زراعــة الأسنــــان في قطـــر … أفيدونا بتجاربكم ونصائحكم

[نجم سهيل]

السلام عليكم

أتمنى منكم تشورون علي بأفضل العيادات في زراعة الأسنان
سؤالي الأهم وش يحطون مكان السن خلال الـ 3 أشهر اذا كان الضرس أمامي؟
وتفيدونا بتجاربكم مع الزراعة بإيجابياتها وسلبياتها
وهل عندنا عيادات مثل تشارمينغ في دبي وعيادة في الكويت تزرع السن في يوم واحد فقط؟

فيدونا بكل ماتعرفونه عن زراعة الأسنان الله يجزيكم خير

[H H]

نفس التساؤل.
والي جرب يسويها فتايلند يسرد تجربته

[سليمان احمد]

اخووي العزيز : انا توني جاي من تركيا ومسوي زراعة في عياده ولله الحمد
شغل ممتاز / جوده عاليه / نص السعر عن الدوحه / تخدير كامل ( بطلبي ) / جلسه وحده
وفوقها تمشيه في تركيا لكن فيه امور وملاحظات باذكرها عشان الاستفاده للي يقرا
في البدايه كنت مخلص مع عيادة الرائد على 94 الف لزراعة 8 اسنان اثنين في كل فك من اليمين واليسار
في الفكين العلويين والسفليين واقصد الاسنان الخلفيه ( الطواحن ) لانها عندي منتهيه او متآكله مع تركيب
تلبيس لجسرين اماميه في الفكيين وكان الشغل بيكون على اكثر من 12 جلسه ولمدة 6 شهور تقريبا موزعه بجدول
وجلسات وقبل لا ابدآ معهم شار علي واحد من الربع بيض الله وجهه وعطاني عنوان عياده في اسطنبول وعطاني
موقعم وبعد التصفح اقتنعت اني امام عيادة متكامله وشغل ممتاز بالنسبه لبصور والفيديوهات وتواصلت مع الرقم
الموجود وكان شخص عربي دكتور من سوريا اسمه ( احمد ) وعطاني موعد في خلال 6 ايام حتى اعقد اقل لاني ذكرت
له اني اجازه وابغي استغل الاجازه وفعلا اخذ لي موعد وطرت لتركيا ووصلت قبل الموعد بيوم وجيتهم اليوم الثاني على الموعد واستقبلني استقبال طيب وعلى طول على التصوير عشان نجلس مع الجراح يحدد الشغل والتفاصيل وبعد التصوير جلسنا مع الجراح وشرح لي الشغلات اللي احتاجها ولاحظ اني متوتر ومتخوف لاني بصراحه اخاف من كرسي الاسنان والمعدات وخاصة الابره وبعد الشرح قلت له انا بصراحه متخوف هل بالامكان ان الشغل يكون تخدير كامل قالي اصلا العدد اللي بتزرعه 8 زراعات وقبلها يحتاج الدكتور يخلع الاسنان القديمه المتأكله والمسوسه عشان يزرع ف الدكتور يقول المريض مبين عليه متوتر وفي نفس الوقت الشغل ماهو سهل ف بيكون تخدير كامل المهم الي تجي بكره صايم عشان الفحص لانه معي سكر ولازم يسوون فحص عشان التخدير ويعرفون مستوى والامراض المصاحبه والحمدلله جيت ثاني يوم صايم 12 ساعه وسوو لي فحص وكانت الامور طيبه ف حدد لي ثاني يوم العمليه وبعد لازم اكون صايم لاني مريض سكر ومريض السكر لازم قبل الزراعه مايكون السكر عالي عشان ماتفشل الزراعه وخاصة انها مسامير تركب في العظام والحمدلله جيت ثاني بعد ليله توتر وتخوف والصباح الساعه 10 انا في العياده وبعد ساعه دخلت غرفة العمليات للتجهيز للعمليات والحمدلله تخدير كامل ونومه طويله وماوعيت الا يصحوني بعد العمليه وقمت ومازال التخدير معي وشوي شوي صحيت وماكان هناك اي الآااام لانهم وعلى كلام الدكتور عطوني مهدي في العظل وقمت وطلعت للفندق لاني ساكن جنب العياده على اساس اني بروحي وماكان معي احد يستلمني
لاني بعد ماقمت ماكنت متماسك 100% ف ماكنت اقدر امشي كثير ف طلع معي المترجم ووصلني لباب الفندق لانه قريب على بعد 200 متر وعلى طول نمت من اثار البنج والعملية كانت 5 ساعات على كلام الجراح وطبعا مع التخدير وعلى ماقمت كانت كلها على بعض حول ال سبع ساعات لكن كنت طول الليل نايم من اثار التخدير وكان فيه دم يطلع من اللثه لانه كانت كلها مخيطه وكن هناك دم يطلع ف يحتاج انه يكون عندي مثل الفوطه عشان الفراش لكن بعد ماصحيت اليوم الثاني الا تفاجآت بانتفاخ كبير في الوجه ف انصدمت وكان اصلا طالبين مني امر عليهم ثاني يوم للتشييك ف قالي الدكتور عادي الانتفاخ لانك خالع اسنان وزارع اسنان وبيخف مع الوقت وفعلا في خلال اربع ايام وقف الدم مع التئام اللثه وبعد اسبوع جيتهم عشان يشيلون الخيوط وفعلا شلت الخيوط وخذو مقاسات لتعويض الاسنان المفقوده واللي تكون تحت الزراعه لين ارجع لهم بعد 5 شهور طبعا لاني مريض سكر الشخص العادي اعتقد ثلاث شهور والحمدلله وماكان فيه الالآم الا اليومين اللي بعد العمليه الالآم بسيطه لانهم صرفوا لي حبوب مهدي ومضمضه ولله الحمد وبعد ماشلت الخيوط رديت الدوحه وخلصت كل شي في جلسه وحده وتحت التخدير الكامل والرحله كلها كانت 11 يوم والسعر كامل كان 40 الف ريال
طبعا تتكلم على نصف السعر وجلسه وحده للعميه لكن ارجع لهم بعد 5 شهور حتى يتم تركيب التاج مكان الزراعه ويتم تبديل الجسور او التلبيس بشكل متناسق كامل ونوع الماني اسمه ( الزركون الالماني ) وهو افضل الانواع ومعاه ضمان مدى الحياه على كلام الدكتور من الاصفرار او الانفكاك من العظم لا سمح الله وبصراحه بعد زيارتي للعياده اكتشفت انها فعلا مثل ماشفت في الموقع وهو يعتبر مستشفى متكامل حتى في زراعة شعر وتجميل وشغل الاسنان عندهم عميق وشغلهم يعتبر شغل حق الجراحات لفقد الكامل للاسنان والسعر اشوفه مناسب لانه حتى اللي يصمم شكل الاسنان جهاز الماني حتى راح تشوفه عندهم يحدد شكل الاسنان بناء على شكل الفك ومحيط الوجه
في الاخير ؛ اسف على الاطاله ويعلم الله اني مابالغت ولا مدحت عشان دعايه او شي لكن نقلت تجربتي بكل صراحه عشان الجميع يستفيد وعشان المبالغ الخياليه عندنا هنا للاسف حتى وان كان جودة العيادات عندنا لاباس بها لكني وجدت الخيارات عندهم افضل وخاصة التخدير الكامل للناس اللي مثلي مايتحمل الابر والدريل ومايبي يقعد بالساعات فاتح فمه ومع الالااام ف عشان ذا نقلت تجرببتي ليستفيد الجميع عالعموم عنوان العياده ورقم المنسق عندي وبالامكان اي شخص انه يشوف الموقع والصور والفيديو وياخذ فكره ويستخير ويتوكل على الله
تحياتي للجميع

