوانك وروحي تايلند بنتي نفس الشي ماخليت مستشفى او عياده وكلهم خرطي كل واحد علاج مختلف اخذتها تايلند والحمدلله سسو لها فحص وعطوها حبوب والحمدلله من هذاك اليوم معاد اشتكت من شي
نفس حالتك كانت

الاحبوب مع الاسف مش موجوده الى في تايلند

[البعيد]

فيه دكتور شادي في مجمع الشرق الاوسط للرعاية الصحية قريب محطة بترول الدحيل نفس هالاعراض تكلم عنها في برنامج في اذاعة قطر عن المعده

[معماري قطري]

الله يشفي كل مريض

[بوخميس]

ما اظن جرثومة المعدة تحتاج كل هالعلاج

لازم تاخذين الدوا على بطن مليان مب فاضي لانه يسو تلبك في المعدة

وبعدين اللي في المركز الصحي على اي اساس قالت المنظار ياخذ سنة؟؟

انا توني مسوي منظار وعطوني موعد قبله بشهرين وكان يصير قبل بس الدكتور كان يبغيني اكمل سنة على المنظار الأول

[الاستاندر]

سبحان الله انا كانت فيني حموضه دايمه ويوميه
وارتجاع وترجيع وانتفاخ والله تعبت مامتن وزني ثابت
سويت فحص الجرثومة وستمريت على المضاد احين اخذ من شهرين دوى الحموضه وبوقفه مع الشهر الثالث
واموري الحمد لله زانت

[eXpert*]

فيما يخص الباطنية أنصح بالدكتور العذبه في مستشفى الاهلى للفحوصات .
الارتجاع ممكن يكون من ارتخاء المرئ أو الجرثومة .

[المحاميه]

والله انا نفس الشي تعبانه من بطني
كل يومين يضرب علي
مب عارفه هو قولون ولا جرثومه ..
ماستحمل اكل أي شي .. حتى لو يوعانه ولا اكله تناسبني ..
والحموضه مرتفعه .. وعدم راحه فالبطن
بس الحمدلله ماعندي لوعه ..

الله يشفيج ياختي والله يعينج على المستشفيات
بس يمدحون العذبه في الأهلي ..

والصراحه مواقف الدكاتره معاج حدث ولا حرج .. انا أقول تروحين الأهلي ابرك ..
والله يعينا على هالبطن ..

[كازانوفا]

الف سلامه عليكي روحي للدكتور محمد العمادي تخلصي نفسك من التعب والانتظار

[QtrGate]

الله يساعدج
بس اهم شي انتبهي من ثلاث اشياء.
الشاي والقهوة ، والاكل المقلي، والبهارات

لايقربون منج ترى يعفسون البطن

[حمد بن سعد]

الحمدالله من 2006 وان اعاني منها الله المستعان

راجع الدكتور حمد العذبه افضل لاني ان متابع معاه


والحمدالله على كل حال والله يشفيك ويشفي مرضى المسلمين

[partyQtr]

شوفي احد اخوانك وروحي تايلند بنتي نفس الشي ماخليت مستشفى او عياده وكلهم خرطي كل واحد علاج مختلف اخذتها تايلند والحمدلله سسو لها فحص وعطوها حبوب والحمدلله من هذاك اليوم معاد اشتكت من شي
نفس حالتك كانت

الاحبوب مع الاسف مش موجوده الى في تايلند
سالفة اني اروح تايلاند وايد صعبة بالنسبه لي مستحيله بالعربي

[partyQtr]

ما اظن جرثومة المعدة تحتاج كل هالعلاج

لازم تاخذين الدوا على بطن مليان مب فاضي لانه يسو تلبك في المعدة

وبعدين اللي في المركز الصحي على اي اساس قالت المنظار ياخذ سنة؟؟

انا توني مسوي منظار وعطوني موعد قبله بشهرين وكان يصير قبل بس الدكتور كان يبغيني اكمل سنة على المنظار الأول

قالت لي ممكن يتصلون لج بعد سنه وايد يطولون الحين صارلي من شهر 9 انتظرهم

[partyQtr]

سبحان الله انا كانت فيني حموضه دايمه ويوميه
وارتجاع وترجيع وانتفاخ والله تعبت مامتن وزني ثابت
سويت فحص الجرثومة وستمريت على المضاد احين اخذ من شهرين دوى الحموضه وبوقفه مع الشهر الثالث
واموري الحمد لله زانت

المشكله اني العلاج مال الجرثومه خذته غلط بسبة الدكاترة

[partyQtr]

والله انا نفس الشي تعبانه من بطني
كل يومين يضرب علي
مب عارفه هو قولون ولا جرثومه ..
ماستحمل اكل أي شي .. حتى لو يوعانه ولا اكله تناسبني ..
والحموضه مرتفعه .. وعدم راحه فالبطن
بس الحمدلله ماعندي لوعه ..

الله يشفيج ياختي والله يعينج على المستشفيات
بس يمدحون العذبه في الأهلي ..

