منقاصات للاستشاره في البناء

[ALJokar]

احد سمع عن هذي الشركه مناقصات وبناء عندهم او اخذ استشارين ومقاولين عن طريقهم ابي احد يعرفهم لاني ابي ابني ولا لي معرفه في البناء
خدامتهم مجانا للعملاء:
•نستقبل طلب طرح المناقصة إلكترونياً.
•نقوم بمراجعة معلومات المناقصة.
•وضع المواصفات والكميات لمناقصات البناء.
•بطرح المناقصة إلكترونياً في الموقع لمدة محددة حسب حجم المناقصة.
•نقوم بطرح المناقصة إلكترونياً في الموقع لمدة محددة حسب حجم المناقصة.
•يتم في نفس لحظة الإدراج دعوة جميع الشركات المسجلة ذات الإختصاص للمشاركة بالمناقصة بشكل تلقائي للقيام بتسعير المناقصة.
•يتم فتح مجال التسعير للشركات المسجلة عبر شاشة المناقصة مع لحظات الإغلاق، ولا يمكن رؤية أي أسعار إلا عند لحظة الإغلاق.
•يتم منح العميل جهاز لمراقبة الأسعار بصورة حيّة ومباشرة.



خدماتنا المجانية

•طرح المناقصات وفقاً لمتطلبات العملاء.
•إستكمال المتطلبات ودراستها لمساعدة العملاء لطرح المناقصة.
•توفير الإستشارات الفنية والقانونية للعملاء قبل وأثناء تنفيذ المشروع.
•التدقيق على المواصفات والكميات لمناقصات البناء لوقاية العملاء من زيادة التكاليف.
•صياغة العقود القانونية اللازمة للطرفين.
•توفير أفضل العروض من خلال المشاركة المفتوحة للشركات.
•فرص عمل متساوية لجميع الشركات وخصوصاً المتوسطة والصغيرة منها تبعاً إلى حجم المناقصة.
•عمل تصاميم البناء وإستخراج الرخص لذوي الإحتياجات الخاصة والأرامل والمطلقات.
•تمثيل العملاء قضائياً دون أتعاب في حالة إخلال الشركة المنفذة أو الموردة بإلتزامها وعند إلتزام العميل ببنود التعاقد.

[معماري قطري]

الخدمات ذي كلها يسويها الاستشاري حسب عقدك معاه وأفضل بكثير الإستشاري المصمم هو يسوي المناقصة وهو يشرف وطبعاً كل هالمراحل في وجود المالك وبعد توضيح له كافة الخيارات والاتجاهات

أوقات التصميم ما يناسب تغيير معين أو مواصفات معينة ويجي قانوني أو محاسب مالي ينفذ حسب طلب العميل ويتورط بعدين العميل لأنه ما حصل النصيحة الصادقة من متخصص

لو الشركة فيها مهندسين مختصين وياخذون وقتهم في الدراسة ويوضحون كل شيء أكيد الوضع غير وفي صالح المستفيد

إحنا في السابق كجهة حكومية نصمم عن طريق استشاري أحياناً وأحياناً عن طريقنا والمناقصة دوم تتم مراجعتها بواسطة المصمم سواء كان مكتب خارجي أو شخص أو عدة أشخاص داخليين كل واحد حسب اختصاصه ومع اختصاصيين ماليين لوضع الشروط المالية والجزائية .. بعدها تحليل المناقصة واختيار الأنسب يمر من خلال نفس هؤلاء الأشخاص .. لو استشاري خارجي يبدي رأيه في الأنسب والثاني والثالث ويتم الاختيار بواسطة المسؤول بناءً على هذا الرأي

في النهاية المناقصة ضرورية ويقدر يقوم بها أي شخص وانا افضل الشخص أو المكتب المصمم

[ALJokar]

الخدمات ذي كلها يسويها الاستشاري حسب عقدك معاه وأفضل بكثير الإستشاري المصمم هو يسوي المناقصة وهو يشرف وطبعاً كل هالمراحل في وجود المالك وبعد توضيح له كافة الخيارات والاتجاهات

أوقات التصميم ما يناسب تغيير معين أو مواصفات معينة ويجي قانوني أو محاسب مالي ينفذ حسب طلب العميل ويتورط بعدين العميل لأنه ما حصل النصيحة الصادقة من متخصص

لو الشركة فيها مهندسين مختصين وياخذون وقتهم في الدراسة ويوضحون كل شيء أكيد الوضع غير وفي صالح المستفيد

إحنا في السابق كجهة حكومية نصمم عن طريق استشاري أحياناً وأحياناً عن طريقنا والمناقصة دوم تتم مراجعتها بواسطة المصمم سواء كان مكتب خارجي أو شخص أو عدة أشخاص داخليين كل واحد حسب اختصاصه ومع اختصاصيين ماليين لوضع الشروط المالية والجزائية .. بعدها تحليل المناقصة واختيار الأنسب يمر من خلال نفس هؤلاء الأشخاص .. لو استشاري خارجي يبدي رأيه في الأنسب والثاني والثالث ويتم الاختيار بواسطة المسؤول بناءً على هذا الرأي

في النهاية المناقصة ضرورية ويقدر يقوم بها أي شخص وانا افضل الشخص أو المكتب المصمم


انا اقصد هذي الشركه

[SouthK]

انا كنت ناوي اتعامل معاهم لكن .. كل شي بدون مقابل؟؟؟؟؟؟؟ صعب اصدق!
و عندي سبب ثاني لكن يبي بحث اكثر!