[بريق الحق]

الله يعطيك الصحه والعافيه اخوي سليمان

[سليمان احمد]

http://treatment-dental-implants.healthbeautyturkey.com/?gclid=EAIaIQobChMI456KqLqH2AIVihDTCh0FrgCVEAAYASA AEgI8tfD_BwE

هذا عنوان العياده واللي يبغي رقم المنسق يراسلني وبارسله له
حتى يقولي اذا الشخص من طرفك بيكون فيه تخفيض ولا ادري هل هو صادق ولا دعايه
لكن بامانه الرجل محترم جدا حتى انه دلني على شخص محترم سواق كان يوصلني لمشاويري
في الاسواق وخلافه والمطار ف فعلا كان محترم للغايه

[النهار]

مشكور اخوي سليمان على الشرح المفصل بارك الله فيك

[سليمان احمد]

ونسيت اضيف يركبون اسنان مؤقته مكان الاسنان المخلوعه بعد الزراعه بشكل مؤقت عشان تاكل فيها وفي نفس الوقت مايكون هناك وضوح انك خالع الاسنان كتعويض لين ترجع باختصار الجماعه حلو لي جميع المشاكل اللي كنت متخوف منها موضوع البنج واقتصار الشغل كامل في جلسه وحده باستثناء جلسة شيل الخياط واخذ المقاسات والشغل كان ممتاز والسعر مناسب جدا ونص السعر في الدوحه ومابقى الا ااخر جلسه موعد فتح اللثه وتركيب التيجان في القواعد المسامير ولا عنده زراعة عظم بتقنية الحقن بدال اخذ عظم من الجسم او تركيب عظم اصطناعي عباره عن بودره حق الناس اللي ماعندهم عظم قوي في الفك بسبب تأكل الاسنان وضعف الفك
اخيرا الله يوفق الجميع واي سؤال انا حاظر