والصراحه مواقف الدكاتره معاج حدث ولا حرج .. انا أقول تروحين الأهلي ابرك ..
والله يعينا على هالبطن ..

الله يشفينا فديتج

إحساس مب حلو هو خصوصا اني مااعرف شااكل صارلي أيام الحين عالماي والسوائل

[partyQtr]

رحت الأهلي في بداية الاعراض ومااستفدت شيء

[ورد الدوحه]

نفس حالة اختي بالضبط ماخلت مستشفى ماراحت وكله التشخيص غلط

والدكتور اللي عرف حق حالتها دكتور حمدي في الجزيرة ممتاز جداً
أنصحك تروحي له والله يشفيج ان شاء الله

[المحاميه]

الله يشفينا فديتج

إحساس مب حلو هو خصوصا اني مااعرف شااكل صارلي أيام الحين عالماي والسوائل

موز - الأعشاب - النعناع - روتي العادي مب روتي حليب - دياي مشوي - خيار
وكميات قليله
هذي بعض الاكلات الي تستحضرني وخفيفه عالمعده باذن الله
واذا تمت المعده فاضيه يزيد الألم واللوعه ..

الله يشفيج ويسهل

[معماري قطري]

ما فكرتي تجربين تحتلين .. العشرج يعني وهو في الغالب اذا ما ينفع ما يضر

[كويتية74]

هلا اختي كانت لي تجربة مماثلة لحالتج ودشيت دوامة المستشفيات والتحاليل فترة طويلة اخر شي طلع قولون عصبي
لاتحاتين اختي ان شالله ماكو شي دام التحاليل زينه

[وليف الشوق]

اذا تبين نصيحه من اخوج وجربي ماانتي خسرانه شي وعليج بالكركم اشربيه يوميا" وعندي مكان يبيع كركم اصلي خاص للشرب مش للطبخ وهالشراب كل مافضيتي اشربيه يوميا" من 2 إلى 3 مرات وعندك الشي الثاني اشربه عصير الصبار وهالعصير متوفر بعد اشربيه مع الكركم
مثال : في الليل قبل النوم اشربي عصير الصبار
في الصباح على الريق اشربي عصير الصبار
الظهر : اشربي الكركم والمغرب بعد اشربي كركم وكل مافضيتي بدلي العصير او الشاي بالكركم

وصدقيني راح تدعين لي وكل شي يزول بأذن الله

[partyQtr]

موز - الأعشاب - النعناع - روتي العادي مب روتي حليب - دياي مشوي - خيار
وكميات قليله
هذي بعض الاكلات الي تستحضرني وخفيفه عالمعده باذن الله
واذا تمت المعده فاضيه يزيد الألم واللوعه ..

الله يشفيج ويسهل
ان شاءالله

وامين يارب

[partyQtr]

ما فكرتي تجربين تحتلين .. العشرج يعني وهو في الغالب اذا ما ينفع ما يضر

مافكرت فيه والله

[partyQtr]

هلا اختي كانت لي تجربة مماثلة لحالتج ودشيت دوامة المستشفيات والتحاليل فترة طويلة اخر شي طلع قولون عصبي
لاتحاتين اختي ان شالله ماكو شي دام التحاليل زينه

انزين اشلون عرفتي انه قولون حتى انا شاكه

واشلون تعالجتي منه

[partyQtr]

اذا تبين نصيحه من اخوج وجربي ماانتي خسرانه شي وعليج بالكركم اشربيه يوميا" وعندي مكان يبيع كركم اصلي خاص للشرب مش للطبخ وهالشراب كل مافضيتي اشربيه يوميا" من 2 إلى 3 مرات وعندك الشي الثاني اشربه عصير الصبار وهالعصير متوفر بعد اشربيه مع الكركم
مثال : في الليل قبل النوم اشربي عصير الصبار
في الصباح على الريق اشربي عصير الصبار
الظهر : اشربي الكركم والمغرب بعد اشربي كركم وكل مافضيتي بدلي العصير او الشاي بالكركم

وصدقيني راح تدعين لي وكل شي يزول بأذن الله

قريت وصفه كركم وعسل ودارسين وقلت بجربها بس الكركم اللي جبته اللي في الجمعيه صوب البهارات يصلح؟

واشلون اسويه في ماي حار واشربه ؟
الصبار مااعتقد بستصيغ طعمه

وان شاءالله

[وليف الشوق]

قريت وصفه كركم وعسل ودارسين وقلت بجربها بس الكركم اللي جبته اللي في الجمعيه صوب البهارات يصلح؟

