تايلاند او ماليزيا

[نااادر]

السلام عليكم ورحمة الله وبركاته


حبيت استفسر عن بانكوك وماليزيا


انا شهر 3 مخطط اروح شرق اسيا و خاصة سنغافوره وابي اضيف معاها تايلاند او ماليزيا ابي جزر و ريلاكس ومب مهتم بالسوق


مدة الرحلة بتكون 10 الى 14 يوم

منها 4 ايام في سنغافوره


ابي جدول سياحي و فنادق حلوه

الرحله عائلية ومعاي اطفال


ما نستغني عن نصائحكم

[Dana’1]

وعليكم السلام ورحمة الله وبركاته

كجدول شوي صعبه لان زرتهم بفترات متباعده يعني الحين اكيد تغيرت وزادت كثيير اماكن
بس كرأي عام لثلاث دول
سنغافوره تلق لق روعه بالنظافه والتسوق ماشاءالله وهي اغلاهم وفيها جزيرة سنتوسا السياحيه فيها مدينة العاب والعاب مائيه وشواطئ إلخ
ماليزيا حلوه ونظيفه بس ممكن تكون متقاربه لسنغافوره
تايلاند تختلف عن الثنتين شوي من الاكل لين التماشي فيها السفاري ورلد والالعاب والترفيه حتى ببعض المولات ممكن يكون أكثر من الي بماليزيا لكن ولانها كمساحه أكبر فممكن تكون بعض اشهر الاماكن والجزر متباعده شوي يعني مو كلها في بانكوك ! وحتى التسوق ومن ناحية السعر أرخص من الثنتين وتنوع أكثر

والاعضاء بيفيدونك أكثر مني بإذن الله

[بوخالد911]

أنصحك تروح بوكيت
لو تحب الجزر والبحر والرياضات البحرية.

على شاطىء باتونغ بييتش
بتحصل أكشاك مكاتب سياحية
طب وتخير بس.

بوكيت تستحق من 5-6 أيام

مدينة هادئة ونظيفة مقارنة ببانكوك.

والله الموفق.

[وليف الشوق]

هناك منطقة اتردد عليها وراح تدعي لي والجو روعه وكل رحلات السفاري فيها وتوكل ع الله واهي تجربة مااعتقد راح تنساها مع العائلة وهي منطقه شنغماي / تايلند
والرحلة الدوحه / بانكوك / شنغماي وعندك بوكيت بعد زينه لكن افضل ان الفندق يكون بعيد شوي عن المحال التجارية ( نصيحه شخصيه ) وتقدر تتطلع على برامج السياحه في بوكيت وزيارة جزيرة بي بي وعدة جزر أيضا" ولك حرية الاختيار في زيارة الجزر والتمتع في السباحه في مياه صافيه او اختيار ركوب الدراجات في الغابة او زيارة الحدائق المخصصه للحيوانات والتمتع بمنظرها ولك مطلق الحرية في اختيار البرنامج الذي تود زيارته من خلال عدة وجهات سوف تجدها في كتيب السياحه المنشور في مكاتب السياحه المنتشرة بين الاسواق والمحال التجارية ( سفرا" سعيدا" واقامه ممتعه وعائلتك )

[ذكي جدااا]

انصحك ببوكيت جزيرة ممتازه ونظيفة والقطرية تروح لها دايركت يعني خط الرحله بيكون دوحة سانغفوره. والرجعه بوكيت دوحه مباشره.

[اخصائي]

مرحبا اخوي
انزل في بانكوك يومين وبعدها خذ سياره الى منطقه ساحليه قريبه تقريبا ساعتين ونصف اسمها Hua Hin معظم فنادقها على البحر وفيها حدائق مائيه كبيره وعظم روادها اجانب

[بـن عدوان]

بالنسبة للريلاكس

في ماليزيا عندك لنكاوي، منتجعات وهالسوالف بس مافيها حياة في الليل

في تايلند عندك بوكت مثل ماقالوا الشباب

وبعد عندك جزيرة اسمها كوسا موي، نفس بوكت بس على اهدا ويقولون حلوة

بوكت نظام جزر ورحلات وانشطة والليل تقدر تتمشى وفيها حياة

ووقتك زين اصلا حق هالمنطقة

[نااادر]

الله يعطيكم العافية جميعا


اشوف التعليقات على بوكيت مشجعه


فيه فنادق زينة تنصحوني فيها ؟؟ تكون حلوه و عائلية

[السكين]

ماليزيا حلوة وعائلية وما فيها فساد علني مثل تايلاند بس مشكلتها بالليل مافي نشاط لو تحب السهر والتسوق الليلي، بس نظيفة وحلوة وكل الأماكن قريبة حتى لو سكنت كوالا .
تايلاند حلوة كرحلات بحرية بوكيت أو كوسموي عجيبة ، شنغماي انا رحتها واحس اهلها اطيب من بانكوك وجوها بارد بالليل . واجمالاً تايلاند متنوعة وشاملة ورخيصة بس مشكلتها أخلاقية وكلك مفهومية .

الفنادق ما أذكرها بالضبط بس كنا نغير كثير كرحلات شباب لمجرد التغيير والتجربة.

[بـن عدوان]

عندك الميلينيوم زين في بوكت وجنب المجمع على طول

[نااادر]

ابي جدول سياحي بالاماكن و الفنادق اذا في شي مجرب و حلو يا ليت تساعدوني