[الواعد]

نبغي ردود وتجارب اكثر خصوصا في عيادات الدوحة
بصراحة عيادات الخراشي اسعارها مبالغ فيها جدا جدا
توني جاي من عندهم ، زراعة السن الواحد 12 الف ريال
احد يعرف لنا دكتور تمام بس مايكون سعره مبالغ فيه
افيدونا جزاكم الله خير

[الواعد]

البعض قال لي روح للمستشفى الكوبي
بس مادري عنده زراعة تمام او*ماعنده

[aloosh]

شوف انا عندي فوبيا من الاسنان واسناني تعبانه خلاص لازم تنشال
فمدحو لي الاهل عياده وتوكلت على الله ورحت لهم وشتلت اسناني كلها اللي فوق حتى ما حسيت بطريقه الشل وشغله ممتاز

العياده
في المعيذر الجنوبي
دوار سويدي اخذه غرب بيكون المسجد على يمينك والعياده على يسارك
الاطباء هنود
شوف دكتور فوق في عياده رقم 3

[نجم سهيل]

السلام عليكم

لكم جزيل الشكر على الإفادة يا اخوان وكفيت ووفيت اخوي سليمان بشرحك الوافي .. فعلا العيادات عندنا في الدوحة للأسف اذا كانت جيدة نسبياً طارت أسعارها فوق ولكن مقارنةً باللي في الخارج ماتسوى!
ماكنت أفكر حتى بالزراعة فالخارج لكن بديت أغير رايي في هالموضوع مع اني أفضّل الزراعة في الدوحة ..

اخوي علوش ممكن اسم العيادة واسعارها؟

جزاكم الله خير جميعا

[كاتم الاسرار]

ولد خالتي مسوي زراعه ف عياده الريم فالعزيزيه والتكلفة تقريبا ف ظ¥ظ* الف بس مسوي وأيد زراعه

[aloosh]

السلام عليكم

لكم جزيل الشكر على الإفادة يا اخوان وكفيت ووفيت اخوي سليمان بشرحك الوافي .. فعلا العيادات عندنا في الدوحة للأسف اذا كانت جيدة نسبياً طارت أسعارها فوق ولكن مقارنةً باللي في الخارج ماتسوى!
ماكنت أفكر حتى بالزراعة فالخارج لكن بديت أغير رايي في هالموضوع مع اني أفضّل الزراعة في الدوحة ..

اخوي علوش ممكن اسم العيادة واسعارها؟

جزاكم الله خير جميعا

كينج دنتل

نصيحه قبل تروح برا تسوي زراعه شيل الاسنان المتضرره هنا وتروح جاهز لانك تحتاج كم يوم علشان لثه تاخذ مكانها الطبيعي


انا بروح اسوي زراعه برا لاني ابي بنج كامل مدري في الاهلي يسون لاني سمعت ان الاهلي يسوي بنك كامل والله اعلم

[راعي الاصفر]

الاول للاسنان عندهم زراعة أسنان اسعارهم معقولة

[أبورودي]

السلام عليكم الزراعه طبعا ممتازه وافضل انا مسوي زراعه بالقاهره الضرس الواحد 1500 ريال انهيت المرحله الاولى وتركيب التاج بعد 3 أشهر وفى امكانية تخدير كلى فى حالة وجود أكثر من ضرس بس الزراعه أفضل من التركيب لكن قد لا تنفع لبعض الحالات

[الزعفراني]

السلام عليكم الزراعه طبعا ممتازه وافضل انا مسوي زراعه بالقاهره الضرس الواحد 1500 ريال انهيت المرحله الاولى وتركيب التاج بعد 3 أشهر وفى امكانية تخدير كلى فى حالة وجود أكثر من ضرس بس الزراعه أفضل من التركيب لكن قد لا تنفع لبعض الحالات

ممكن رقم العيادة

[الزعفراني]

بخصوص زراعة الاسنان في قطر انا انصح بعيادة الاسنان في رميله .. شغلهم مضمون

[Bo Turky]

http://treatment-dental-implants.healthbeautyturkey.com/?gclid=EAIaIQobChMI456KqLqH2AIVihDTCh0FrgCVEAAYASA AEgI8tfD_BwE

