احد جرب هالفندق

[ورد الدوحه]

السلام عليكم

حاجزين حق الكويت ويكند وكل الفنادق فل تقريباً
ونصحني مال السفريات بفندق النخيل (ذا بالمز)

حد جربه يفيدني وجزاكم الله خير

[عتيج الصوف]

افضل شي شوف تعليقات من سكنوا بالفندق على رابط بوكينج ,,وممكن تحصلون على بوكينج اماكن فاضية لفنادق اخرى مع التقييم

https://www.booking.com/hotel/kw/the-palms-beach-spa.ar.html

[monatee]

افضل شي تشوف تقايييم الناس اللي سكنوا
وللامانه فنادق الكويت مشكله .. صعب تلاقي فندق على مستوى حتى وان كان 5 نجووم
وفوق هذا غاليه وايد ، وماعندهم فندق في بلادهم كلها مستواه يوصل 9 / 10

بالنسبه للفندق اللي تسأل عنه اشوف التقاييم عليه تمام ،، افضل من غيره بمراحل

[ورد الدوحه]

عتيج الصوف
و
monatee
جزاكم الله خير
ايه اشوف التعليقات عليه تمام يمدحونه
وسعره معقول الليله ب900 وشوي

شكراً لكم :)

[ضوى]

جربي فندق ,
Residence Inn by Marriott Kuwait City

وايد وايد حبيته سكنته ثلاث مرات ، تعاملهم مريح وسيارة تاخذنا من المطار وسيارة تودينا المطار ، وعندهم ميزان للاغراض ، وقريب جدا من المباركية والاسواق اللي حواليها ، ومسافة عشر دقايق ربع ساعة في الاحوال العادية لين السالمية وخلافه
ايه واضافة ثانية كل العالم تعرفه ، تاجرات الانستغرام محلات المباركية واي احد نبي منه شي نكلمه ويجينا الفندق ببضاعته خاصة العطور والبخور حتى مال الذهب يبناهم الفندق :nice:

[monatee]

عتيج الصوف
و
monatee
جزاكم الله خير
ايه اشوف التعليقات عليه تمام يمدحونه
وسعره معقول الليله ب900 وشوي

شكراً لكم :)

بس انتبه عندهم ضرايب 15% غير مشموله بالسعر المعروض

بالتوفيق

[فريج النجادة]

انا رشح لك هذا الفندق مارينا

https://www.booking.com/hotel/kw/safir-marina.ar.html

روعة عن تجربة وشوف التعليقات

اذا تبي تلفونهم ارخص لك من بوكنج كلمني على الخاص وابشر

[كويتية74]

حياكم الله بالكويت نتشرف والله
في فندق روتانا وسفير الفنطاس

[جبر ال جبر]

جميرا ولا تفكر بغيره بعد انا وايد اروح الكويت احسن فندق لحد الان هو جميرا مستوى الغرف والاكل والموقع واخذ السويت افضل والاسعار معقوله بس لاتحجز عن طريق المواقع كلم الفندق مباشره وفي عضويه لهم خاصه اشترك فيها واستفيد من عروضهم

[ورد الدوحه]

جزاكم الله خير جميعا واشكر لكم اقتراحاتكم ان شاء الله كل سفرة بجرب واحد

يعطيكم العافيه