[معماري قطري]

انا اقصد هذي الشركه

وانا فاهم قصدك وردي كان واضح

ما تحتاج وسيط ثالث طول ما انت مسوي تصميم عن طريق استشاري وهو يفترض مختاره بعناية ومناسب وتقدر تكمل معاه أو مع حد ثاني مساوي أو أفضل

حتى المواصفات تتفق عليها من خلال عدة جلسات قبل العقد مع الاستشاري أفضل حتى لو سويتوا مناقصة الكل يسعر على نفس الشروط والمخططات

بعدين أي شيء ببلاش تطلع تكلفته بعدين وكثيرين يقولونها صريحة إحنا نسبتنا ناخذها من المقاول يعني سمسرة واضحة .. وما احب اظلم لأني جاهل بالعقد وتفاصيله وقانونيته ويمكن مثل هذي الشركات فيها خير كثير بس لو كان الأُمور المحددة فوق فهذي أي استشاري يسويها ويعطيك الراي الصحيح ويسمح لك تحط شركات من عندك وفي النهاية الاختيار يكون في يدك

لو حد يقدر يمدنا بعقد مفصل مع المخططات اقدر اراجع تفاصيله وتفاصيل المواصفات والمخططات والشروط المالية وأقول اذا متناسق وجيد أو لا .. ولازم يكون كذلك مع عقد الشركة مفصل وواضح .. لو كل هالأُمور مترتبة صح ولا تسوي ارباك بتكون الشركة تستاهل حتى نسبة 10% من العقد لأن هذي الشغلة مهمة وفيها دوشة كبيرة ووجع راس

نصيحتي دوم للي يبي يتفق مع استشاري أو ممثل للمالك يتابع شغله يعتمد نظام التصوير والتقارير اليومية السريعة بالاضافة للتقارير الاسبوعية المكتوبة وتقرير الدفعات المالية والانجاز

[معماري قطري]

انا كنت ناوي اتعامل معاهم لكن .. كل شي بدون مقابل؟؟؟؟؟؟؟ صعب اصدق!
و عندي سبب ثاني لكن يبي بحث اكثر!

ما دامت الشغلة بلوشي قول لهم عطوني النموذج وباستشير وبارجع لكم شوف شيقولون .. اتوقع بيقولون ما نعطيك الا تلتزم بتوقيع عقد المقاول عن طريقنا

وشيء مهم أي مقاول من طرف مكتب استشارات أو شركة في الغالب لو فيه اتفاق معاه على نسبة معينة يضيف فوقها مايكفيه ويرفع السعر حتى يضمن يغطي أتعابه

شيء غير مهم وهذا يصير كثير في مناقصات الحكومة .. يجون 20 مقاول للتسعير وياخذون الوثائق وكثير منهم يكونون متفقين على سعر معين كأدنى سعر ويحاولون ما ينزلون عنه .. كذلك غالبية المقاولين يعينون مكتب معين لحساب الكميات وهذا من خلاله كل مقاول يقدر يعرف الآخر كم سعر ويمكن ينزل عن طريقه شوي

حساب الكميات هو اللاعب الرئيسي في التسعير وفي حساب المقاول لربحه والمقاول الفاشل ما يسويه ويدخل مغامرات خسرانة أوقات أو أقلها يحاول يماطل في عمل المتفق عليه ويلعب بالمواصفات وجودة الشغل تكون تعبانه ويحترق كرته لو في نظام قانوني قوي للبناء ويمكن يتعرض للسجن والافلاس لكن عندنا تضيع سمعته بس .. وساءت سمعته عند فلان ما يهمه الضحية الثانية ما تدري

كل هالأُمور مذكورة للاطلاع في الموضوع المثبت فوق والله يعين اللي يتابع هذي المواضيع للمرة الأُولى يتوه ويتعب ولا يفهم شالمقصود

[معماري قطري]

قصدي بالنموذج فوق مب صيغة العقد معاهم صيغة المناقصة اللي بيتم ارسالها للمقاولين وهل لك الحق في اضافة أي مقاول غير أو لا

[ALJokar]

على حسب فهمي من الاتصال الي جرى معهم لهم الاحقيه بالاطلاع ع بيانات المقاول من امور ماديه وخلافه بحيث العميل يضمن حقه من الشركات المقاوله من الخساير او النصب.
شي الاخر ما اعتقد يقدر يطرح مناقصتك الا بعد مايوقع معك هنا يقدر يظمن انك لازم تكمل معه.
بخصوص طرحه للمناقصه للمقاولين عن طريق اونلاين يمكنك اطلاع عليها بعد ماتطرح المناقصه للمقاول فقط 5 دقايق لوضع سعره.
قبل كل شي اول جلسه يقعدون معك مهندسيين واستشارين من الشركة مناقصه ويساولونك شنو تبي بالضبط هل تبي بناء عظم او ع المفتاح واذا تبي تشطيب سوبر ديلوكس او عادي او vip
بعدها يعطونك السعر التقديري بناء ع مواصفاتك وبعدها اذا جاز لك السعر التقديري اعتقد هنا تبدا الاتفاقيه معهم والتوقيع وطرح مناقصتك للمقاولين.
النقاط الي اشوفها مناسبه تكون فيه متابعه واستشاره مهندسين فاهمين ومستشارين من شركة مناقصه مجانا لين تستلم البيت طبعا هذا كله بياخذة من المقاول. الي هي نسبته 2.5% وهذي طبعا اعتقد بتنوخذ منك بطريقه ما عند طريق المقاول بيعوض النسبه هذي بالمبلغ الاجمالي ف اعتقادي.

