أبواب اليوبي في سي

[$الملياردير$]

هلا الله يمسيكم بالخير ... لو تكرمتوا ممكن تدلوني على محلات يسون أبواب لدورات المياه من اليوبي في سي لدورات المياه اعزكم الله او تجاربكم لأبواب دورات المياه ... ابي شي قريب من الخشب من ناحية اللون او الديزاين .... في واحد من الربع مسوي كل أبواب الحمامات اعزكم الله من الزجاج حد مرت عليه هالفكرة وايش رأيكم فيها ..... مع خالص شكري و تقديري

[معماري قطري]

مساء الأنوار

ومبروكين فوز منتخبنا على اليمن وإن شاء الله نرجع بالكاس

واحد من الربع ناوي يسوي نصحته بمعماري قطر أو الاختيار الألماني وخذ من الألماني مع النوافذ كذلك

معماري قطر وشركة نسيت اسمها مريت عليها في معيذر شغلهم زين للأبواب واللون مقارب للخشب ولو تبي توفر خذ منهم وخل النوافذ والابواب الخارجية من الاختيار الألماني أو قطر يو بي في سي أو غيرهم شركات وايد حتى الاختصاصي عنده وركز على المواصفات والمقطع والاكسسوارات ولتوقع العقد الا معاه عينات موقعة .. وانتبه للعدد والمقاسات

[نااادر]

جيرسي يو بي في سي

موجودة ديزاينات متعددة و الوان مختلفة

[SouthK]

ما انصح بالالماني .. شوف الدوحة يو بي في سي .
اذا البيت ما فيه اطفال ممكن تسوي الباب زجاج و الفكرة حلوة.

[RAGA]

السلام عليكم
شوف معماري قطر يو بي في سي
عنده اشكال كثيره
شكرا

[بوخالد911]

الشركة اللي وقعت معاهم
الصيانة عندهم تعبااااااااااااانة من قلب

لذلك ما ذكرت اسمها.

بخصوص الديزاين
عندي الأبواب فيها خشب مع زجاج على شكل قوس
http://up07.s-oman.net/31CTRM08Yd.jpg

نفس بالصورة

[بوخالد911]

ولكن ما أنصح الباب كله يكون من الزجاج
لأن مافي خصوصية
وبالليل لما تفتح الليت
بتشوف شخص بالحمام
حتى لو كان الزجاج مضبب أو رملي

[معماري قطري]

جيرسي يو بي في سي

موجودة ديزاينات متعددة و الوان مختلفة

صحيح ذكرتني بالإسم انا زرت هذي الشركة وعجبتني العينات والمعاملة الطيبة

[معماري قطري]

ما انصح بالالماني .. شوف الدوحة يو بي في سي .
اذا البيت ما فيه اطفال ممكن تسوي الباب زجاج و الفكرة حلوة.

الدوحة بعد زينة وأهم شيء الاتفاق على وقت التسليم والغرامات والدفعات وعلى عينات المقاطع والاكسسوارات موقعة وعليها رقم العقد حتى المهندس المشرف يعرف تفاصيل المادة وينتبه لها ولتركيبها

[معماري قطري]

ولكن ما أنصح الباب كله يكون من الزجاج
لأن مافي خصوصية
وبالليل لما تفتح الليت
بتشوف شخص بالحمام
حتى لو كان الزجاج مضبب أو رملي

معاك بالإضافة لخطورة الزجاج لكن مثل اللي في الصورة عندك بسيط ويعطي شكل

اللي يسوي باب للحمام لازم يسوي فيه فتحات تهوئة لتعويض الهواء المزاح بالمروحة .. أو يسوي الفتحة في الجدار ويحط لوفر للشكل

بالنسبة لمسئلة الصيانة يمكن تحتاجها في البدايات ولازم التجريب مرات ومرات قبل السكن .. وللأسف بعض العيوب التصنيعية لو الشركة مقيمة عندك كل يوم صيانة عمره ما بيتصلح الشغل اللي سووه والشركة اللي سمعتها وشغلها زين ما تحتاج صيانة .. سوينا مبنى على قبل ليدخل اليو بي في سي قطر وطلبناه عن طريق شركة فرنسية وللحين محد يشكي منه

للتجربة بسهولة نخلي حد يرش ماي مضغوط ونشوف لو يتسرب معناها الشغل لك عليه ومهم نشوف اثناء التركيب شالمواد لأن البعض يركب حديد مصدي بدل الغلفنايز ولو انه مذكور في العقد .. الوصلات لازم ملحومة عدل بلحام حراري ولازم ما تبين فيها نتؤات

في النهاية لازم يكون فيه ضبط لصناعة هذي المواد وحتى الألمنيوم ورقابة متواصلة من الدولة ومواصفات دنيا محد ينزل عنها وبالتالي جودة من متوسطة لين عالية مب تمشية حال

[$الملياردير$]

جزاكم الله خير جميعا على مروركم الجميل والعطر ... ومشاركتكم الإيجابية

[بوخالد911]

كل التوفيق.

