استشاره في شركات مقاولات

[ALJokar]

اخواني عندي اساله بحيث اني عليمي ف البناء بغيت استفسر شنو احسن شركة تصمم لي خرايط للبيت لاني حصلت شركات مابين 7000 الى 25000 ع الخريطه فما ادري شنو السبب شنو الفايده فالموضوع ف التصميم هل هو مهم او الي رخيص مايقدر يغطي مثلا نفس الي بيسوي لي غالي فالخريطه فالموضوع اشوفه كذا هل فيه احد يقدر يفيدني
بالنسبة لشركات المقاولات ممكن احد يقدر يفيدني كم اسعارهم تقريبيه حق مثلا تشطيب ممتاز على المفتاح مجلس خارجي وبنت هاوس وملاحق خارجيه للمطبخ وستور هل توصل الى مليونين

بالنسبه بعد للشركة المقاولات شنو افضل الشركات الي بنيت بيوت مصنفه وزينه ف السوق


شنو احسن الاستشاريين ف السوق

سمعتو عن مكتب الريان للاستشارات الهندسيه شرايكم فيه
وشرايكم ف شركة حمد بن خالد للتجاره والمقاولات مع مهندسهم نضال عبدالرحمن

عندي اساله كثيره استحملوني لاني اول مره ابني وابي اتجنب الاخطاء قد ما اقدر لاني متوقع اني راح اطيح ف خطا بس احاول اني اخذ الحذر شوي ولا اتسرع

[معماري قطري]

أي مكتب تحصل مستواه متغير وقليل اللي ثابت وسمعته جيدة وكذلك الشركات

المكاتب لها تصنيف كل سنة يجدد وترخيص .. تقدر تسئل عن تصنيفه من المدير وتطلب نسخة من الترخيص وفيه مكتوبة الفئة والتخصص .. بعض المكاتب معماري فقط وبعضهم معماري - انشائي وبعضهم معماري انشائي كهرباء ميكانيك .. وهذا أقل شيء مناسب للمنازل والفئة حتى لو رابعة يمشي الحال لكن الأُولى فيه مهندسين أكثر

كذلك تقدر تطلب اجتماع مبدئي مع الفريق الهندسي اللي بيخلص التصميم وتناقشهم وتشوف تصاميم سابقة لهم .. مثلاً المعماري قائد الفريق وهو الأهم وبعده الإنشائي والمعماري لو كان صغير بتعرف كيف سيماؤهم في وجوههم وبعضهم يناقشك بموضوعية ويسوي لك سكتش سريع وتحصله بارع في الرسم ويوضح الفكرة بسرعة .. وبعض المكاتب تحصلهم يسمون الرسام العادي مهندز .. لذلك جيد تشوف لستة المهندسين ويكونون مرخصين وعلى كفالة المكتب وتعرف خبراتهم

مهم تشوف نموذج لعقد التصميم والدفعات ويحق لك تعدل لين تخلص مرحلة الموافقة المبدئية والمسماة دي سي 1 واللي هي للتصميم المعماري فقط بدون الخدمات

أسئلتك كلها مجاوب عليها في مواضيع سابقة وفي موضوع العقود تمت تغطية نقاط كثيرة

حتى الشركات تكلمنا عنها وبعضها يتغير مستواها بين يوم وليلة وجيد تشوف مقر الشركة وتعرف عدد الموظفين والعمال اللي على كفالتها واستعدادها للتنفيذ ولو تشوف عينة من شغلها .. وبعض الشركات تاخذ شغل فوق حجمها والمفروض فيه توثيق للعقود في الدولة ويمنع أي مقاول من أخذ مشاريع فوق طاقته ومن يمسك مخالف تكون عليه اجراءات قضائية صارمة .. كذلك المفروض التصنيف عملية مستمرة وتكون محدثة كل ثلاث شهور على موقع مفتوح للجميع بدل الواحد ما يتعب للحصول على المعلومة وهذا تقصير كبير في أجهزة الدولة المختصة

[$الملياردير$]

اخواني عندي اساله بحيث اني عليمي ف البناء بغيت استفسر شنو احسن شركة تصمم لي خرايط للبيت لاني حصلت شركات مابين 7000 الى 25000 ع الخريطه فما ادري شنو السبب شنو الفايده فالموضوع ف التصميم هل هو مهم او الي رخيص مايقدر يغطي مثلا نفس الي بيسوي لي غالي فالخريطه فالموضوع اشوفه كذا هل فيه احد يقدر يفيدني
بالنسبة لشركات المقاولات ممكن احد يقدر يفيدني كم اسعارهم تقريبيه حق مثلا تشطيب ممتاز على المفتاح مجلس خارجي وبنت هاوس وملاحق خارجيه للمطبخ وستور هل توصل الى مليونين

بالنسبه بعد للشركة المقاولات شنو افضل الشركات الي بنيت بيوت مصنفه وزينه ف السوق


شنو احسن الاستشاريين ف السوق

سمعتو عن مكتب الريان للاستشارات الهندسيه شرايكم فيه
وشرايكم ف شركة حمد بن خالد للتجاره والمقاولات مع مهندسهم نضال عبدالرحمن

عندي اساله كثيره استحملوني لاني اول مره ابني وابي اتجنب الاخطاء قد ما اقدر لاني متوقع اني راح اطيح ف خطا بس احاول اني اخذ الحذر شوي ولا اتسرع
اعتقد اسم الشركة حمد بن خليفة مب حمد بن خالد .... تأكد اخوي ... عشان نضال ماسك شركة حمد بن خليفة اعتقد ... ارجو تصحيح لي اذا انا غلطان

[$الملياردير$]

مكتب الريان لدي تحفظ عليه من خلال تجربة احد الاصدقاء مع الشكر

[معماري7]

اذا تقصد شركة hbk
بس ما ادري اذا هي حمد بن خالد او خليفة
لكن هي شركة محترمة وعندها شغل جدا ممتاز في السد صوب رويال بلازا

اما مكتب الريان ما عندي فكرة عنه

الله يسهل ان شاء الله

[معماري قطري]

اتش بي كي أكيد ما عليها كلام ولا اعتقد تسوي مشاريع صغيرة

اتش كي اتش حمد بن خالد بن حمد شركة محترمة وقوية ومجربها في بنيان حكومي وما قصروا في بيتي بس بعد مشغولين في المدارس أكثر شيء ومشاريع الأوقاف لكن ما يمكن عندهم فراغ