[معماري قطري]

على حسب فهمي من الاتصال الي جرى معهم لهم الاحقيه بالاطلاع ع بيانات المقاول من امور ماديه وخلافه بحيث العميل يضمن حقه من الشركات المقاوله من الخساير او النصب.
شي الاخر ما اعتقد يقدر يطرح مناقصتك الا بعد مايوقع معك هنا يقدر يظمن انك لازم تكمل معه.
بخصوص طرحه للمناقصه للمقاولين عن طريق اونلاين يمكنك اطلاع عليها بعد ماتطرح المناقصه للمقاول فقط 5 دقايق لوضع سعره.
قبل كل شي اول جلسه يقعدون معك مهندسيين واستشارين من الشركة مناقصه ويساولونك شنو تبي بالضبط هل تبي بناء عظم او ع المفتاح واذا تبي تشطيب سوبر ديلوكس او عادي او vip
بعدها يعطونك السعر التقديري بناء ع مواصفاتك وبعدها اذا جاز لك السعر التقديري اعتقد هنا تبدا الاتفاقيه معهم والتوقيع وطرح مناقصتك للمقاولين.
النقاط الي اشوفها مناسبه تكون فيه متابعه واستشاره مهندسين فاهمين ومستشارين من شركة مناقصه مجانا لين تستلم البيت طبعا هذا كله بياخذة من المقاول. الي هي نسبته 2.5% وهذي طبعا اعتقد بتنوخذ منك بطريقه ما عند طريق المقاول بيعوض النسبه هذي بالمبلغ الاجمالي ف اعتقادي.

كل ما ذكرت جيد الا نقطة ال 5 دقايق لوضع السعر هذي شبه مستحيلة لأن مهما يكون المقاول عنده موظفين فاهمين وحاسبين كميات لازم بياخذ وقت الا تكون فيه جداول كميات معدة مسبقاً ومبرمجة في كمبيوتر وبضغطة زر تطلع النتيجة متضمنة ربح المقاول

بعض المناقصات عند بعض المقاولين تاخذ فترة توصل لشهر أو شهرين

حتى بعض المقاولين يكون عنده شيء مبهم مثلاً يسعر لك ببديل هو مقترحه أو يستفسر عن هذا الشيء حتى يوضح له الاستشاري بعدين يسعر والمفروض لو أحد المقاولين ذكر شيء لازم تتم مراسلة البقية كلهم بهذا التوضيح حتى نضمن تسعير للشيء نفسه من الكل

المقاول لو وصلته المناقصة يدرس تفاصيلها وموادها ويجردها ويحسب تكلفتها ويحط نسبة خطورة وارتفاع أسعار ويحط تكلفة العمال والنقل والمياه وتخليص بعض المعاملات .. مستحيل تحصل مقاول يسعر في 5 دقايق .. مثلاً الألمنيوم والنجارة لازم يسأل مختصين وينطر تسعيرهم .. وبعضهم ما عنده كهربائي ويتفق مع كهربائي آخر وبعضهم يشوف تسعير العزل للمياه وياخذ تسعير رسمي من مقاول معتمد ويضيف عليه نسبة احتمال ارتفاع الأسعار لو جاء وقت التركيب

[ALJokar]

كل ما ذكرت جيد الا نقطة ال 5 دقايق لوضع السعر هذي شبه مستحيلة لأن مهما يكون المقاول عنده موظفين فاهمين وحاسبين كميات لازم بياخذ وقت الا تكون فيه جداول كميات معدة مسبقاً ومبرمجة في كمبيوتر وبضغطة زر تطلع النتيجة متضمنة ربح المقاول

بعض المناقصات عند بعض المقاولين تاخذ فترة توصل لشهر أو شهرين

حتى بعض المقاولين يكون عنده شيء مبهم مثلاً يسعر لك ببديل هو مقترحه أو يستفسر عن هذا الشيء حتى يوضح له الاستشاري بعدين يسعر والمفروض لو أحد المقاولين ذكر شيء لازم تتم مراسلة البقية كلهم بهذا التوضيح حتى نضمن تسعير للشيء نفسه من الكل

المقاول لو وصلته المناقصة يدرس تفاصيلها وموادها ويجردها ويحسب تكلفتها ويحط نسبة خطورة وارتفاع أسعار ويحط تكلفة العمال والنقل والمياه وتخليص بعض المعاملات .. مستحيل تحصل مقاول يسعر في 5 دقايق .. مثلاً الألمنيوم والنجارة لازم يسأل مختصين وينطر تسعيرهم .. وبعضهم ما عنده كهربائي ويتفق مع كهربائي آخر وبعضهم يشوف تسعير العزل للمياه وياخذ تسعير رسمي من مقاول معتمد ويضيف عليه نسبة احتمال ارتفاع الأسعار لو جاء وقت التركيب



انا معك بكل شي قلته القصد من القول ان المقاول قبل لايحط تسعيرته
يعرف كل الاشياء او المطلبات الزبون والعميل الي طالبها وعنده وقت يقرا الملف كامل من الموقع بعدها بعد ماينشاف
الملف او المتطلبات المطلوبه من الزبون عن طريق المقاولين هنا ينطرح لهم الوقت الي هو لي خمس دقايق

[الزجاجي]