[خبير الدرايش]

السلام عليكم الشيخ
حياك الله في معرضنا في طريق سلوى عندنا أبواب يو بي في سي بأشكال وألوان مختلفة
وبالتوفيق إن شاء الله

[معماري قطري]

السلام عليكم الشيخ
حياك الله في معرضنا في طريق سلوى عندنا أبواب يو بي في سي بأشكال وألوان مختلفة
وبالتوفيق إن شاء الله

انا من اللي ترعرعوا في طريق سلوى بس صعب ادل وين بالضبط يبي لك تحط اللوكيشن بالضبط من قوقل مابز أو تحدد أكثر احب اشوف من وقت لوقت هذي الشركات المتخصصة

[$الملياردير$]

هلا الله يمسيكم بالخير ... وتقبل الله طاعتكم ... حد عنده خبره وين احصل أبواب فايبر للحمامات ... الراجحي يسوي بس وضع الشركة تعبان جدا بعد الحصار و إغلاق الحدود ... و الا واحد من الربع مركب عندهم حلو جدا ... فل فايبر للحمامات و الملحق الخارجي و ديزاين أخشاب و ألوان الأخشاب ... سالت حد يسويه في الدوحة والا

[معماري قطري]

هلا الله يمسيكم بالخير ... وتقبل الله طاعتكم ... حد عنده خبره وين احصل أبواب فايبر للحمامات ... الراجحي يسوي بس وضع الشركة تعبان جدا بعد الحصار و إغلاق الحدود ... و الا واحد من الربع مركب عندهم حلو جدا ... فل فايبر للحمامات و الملحق الخارجي و ديزاين أخشاب و ألوان الأخشاب ... سالت حد يسويه في الدوحة والا

مختصين الفايبر غلاس هم المفتاح بس للتوانكي خلك على اليو بي في سي ما دام انه موجود وسعره زين أو شوف شركة المتحدة عندهم فوق نوعيات أبواب مصنعة بمواصفات عالية يستوردونها من الكويت وانتاج مصنع وشغل دقيق .. ممكن عندهم حلول للرطوبة .. انا مركب خشب لي حول 12 سنة بس دوم احذر الخادمات من صب الماء قرب الأبواب والحمد لله للحين ما فيه الا تأثير بسيط ومن وقت لوقت احتد اصبغ صبغ حماية وناوي اغير الصبغ واللون عن قريب كتجديد شامل

[mr. abdulla]

مختصين الفايبر غلاس هم المفتاح بس للتوانكي خلك على اليو بي في سي ما دام انه موجود وسعره زين أو شوف شركة المتحدة عندهم فوق نوعيات أبواب مصنعة بمواصفات عالية يستوردونها من الكويت وانتاج مصنع وشغل دقيق .. ممكن عندهم حلول للرطوبة .. انا مركب خشب لي حول 12 سنة بس دوم احذر الخادمات من صب الماء قرب الأبواب والحمد لله للحين ما فيه الا تأثير بسيط ومن وقت لوقت احتد اصبغ صبغ حماية وناوي اغير الصبغ واللون عن قريب كتجديد شامل

اخوي تنصح اتعامل مع اي شركة لصاينة الابوابو الصبغ.. و ما تقصر

[معماري قطري]

اخوي تنصح اتعامل مع اي شركة لصاينة الابوابو الصبغ.. و ما تقصر

قبل الله يسلمك توفقت في عامل يشتغل بنفسه ويصبغ الباب ب 100 ريال وخذ وقت طويل كل فترة يجي ويصبغ باب يدوي ومعاه السواق يساعده .. والصبغ كان ليكر مب صبغ بالمعنى الصحيح مثل طبقة الحماية

لو صيانة وتغيير لون ما ادري صراحة شالحل ومن تشوف منجرة أو شخص وحتى انا للحين متردد ما اظن محتاج اصبغ بسرعة