واشلون اسويه في ماي حار واشربه ؟
الصبار مااعتقد بستصيغ طعمه

وان شاءالله

الكركم اللي في الجمعيه ماينفع كلش لان فيه مواد مخلوطه معاه والافضل لك انك تاخذين الكركم الاصلي اللي بدون مواد حافظه او اي مادة مخلوطه معاهم وانا مااقدر اقول اسم المحل عشان مااسوي دعاية له واقسم بالله مالي مصلحه مع المحل لا من قريب ولا من بعيد لكن مجرد نصيحه وبعدين نرجع لعصير الصبار وموضوع اني مااستصيغه ترى هالكلام ماينفع وانا شربته وعادي مثل طعم الجوافه ولاجل عين تكرم مدينه ولا الافضل لك تروحين من مستشفى لمستشفى وتخسرين فلوسك في فحوصات وعلاج وادويه يمكن ماتصلح ؟ عشان صحتك لازم تتعودين على شرب عصير الصبار الطبيعي وصدقيني يمكن ماراح تحبينه من اول مره لكن راح تتعودين عليه مع الوقت وعندي نصيحه ثانيه ممكن تضيفن معاه اي شي طعمه حلو مثل الفرواله او البرتقال او اي مادة تحبينها لكن الافضل لك 100% انه يكون على طبيعته بدون خلط اي مواد معاه ولابد ان تستحملين طعمه عشان صحتك وصدقيني اذا ماانفعك ماراح يضرك
الله يرحم حالنا قبل يوم نشرب العشرج كل فتره ومانشتكي من طعم

[وليف الشوق]

الشي الثاني تجيبين ماي حار وتخلطين الكركم معاه ملعقه ونص بكوب وسط والافضل بدون سكر وتحريكنه وتخلينه شوي لين يصير دافي وبالهنا والشفا ان شاءالله وكرري الشرب كل يوم مرتين او 3 مرات حسب استطاعتك

[partyQtr]

الكركم اللي في الجمعيه ماينفع كلش لان فيه مواد مخلوطه معاه والافضل لك انك تاخذين الكركم الاصلي اللي بدون مواد حافظه او اي مادة مخلوطه معاهم وانا مااقدر اقول اسم المحل عشان مااسوي دعاية له واقسم بالله مالي مصلحه مع المحل لا من قريب ولا من بعيد لكن مجرد نصيحه وبعدين نرجع لعصير الصبار وموضوع اني مااستصيغه ترى هالكلام ماينفع وانا شربته وعادي مثل طعم الجوافه ولاجل عين تكرم مدينه ولا الافضل لك تروحين من مستشفى لمستشفى وتخسرين فلوسك في فحوصات وعلاج وادويه يمكن ماتصلح ؟ عشان صحتك لازم تتعودين على شرب عصير الصبار الطبيعي وصدقيني يمكن ماراح تحبينه من اول مره لكن راح تتعودين عليه مع الوقت وعندي نصيحه ثانيه ممكن تضيفن معاه اي شي طعمه حلو مثل الفرواله او البرتقال او اي مادة تحبينها لكن الافضل لك 100% انه يكون على طبيعته بدون خلط اي مواد معاه ولابد ان تستحملين طعمه عشان صحتك وصدقيني اذا ماانفعك ماراح يضرك
الله يرحم حالنا قبل يوم نشرب العشرج كل فتره ومانشتكي من طعم


شااسم المحل وعصير الصبار من وين

[نفسي عزيزه]

كركم اصلي بمحل صلاله بسوق العلي مقابل نعال تميمه اعزكم الله هالمحل معروف وقديم ومايحتاج دعايه لكن عشان يستفيدون الناس الي يقرون الموضوع سواء المسجلين او لا نبي الاجر

ومسحوق الزنجبيل على ماء دافي الزنجبيل فرش عنده

كركم زنجبيل وعسل اصلي يمني من سوق واقف في محل هناك تمام بعد

والشافي الله

[وسمي2016]

مافكرت فيه والله

عنب ابيض على بطن فاضي ,,,وبعده كثري شوي من شرب الماء العادي
البروده ,,,,افضل تنظيف للمعده والامعاء,,,,و الله مايراويكم مكروه,,,,,,

[وليف الشوق]

كركم اصلي بمحل صلاله بسوق العلي مقابل نعال تميمه اعزكم الله هالمحل معروف وقديم ومايحتاج دعايه لكن عشان يستفيدون الناس الي يقرون الموضوع سواء المسجلين او لا نبي الاجر

ومسحوق الزنجبيل على ماء دافي الزنجبيل فرش عنده

كركم زنجبيل وعسل اصلي يمني من سوق واقف في محل هناك تمام بعد

والشافي الله

ادخلي موقع مزاد قطر وابحثي عن بيع عصير الصبار وعندي رقم وحده جزاها الله خير تجيبه لك بنفس اليوم وللامانه انا تعاملت معاها وكانت امينه والعصير جديد
وبالنسبة للكركم الاصلي انا قصدي غير مطحون يعني كركم طويل وجاف غير مطحون ولقيته في محل عطار بشارع معيذر التجاري

[نفسي عزيزه]

شكرا للمعلومه يا وليف والله لايبيلك .. على وقفاتك ومساعدتك

موجود الي مش مطحون بصلاله ولهم فرع بمعيذر

وكثروا لنا من هالسوالف نبي نستفيد ونفيد الشي الطبيعي افضل من هالحبوب واثارها مع الوقت

بارك الله فيكم