هذا عنوان العياده واللي يبغي رقم المنسق يراسلني وبارسله له
حتى يقولي اذا الشخص من طرفك بيكون فيه تخفيض ولا ادري هل هو صادق ولا دعايه
لكن بامانه الرجل محترم جدا حتى انه دلني على شخص محترم سواق كان يوصلني لمشاويري
في الاسواق وخلافه والمطار ف فعلا كان محترم للغايه

يعطيك العافيه على الشرح الوافي
انا يبغي لي اشيل ضرس العقل واسوي زراعه لاربع ضروس
وابغي اسوي تركيب او فينيل
تتوقع كم يوم يبغي لي اقعد هناك واخلص مرحلة القياسات والخلع ومتى الموعد الثاني اللي اروح اخلص فيه

يعني على حسب خبرتك

[سليمان احمد]

يعطيك العافيه على الشرح الوافي
انا يبغي لي اشيل ضرس العقل واسوي زراعه لاربع ضروس
وابغي اسوي تركيب او فينيل
تتوقع كم يوم يبغي لي اقعد هناك واخلص مرحلة القياسات والخلع ومتى الموعد الثاني اللي اروح اخلص فيه

يعني على حسب خبرتك


شوف ياطويل العمر بالنسبه لشيلة ضرس العقل وزراعة المسامير راح تكون المرحله الاولى
واحتمال تكون في ثلاث جلسات او اكثر لان الجلسه الاولى تصوير وشرح من الدكتور للشغل اللي تحتاجه
والجلسه الثانيه هي الشغل والجلسه الثالثه للتشييك بعد العمليه والرابعه لازالة الخيوط من اللثه والخامسه
لعمل المقاسات قبل المرحله الثانيه وخل في بالك انك تعطي نفسك وقت وماتضغط على نفسك لانك راح
يكون عندك انتفاخ كبير جدا بعد العمليه ف تحتاج وقت فالافضل تعطي نفسك وقت لايقل عن اسبوعين
كحد اقصى وحط في بالك موضوع الويكند ماينحسب فالمده تكون في ايام العمل
لكن بالنسبه للزراعه لازم يكون هناك فتره مابين الزراعة وتركيب التيجان لانه لابد يكون هناك فرصه
لآلتئام المسامير مع العظم ولمريض السكر 5 شهور مثل وضعي وللشخص العادي ثلاث شهور فلازم
تكون على مرحلتين لكن خل في بالك انه الجوده والشغل هي اهم شي ف من خلال تجربتي لازم تكون
وبالنسبه للمده انا المرحله الاولى جلست 12 يوم وبعد اسبوعين مسافر ان شاء الله واحتاج تقريبا عشر ايام
بعد التنسيق معاهم وسؤالهم عن المده عشان موضوع الحجوزات ولاتنسى ان المرحله الاولى اصعب من الثانيه
لان الثانيه هي مرحله تركيب البراغي في القواعد وتركيب التيجان وتكملة الشغل وأي سؤال انا حاضر فيه شخص
اسمه عبدالرحمن مكتبي هو منسق المرضى الدوليين العرب ورقمه عندي اذا بغيته بارسله لك وشخص محترم ومتعاون وينسق لك كل الامور
بالتوفيق لك

[Bo Turky]

يعطيك العافيه
اي والله تسوي خير ترسل لي رقمه
ان شاء الله بروح بداية الشهر الجاي عشان اخلص المرحله هذي قبل رمضان
وباخذ اجازه اسبوعين على كلامك

[سليمان احمد]

(( ارسلت لك رساله خاصه فيها رقم الشخص اتصله وترا انا رايح ان شاء بداية شهر خمسه ))

[Bo Turky]

اخوي سليمان
ارسل لي رقمك عندي استفسارات عن العلاج وان شاء الله ناوي اروح معاك بداية شهر خمسه

[سليمان احمد]

اخوي سليمان
ارسل لي رقمك عندي استفسارات عن العلاج وان شاء الله ناوي اروح معاك بداية شهر خمسه



ارسلت لك جوالي على الخاص

[asulaiti]

استفسار للجميع بارك الله فيكم

أنا كذلك محتاج زراعة لكذا سن ... رحت عيادة الخراشي وصدمني السعر
وايد مبالغ فيه ..

لكن رحت عيادتين نفس السعر وأقل من الخراشي بوايد .. يعني اقل حتى من نصف سعر الخراشي ..

فحبيت أتأكد من هذه العيادتين اذا في حد له تجربة سابقة معاهم يخبرنا بنتيجة وجودة الشغل

العيادتين هما المجمع الدولي التخصصي للأسنان ( بشارع الوعب )
ومركز زين للأسنان ( الدفنة )

هل حد جربهم وارتاح معاهم ؟

[النهار]

الله يعطيك الصحه والعافيه اخوي سليمان