السلام عليكم ورحمه الله

انا تعاملت مع الشركة لبناء بيت العمر وبخبرك بالتجربة .
سويت الخرايط بمكتب في السد بعد ما تاكدت من احتياجاتي وسويت الخرايط النهائية وباقي رخصة البناء الي لازم يكون عندك مقاول.
مريت عليهم وخبرتهم ان الخرايط جاهزة وانا من الاساس عندي كم عرض سعر من شركات سمعتهم طيبه بالسوق واغلبهم عطوني 1200 ريال على المتر (أسعار 2016) وقالي الخدمات المذكوره وبنسوي لك عروض أسعار من المقاولين الي عندنا وبعد اسبوعين كلموني اراجعهم وشفت عروض الاسعار تقريبا 20 عرض سعر واكتشفت ان أفضل سعر عندهم اقل تقريبا 20 % من الي عندي
نعم أنصح فيهم للي ما عنده خلفيه بالبنيان أبداً لانهم فادوني مرتين المره الاولي فرق السعر بين الاسعار الي عندي وسعرهم والمره الثانية سويت تعديلات على الفيلا والمقاول عطاني فاتورة ب 60 الف ريال ولما رويتهم قالو لي خلينا ندرس التعديلات واكتشفو عن الاسعار مدبله مضبوط وتم تعديل الفاتورة الى 20 الف ريال !
الشركة تاخذ عمولة من المقاول وما تاخذ عمولة على المالك ولهذه السبب الخدمات مجانية بشرط توقع عقد معاهم قبل الشغل واذا حبيت تنسحب اثناء الشغل تدفع غرامة نسيت والله كم

[معماري قطري]

انا معك بكل شي قلته القصد من القول ان المقاول قبل لايحط تسعيرته
يعرف كل الاشياء او المطلبات الزبون والعميل الي طالبها وعنده وقت يقرا الملف كامل من الموقع بعدها بعد ماينشاف
الملف او المتطلبات المطلوبه من الزبون عن طريق المقاولين هنا ينطرح لهم الوقت الي هو لي خمس دقايق

زين قريت بتركيز وفهمت شتقصد .. قصدك إن الملف يتوزع قبل بفترة ووقت عرض السعر يكون محدد اونلاين بخمس دقايق حتى محد يعرف سعر الثاني من المقاولين

بعد أأكد لك إن غالبية المقاولين يتعاملون مع مكتب حسابات هندسية وحساب كميات قد يكون هو الوحيد في قطر أو فيه مكتب ثاني وعادي هذي المكاتب تحسب السعر صح وتقترح على المقاول سعر معين وبعدين المقاول يزيد عليه نسبة معينة حتى يضمن ربحه وكذلك ما يزيد وايد حتى يضمن يحصل الشغلة وبهذي الطريقة تحصل سعر منافس

توكل على الله والله يوفقك بس لتنسانا بتجربتك كاملة حتى نستفيد أكثر وقد تكون هذي الشركة بديل ناجح لبعض الاستشاريين بتوع بص حدرتك

[معماري قطري]

نصيحة للي يصمم لا يستخسر يستشير استشاري جيد في الانشاءات وفي تخفيف الخرسانات وعمل تصميم اقتصادي

كذلك لو يبي تكييف دكت سبلت أو مركزي ما يسويه الا تحت اشراف مكتب هندسي مختص في التكييف أو الميكانيك .. الاشراف قصدي التصميم والإختيار ومتابعة التنفيذ

ولو يبي يسوي تصميم داخلي معقد ومتقن لآخر درجة يشوف بعد مكتب مختص ويقدر يقرر ويدمجه مع التصميم من بداياته حتى ما تستوي خربطة ولازم يتابع لين نهاية الإشراف والبناء

[معماري قطري]

السلام عليكم ورحمه الله

انا تعاملت مع الشركة لبناء بيت العمر وبخبرك بالتجربة .
سويت الخرايط بمكتب في السد بعد ما تاكدت من احتياجاتي وسويت الخرايط النهائية وباقي رخصة البناء الي لازم يكون عندك مقاول.
مريت عليهم وخبرتهم ان الخرايط جاهزة وانا من الاساس عندي كم عرض سعر من شركات سمعتهم طيبه بالسوق واغلبهم عطوني 1200 ريال على المتر (أسعار 2016) وقالي الخدمات المذكوره وبنسوي لك عروض أسعار من المقاولين الي عندنا وبعد اسبوعين كلموني اراجعهم وشفت عروض الاسعار تقريبا 20 عرض سعر واكتشفت ان أفضل سعر عندهم اقل تقريبا 20 % من الي عندي
نعم أنصح فيهم للي ما عنده خلفيه بالبنيان أبداً لانهم فادوني مرتين المره الاولي فرق السعر بين الاسعار الي عندي وسعرهم والمره الثانية سويت تعديلات على الفيلا والمقاول عطاني فاتورة ب 60 الف ريال ولما رويتهم قالو لي خلينا ندرس التعديلات واكتشفو عن الاسعار مدبله مضبوط وتم تعديل الفاتورة الى 20 الف ريال !
الشركة تاخذ عمولة من المقاول وما تاخذ عمولة على المالك ولهذه السبب الخدمات مجانية بشرط توقع عقد معاهم قبل الشغل واذا حبيت تنسحب اثناء الشغل تدفع غرامة نسيت والله كم

شلون يكتشفون إن الأسعار مدبلة؟

لازم عندهم حساب كميات للمواد الرئيسية موقع من المقاول قبل العقد وعلى أساسه يقدرون يحكمون ولو هذي طريقتهم أنصح الجميع بالتوقيع معاهم ويستحقون أتعابهم وأكيد بيكونون إضافة مميزة للسوق

[ALJokar]

ممتاز اشكرك ع الرد
سؤال بنيت ولا لين الحين؟
واذا بنيت شنو استفدت منهم اثناء البناء؟
شنو الشركة المقاولات الي بنت لك البيت واخذتها من عندهم؟
شنو انت جايب لهم من الشركات الي ماكانت موجوده عندهم؟
شنو تنصحني فيه؟

[ALJokar]

السلام عليكم ورحمه الله

انا تعاملت مع الشركة لبناء بيت العمر وبخبرك بالتجربة .
سويت الخرايط بمكتب في السد بعد ما تاكدت من احتياجاتي وسويت الخرايط النهائية وباقي رخصة البناء الي لازم يكون عندك مقاول.
مريت عليهم وخبرتهم ان الخرايط جاهزة وانا من الاساس عندي كم عرض سعر من شركات سمعتهم طيبه بالسوق واغلبهم عطوني 1200 ريال على المتر (أسعار 2016) وقالي الخدمات المذكوره وبنسوي لك عروض أسعار من المقاولين الي عندنا وبعد اسبوعين كلموني اراجعهم وشفت عروض الاسعار تقريبا 20 عرض سعر واكتشفت ان أفضل سعر عندهم اقل تقريبا 20 % من الي عندي
نعم أنصح فيهم للي ما عنده خلفيه بالبنيان أبداً لانهم فادوني مرتين المره الاولي فرق السعر بين الاسعار الي عندي وسعرهم والمره الثانية سويت تعديلات على الفيلا والمقاول عطاني فاتورة ب 60 الف ريال ولما رويتهم قالو لي خلينا ندرس التعديلات واكتشفو عن الاسعار مدبله مضبوط وتم تعديل الفاتورة الى 20 الف ريال !
الشركة تاخذ عمولة من المقاول وما تاخذ عمولة على المالك ولهذه السبب الخدمات مجانية بشرط توقع عقد معاهم قبل الشغل واذا حبيت تنسحب اثناء الشغل تدفع غرامة نسيت والله كم

ممتاز اشكرك ع الرد
سؤال بنيت ولا لين الحين؟
واذا بنيت شنو استفدت منهم اثناء البناء؟
شنو الشركة المقاولات الي بنت لك البيت واخذتها من عندهم؟
شنو انت جايب لهم من الشركات الي ماكانت موجوده عندهم؟
شنو تنصحني فيه؟

[الزجاجي]

شلون يكتشفون إن الأسعار مدبلة؟

لازم عندهم حساب كميات للمواد الرئيسية موقع من المقاول قبل العقد وعلى أساسه يقدرون يحكمون ولو هذي طريقتهم أنصح الجميع بالتوقيع معاهم ويستحقون أتعابهم وأكيد بيكونون إضافة مميزة للسوق

بقول لك يا طويل العمر
انا عقدي مع المقاول عظم بدون تشطيب وانت عارف راس ماله اسمنت وحديد وخرسانه وطابوق
صادق .. كان تعديلي على ارتفاع السقف اني زدته نص متر وحسب لي المقاول الكميه الازيادة وزاد سعره 3 أضعاف سعر السوق ويوم راجعتهم وشافو السعر قالو لي الاسعار مش طبيعيه خلينا نتاكد من سعر السوق وطلع السعر عالي وبعدها خفض لي المقاول التكلفه
للاسف أغلب المقاولين اذا لقى فرصه انه يستغل لك بتروح عليك واحنا طيبين نصدق أي واحد ونمشي :)

[الزجاجي]

ممتاز اشكرك ع الرد
سؤال بنيت ولا لين الحين؟
واذا بنيت شنو استفدت منهم اثناء البناء؟
شنو الشركة المقاولات الي بنت لك البيت واخذتها من عندهم؟
شنو انت جايب لهم من الشركات الي ماكانت موجوده عندهم؟
شنو تنصحني فيه؟

أي الحمد لله بنيت .
أستفدت الاستشارة والمقارنه والاغلاط المتداوله ف البنيان والاسعار والافكار .
خذت أرخص شركة والسبب عندها مشروع تبينه جنبي وعجبني شغلهم .
الشركات الي جبتها من السوق بالصدفة من مشاريع فلل وعددها تقريبا 4 شركات .

النصيحه الاولى خلك دقيق جدا في الخرايط حتى مقاس البيبان في الخريطة حطه لان السعر يعتمد ع الخريطه الي عندك واي تعديل برسوم والنصيحه الثانية اذا الله وفق واشتغلت مع هذا الوسيط انه أي تعديل على الفيلا ارجع لهم ولا تتهاون وتصير طيب مع المقاول وخلك أول باول معاهم سواء بالشغل أو تسديد الدفعات .

[بوجاسم_قطر]

السلام عيكم
اخوي الزجاجي هل صحيح انه سعرهم اغلى من السوق عشان يطلع المقاول فايدة 2.5%.

اما بخصوص مناقصات اذكر مريت عليهم عشان اخذ فكرة عنهم... بخصوص التسعيرة المقاول ياخذ وقته في دراسه المشروع, اما وضع السعر يفتحون المجال حق كل المقاولين لمدة 5 دقايق.

انا احين في مرحلة الخرايط وقاعد اسويها مع مكتب استشاري, لاني شفت شغل مناقصات في الخرائط وماعجبني وعليه ملاحظات وايد. اما بخصوص البنيان انا محتار هل اختار مناقصات او اروح مع اي مقاول ثاني بالسوق.

[SouthK]

السلام عيكم
اخوي الزجاجي هل صحيح انه سعرهم اغلى من السوق عشان يطلع المقاول فايدة 2.5%.

اما بخصوص مناقصات اذكر مريت عليهم عشان اخذ فكرة عنهم... بخصوص التسعيرة المقاول ياخذ وقته في دراسه المشروع, اما وضع السعر يفتحون المجال حق كل المقاولين لمدة 5 دقايق.

انا احين في مرحلة الخرايط وقاعد اسويها مع مكتب استشاري, لاني شفت شغل مناقصات في الخرائط وماعجبني وعليه ملاحظات وايد. اما بخصوص البنيان انا محتار هل اختار مناقصات او اروح مع اي مقاول ثاني بالسوق.

قبل لا تروح مناقصات ادخل موقعهم و اقرأ شروطهم .. انا كنت مشتط و معزم اتعامل معاهم عقب هونت!

[معماري قطري]

بقول لك يا طويل العمر
انا عقدي مع المقاول عظم بدون تشطيب وانت عارف راس ماله اسمنت وحديد وخرسانه وطابوق
صادق .. كان تعديلي على ارتفاع السقف اني زدته نص متر وحسب لي المقاول الكميه الازيادة وزاد سعره 3 أضعاف سعر السوق ويوم راجعتهم وشافو السعر قالو لي الاسعار مش طبيعيه خلينا نتاكد من سعر السوق وطلع السعر عالي وبعدها خفض لي المقاول التكلفه
للاسف أغلب المقاولين اذا لقى فرصه انه يستغل لك بتروح عليك واحنا طيبين نصدق أي واحد ونمشي :)

وبعد تحصله يماطل ويزيد ربحه أقل شيء بنسبة 50% مع إن في حالتك الحسبة سهلة ولا يبي لها شيء

فيه طريقة ثانية وهي الأضمن واللي المفروض يتبعونها شركة ادارة مشاريع أو استشاري وهي طريقة الكميات المسعرة مسبقاً والمعاد حسابها من أجل التعديل .. إنت تسعيرك واحد اللي هو lump sum أعتقد ترجمته اجمالي لكن لو حبيت تزيد شيء معين يحسب على أساس كميات الخرسانة = سعر معين ووزن الحديد سعر معين .. والتخشيب لو عادي سعر معين ولو بديكورات بسيطة بسعر معين ولو بديكورات صعبة سعر معين .. الطريقة يسمونها بالانجليزي remeasured quantities for variation purposes وهذي معمول بها في الدولة وبسبب التغييرات اللي بعضها تتعدى 20% من حجم وميزانية المشروع لازم يتفق عليها مسبقاً في العقد وعلى فترتها

بمعنى لو طلبت غرفة اضافية يكون جرد كمياتها سهل حسب تعقيدات الغرفة ومساحتها .. ولنفترض طلعت 10% من قيمة العقد كذلك تزيد المدة للتنفيذ حسب المتفق عليه .. أوقات العقد ينص على إن 10% وتحت ما تزيد فترة التنفيذ وأوقات تكون تزيد بنفس النسبة حتى لو 1% تزيد الفترة 1% كذلك وأوقات عقدك ينص على إن التعديلات لا تتجاوز 20% من قيمة العقد وانت تطلب تعديلات لو ما فيه جرد كميات مسبق .. انت تطلب تعديلات انت والاستشاري متفقين على انها 15% والمقاول يماطل يقول لك لا هي 25% ولا اقدر اسويها .. لكن لو عندك جرد مسبق وتسعير للوحدات الأساسية المقاول ما يقدر يعارض حسابات حاسب الكميات الا بحاسب كميات مستقل ويمكن يطلع الفرق بسيط جداً فلا يدخل في هذه المغامرة ويكون حساب الكميات المعادة لهذا التغيير هو المعتمد

[معماري قطري]

أي الحمد لله بنيت .
أستفدت الاستشارة والمقارنه والاغلاط المتداوله ف البنيان والاسعار والافكار .
خذت أرخص شركة والسبب عندها مشروع تبينه جنبي وعجبني شغلهم .
الشركات الي جبتها من السوق بالصدفة من مشاريع فلل وعددها تقريبا 4 شركات .

النصيحه الاولى خلك دقيق جدا في الخرايط حتى مقاس البيبان في الخريطة حطه لان السعر يعتمد ع الخريطه الي عندك واي تعديل برسوم والنصيحه الثانية اذا الله وفق واشتغلت مع هذا الوسيط انه أي تعديل على الفيلا ارجع لهم ولا تتهاون وتصير طيب مع المقاول وخلك أول باول معاهم سواء بالشغل أو تسديد الدفعات .

هذي نصيحة مهمة ولازم يتابع بفايل خاص عندهم هم نسخة ولو أمكن عنده هو صورة كاملة من كل محتويات الفايل أو الأصل .. وهذا ينطبق على أي وسيط حتى الاستشاري المشرف يعتبر وسيط

[معماري قطري]

السلام عيكم
اخوي الزجاجي هل صحيح انه سعرهم اغلى من السوق عشان يطلع المقاول فايدة 2.5%.

اما بخصوص مناقصات اذكر مريت عليهم عشان اخذ فكرة عنهم... بخصوص التسعيرة المقاول ياخذ وقته في دراسه المشروع, اما وضع السعر يفتحون المجال حق كل المقاولين لمدة 5 دقايق.

انا احين في مرحلة الخرايط وقاعد اسويها مع مكتب استشاري, لاني شفت شغل مناقصات في الخرائط وماعجبني وعليه ملاحظات وايد. اما بخصوص البنيان انا محتار هل اختار مناقصات او اروح مع اي مقاول ثاني بالسوق.

عليكم السلام ورحمة الله وبركاته

نصيحة يا اخوي لازم الكل يعرفها .. وقت المناقصة الكل يتنافس إنه يحط سعر منافس حتى يحصل الشغلة ويسويها .. يعني لازم يدرس ربحه بعناية ونسبة 2.5% لازم بيضيفها وبيضيف غيرها حتى يضمن عدم خسارته

إنت لو سويت الخرايط ونسختها بروحك ونسخت المواصفات وفرضاً صيغة العقد اللي تفضلها ورحت لعشر مقاولين بتحصل السعر يفرق يمكن بحدود المليون وأكثر من واحد لواحد .. الوسيط الفاهم وهنا أقصد الاستشاري المصمم والمشرف أولاً وثانياً شركة مثل هذي اللي نتكلم عنها بيسوي لك العملية والكل عارف إنه داخل مناقصة ويبي يفوز فيها بالعقد .. الشركات تدفع فلوس لشراء المناقصات حسب المناقصة بغض النظر عن ال 2.5% العمولة وعن المناقصة فازت فيها أو لا .. تدفع حسب الاتفاق لو 100 ريال تكاليف طباعة الخرائط واعداد الوثائق .. كذلك تدفع مجهود اللي بيسوون الحسابات .. مقاول يقول لي إحنا بين 10 مناقصات نخسر عليها مبالغ طائلة نفوز بعقد واحد

لذلك المناقصة مهمة ومهم التفاوض بعدها كذلك لتعديل بعض البنود وبعض الأسعار وقد يكون تعديل بعض التشطيبات المكلفة لأُخرى أو نظام التكييف

[معماري قطري]

بعد المناقصة لا نذهب للأقل الا أن يكون هو الاقل والأجود حسب مقاييس عديدة .. لكن نفاوض الأجود حتى لو كان هو الأعلى سعر لتنزيل سعره أو نضارب بين اثنين متقاربين للاتفاق مع أحدهم بعد المفاوضة ولنقل ترتيب السعرالمعروض ومناقشة البنود

[معماري قطري]

بعدين لازم نسمع رأي المقاول في مشروعنا وطرق تطويره للأفضل أوقات هو يشوف أخطاء أو نواقص ويحب تصحيحها ولازم نسمعه ونناقشه فيها قبل الاتفاق ويمكن يطلع السعر شوي أعلى لكن أفضل لنا كثير

[معماري قطري]

ما ننسى شيء مهم إن هذي مناقصات اختيارية يعني ممكن المالك يختار الأعلى سعراً وليس ملزم باختيار اللي ينصح به الوسيط .. كذلك التفاوض وكل المراحل لازم يتواجد فيها المالك وتكون عنده ثقافة بسيطة عن البناء وعن احتياجه لأن في النهاية هو المستفيد وهو اللي بيدفع

[بوجاسم_قطر]

قبل لا تروح مناقصات ادخل موقعهم و اقرأ شروطهم .. انا كنت مشتط و معزم اتعامل معاهم عقب هونت!

ليش هونت ممكن تنقل لنا تجربتك او رايك فيهم عشان نستفيد..

[بوجاسم_قطر]

عليكم السلام ورحمة الله وبركاته

نصيحة يا اخوي لازم الكل يعرفها .. وقت المناقصة الكل يتنافس إنه يحط سعر منافس حتى يحصل الشغلة ويسويها .. يعني لازم يدرس ربحه بعناية ونسبة 2.5% لازم بيضيفها وبيضيف غيرها حتى يضمن عدم خسارته

إنت لو سويت الخرايط ونسختها بروحك ونسخت المواصفات وفرضاً صيغة العقد اللي تفضلها ورحت لعشر مقاولين بتحصل السعر يفرق يمكن بحدود المليون وأكثر من واحد لواحد .. الوسيط الفاهم وهنا أقصد الاستشاري المصمم والمشرف أولاً وثانياً شركة مثل هذي اللي نتكلم عنها بيسوي لك العملية والكل عارف إنه داخل مناقصة ويبي يفوز فيها بالعقد .. الشركات تدفع فلوس لشراء المناقصات حسب المناقصة بغض النظر عن ال 2.5% العمولة وعن المناقصة فازت فيها أو لا .. تدفع حسب الاتفاق لو 100 ريال تكاليف طباعة الخرائط واعداد الوثائق .. كذلك تدفع مجهود اللي بيسوون الحسابات .. مقاول يقول لي إحنا بين 10 مناقصات نخسر عليها مبالغ طائلة نفوز بعقد واحد

لذلك المناقصة مهمة ومهم التفاوض بعدها كذلك لتعديل بعض البنود وبعض الأسعار وقد يكون تعديل بعض التشطيبات المكلفة لأُخرى أو نظام التكييف

كلامك صحيح اخوي المقاول راح يطلع ربحه لذلك الربع يقولون انه البنيان عن طريق مناقصات يكون اغلى شوي من السوق.

[معماري قطري]

كلامك صحيح اخوي المقاول راح يطلع ربحه لذلك الربع يقولون انه البنيان عن طريق مناقصات يكون اغلى شوي من السوق.

مب شرط يكون أغلى وما عنيته كان إن المناقصة تضبط السعر أكثر وتكاليفها ولا شيء

لو رحت بنفسك واستدرجت عروض بتتعرض لتسعير مجحف أوقات لأن المقاول يتوقع إنت جايه وبس لذلك بيحاول يغريك بالكلام الطيب عن استعداد الشركة وقوتها وبيعطيك سعر ضامن فيه ربح كبير .. أما في المناقصة كل واحد يقلل ربحه حتى يفوز بالعقد

[الزجاجي]

السلام عيكم
اخوي الزجاجي هل صحيح انه سعرهم اغلى من السوق عشان يطلع المقاول فايدة 2.5%.

اما بخصوص مناقصات اذكر مريت عليهم عشان اخذ فكرة عنهم... بخصوص التسعيرة المقاول ياخذ وقته في دراسه المشروع, اما وضع السعر يفتحون المجال حق كل المقاولين لمدة 5 دقايق.

انا احين في مرحلة الخرايط وقاعد اسويها مع مكتب استشاري, لاني شفت شغل مناقصات في الخرائط وماعجبني وعليه ملاحظات وايد. اما بخصوص البنيان انا محتار هل اختار مناقصات او اروح مع اي مقاول ثاني بالسوق.

طبعا لا والا ليش فاتحين :)
تجربة شخصية منهم وبدون أي دعاية منهم وانا واضح من البداية اذا خبرتك في البنيان صفر توكل على الله وروح لهم
النسبة هذه لو حسبتها ما تجيب لك بنيان غرفه هههههه

اذكر بعد ما وقت معاهم العقد قالو لي يمكن الموضوع ياخذ اسبوعين لطرح المناقصة والرد بالاسعار .. تصدق بين العرض الاول والاخير فرق مليون ريال !
صحيح تختار أفضل 4 أو 5 عروض اسعار وتتناقش معاهم على شروطك وبعد ما تتفق تتوكل على الله . أذكر بتجربتي بعد ما اقتنعت بهذه الشركات الا لما زرت بعض مشاريعهم وكان موظف من عندهم معاي وفي الاخير ما ارتحت الا لشركة وحدة وتم الاتفاق
الخرايط اختيارية في هذا الوسيط بس الميزه الحلوه مجانيه اذا اشتغلت معاهم وعدل على راحتك لين ترضى لان الخرايط شي والواقع شي ثاني لكن لا تقول بشوف اسعارهم اذا تعجبني أو لا لانها عليها رسوم اذا بتنسحب

[معماري قطري]

طبعا لا والا ليش فاتحين :)
تجربة شخصية منهم وبدون أي دعاية منهم وانا واضح من البداية اذا خبرتك في البنيان صفر توكل على الله وروح لهم
النسبة هذه لو حسبتها ما تجيب لك بنيان غرفه هههههه

اذكر بعد ما وقت معاهم العقد قالو لي يمكن الموضوع ياخذ اسبوعين لطرح المناقصة والرد بالاسعار .. تصدق بين العرض الاول والاخير فرق مليون ريال !
صحيح تختار أفضل 4 أو 5 عروض اسعار وتتناقش معاهم على شروطك وبعد ما تتفق تتوكل على الله . أذكر بتجربتي بعد ما اقتنعت بهذه الشركات الا لما زرت بعض مشاريعهم وكان موظف من عندهم معاي وفي الاخير ما ارتحت الا لشركة وحدة وتم الاتفاق
الخرايط اختيارية في هذا الوسيط بس الميزه الحلوه مجانيه اذا اشتغلت معاهم وعدل على راحتك لين ترضى لان الخرايط شي والواقع شي ثاني لكن لا تقول بشوف اسعارهم اذا تعجبني أو لا لانها عليها رسوم اذا بتنسحب

شغلك زين وهذا اللي انصح به دوم

لازم تفتح وتعرف من تتفق معاه وشركة مثل مناقصات تبي تضمن حقها وأشوفها اضافة جيدة في السوق للي ما يعرفون يتابعون

كذلك عندنا شركات مثل البندري والأصمخ وباقي الشركات العقارية أتوقع على استعداد لإدارة الشغل لو عندهم شوية فراغ وقلة شغل

[ALJokar]

طبعا لا والا ليش فاتحين :)
تجربة شخصية منهم وبدون أي دعاية منهم وانا واضح من البداية اذا خبرتك في البنيان صفر توكل على الله وروح لهم
النسبة هذه لو حسبتها ما تجيب لك بنيان غرفه هههههه

اذكر بعد ما وقت معاهم العقد قالو لي يمكن الموضوع ياخذ اسبوعين لطرح المناقصة والرد بالاسعار .. تصدق بين العرض الاول والاخير فرق مليون ريال !
صحيح تختار أفضل 4 أو 5 عروض اسعار وتتناقش معاهم على شروطك وبعد ما تتفق تتوكل على الله . أذكر بتجربتي بعد ما اقتنعت بهذه الشركات الا لما زرت بعض مشاريعهم وكان موظف من عندهم معاي وفي الاخير ما ارتحت الا لشركة وحدة وتم الاتفاق
الخرايط اختيارية في هذا الوسيط بس الميزه الحلوه مجانيه اذا اشتغلت معاهم وعدل على راحتك لين ترضى لان الخرايط شي والواقع شي ثاني لكن لا تقول بشوف اسعارهم اذا تعجبني أو لا لانها عليها رسوم اذا بتنسحب



مرحبا اخووي الزجاجي وشصار معاك ياليت تكلمنا على الشركة وتعطينا ملاحظاتك

[معماري قطري]

واحد مرني من أيام مسوي تصميم معاهم تعبوه ما عندهم حلول وتصاميمهم فيها كثير قصور

يقول خذ سنة معهم رايح جاي

من أبرز العيوب إنهم مسوين له نظام الصرف الصحي كله ينزل على البيسمنت وبعدين ترفعه مضخة لين خزان الصرف .. حاول يقنعهم بعمل خطين صرف صحي خط للبيسمنت وبعدين ترفعه مضخة وخط حق الأول والأرضي بس احتاروا شلون يمددونه والبيت من ثلاث جهات حوشه نازل مع البيسمنت .. والحلول كانت سهلة وموجودة

أذكر هالسالفة إحقاقاً للحق والشركة الهندسية أو المكتب الاستشاري كلما كان يقدر يحط حلول ويقتنع بوجهة نظر المالك كلما كان أفضل

[معماري قطري]

انا استويت كسول وللحين ما ثبتت برنامج الاوتوكاد مع إنه عندي لكن ما ادري وين بالضبط وبإذن الله انزله واتابع موضوع مراجعة التصاميم الهندسية مراجعة نقدية مثل ما تعودنا خلال الفترة السابقة والله يوفق الجميع